പുതിയ തിരഞ്ഞെടുപ്പ് കമ്മിഷണർമാരുടെ നിയമനം രാഷ്ട്രപതി അംഗീകരിച്ചു

പുതിയ തിരഞ്ഞെടുപ്പ് കമ്മിഷണർമാരായി വിരമിച്ച മുൻ IAS ഉദ്യോഗസ്ഥരായ ഗ്യാനേഷ് കുമാറിനെയും സുഖ്ബിർ സന്ധുവിനെയും നിയമിച്ച് രാഷ്ട്രപതി ദ്രൗപതി മുർമു ഉത്തരവ് പുറപ്പെടുവിച്ചു. പ്രധാനമന്ത്രി നരേന്ദ്ര മോദിയുടെ അധ്യക്ഷതയിലുള്ള ഉന്നതതല സമിതിയാണ് ഇരുവരെയും തിരഞ്ഞെടുപ്പ് കമ്മിഷണർമാരായി നിർദേശിച്ചത്. കമ്മിഷണർ സ്ഥാനത്തേക്കു പരിഗണിക്കുന്നവരുടെ ചുരുക്കപ്പട്ടിക നൽകാതെ പുതിയ തിരഞ്ഞെടുപ്പ് കമ്മിഷണർമാരെ നിയമിച്ചതിൽ പ്രതിപക്ഷം വിയോജിപ്പ് രേഖപ്പെടുത്തിയിരുന്നു.

National286 days ago

ലോക്സഭാ തിരഞ്ഞെടുപ്പ്: സംസ്ഥാനത്ത് ആകെ രേഖപ്പെടുത്തിയത് 71.27 ശതമാനം പോളിങ്

കേരളത്തില്‍ ആകെയുള്ള 2,77,49,158 വോട്ടര്‍മാരില്‍ 1,97,77478 പേര്‍ ഏപ്രില്‍ 26 ന് പോളിങ് ബൂത്തുകളിലെത്തി EVM വഴി വോട്ട് രേഖപ്പെടുത്തിയതായി മുഖ്യ തിരഞ്ഞെടുപ്പ് ഓഫീസര്‍ സഞ്ജയ് കൗള്‍ അറിയിച്ചു. ഇവരില്‍ 94,75,090 പേര്‍ പുരുഷ വോട്ടര്‍മാരും 1,0302238 പേര്‍ സ്ത്രീ വോട്ടര്‍മാരും 150 പേര്‍ ഭിന്നലിംഗ വോട്ടര്‍മാരുമാണ്. ആബ്സന്റീ വോട്ടര്‍ വിഭാഗത്തില്‍ 1,80,865 വോട്ടും തിരഞ്ഞെടുപ്പ് ഡ്യൂട്ടിയുള്ള ഉദ്യോഗസ്ഥരുടെ വിഭാഗത്തില്‍ 41,904 പോസ്റ്റല്‍ വോട്ടും രേഖപ്പെടുത്തിയിട്ടുണ്ടെന്നും അദ്ദേഹം അറിയിച്ചു.Read More

Kerala241 days ago

വോട്ടെടുപ്പ് വൈകിയത് കൃത്യത ഉറുപ്പുവരുത്താനുള്ള ജാഗ്രതയെ തുടർന്ന്: തിരഞ്ഞെടുപ്പ് കമ്മീഷൻ

സംസ്ഥാനത്തെ ചില ബൂത്തുകളിൽ പോളിങ് വൈകിയത് കൃത്യത ഉറപ്പുവരുത്തുന്നതിനായി ഉദ്യോഗസ്ഥർ ജാഗ്രത പാലിച്ചത് മൂലമാണെന്ന് മുഖ്യ തിരഞ്ഞെടുപ്പ് കമ്മീഷണർ സഞ്ജയ് കൗൾ. വൈകിട്ട് ആറ് മണിയോടെ 95 ശതമാനം ബൂത്തുകളിലും എട്ട് മണിയോടെ 99 ശതമാനം ബൂത്തുകളിലും പോളിങ് പൂർത്തിയായി എന്ന് അദ്ദേഹം പറഞ്ഞു. വടകര മണ്ഡലത്തിലെ ചില ബൂത്തുകളിൽ മാത്രമാണ് വൈകിയും വോട്ടെടുപ്പ് നടന്നതെന്നും തിരഞ്ഞടുപ്പ് കമ്മീഷണർ അറിയിച്ചു. വൈകിട്ട് അഞ്ച് മണിക്ക് ശേഷം ഈ ബൂത്തുകളിൽ കൂടുതൽ വോട്ടർമാർ എത്തിയതിനെ തുടർന്നാണ് വൈകിയും വോട്ടെടുപ്പ് നടന്നതെന്ന് അദ്ദേഹം പറഞ്ഞു.

