വന്ദേ സ്ലീപ്പര്‍ ട്രെയിനുകള്‍ ഉടന്‍ വരുമെന്ന് റെയില്‍വേ മന്ത്രി അശ്വിനി വൈഷ്ണവ്

ആദ്യ വന്ദേഭാരത് എക്സ്പ്രസ് സ്ലീപ്പര്‍ പ്രോട്ടോടൈപ്പിന്റെ നിര്‍മാണം പൂര്‍ത്തിയായിട്ടുണ്ടെന്നും BEML നിര്‍മിക്കുന്ന വന്ദേഭാരത് സ്ലീപ്പര്‍ ട്രെയിനുകളില്‍ വയര്‍ലെസ് നിയന്ത്രണ സംവിധാനമടക്കം ഉള്ളവയുണ്ടാകുമെന്നും മന്ത്രി പറഞ്ഞു. 160 കി.മീ വേഗതയില്‍ സഞ്ചരിക്കാന്‍ കഴിയുന്ന വന്ദേ ഭാരത് സ്ലീപ്പര്‍ ട്രെയിനില്‍ 11 AC 3 ടയര്‍ കോച്ചുകളും 4 AC 2 ടയര്‍ കോച്ചുകളും, ഒരു AC ഒന്നാം കോച്ചും ഉണ്ടാകും.

National292 days ago

വന്ദേഭാരത് ട്രെയിന് നേരെ കല്ലേറ്; അഞ്ച് പേര്‍ അറസ്റ്റില്‍

ഛത്തീസ്ഗഡില്‍ ട്രയല്‍ റണ്ണിനിടെ വന്ദേ ഭാരത് എക്സ്പ്രസ് ട്രെയിനിന് നേരെ കല്ലെറിഞ്ഞ സംഭവത്തില്‍ അഞ്ച് പേരെ അറസ്റ്റ് ചെയ്തു. ഛത്തീസ്ഗഡിലെ ദുര്‍ഗില്‍ നിന്ന് ആന്ധ്രാപ്രദേശിലെ വിശാഖപട്ടണത്തേക്ക് നാളെ മുതല്‍ സര്‍വീസ് ആരംഭിക്കാനിരുന്ന വന്ദേഭാരതിലാണ് കല്ലേറുണ്ടായത്. പരിക്കുകളൊന്നും റിപ്പോര്‍ട്ട് ചെയ്തിട്ടില്ലെങ്കിലും ട്രെയിനിന്റെ മൂന്ന് കോച്ചുകളുടെ ജനാലകള്‍ക്ക് കേടുപാടുകള്‍ സംഭവിച്ചിട്ടുണ്ടെന്നും പ്രതികള്‍ക്കെതിരെ റെയില്‍വെ ആക്ട് പ്രകാരം കേസെടുത്തിട്ടുണ്ടെന്നും അധികൃതര്‍ അറിയിച്ചു.

National103 days ago

വന്ദേഭാരത് സ്ലീപ്പര്‍ ട്രെയിനുകള്‍ മൂന്ന് മാസത്തിനകം സര്‍വീസ് തുടങ്ങും: റെയില്‍വേ മന്ത്രി

കോച്ചുകളുടെ നിര്‍മാണം പൂര്‍ത്തിയായെന്നും നിരവധി പുതുമകളോടെയാണ് ട്രെയിൻ എത്തുന്നതെന്നും റെയില്‍വേ മന്ത്രി അശ്വിനി വൈഷ്ണവ് പറഞ്ഞു. ബെംഗളൂരുവിലെ BEML ൽ എത്തിയ മന്ത്രി കോച്ചുകൾ അടക്കം സന്ദർശിച്ച് വിലയിരുത്തൽ നടത്തി. ഓരോ ബെര്‍ത്തിലും റീഡിങ് ലൈറ്റ്, ചാര്‍ജ് ചെയ്യുന്നതിനായി സോക്കറ്റ്, മൊബൈല്‍ വയ്ക്കാനും മാസിക വയ്ക്കാനുമുള്ള സൗകര്യം, സ്നാക് ടേബിള്‍ തുടങ്ങിയവ സജ്ജമാക്കുമെന്നും മന്ത്രി അറിയിച്ചു. പരമാവധി 160 കി.മീ. വേഗത്തിൽ സഞ്ചരിക്കുന്ന ട്രെയിനിൽ AC കംപാര്‍ട്ട്മെന്‍റുകളുള്‍പ്പടെ 16 കോച്ചുകളാണ് ഉണ്ടാവുക. പൂര്‍ണമായും യൂറോപ്യന്‍ നിലവാരത്തില്‍ തയാറാക്കുന്ന കോച്ചുകള്‍ മികച്ച യാത്രാനുഭവം നല്‍കുമെന്ന് കണ്‍സള്‍ട്ടന്‍റായ ഇസി എൻജിനിയറിങ് പറഞ്ഞു.

