വന്ദേഭാരത് നാളെ കൊച്ചുവേളിയിൽ നിന്ന് പ്രത്യേക സർവീസ് നടത്തും

തിരക്ക് കുറക്കുന്നതിനായാണ് കൊച്ചുവേളിയിൽ നിന്ന് മംഗളൂരുവിലേക്ക് വന്ദേഭാരത് നാളെ സ്പെഷ്യൽ സർവീസ് നടത്തുന്നത്. നാളെ രാവിലെ 10:45ന് കൊച്ചുവേളിയിൽ നിന്ന് പുറപ്പെടുന്ന ട്രെയിൻ രാത്രി പത്തിന് മംഗളൂരു സെൻട്രലിൽ എത്തിച്ചേരും. എട്ട് കോച്ചുകളാണ് ട്രെയിനിൽ ഉണ്ടാകുക.

Kerala178 days ago

തിക്കും തിരക്കും; വേണാട് എക്‌സ്പ്രസില്‍ 2 സ്ത്രീകള്‍ കുഴഞ്ഞുവീണു

തിരുവനന്തപുരം - ഷൊര്‍ണൂര്‍ വേണാട് എക്‌സ്പ്രസില്‍ ആളുകള്‍ക്ക് ദുരിതയാത്ര. തിരക്കു കാരണം ജനറല്‍ കംപാര്‍ട്ട്‌മെന്റില്‍ നിന്ന രണ്ട് സ്ത്രീകള്‍ കഴഞ്ഞു വീണു. യാത്രക്കാര്‍ ഇവര്‍ക്ക് പ്രഥമ ശുശ്രൂഷ നല്‍കി. ഓണാവധി കഴിഞ്ഞതിനാല്‍ വലിയ തിരക്കാണ് ട്രെയിനുകളില്‍ അനുഭവപ്പെടുന്നത്. ട്രെയിനിന്റെ സമയക്രമം മാറ്റിയതും വന്ദേഭാരതിനായി ട്രെയിന്‍ പിടിച്ചിടുന്നതും ദുരിതം ഇരട്ടിയാക്കിയെന്ന് യാത്രക്കാര്‍ ആരോപിക്കുന്നു. യാത്രാ ദുരിതം മാറാന്‍ ജനറല്‍ കോച്ചുകളുടെ എണ്ണം വര്‍ധിപ്പിക്കണമെന്നും എറണാകുളം വഴി മെമു സര്‍വീസ് ആരംഭിക്കണമെന്നുമാണ് യാത്രക്കാരുടെ ആവശ്യം.

Kerala92 days ago

ഇന്ത്യയില്‍ നിന്ന് നേപ്പാളിലേക്കുളള ട്രെയിന്‍ സര്‍വീസ് ഉദ്ഘാടനം ചെയ്തു

ഇന്ത്യയില്‍ നിന്ന് നേപ്പാളിലേക്കുള്ള ഭാരത് ഗൗരവ് ട്രെയിന്‍ ഉദ്ഘാടനം ചെയ്തു. ഡല്‍ഹിയിലെ ഹസ്രത് നിസാമുദ്ദീന്‍ റെയില്‍വേ സ്റ്റേഷനില്‍ കേന്ദ്ര റെയില്‍വേ മന്ത്രി അശ്വിനി വൈഷ്ണവാണ് ട്രെയിന്‍ ഫ്‌ലാഗ് ഓഫ് ചെയ്തത്. ഇന്ത്യയുടെയും നേപ്പാളിന്റെയും സാംസ്‌കാരിക പൈതൃകത്തെ അറിയാന്‍ ഈ യാത്ര സഹായിക്കുമെന്നും താമസത്തിനും യാത്രയ്ക്കുമുള്ള എല്ലാ ക്രമീകരണങ്ങളും ഇന്ത്യന്‍ റെയില്‍വേ ഒരുക്കുമെന്നും മന്ത്രി പറഞ്ഞു. അയോധ്യ, സീതാമര്‍ഹി, ജനക്പൂര്‍, കാശി വിശ്വനാഥ്, പശുപതിനാഥ് എന്നീ സ്ഥലങ്ങള്‍ ഉള്‍ക്കൊള്ളുന്നതാണ് യാത്രാ പാക്കേജ്.

