പൗരത്വ ഭേദഗതി നിയമം; മുസ്ലീം ലീഗ് വീണ്ടും സുപ്രിംകോടതിയിലേക്ക്

CAA നടപ്പാക്കുന്നതിനെതിരെ ഇന്നുതന്നെ സുപ്രിം കോടതിയെ സമീപിക്കാനാണ് മുസ്ലിം ലീഗിന്റെ നീക്കം. പൗരത്വ ഭേദഗതി ചട്ടങ്ങള്‍ പ്രസിദ്ധീകരിച്ച നടപടി സ്റ്റേ ചെയ്യണമെന്നാണ് ആവശ്യം. മുസ്ലിം ലീഗ് സുപ്രീം കോടതിയില്‍ പൗരത്വ നിയമവുമായി ബന്ധപ്പെട്ട് നിലവിലുള്ള കേസിലെ പ്രധാന ഹര്‍ജിക്കാരാണ്. CAA വിജ്ഞാപനത്തിനെതിരെ രാജ്യത്തുടനീളം പ്രതിഷേധം കനക്കുകയാണ്.

Kerala404 days ago

പൗരത്വ ഭേദഗതി നിയമം: പി. സന്തോഷ് കുമാർ MP നൽകിയ ഹർജിയിൽ സുപ്രീംകോടതി കേന്ദ്ര സർക്കാരിന് നോട്ടീസയച്ചു

പൗരത്വ ഭേദഗതി നിയമം നടപ്പാക്കുന്നതിനായി കേന്ദ്ര സർക്കാർ രൂപീകരിച്ച ചട്ടങ്ങളുടെ നിയമസാധുത ചോദ്യം ചെയ്ത് രാജ്യസഭാ MP പി. സന്തോഷ് കുമാർ നൽകിയ ഹർജിയിൽ ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ സുപ്രീംകോടതി ബെഞ്ച് കേന്ദ്ര സർക്കാരിന് നോട്ടീസയച്ചു. പൗരത്വ ഭേദഗതി നിയമം ചോദ്യം ചെയ്തുള്ള മറ്റ് ഹര്‍ജികള്‍ക്കൊപ്പം ഈ ഹര്‍ജിയും പരിഗണിക്കാമെന്ന് സുപ്രീംകോടതി അറിയിച്ചു. 2019ൽ പാർലമെൻ്റ് പാസാക്കിയ പൗരത്വ ഭേദഗതി നിയമം മതേതരമാക്കുന്നതിനായി സന്തോഷ് കുമാർ രാജ്യസഭയിൽ ഒരു സ്വകാര്യ ബിൽ അവതരിപ്പിച്ചിരുന്നു. സ്വകാര്യ ബില്ലിലെ നിര്‍ദേശങ്ങള്‍ കൂടി ഉള്‍പ്പെടുത്തിയാണ് സുപ്രീംകോടതിയില്‍ ഹർജി ഫയൽ ചെയ്തിരിക്കുന്നത്.Read More

National212 days ago

അഡ്വ. ഹാരിസ് ബീരാന്‍ മുസ്ലിം ലീഗിന്റെ രാജ്യസഭാ സ്ഥാനാര്‍ത്ഥി

സുപ്രീംകോടതി അഭിഭാഷകനും KMCC നേതാവുമാണ് അഡ്വ. ഹാരിസ് ബീരാന്‍. ഇന്ന് തന്നെ നാമനിര്‍ദേശപത്രിക സമര്‍പ്പിക്കും. സംസ്ഥാന നേതൃയോഗത്തിന് ശേഷം മുസ്ലിംലീഗ് സംസ്ഥാന പ്രസിഡന്റ് സാദിഖലി ശിഹാബ് തങ്ങളാണ് സ്ഥാനാര്‍ത്ഥി പ്രഖ്യാപനം നടത്തിയത്. ലോക്‌സഭാ തിരഞ്ഞെടുപ്പില്‍ ലീഗ് ഒരു സീറ്റുകൂടി ആവശ്യപ്പെട്ടിരുന്നു. അതിനാലാണ് രാജ്യസഭാ സീറ്റുകളില്‍ UDFന് ജയസാധ്യതയുള്ള സീറ്റ് ലീഗിന് നല്‍കാന്‍ കോണ്‍ഗ്രസ് തയ്യാറായത്.