National116 days ago

സ്വാതന്ത്ര്യദിനം: പ്രത്യേക ട്രെയിന്‍ സര്‍വീസുകളുമായി റെയില്‍വെ

സ്വാതന്ത്ര്യദിന അവധിയോടനുബന്ധിച്ചുള്ള തിരക്ക് പരിഗണിച്ചാണ് ദക്ഷിണ റെയില്‍വെ പ്രത്യേക ട്രെയിന്‍ സര്‍വീസുകള്‍ പ്രഖ്യാപിച്ചിരിക്കുന്നത്. മംഗളൂരുവില്‍ നിന്ന് കൊച്ചുവേളിയിലേക്കും തിരിച്ചുമാണ് പ്രത്യേക സര്‍വീസുകള്‍ അനുവദിച്ചിരിക്കുന്നത്. ആഗസ്റ്റ് 17ന് രാത്രി 7.30ന് മംഗളൂരുവില്‍ നിന്ന് പുറപ്പെടുന്ന ട്രെയിന്‍ പിറ്റേന്ന് രാവിലെ കൊച്ചുവേളിയിലെത്തും. ആഗസ്റ്റ് 18ന് വൈകിട്ട് 6.40ന് കൊച്ചുവേളിയില്‍ നിന്ന് മംഗളൂരുവിലേക്ക് തിരിച്ചും ഈ ട്രെയിന്‍ സര്‍വീസുണ്ടാകും.

National136 days ago

തിരുവനന്തപുരത്ത് വന്ദേഭാരത് ട്രെയിന് നേരെ കല്ലേറ്

തിരുവനന്തപുരത്ത് നിന്ന് കാസര്‍ഗോഡേയ്ക്ക് പോവുകയായിരുന്ന വന്ദേ ഭാരത് ട്രെയിന് നേരെയാണ് ആക്രമണം ഉണ്ടായത്. ആക്രമണത്തില്‍ ട്രെയിനിന്റെ ചില്ല് പൊട്ടി. അതേസമയം സംഭവത്തില്‍ ആര്‍ക്കും പരിക്കേറ്റിട്ടില്ല. കണിയാപുരത്തിനും പെരുങ്ങുഴിക്കും ഇടയിലാണ് സംഭവമുണ്ടായത്.

Kerala146 days ago

കേരളത്തിന്റെ മൂന്നാം വന്ദേഭാരത് ട്രെയിൻ യാത്ര ആരംഭിച്ചു

കേരളത്തിനുള്ള മൂന്നാം വന്ദേഭാരത് എക്സ്പ്രസ് എറണാകുളം - ബെംഗളൂരു റൂട്ടിൽ സർവീസ് ആരംഭിച്ചു. ബുധൻ, വെള്ളി, ഞായർ ദിവസങ്ങളിലാണ് എറണാകുളത്ത് നിന്നുള്ള സർവീസ്. ഉച്ചയ്ക്ക് 12:50ന് എറണാകുളത്ത് നിന്ന് യാത്ര ആരംഭിക്കുന്ന ട്രെയിൻ രാത്രി 10ന് ബെംഗളൂരു കന്‍റോൺമെന്റിൽ എത്തിച്ചേരും. വ്യാഴം, ശനി, തിങ്കൾ ദിവസങ്ങളിൽ പുലർച്ചെ 5:30ന് ബെംഗളൂരു കന്‍റോൺമെന്റിൽ നിന്ന് പുറപ്പെട്ട് ഉച്ച കഴിഞ്ഞ് 2:20ന് എറണാകുളം ജങ്ഷനിലെത്തും. നിലവിൽ ഓഗസ്റ്റ് 26 വരെയാകും സർവീസ് നടത്തുക.

Kerala148 days ago

എറണാകുളത്ത് റെയില്‍വെ ട്രാക്കിലേക്ക് മരം ഒടിഞ്ഞുവീണ് ട്രെയിന്‍ ഗതാഗതം തടസ്സപ്പെട്ടു

പച്ചാളം ലൂര്‍ദ്ദ് ആശുപത്രി പരിസരത്തെ പാളത്തിലേക്കാണ് സ്വകാര്യ വ്യക്തിയുടെ കേസില്‍ പെട്ടു കിടക്കുന്ന ഭൂമിയിലെ മരം പൊട്ടി വീണത്. റെയില്‍വെയുടെ വൈദ്യുതി ലൈനില്‍ തട്ടി മരത്തിന് തീപിടിക്കുകയും ചെയ്തു. അപായമൊന്നും ഉണ്ടായിട്ടില്ല. ഇതോടെ ട്രെയിന്‍ ഗതാഗതം താത്കാലികമായി നിര്‍ത്തിവച്ചിരിക്കുകയാണ്. വേണാട്, മംഗള എക്‌സ്പ്രസുകള്‍ പിടിച്ചിട്ടിട്ടുണ്ട്.