Kerala243 days ago

വീട്ടിലെത്തി വോട്ട്: വീഴ്ചയുണ്ടായാൽ കർശന നടപടിയെന്ന് മുഖ്യതിരഞ്ഞെടുപ്പ് ഓഫീസർ

മുതിർന്ന പൗരന്മാർക്കും ഭിന്നശേഷിക്കാർക്കുമായി തിരഞ്ഞെടുപ്പ് കമ്മീഷൻ തയാറാക്കിയ വീട്ടിൽ വോട്ട് പ്രക്രിയ നടത്തുമ്പോൾ ഉദ്യോഗസ്ഥർ ജാഗ്രത പാലിക്കണമെന്നും തിരഞ്ഞെടുപ്പിന്റെ അന്തസ് കാത്ത് സൂക്ഷിക്കണമെന്നും മുഖ്യതിരഞ്ഞെടുപ്പ് ഓഫീസർ സഞ്ജയ് കൗൾ പറഞ്ഞു. വീട്ടിൽ വോട്ട് ചെയ്യാൻ അനുവദിക്കുന്ന പ്രക്രിയയിൽ വീഴ്ച വരുത്തുന്ന ഉദ്യോഗസ്ഥർക്കെതിരെ കർശന നടപടി സ്വീകരിക്കുമെന്നും മുഖ്യതിരഞ്ഞെടുപ്പ് ഓഫീസർ അറിയിച്ചു. കണ്ണൂര്‍ കല്യാശ്ശേരിയില്‍ 92 വയസ്സുള്ള മുതിര്‍ന്ന വനിതയുടെ വോട്ട് രേഖപ്പെടുന്നതിനിടെ ക്രമവിരുദ്ധമായ ഇടപെടൽ ഉണ്ടായതിൽ ആറ് ഉദ്യോഗസ്ഥരെ സസ്‌പെൻഡ് ചെയ്തിരുന്നു.

Kerala251 days ago

തിരഞ്ഞെടുപ്പ് പ്രചാരണത്തിന് അനുമതിയില്ലാതെ വാഹനങ്ങള്‍ ഉപയോഗിക്കരുതെന്ന് മുഖ്യതിരഞ്ഞെടുപ്പ് ഓഫീസര്‍

ലോക്സഭ തിരഞ്ഞെടുപ്പ് പ്രചാരണത്തിന് അനുമതിയില്ലാതെ വാഹനം ഉപയോഗിക്കുന്നതായി കണ്ടെത്തിയാല്‍ അനധികൃത പ്രചാരണം നടത്തിയതിന് IPC 9(എ) പ്രകാരമുള്ള ശിക്ഷാ നടപടി സ്വീകരിക്കുമെന്ന് സഞ്ജയ് കൗള്‍ വ്യക്തമാക്കി. പ്രചാരണത്തിന് ഉപയോഗിക്കുന്ന എല്ലാ വാഹനങ്ങളും അനുമതി വാങ്ങിയ ശേഷമേ ഉപയോഗിക്കാവൂ എന്നും അദ്ദേഹം പറഞ്ഞു. പ്രചാരണങ്ങളുമായി ബന്ധപ്പെട്ട് 10 വാഹനങ്ങളിലധികം കോണ്‍വോയ് ആയി സഞ്ചരിക്കാന്‍ പാടില്ലെന്നും മുഖ്യതിരഞ്ഞെടുപ്പ് ഓഫീസര്‍ അറിയിച്ചു.