Travel94 days ago

ഉത്സവകാല തിരക്ക്: ബെംഗളൂരു – കൊച്ചുവേളി റൂട്ടിൽ പൂജ സ്പെഷ്യൽ ട്രെയിൻ

പൂജ അവധിയെ തുടർന്നുള്ള തിരക്ക് പ്രമാണിച്ച് ബെംഗളൂരു - കൊച്ചുവേളി റൂട്ടിൽ പ്രതിവാര പൂജ സ്പെഷ്യൽ ട്രെയിൻ സർവീസ് നടത്താൻ റെയിൽവേ തീരുമാനിച്ചു. ഒക്ടോബർ ഒന്ന് മുതൽ നവംബർ ആറ് വരെയാണ് സർവീസ്. കൊച്ചുവേളി - ബെംഗളൂരു സ്പെഷ്യൽ ഒക്ടോബർ ഒന്ന്, എട്ട്, 15, 22, 29, നവംബർ അഞ്ച് തീയതികളിൽ കൊച്ചുവേളിയിൽ നിന്ന് വൈകുന്നേരം 6:05ന് പുറപ്പെട്ട് പിറ്റേദിവസം രാവിലെ 10:55ന് ബെംഗളൂരുവിൽ എത്തിച്ചേരും. ഒക്ടോബർ രണ്ട്, 9, 16, 23, 30 നവംബർ 6 തീയതികളിലാണ് ബെംഗളൂരുവിൽ നിന്ന് തിരികെ കൊച്ചുവേളിയിലേക്കുള്ള സർവീസ്. ഉച്ചയ്ക്ക് 12:45ന് ബെംഗളൂരുവിൽ നിന്ന് പുറപ്പെടുന്ന ട്രെയിൻ പിറ്റേദിവസം രാവിലെ 6:45ന് കൊച്ചുവേളിയിലെത്തും.

Kerala95 days ago

വന്ദേഭാരത് ട്രെയിന് നേരെ കല്ലേറ്; അഞ്ച് പേര്‍ അറസ്റ്റില്‍

ഛത്തീസ്ഗഡില്‍ ട്രയല്‍ റണ്ണിനിടെ വന്ദേ ഭാരത് എക്സ്പ്രസ് ട്രെയിനിന് നേരെ കല്ലെറിഞ്ഞ സംഭവത്തില്‍ അഞ്ച് പേരെ അറസ്റ്റ് ചെയ്തു. ഛത്തീസ്ഗഡിലെ ദുര്‍ഗില്‍ നിന്ന് ആന്ധ്രാപ്രദേശിലെ വിശാഖപട്ടണത്തേക്ക് നാളെ മുതല്‍ സര്‍വീസ് ആരംഭിക്കാനിരുന്ന വന്ദേഭാരതിലാണ് കല്ലേറുണ്ടായത്. പരിക്കുകളൊന്നും റിപ്പോര്‍ട്ട് ചെയ്തിട്ടില്ലെങ്കിലും ട്രെയിനിന്റെ മൂന്ന് കോച്ചുകളുടെ ജനാലകള്‍ക്ക് കേടുപാടുകള്‍ സംഭവിച്ചിട്ടുണ്ടെന്നും പ്രതികള്‍ക്കെതിരെ റെയില്‍വെ ആക്ട് പ്രകാരം കേസെടുത്തിട്ടുണ്ടെന്നും അധികൃതര്‍ അറിയിച്ചു.