Kerala314 days ago

CAA വഴി രാജ്യത്തെ മൂന്ന് സംസ്ഥാനങ്ങളില്‍ പൗരത്വം നല്‍കിയെന്ന് കേന്ദ്ര ആഭ്യന്തരമന്ത്രാലയം

പശ്ചിമ ബംഗാള്‍, ഹരിയാന, ഉത്തരാഖണ്ഡ് എന്നീ സംസ്ഥാനങ്ങളില്‍ നിന്ന് പൗരത്വത്തിനായി ലഭിച്ച ആദ്യ അപേക്ഷകള്‍ പ്രകാരം ഇന്നാണ് പൗരത്വം നല്‍കിയത്. പൗരത്വ നിയമ ഭേദഗതി നടപ്പാക്കാന്‍ അനുവദിക്കില്ലെന്ന മമത ബാനര്‍ജിയുടെ നിലപാടിനിടയിലാണ് പൗരത്വം നല്‍കിക്കൊണ്ടുള്ള ആഭ്യന്തരമന്ത്രാലയത്തിന്റെ നീക്കം. ജൂണ്‍ ഒന്നിന് നടക്കുന്ന അവസാനഘട്ട തിരഞ്ഞെടുപ്പില്‍ പശ്ചിമബംഗാളിലെ 9 മണ്ഡലങ്ങളില്‍ തിരഞ്ഞെടുപ്പ് നടക്കുന്നുണ്ട്.

National326 days ago

പൗരത്വ ഭേദഗതി നിയമം നടപ്പാക്കി കേന്ദ്ര സര്‍ക്കാര്‍

കേന്ദ്ര ആഭ്യന്തര സെക്രട്ടറി 14 പേരുടെ അപേക്ഷകള്‍ അംഗീകരിച്ച് പൗരത്വ സര്‍ട്ടിഫിക്കറ്റ് കൈമാറി. പാകിസ്ഥാനില്‍ നിന്നു വന്ന അഭയാര്‍ത്ഥികള്‍ക്കാണ് പൗരത്വം നല്‍കിയത്. CAAക്കെതിരായ ഹര്‍ജി സുപ്രീം കോടതിയുടെ പരിഗണനയില്‍ ഇരിക്കെയാണ് ഈ നടപടി. ഇക്കഴിഞ്ഞ മാര്‍ച്ച് 11ന് പൗരത്വ നിയമഭേദഗതി സംബന്ധിച്ച വിജ്ഞാപനം ഇറക്കിയതിന് പിന്നാലെ വലിയ രീതിയിലുള്ള പ്രതിഷേധങ്ങളാണ് പല കോണുകളില്‍ നിന്ന് ഉണ്ടായത്.

National340 days ago

കോണ്‍ഗ്രസ് അധികാരത്തില്‍ എത്തിയാല്‍ വിവാദമായ CAA റദ്ദാക്കുമെന്ന് പി. ചിദംബരം

കേന്ദ്രത്തിൽ ഇന്ത്യാ മുന്നണി സർക്കാർ രൂപീകരിച്ചതിന് ശേഷമുള്ള പാർലമെന്‍റിന്‍റെ ആദ്യ സമ്മേളനത്തിൽ തന്നെ വിവാദമായ പൗരത്വ ഭേദഗതി നിയമം റദ്ദാക്കുമെന്ന് മുതിർന്ന കോൺഗ്രസ് നേതാവ് പി. ചിദംബരം പറഞ്ഞു. അയോധ്യയിലെ രാമക്ഷേത്ര ഉദ്ഘാടനം തിരഞ്ഞെടുപ്പിൽ സ്വാധീനം ചെലുത്തില്ലെന്നും ചിദംബരം പറഞ്ഞു. കോൺഗ്രസിന്‍റെ പ്രകടനപത്രികയിൽ CAA പരാമർശിക്കുന്നില്ലെന്ന് ചൂണ്ടിക്കാട്ടി മുഖ്യമന്ത്രി പിണറായി വിജയന്‍ കോൺഗ്രസിനെതിരെ നിരന്തരം വിമര്‍ശിക്കുന്ന പശ്ചാത്തലത്തിലാണ് ചിദംബരത്തിന്‍റെ വിശദീകരണം.

National363 days ago

സങ്കുചിത മനോഭാവത്തിന്റെ ഭാഗമാണ് CAA എന്ന് ആർച്ച് ബിഷപ്പ് തോമസ് ജെ. നെറ്റോ

മണിപ്പൂരിലും ഉത്തരേന്ത്യയിലും ക്രൈസ്തവർ അതിക്രമങ്ങള്‍ അനുഭവിക്കുന്നുണ്ട് എന്ന വസ്തുത നമ്മള്‍ തിരിച്ചറിയേണ്ടതുണ്ട്. ഭരണഘടന നല്‍കുന്ന ന്യൂനപക്ഷ അവകാശങ്ങൾ അധികൃതര്‍ ഉറപ്പാക്കാന്‍ തയാറാകണം. പൗരത്വ ഭേദഗതി നിയമത്തില്‍ നിഗൂഢതയുണ്ട്. ഛിദ്രശക്തികൾക്കെതിരെ നമ്മള്‍ നിലപാട് സ്വീകരിക്കണമെന്നും ലത്തീൻ അതിരൂപത ആർച്ച് ബിഷപ്പ് തോമസ് നെറ്റോ പറഞ്ഞു.