National256 days ago

ലോക്സഭാ തിരഞ്ഞെടുപ്പ്: വ്യാജ വാർത്തകൾക്കെതിരെ കർശന നടപടി സ്വീകരിക്കും

തിരഞ്ഞെടുപ്പിന്റെ വിശ്വാസ്യതയെ തകർക്കുന്ന വ്യാജ വാർത്തകൾക്കെതിരെ ജാഗ്രത പാലിക്കണമെന്നും ഇത്തരം വാർത്തകൾ പ്രചരിപ്പിക്കുന്നവർക്കെതിരെ കർശന നടപടി സ്വീകരിക്കുമെന്നും മുഖ്യ തിരഞ്ഞെടുപ്പ് ഓഫീസർ സഞ്ജയ് കൗൾ പറഞ്ഞു. മാധ്യമങ്ങൾ നിരീക്ഷിക്കുന്നതിനായി മീഡിയ മോണിറ്ററിംഗ് സെല്ലുകൾ പ്രവർത്തിക്കുന്നുണ്ടെന്നും വ്യാജ വാർത്തകൾ, പെരുമാറ്റച്ചട്ടത്തിന് വിരുദ്ധമായ വാർത്തകൾ തുടങ്ങിയവ കണ്ടെത്തിയാൽ നിയമ നടപടികൾ സ്വീകരിക്കുമെന്നും അദ്ദേഹം വ്യക്തമാക്കി.

National260 days ago

മുഖ്യ തിരഞ്ഞെടുപ്പ് കമ്മീഷണര്‍ രാജീവ് കുമാറിന് Z കാറ്റഗറി സുരക്ഷ

സുരക്ഷാ ഭീഷണിയുടെ പശ്ചാത്തലത്തിലാണ് രാജീവ് കുമാറിന് കേന്ദ്ര സര്‍ക്കാര്‍ സുരക്ഷ ഒരുക്കിയത്. കേന്ദ്ര സുരക്ഷ ഏജന്‍സികളാണ് അദ്ദേഹത്തിന് Z കാറ്റഗറി സുരക്ഷയൊരുക്കണമെന്ന് ആഭ്യന്തര മന്ത്രാലയത്തിനോട് ശുപാര്‍ശ ചെയ്തത്. നടപടിയെ തുടര്‍ന്ന് 40-45 സായുധ സേനാംഗങ്ങളെ അദ്ദേഹത്തിന്റെ സുരക്ഷയ്ക്കായി നിയോഗിക്കും. 2022 മെയ് 15നാണ് രാജീവ് കുമാര്‍ മുഖ്യ തിരഞ്ഞെടുപ്പ് കമ്മീഷണറായി ചുമതലയേറ്റത്.

National261 days ago

ലോക്‌സഭാ തിരഞ്ഞെടുപ്പ്: ഒരുക്കങ്ങള്‍ പൂര്‍ണമെന്ന് മുഖ്യ തിരഞ്ഞെടുപ്പ് ഓഫീസര്‍

രാജ്യത്ത് സുതാര്യവും സുരക്ഷിതവുമായ തിരഞ്ഞെടുപ്പ് നടത്തുന്നതിനുള്ള നടപടികള്‍ സ്വീകരിച്ചതായി മുഖ്യ തിരഞ്ഞെടുപ്പ് ഓഫീസര്‍ സഞ്ജയ് കൗള്‍. വോട്ടര്‍ ഐഡി കാര്‍ഡിന് പുറമേ തിരഞ്ഞെടുപ്പ് കമ്മീഷന്‍ അംഗീകരിച്ചിട്ടുള്ള മറ്റ് തിരിച്ചറിയല്‍ രേഖകള്‍ ഉപയോഗിച്ചും വോട്ട് ചെയ്യാം. വോട്ടര്‍ പട്ടികയില്‍ പേരില്ലാത്തവര്‍ക്ക് മാര്‍ച്ച് 25 വരെ അപേക്ഷിക്കാവുന്നതാണെന്നും അദ്ദേഹം പറഞ്ഞു. മാര്‍ച്ച് 18 വരെയുള്ള കണക്കനുസരിച്ച് സംസ്ഥാനത്ത് 2,72,80,160 വോട്ടര്‍മാരാണ് ഉള്ളത്.

