ഇന്ത്യയില്‍ ഒരു വര്‍ഷം പാമ്പുകടിയേല്‍ക്കുന്നത് മൂന്ന് ലക്ഷത്തോളം പേര്‍ക്ക്; സ്‌നേക്ക്‌ബൈറ്റ് ഹെല്‍പ് ലൈനുമായി കേന്ദ്രം

പാമ്പുകടിയേല്‍ക്കുന്നവര്‍ക്ക് ഉടനടി സഹായവും മാര്‍ഗനിര്‍ദേശവും പിന്തുണയും ലഭ്യമാക്കാനാണ് സ്‌നേക്ക്‌ബൈറ്റ് ഹെല്‍പ് ലൈന്‍. 2030-ഓടെ പാമ്പുകടിയേറ്റുള്ള മരണങ്ങള്‍ പകുതിയായി കുറയ്ക്കുക എന്ന ലക്ഷ്യത്തോടെയാണ് സ്‌നേക്ക്‌ബൈറ്റ് ഹെല്‍പ് ലൈന്‍ പ്രവര്‍ത്തനം ആരംഭിച്ചിരിക്കുന്നത്. പരീക്ഷണാടിസ്ഥാനത്തില്‍ പുതുച്ചേരി, മധ്യപ്രദേശ്, അസം, ആന്ധ്രാപ്രദേശ്, ഡല്‍ഹി തുടങ്ങിയ സ്ഥലങ്ങളിലാണ് ഹെല്‍പ് ലൈന്‍ ആദ്യഘട്ടത്തില്‍ പ്രവര്‍ത്തനം തുടങ്ങിയിരിക്കുന്നത്.

Health284 days ago

കാക്കനാട് DLF ഫ്ളാറ്റില്‍ കോളിഫോം ബാക്ടീരിയ സാന്നിധ്യം സ്ഥിരീകരിച്ചു

കാക്കനാട് DLF ഫ്ളാറ്റില്‍ നിന്ന് ശേഖരിച്ച സാമ്പിളുകളില്‍ കോളിഫോം ബാക്ടീരിയകളുടെ സാന്നിധ്യം സ്ഥിരീകരിച്ചു. ഫ്ളാറ്റിലെ വിവിധ കുടിവെള്ള സ്രോതസുകളായ ഓവര്‍ഹെഡ് ടാങ്കുകള്‍, ബോര്‍വെല്ലുകള്‍, ടാപ്പുകള്‍, കിണറുകള്‍, ടാങ്കര്‍ ലോറികളില്‍ സപ്ലൈ ചെയ്യുന്ന വെള്ളം എന്നിവയില്‍ നിന്നായി ഇതുവരെ 46 സാമ്പിളുകളാണ് പരിശോധനയ്ക്ക് അയച്ചിട്ടുള്ളത്. ഇവയില്‍ 19 സാമ്പിളുകളുടെ പ്രാഥമിക റിപ്പോര്‍ട്ട് ലഭിച്ചതില്‍ പലതിലും ബാക്ടീരിയുടെ സാന്നിധ്യം കാണുന്നുണ്ട്.Read More

Kerala185 days ago

പാത്രം മൂടിവെച്ചു വേവിക്കുന്നത് പോഷകങ്ങള്‍ നഷ്ടമാകാതിരിക്കാന്‍ സഹായിക്കുമെന്ന് ICMR

ICMR അടുത്തിടെ പുറത്തിറക്കിയ 17 ഡയറ്ററി മാര്‍ഗ്ഗരേഖയിലാണ് ഇക്കാര്യം പറഞ്ഞിരിക്കുന്നത്. മൂടി വെയ്ക്കുമ്പോഴുണ്ടാകുന്ന ആവിയില്‍ ഭക്ഷണം ഇരട്ടിവേഗത്തില്‍ പാകമാവുകയും പോഷകങ്ങളെ ദഹനത്തിന് സഹായിക്കുന്ന തരത്തില്‍ പാകപ്പെടുത്താന്‍ സഹായിക്കുകയും ചെയ്യുന്നതായി മാര്‍ഗരേഖയില്‍ പറയുന്നു. ഭക്ഷണം നന്നായി പാകം ചെയ്ത് കഴിക്കേണ്ട് ആരോഗ്യം മെച്ചപ്പെടുത്തേണ്ടതിന് പ്രധാനമാണെന്നും ICMR വ്യക്തമാക്കി.

