അഫ്ഗാനിസ്ഥാനില്‍ 23.7 ദശലക്ഷം ആളുകള്‍ക്ക് മാനുഷിക സഹായം ആവശ്യമാണെന്ന് UNICEF

അഫ്ഗാനിസ്ഥാനില്‍ മാനുഷിക സഹായം ആവശ്യമുള്ള 23.7 ദശലക്ഷം ആളുകളില്‍ 12.3 ദശലക്ഷവും കുട്ടികളാണെന്ന് UNICEF. അഫ്ഗാനിസ്ഥാനിലെ കുട്ടികളുടെ ആവശ്യത്തിന് വേണ്ട തുകയുടെ 35 ശതമാനം മാത്രമെ ശേഖരിക്കാന്‍ സാധിച്ചുള്ളുവെന്ന് മാര്‍ച്ചില്‍ പുറത്തുവിട്ട റിപ്പോര്‍ട്ടില്‍ UNICEF പറയുന്നു. നീണ്ടു നില്‍ക്കുന്ന സംഘര്‍ഷങ്ങള്‍, കാലാവസ്ഥാ വ്യതിയാനം, സാമ്പത്തിക മാന്ദ്യം, തൊഴില്‍ക്ഷാമം എന്നിവ രാജ്യത്തെ ദാരിദ്ര്യം ഉയരാന്‍ കാരണമായെന്ന് റിപ്പോര്‍ട്ടില്‍ പറയുന്നു.

World240 days ago

അഫ്ഗാനിസ്ഥാനില്‍ പോളിയോ വാക്‌സിനേഷന്‍ നിരോധിച്ച് താലിബാന്‍

സെപ്റ്റംബര്‍ മുതല്‍ അഫ്ഗാനിസ്ഥാനില്‍ പോളിയോ വാക്സിനേഷന്‍ ക്യാമ്പെയിന്‍ ആരംഭിക്കുമെന്ന് UN അറിയിച്ചതിന് പിന്നാലെയാണ് താലിബാന്റെ വിലക്ക്. ഇത് സംബന്ധിച്ച ഔദ്യോഗിക വിവരങ്ങള്‍ UNന് അയച്ചിട്ടുണ്ട്. എന്നാല്‍ പോളിയോ വാക്സിനേഷന് വിലക്കേര്‍പ്പെടുത്തിയതിന് പിന്നിലെ കാരണമൊന്നും താലിബാന്‍ വ്യക്തമാക്കിയിട്ടില്ല. അയല്‍രാജ്യമായ പാകിസ്ഥാനിലും പോളിയോ വാക്‌സിനേഷന്‍ നടത്തുന്ന ആരോഗ്യ പ്രവര്‍ത്തകര്‍ക്ക് നേരെ ആക്രമണങ്ങള്‍ ഉണ്ടെന്നാണ് റിപ്പോര്‍ട്ടുകള്‍.

World99 days ago

മധ്യപ്രദേശ് മുഖ്യമന്ത്രിയുടെ ആരോഗ്യ പദ്ധതിക്ക് UNICEF ന്റെ അഭിനന്ദനം

ഇന്ത്യയിലെ കൗമാരക്കാർക്കിടയിൽ ആർത്തവ ആരോഗ്യം പ്രോത്സാഹിപ്പിക്കുന്നതിനുള്ള മധ്യപ്രദേശ് മുഖ്യമന്ത്രി മോഹൻ യാദവിൻ്റെ സംരംഭങ്ങളെ UNICEF പ്രശംസിച്ചു. മധ്യപ്രദേശിലെ 19 ലക്ഷത്തോളം വരുന്ന ഏഴാം ക്ലാസ്സ് മുതൽ 12-ാം ക്ലാസ്സ് വരെയുള്ള പെൺകുട്ടികളുടെ ബാങ്ക് അക്കൗണ്ടുകളിലേക്ക് സമഗ്ര ശിക്ഷ സാനിറ്റേഷൻ ആൻഡ് ഹൈജീൻ സ്കീം എന്ന പദ്ധതിയുടെ ഭാഗമായി 57.18 കോടി രൂപ ട്രാൻസ്ഫര്‍ ചെയ്ത നടപടിയാണ് ശ്രദ്ധനേടിയത്. സ്കൂള്‍ വിദ്യാഭ്യാസ വകുപ്പിന്‍റെ കീഴിലുള്ള ഈ പദ്ധതിയിലൂടെയുള്ള പണം സാനിറ്ററി നാപ്കിനുകള്‍ വാങ്ങാനാണ് ചെലവഴിക്കുക. ഇതിന് പുറമെ വൃത്തിയെയും ആരോഗ്യത്തെയും കുറിച്ച് വിദ്യാര്‍ത്ഥികള്‍ക്ക് അവബോധന ക്ലാസ്സുകളും നൽകും.