National281 days ago

ലോക്‌സഭ തിരഞ്ഞെടുപ്പ്: വ്യാജ വാര്‍ത്തകള്‍ തടയാന്‍ കര്‍ശന നടപടി ഉണ്ടാകുമെന്ന് തിരഞ്ഞെടുപ്പ് കമ്മീഷന്‍

തിരഞ്ഞെടുപ്പുമായി ബന്ധപ്പെട്ട വിദ്വേഷ പ്രസംഗങ്ങള്‍ക്ക് വിലക്കേര്‍പ്പെടുത്തുമെന്ന് തിരഞ്ഞെടുപ്പ് കമ്മീഷന്‍ വ്യക്തമാക്കി. സാമൂഹിക മാധ്യമങ്ങളും ഓണ്‍ലൈന്‍ പണമിടപാടുകളും കര്‍ശനമായി നിരീക്ഷിക്കും. പെരുമാറ്റച്ചട്ട ലംഘനം ഒരു കാരണവശാലും അനുവദിക്കില്ലെന്നും 2100 നിരീക്ഷകരെ നിയമിക്കുമെന്നും കമ്മീഷന്‍ അറിയിച്ചു. കുട്ടികളെ പ്രചാരണത്തിന് ഇറക്കരുതെന്നും നിര്‍ദേശിച്ചു. ലംഘനങ്ങള്‍ ശ്രദ്ധയില്‍പ്പെട്ടാല്‍ കമ്മീഷന്റെ ഇടപെടല്‍ താക്കീതില്‍ ഒതുങ്ങില്ലെന്നും മുന്നറിയിപ്പ് നല്‍കിയിട്ടുണ്ട്.

Kerala285 days ago

പുതിയ തിരഞ്ഞെടുപ്പ് കമ്മീഷണര്‍മാരുടെ നിയമനം സ്റ്റേ ചെയ്യാന്‍ വിസമ്മതിച്ച് സുപ്രീംകോടതി

തിരഞ്ഞെടുപ്പ് കമ്മീഷണര്‍മാരെ നിയമിക്കുന്നതിനുളള പ്രക്രിയയില്‍ നിന്ന് സുപ്രീംകോടതി ചീഫ് ജസ്റ്റിസിനെ ഒഴിവാക്കി 2023ല്‍ പുതിയ നിയമം പുറപ്പെടുവിച്ചിരുന്നു. ഇതനുസരിച്ചുളള പുതിയ തിരഞ്ഞെടുപ്പ് കമ്മീഷണര്‍മാരുടെ നിയമനം സ്റ്റേ ചെയ്യേണ്ടതില്ലെന്നാണ് സുപ്രീംകോടതി വ്യക്തമാക്കിയിരിക്കുന്നത്. കേസ് പരിഗണിക്കുന്നത് മാര്‍ച്ച് 21ലേക്ക് മാറ്റി.

National286 days ago

പുതിയ തിരഞ്ഞെടുപ്പ് കമ്മീഷണര്‍മാരായി ഗ്യാനേഷ് കുമാറും സുഖ്ബീര്‍ സിംഗ് സന്ധുവും ചുമതലയേറ്റു

ഇരുവരും ചുമതലയേറ്റതോടെ ലോക്‌സഭ തിരഞ്ഞെടുപ്പ് തീയതിയെക്കുറിച്ച് ആലോചിക്കാന്‍ ഉടന്‍ യോഗം ചേരും. വോട്ടെടുപ്പിന് പൂര്‍ണ സജ്ജമാണെന്ന് തിരഞ്ഞെടുപ്പ് കമ്മീഷന്‍ അറിയിച്ചു. മുതിര്‍ന്ന IAS ഉദ്യോഗസ്ഥരായ ഗ്യാനേഷ് കുമാര്‍, സുഖ്ബീര്‍ സിംഗ് സന്ധു എന്നിവരെ പുതിയ തിരഞ്ഞെടുപ്പ് കമ്മീഷണര്‍മാരായി നിയമിച്ചുകൊണ്ട് ഇന്നലെയാണ് രാഷ്ട്രപതി ഉത്തരവിറക്കിയത്. പ്രധാനമന്ത്രി അധ്യക്ഷനായ മൂന്നംഗ സമിതിയാണ് ഇരുവരെയും തിരഞ്ഞെടുത്തത്.

National286 days ago