Health197 days ago

പകര്‍ച്ചവ്യാധി പ്രതിരോധത്തിന് മുന്നൊരുക്കങ്ങളുമായി ‘വണ്‍ ഹെല്‍ത്ത്’

മനുഷ്യന്റെ ആരോഗ്യത്തോടൊപ്പം മൃഗങ്ങളുടേയും പ്രകൃതിയുടേയും ആരോഗ്യം ഉറപ്പാക്കി പകർച്ചവ്യാധികൾ തടയാൻ ലക്ഷ്യമിട്ടുകൊണ്ട് ആവിഷ്കരിച്ച 'വണ്‍ ഹെല്‍ത്തിന്റെ' പ്രവര്‍ത്തനങ്ങള്‍ മികച്ച രീതിയിലാണ് പുരോഗമിക്കുന്നതെന്ന് സംസ്ഥാന ആരോഗ്യ വകുപ്പ് അറിയിച്ചു. ഏകാരോഗ്യ സമീപനത്തിലൂടെ ജന്തുജന്യ രോഗങ്ങളുള്‍പ്പെടെയുള്ള പകര്‍ച്ചവ്യാധികളുടെ പ്രതിരോധമാണ് ലക്ഷ്യമിടുന്നത്. പകർച്ചവ്യാധികൾ തടയുന്നതിനുള്ള ഏകാരോഗ്യ പ്രവർത്തനങ്ങൾ ശക്തിപ്പെടുത്തുന്നതിന് രണ്ടര ലക്ഷത്തോളം കമ്മ്യൂണിറ്റി വോളണ്ടിയര്‍മാര്‍ക്കാണ് പരിശീലനം നല്‍കിയത്.

Health250 days ago

രാജ്യത്തെ സര്‍ക്കാര്‍ ആശുപത്രികളില്‍ മരുന്ന് കുറിപ്പടികളില്‍ ക്രമക്കേടുകള്‍ നടക്കുന്നതായി ICMR

45 ശതമാനം മരുന്ന് കുറിപ്പടികളും സാധാരണ ചികിത്സാമാര്‍ഗ നിര്‍ദേശങ്ങളില്‍ നിന്ന് വ്യതിചലിച്ചുള്ളവയാണെന്ന് ICMR ന്റെ റാഷണല്‍ യൂസ് ഓഫ് മെഡിസിന്‍സ് ടാസ്‌ക് ഫോഴ്സ് പദ്ധതിയുടെ ഭാഗമായി നടത്തിയ ഗവേഷണത്തില്‍ കണ്ടെത്തി. 13 ടെറിറ്ററി കെയര്‍ ഹോസ്പിറ്റലുകളിലെയും മെഡിക്കല്‍ കോളേജുകളിലെയും 7800 ഔട്ട്പേഷ്യന്റ് രോഗികളുടെ കുറിപ്പടികളാണ് പരിശോധിച്ചത്. ഹെല്‍ത്ത് റിസര്‍ച്ച് ഏജന്‍സിയുടെ ഫെബ്രുവരി ലക്കം ഇന്ത്യന്‍ ജേണല്‍ ഓഫ് മെഡിക്കല്‍ റിസര്‍ച്ചില്‍ പ്രസിദ്ധീകരിച്ച പഠനത്തിലാണ് ഇക്കാര്യം വ്യക്തമാക്കിയിരിക്കുന്നത്.