National128 days ago

ട്വന്റി 20 ലോകകപ്പ്: അഫ്ഗാനെ തകര്‍ത്ത് ദക്ഷിണാഫ്രിക്ക ഫൈനലില്‍

സെമിഫൈനല്‍ മത്സരത്തില്‍ അഫ്ഗാനിസ്ഥാനെ തോല്‍പ്പിച്ചാണ് ദക്ഷിണാഫ്രിക്ക ഫൈനലില്‍ പ്രവേശിച്ചത്. ടോസ് നേടി ആദ്യം ബാറ്റിങ്ങിനിറങ്ങിയ അഫ്ഗാനെ 56 റണ്‍സിന് ഓള്‍ഔട്ടാക്കിയാണ് ദക്ഷിണാഫ്രിക്ക ലക്ഷ്യം കണ്ടത്. 8.5 ഓവറില്‍ ഒരു വിക്കറ്റ് നഷ്ടത്തില്‍ 60 റണ്‍സ് ആണ് ദക്ഷിണാഫ്രിക്ക സ്വന്തമാക്കിയത്. ലോകകപ്പില്‍ ആദ്യമായാണ് ദക്ഷിണാഫ്രിക്ക ഫൈനലിലെത്തുന്നത്. ഇന്ത്യ-ഇംഗ്ലണ്ട് സെമിഫൈനല്‍ മത്സരത്തിലെ വിജയിയെയാണ് ഫൈനലില്‍ ദക്ഷിണാഫ്രിക്ക നേരിടേണ്ടത്.

Sports181 days ago

ബംഗ്ലാദേശിനെ തകര്‍ത്ത് അഫ്ഗാനിസ്ഥാന്‍ സെമിയില്‍; ഓസ്‌ട്രേലിയ പുറത്ത്

ബംഗ്ലാദേശിനെതിരെ എട്ട് റണ്‍സ് വിജയം സ്വന്തമാക്കിയാണ് അഫ്ഗാനിസ്ഥാന്‍ ആദ്യമായി ട്വന്റി 20 ലോകകപ്പിന്റെ സെമിയിലെത്തുന്നത്. ക്യാപ്റ്റന്‍ റാഷിദ് ഖാന്റെ നേതൃത്വത്തിലുള്ള ബൗളിങ് നിരയാണ് അഫ്ഗാനെ ജയിപ്പിച്ചത്. റാഷിദ് ഖാനും നവീന്‍ ഉള്‍ ഹഖും നാല് വീതം വിക്കറ്റുകള്‍ വീഴ്ത്തി ബംഗ്ലാദേശിനെ പ്രതിരോധത്തിലാക്കുകയായിരുന്നു. ആദ്യം ബാറ്റ് ചെയ്ത അഫ്ഗാനിസ്ഥാന്‍ നിശ്ചിത ഓവറില്‍ അഞ്ച് വിക്കറ്റ് നഷ്ടത്തില്‍ 115 റണ്‍സ് എടുത്തപ്പോള്‍ 17.5 ഓവറില്‍ വെറും 105 റണ്‍സെ ബംഗ്ലാദേശിന് നേടാന്‍ സാധിച്ചുള്ളു. മഴ കാരണം DLS നിയമപ്രകാരം ബംഗ്ലാദേശിന്റെ വിജയലക്ഷ്യം 19 ഓവറില്‍ 113 റണ്‍സ് ആക്കിയിരുന്നു,