National101 days ago

ചെങ്ങന്നൂര്‍-പമ്പ അതിവേഗ റെയില്‍ പാതയ്ക്ക് അനുമതി

ചെങ്ങന്നൂര്‍-പമ്പ അതിവേഗ റെയില്‍ പാതയ്ക്ക് റെയില്‍വേ ബോര്‍ഡിന്റെ അന്തിമ അനുമതി ലഭിച്ചു. ബ്രോഡ്ഗേജ് ഇരട്ടപ്പാതയ്ക്കാണ് അനുമതി ലഭിച്ചിരിക്കുന്നത്. ചെങ്ങന്നൂര്‍, ആറന്മുള, വടശ്ശേരിക്കര, സീതത്തോട്, പമ്പ എന്നിങ്ങനെ 5 സ്റ്റേഷനുകളാണ് ചെങ്ങന്നൂര്‍ പമ്പാ റൂട്ടില്‍ നിലവില്‍ നിശ്ചയിച്ചിരിക്കുന്നത്. പാതയുടെ ആകെ ദൂരം 59. 23 കിലോമീറ്ററായിരിക്കും. ട്രാക്കിന്റെ പരമാവധി വേഗത 200 കിലോമീറ്ററുമാകും. അഞ്ചുവര്‍ഷംകൊണ്ട് പൂര്‍ത്തിയാക്കാനുദ്ദേശിക്കുന്ന പദ്ധതിയ്ക്ക് 6450 കോടി രൂപയാണ് ചെലവ് പ്രതീക്ഷിക്കുന്നത്.

Kerala102 days ago

ഓണത്തിരക്ക്; കൊച്ചുവേളിയില്‍ നിന്നു ചെന്നൈയിലേക്ക് പ്രത്യേക ട്രെയിന്‍

ഓണത്തോട് അനുബന്ധിച്ചുള്ള തിരക്ക് പരിഗണിച്ച് സെപ്റ്റംബര്‍ 16ന് കൊച്ചുവേളിയില്‍ നിന്ന് ചെന്നൈയിലേക്ക് AC സ്പെഷല്‍ ട്രെയിന്‍ പ്രഖ്യാപിച്ചു. ഉച്ചയ്ക്കു 12.50ന് പുറപ്പെടുന്ന ട്രെയിന്‍ പിറ്റേ ദിവസം രാവിലെ 9.30നാണ് ചെന്നൈയിലെത്തുക. തിരിച്ച് സെപ്റ്റംബര്‍ 17ന് ചെന്നൈയില്‍ നിന്ന് ഉച്ചയ്ക്കു 3ന് പുറപ്പെട്ട് പിറ്റേദിവസം രാവിലെ 8.50ന് കൊച്ചുവേളിയിലെത്തും. കൊല്ലം, കായംകുളം, മാവേലിക്കര, ചെങ്ങന്നൂര്‍, തിരുവല്ല, ചങ്ങനാശേരി, കോട്ടയം, എറണാകുളം ടൗണ്‍, ആലുവ, തൃശൂര്‍, പാലക്കാട് എന്നിവയാണ് കേരളത്തിലെ സ്റ്റോപ്പുകള്‍.

Kerala102 days ago

ഇന്ത്യന്‍ റെയില്‍വെ പൂജ, ദീപാവലി സ്പെഷ്യല്‍ ട്രെയിനുകള്‍ പ്രഖ്യാപിച്ചു

ഉത്സവകാല സീസണുകളിൽ ട്രയിനിലെ തിരക്ക് പ്രമാണിച്ച് കൂടുതൽ സ്പെഷ്യൽ ട്രെയിനുകൾ കേരളത്തിലേക്ക് സർവീസ് നടത്തും. ഈ മാസം 20നും ഡിസംബര്‍ രണ്ടിനും ഇടയില്‍ കൊച്ചുവേളി - ഹസ്രത്ത് നിസാമുദീന്‍ റൂട്ടില്‍ ഇത്തരത്തിലെ ആദ്യ ട്രെയിൻ സര്‍വീസ് നടത്തും. പ്രതിവാര സ്പെഷ്യലായിട്ടാകും സർവീസ്. കൊച്ചുവേളി - നിസാമുദീന്‍ സർവീസ് സെപ്റ്റംബർ 20, 27, ഒക്ടോബർ 4, 11, 18, 25, നവംബർ 1, 8, 15, 22, 29 തീയതികളിലാണ്.