Kerala172 days ago

വന്ദേഭാരത് നാളെ കൊച്ചുവേളിയിൽ നിന്ന് പ്രത്യേക സർവീസ് നടത്തും

തിരക്ക് കുറക്കുന്നതിനായാണ് കൊച്ചുവേളിയിൽ നിന്ന് മംഗളൂരുവിലേക്ക് വന്ദേഭാരത് നാളെ സ്പെഷ്യൽ സർവീസ് നടത്തുന്നത്. നാളെ രാവിലെ 10:45ന് കൊച്ചുവേളിയിൽ നിന്ന് പുറപ്പെടുന്ന ട്രെയിൻ രാത്രി പത്തിന് മംഗളൂരു സെൻട്രലിൽ എത്തിച്ചേരും. എട്ട് കോച്ചുകളാണ് ട്രെയിനിൽ ഉണ്ടാകുക.

Kerala180 days ago

വന്ദേഭാരത് എക്‌സ്പ്രസിന്റെ വേഗത കുറയ്ക്കാനൊരുങ്ങി ഇന്ത്യന്‍ റെയില്‍വെ

പ്രത്യേക റൂട്ടുകളില്‍ വന്ദേ ഭാരത്, ഗതിമാന്‍ എക്‌സ്പ്രസ് എന്നീ ട്രെയിനുകളുടെ വേഗത 160 കിലോമീറ്ററില്‍ നിന്ന് 130 കിലോമീറ്ററായി കുറയ്ക്കാനാണ് ഇന്ത്യന്‍ റെയില്‍വെ പദ്ധതിയിടുന്നത്. സുരക്ഷാ മുന്‍കരുതലുകള്‍ ശക്തിപ്പെടുത്തുന്നതിന്റെ ഭാഗമായിട്ടാണ് പദ്ധതി. ശതാബ്ദി എക്‌സ്പ്രസിന്റെ 150ല്‍ നിന്നും 130 ആക്കി കുറയ്ക്കുമെന്നും റിപ്പോര്‍ട്ടുണ്ട്. സ്പീഡ് കുറയ്ക്കുന്നത് വഴി 25 മുതല്‍ 30 മിനിറ്റ് വരെ യാത്രാസമയം കൂടും. മണിക്കൂറില്‍ 130 കിലോ മീറ്റര്‍ വേഗതയിലാണ് ഈ ട്രെയിനുകള്‍ക്ക് കൂടുതല്‍ സുരക്ഷിതമായി ഓടാന്‍ സാധിക്കുകയെന്നാണ് റെയില്‍വേ സേഫ്റ്റി കമീഷണറുടെ വിലയിരുത്തല്‍.

National182 days ago

വന്ദേഭാരത് സ്ലീപ്പര്‍ ട്രെയിനുകളും എത്തുന്നു

ഓഗസ്റ്റ് 15-നുള്ളില്‍ വന്ദേഭാരത് സ്ലീപ്പര്‍ ട്രെയിനുകളുടെ പരീക്ഷണയോട്ടം ആരംഭിക്കുമെന്ന് റെയില്‍വേ മന്ത്രി അശ്വനി വൈഷ്ണവ് പറഞ്ഞു. ഒപ്പം വന്ദേമെട്രോയുടെ പരീക്ഷണയോട്ടവും നടക്കും. 2029-ഓടെ 250-ഓളം വന്ദേഭാരത് സ്ലീപ്പര്‍ ട്രെയിനുകള്‍ ട്രാക്കിലിറക്കാനുള്ള ശ്രമം നടത്തുന്നുണ്ടെന്നും മന്ത്രി കൂട്ടിച്ചേര്‍ത്തു. പരീക്ഷണയോട്ടം ആറു മാസമെങ്കിലും തുടരുമെന്നും ദീര്‍ഘദൂര വണ്ടികളായിട്ടായിരിക്കും വന്ദേഭാരത് സ്ലീപ്പര്‍ ട്രെയിനുകള്‍ ഉപയോഗിക്കുകയെന്നും അദ്ദേഹം വ്യക്തമാക്കി.

National193 days ago

പുതിയ മിനി വന്ദേഭാരത് സര്‍വീസ് ആരംഭിച്ചു

ഉത്തര്‍പ്രദേശിലെ വാരാണസിക്കും പശ്ചിമബംഗാളിലെ ഹൗറയ്ക്കും ഇടയിലാണ് പുതിയ സര്‍വീസ് ആരംഭിച്ചിരിക്കുന്നത്. മിനി വന്ദേഭാരതില്‍ ആറ് മണിക്കൂര്‍ കൊണ്ട് വാരാണസിയില്‍ നിന്ന് കൊല്‍ക്കത്തയിലെത്താന്‍ സാധിക്കും. മണിക്കൂറില്‍ 130 മുതല്‍ 160 വരെ കിലോമീറ്റര്‍ സ്പീഡിലാണ് ട്രെയിനോടുന്നത്. ചെയര്‍കാറുകളും സ്ലീപ്പറുകളും അടക്കം എട്ട് കോച്ചുകളാണ് മിനി വന്ദേഭാരത് എക്സ്പ്രസിലുള്ളത്.

National195 days ago