Sports183 days ago

T20 ലോകകപ്പ്; ഓസ്‌ട്രേലിയയെ 21 റണ്‍സിന് അട്ടിമറിച്ച് അഫ്ഗാനിസ്ഥാന്‍

ആദ്യം ബാറ്റ് ചെയ്ത അഫ്ഗാനിസ്ഥാന്‍ 149 റണ്‍സ് ആണ് നേടിയത്. ഈ വിജയലക്ഷ്യത്തിലേക്ക് എത്തിപ്പിടിക്കാന്‍ ശ്രമിച്ച ഓസ്‌ട്രേലിയ 19.2 ഓവറില്‍ 127 റണ്‍സിന് ഓള്‍ ഔട്ടായി. മൂന്ന് നിര്‍ണായക ക്യാച്ചുകളും നാലു വിക്കറ്റും വീഴ്ത്തിയ ഗുല്‍ബാദിന്‍ നൈബാണ് കളിയിലെ താരം. ഓസീസിനായി അര്‍ധസെഞ്ചുറിയുമായി മാക്‌സ്വെല്‍ പൊരുതിയെങ്കിലും ജയം സ്വന്തമാക്കാനായില്ല.

Sports185 days ago

ടി20 ലോകകപ്പ്: ഇന്ത്യ ഇന്ന് അഫ്ഗാനിസ്ഥാനെ നേരിടും

ടി20 ലോകകപ്പിലെ സൂപ്പര്‍ 8 പോരാട്ടത്തില്‍ ഇന്ത്യ ഇന്ന് അഫ്ഗാനിസ്ഥാനെ നേരിടും. ഇന്ന് രാത്രി 8 മണിക്ക് ബാര്‍ബഡോസിലെ കെന്‍സിംഗ്ടണ്‍ ഓവലിലാണ് മത്സരം നടക്കുക. മൂന്ന് മത്സരങ്ങള്‍ ജയിച്ച് ഏഴ് പോയിന്റമായാണ് ഇന്ത്യ ഇന്ന് പോരിനിറങ്ങുന്നത്. രണ്ടാം മത്സരത്തില്‍ ബംഗ്ലാദേശാണ് ഇന്ത്യയുടെ എതിരാളികള്‍. 24 നാണ് ആരാധകര്‍ ഏറെ ആകാഷയോടെ കാത്തിരിക്കുന്ന ഇന്ത്യ - ഓസ്‌ട്രേലിയ പോരാട്ടം.

Sports188 days ago

അഫ്ഗാനിസ്ഥാനിലെ പ്രളയം; മരണസംഖ്യ 300 കടന്നു

അഫ്ഗാനിസ്ഥാന്റെ വടക്കന്‍ മേഖലയിലുണ്ടായ മിന്നല്‍ പ്രളയം വന്‍ നാശനഷ്ടമാണ് ഉണ്ടാക്കിയത്. നിരവധിപ്പേര്‍ക്ക് പരിക്കേല്‍ക്കുകയും ഒട്ടനവധി ആളുകളെ കാണാതാവുകയും ചെയ്തിട്ടുണ്ട്. ബാഗ്ലാന്‍, തക്കര്‍ പ്രവിശ്യകളിലുണ്ടായ കനത്ത മഴയാണ് പ്രളയത്തിന് കാരണമായത്. വടക്കുകിഴക്കന്‍ പ്രവിശ്യയായ ബഡക്ഷാന്‍, മധ്യമേഖലയിലെ ഘോര്‍, പടിഞ്ഞാറന്‍ മേഖലയിലെ ഹെറാത് എന്നിവിടങ്ങളില്‍ ഇപ്പോഴും കനത്ത മഴ തുടരുകയാണ്.