Health253 days ago

കോഴിക്കോട് ജില്ലയില്‍ ജപ്പാന്‍ ജ്വരം സ്ഥിരീകരിച്ചു

കോഴിക്കോട് ജില്ലയിലെ കൊടിയത്തൂര്‍ പഞ്ചായത്തിലെ എഴാം വാര്‍ഡിലെ പതിമൂന്നുകാരനായ വിദ്യാര്‍ഥിക്കാണ് അസുഖം സ്ഥിരീകരിച്ചത്. സാധാരണയായി മൃഗങ്ങളില്‍ നിന്ന് മൃഗങ്ങളിലേക്കാണ് ഈ രോഗം പകരുന്നത്. ക്യുലക്സ് ഇനത്തില്‍പ്പെട്ട കൊതുക് പടര്‍ത്തുന്ന ഈ രോഗം മുനുഷ്യരിലേക്ക് അപൂര്‍വമായി മാത്രമേ പകരാറുള്ളൂ. പ്രധാന രോഗലക്ഷണങ്ങള്‍ പനി, തലവേദന, മറ്റ് ശാരീരിക അസ്വാസ്ഥ്യങ്ങള്‍ എന്നിവയാണ്. പ്രദേശത്ത് പ്രതിരോധ പ്രവര്‍ത്തനങ്ങള്‍ ആരംഭിച്ചിട്ടുണ്ട്.

Health267 days ago

കുട്ടികളില്‍ മുണ്ടിനീര് രോഗം വ്യാപകമാവുന്നു

10,611 കേസുകളാണ് ഈ വര്‍ഷം മാത്രം റിപ്പോര്‍ട്ടുചെയ്തത്. കുറച്ചു വര്‍ഷങ്ങളായി ദേശീയ പ്രതിരോധകുത്തിവെപ്പ് പദ്ധതി പ്രകാരം മുണ്ടി നീരിന് വാക്സിന്‍ നല്‍കുന്നില്ല. പകര്‍ച്ചവ്യാധി വന്‍ തോതില്‍ വ്യാപിക്കാന്‍ കാരണമായത് പ്രതിരോധ കുത്തിവെപ്പ് കിട്ടാത്തതാണ്. വായുവിലൂടെ പകരുന്ന രോഗത്തിന് കാരണം പാരമിക്സൊ വൈറസാണ്. ചെവിയുടെ താഴെ കവിളിന്റെ വശങ്ങളില്‍ വീക്കമാണ് പ്രധാന ലക്ഷണം.

National288 days ago

ഉഗ്ര വിഷമുള്ള പാമ്പിന്‍ വിഷത്തെ പോലും നിര്‍വീര്യമാക്കാനാവുന്ന ആന്റിബോഡി കണ്ടെത്തി ശാസ്ത്രജ്ഞര്‍

ബെംഗളൂരുവിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സിലെ ശാസ്ത്രജ്ഞരാണ് ആന്റിബോഡി കണ്ടെത്തിയത്. മൂര്‍ഖന്‍, രാജവെമ്പാല, ക്രെയ്റ്റ്, ബ്ലാക്ക് മാമ്പ തുടങ്ങിയ ഉഗ്ര വിഷമുള്ള എല്ലാവിധ പാമ്പുകളുടെയും വിഷത്തെ നിര്‍വീര്യമാക്കാന്‍ കഴിയുന്ന ഒരു സിന്തറ്റിക് ഹ്യൂമന്‍ ആന്റിബോഡിയാണ് ഇവര്‍ കണ്ടുപിടിച്ചിരിക്കുന്നത്. പാമ്പുകടിയേറ്റ് ഓരോ വര്‍ഷവും ആയിരക്കണക്കിന് പേര്‍ മരിക്കുന്ന സാഹചര്യത്തില്‍ ഈ ആന്റി ബോഡിയുടെ കണ്ടെത്തല്‍ വലിയ നേട്ടമാണ്.

Health304 days ago

Related News