Kerala387 days ago

CAA വിഷയത്തില്‍ കോൺഗ്രസ് കുറ്റകരമായ മൗനം പാലിച്ചതായി മുഖ്യമന്ത്രി പിണറായി വിജയൻ

പൗരത്വ ഭേദഗതി നിയമത്തിന് എതിരെ കോൺഗ്രസ് ആത്മാർത്ഥമായി പ്രക്ഷോഭം സംഘടിപ്പിച്ചിട്ടില്ല. CAA വിരുദ്ധ പ്രക്ഷോഭം നടത്തുമ്പോള്‍ രാഹുൽ ഗാന്ധി വിദേശത്ത് ആയിരുന്നു. നിയമത്തിനെതിരെ ഇന്ത്യയിലെ ജനങ്ങൾ തെരുവിലിറങ്ങി. എന്നാല്‍ ലോക്സഭയിലും രാജ്യസഭയിലും കോൺഗ്രസ്‌ അംഗങ്ങളുടെ ശബ്ദം പൊങ്ങിയില്ലെന്നും പിണറായി വിജയൻ പറഞ്ഞു.

Kerala391 days ago

അസമികളാവാന്‍ ശൈശവ വിവാഹവും ബഹുഭാര്യത്വവും ഉപേക്ഷിക്കണം: ഹിമന്ത ബിശ്വ ശര്‍മ

ബഹുഭാര്യത്വമടക്കമുള്ള കാര്യങ്ങള്‍ അസമിന്റെ സംസ്‌കാരമല്ലെന്ന് അസമിലെ ബംഗ്ലാദേശ് മുസ്ലിം കുടിയേറ്റക്കാരോട് മുഖ്യമന്ത്രി ഹിമന്ത ബിശ്വ ശര്‍മ. അസമികളായി അംഗീകരിക്കണമെങ്കില്‍ ബഹുഭാര്യത്വം, ശൈശവിവാഹം എന്നിവ ഉപേക്ഷിക്കണമെന്നും രണ്ടില്‍ കൂടുതല്‍ കുട്ടികള്‍ ഉണ്ടാവരുതെന്നുമാണ് മുഖ്യമന്ത്രി മുന്നോട്ട് വെച്ച നിബന്ധനകള്‍. CAA നടപ്പിലാക്കിയതിന് പിന്നാലെയാണ് അസം മുഖ്യമന്ത്രിയുടെ ഈ പരാമര്‍ശം.

National392 days ago

CAA വിഷയത്തില്‍ കോണ്‍ഗ്രസിന് ഓരോ പഞ്ചായത്തിലും ഓരോ നിലപാടാണെന്ന് മന്ത്രി പി.എ മുഹമ്മദ് റിയാസ്

പൗരത്വ ഭേദഗതി നിയമത്തിനെതിരെ കേരളത്തില്‍ നിന്നുളള UDF എംപിമാര്‍ പാര്‍ലമെന്റില്‍ യാതൊന്നും സംസാരിച്ചിട്ടില്ല. പ്രതിപക്ഷ നേതാവ് വി.ഡി. സതീശന്‍ BJP യുടെ മെഗാഫോണായി മാറിയിരിക്കുക ആണ്. തമിഴ്നാട്ടില്‍ CAA നടപ്പാക്കില്ലെന്ന് മുഖ്യമന്ത്രി സ്റ്റാലിന്‍ പറഞ്ഞിട്ടുണ്ട്. അവിടെ കോണ്‍ഗ്രസ് സ്റ്റാലിനൊപ്പമാണ് നില്‍ക്കുന്നതെന്നും മുഹമ്മദ് റിയാസ് പറഞ്ഞു.

Kerala393 days ago

പൗരത്വ ഭേദഗതി നിയമം: പൊതുജനറാലിയുമായി മുഖ്യമന്ത്രി

കേന്ദ്രസർക്കാർ നടപ്പിലാക്കിയ പൗരത്വ ഭേദഗതി നിയമത്തിനെതിരെ മുഖ്യമന്ത്രി പിണറായി വിജയന്റെ നേതൃത്വത്തിൽ പൊതുജനറാലികൾ നടത്തും. മതത്തെ അടിസ്ഥാനമാക്കിയാകരുത് പൗരത്വം എന്ന മുദ്രാവാക്യത്തോടെ അഞ്ച് സ്ഥലങ്ങളിലായാണ് CAA ക്കെതിരായി പൊതുജനറാലി സംഘടിപ്പിക്കുന്നത്. നാളെ കോഴിക്കോടും 23ന് കാസർഗോഡും 24ന് കണ്ണൂരിലും 25ന് മലപ്പുറത്തും 27ന് കൊല്ലത്തുമാണ് റാലി.

Kerala395 days ago