World227 days ago

അഫ്ഗാനിസ്ഥാനില്‍ വെള്ളപ്പൊക്കം; 150 മരണം, നിരവധിപ്പേര്‍ക്ക് പരിക്ക്

ശക്തമായ മഴയെ തുടര്‍ന്ന് രാജ്യത്തിന്റെ വടക്കന്‍ മേഖലയിലാണ് വെള്ളപ്പൊക്കമുണ്ടായത്. ബദക്ഷാന്‍, ബഗ്ലാന്‍, ഘോര്‍, ഹെറാത്ത് എന്നീ പ്രവിശ്യകളിലാണ് ഏറ്റവും കൂടുതല്‍ നാശനഷ്ടമുണ്ടായത്. വെള്ളപ്പൊക്കത്തില്‍ കുടുങ്ങിയ ആളുകളെ സൈനിക ആശുപത്രികളിലേക്ക് മാറ്റിയതായും താലിബാന്‍ പ്രതിരോധ മന്ത്രാലയം.

World228 days ago

കനത്ത മഴ; അഫ്ഗാനിസ്ഥാനില്‍ 33 മരണം, 600 ഓളം വീടുകള്‍ തകര്‍ന്നു

അഫ്ഗാനിസ്ഥാനില്‍ കനത്ത മഴയെ തുടര്‍ന്നുണ്ടായ വെള്ളപ്പൊക്കത്തില്‍ മൂന്നു ദിവസത്തിനിടെ 33 പേര്‍ മരിക്കുകയും 27 പേര്‍ക്ക് പരിക്കേല്‍ക്കുകയും ചെയ്തതായി താലിബാന്‍ വക്താവ് അറിയിച്ചു. വെള്ളപ്പൊക്കത്തില്‍ 200 ഓളം കന്നുകാലികള്‍ ചത്തു. 600ലധികം വീടുകള്‍ക്ക് നാശനഷ്ടമുണ്ടായി. പടിഞ്ഞാറന്‍ ഫറാ, ഹെറാത്ത്, തെക്കന്‍ സാബുള്‍, കാണ്ഡഹാര്‍ എന്നിവിടങ്ങളിലാണ് കൂടുതല്‍ നാശനഷ്ടമുണ്ടായതെന്ന് താലിബാന്‍ ദുരന്ത നിവാരണ മന്ത്രാലയ വക്താവ് അബ്ദുല്ല ജനന്‍ സെയ്ഖ് അറിയിച്ചു.

World254 days ago

അഫ്ഗാനിസ്ഥാനില്‍ ഈ വര്‍ഷം മൂന്ന് മില്യണ്‍ കുട്ടികള്‍ പോഷകാഹാരക്കുറവ് നേരിടുമെന്ന് ആഗോള ഭക്ഷ്യപദ്ധതി

കഴിഞ്ഞ വര്‍ഷം മുതല്‍ രാജ്യത്തിന് നല്‍കി വരുന്ന വിദേശ സഹായം കുറച്ചതിനാലാണ് പോഷകാഹാരക്കുറവുള്ള കുട്ടികളുടെ എണ്ണം വര്‍ധിച്ചതെന്ന് ആഗോള ഭക്ഷ്യപദ്ധതി ( WFP) വ്യക്തമാക്കി. പോഷകാഹാരക്കുറവിനെ തുടര്‍ന്ന് മതിയായ ചികിത്സ വേണ്ട കുട്ടികളുടെ എണ്ണം കൂടുകയാണെന്നും സംഘടന അറിയിച്ചു. 2021ല്‍ താലിബാന്‍ ഭരണം പിടിച്ചെടുത്തതിന് ശേഷം അഫ്ഗാനിസ്ഥാനില്‍ ഭൂരിഭാഗം കുടുംബങ്ങള്‍ക്കും കുട്ടികള്‍ക്ക് ഭക്ഷണം പോലും കൊടുക്കാന്‍ കഴിയാത്ത സ്ഥിതിയാണുള്ളത് എന്നാണ് റിപ്പോര്‍ട്ട്.

World268 days ago