Kerala103 days ago

നേമം, കൊച്ചുവേളി റെയിൽവേ സ്റ്റേഷനുകളുടെ പേരുമാറ്റി: വിജ്ഞാപനം ഇറങ്ങി

നേമം റെയില്‍വേ സ്റ്റേഷന്റെ പേര് തിരുവനന്തപുരം സൗത്ത് എന്നും കൊച്ചുവേളി തിരുവനന്തപുരം നോര്‍ത്ത് എന്നും മാറ്റി സർക്കാർ വിജ്ഞാപനം ഇറങ്ങി. റെയില്‍വേ ബോര്‍ഡിന്റെ ഉത്തരവ് വരുന്നതോടെ ഔദ്യോഗികമായി പേരുമാറ്റം നിലവില്‍ വരും. ഇതോടെ ഈ രണ്ടു സ്റ്റേഷനുകളെയും തിരുവനന്തപുരം സെന്‍ട്രല്‍ റെയില്‍വേ സ്റ്റേഷന്റെ സാറ്റ്‌ലൈറ്റ് ടെര്‍മിനലുകളാക്കാനുള്ള നടപടികള്‍ സജീവമാകും.

Kerala109 days ago

എറണാകുളം – ഷൊര്‍ണൂര്‍ ലൈനില്‍ ‘കവച്’ സുരക്ഷാസംവിധാനം നടപ്പാക്കും

ഓട്ടോമാറ്റിക് സിഗ്നലിങ്ങിന് ഒപ്പമാണ് 'കവച്' സുരക്ഷാസംവിധാനവും നടപ്പാക്കുന്നത്. രണ്ട് തീവണ്ടികള്‍ ഒരേ പാതയില്‍ നേര്‍ക്കുനേര്‍ വന്ന് കൂട്ടിയിടിയ്ക്കുന്നത് ഒഴിവാക്കുന്നതിനുള്ള സാങ്കേതിക സംവിധാനമാണ് കവച്. 67.99 കോടി രൂപ മതിപ്പ് ചെലവിലാണ് പദ്ധതി നടപ്പാക്കുക. 540 ദിവസമാണ് പദ്ധതി പൂര്‍ത്തീകരണത്തിനുള്ള കാലാവധിയായി കണക്കാക്കിയിരിയ്ക്കുന്നത്. ഇതോടെ കേരളത്തില്‍ ആദ്യമായി കവച് സംവിധാനം നടപ്പിലാക്കുന്ന മേഖലയായി എറണാകുളം - ഷൊര്‍ണൂര്‍ ലൈന്‍ മാറും.

Kerala109 days ago

ഓണത്തിരക്ക്; ഇന്ന് മുതല്‍ സ്‌പെഷ്യല്‍ ട്രെയിന്‍ സര്‍വീസ്

ഓണം പ്രമാണിച്ച് എറണാകുളത്ത് നിന്ന് യെലഹങ്കയിലേക്കാണ് സ്‌പെഷ്യല്‍ ട്രെയിന്‍ സര്‍വീസ് ആരംഭിച്ചിരിക്കുന്നത്. എറണാകുളം- ബെംഗളൂരു വന്ദേഭാരതിന്റെ സമയക്രമത്തിലായിരിക്കും ട്രെയിന്‍ ഓടുക. സെപ്റ്റംബര്‍ നാല്, ആറ് തീയതികളില്‍ എറണാകുളത്ത് നിന്നും അഞ്ച്, ഏഴ് തീയതികളില്‍ യെലഹങ്കയില്‍ നിന്ന് തിരികെയും സര്‍വീസ് നടത്തും. ടിക്കറ്റ് ബുക്കിങ്ങ് ആരംഭിച്ചു. ഉച്ചയ്ക്ക് 12.40 തിന് എറണാകുളം ജങ്ഷനില്‍ നിന്നും പുറപ്പെടുന്ന എറണാകുളം-യെലഹങ്ക ജങ്ഷന്‍ സ്‌പെഷ്യല്‍ ട്രെയിന്‍ (06101) തൃശൂര്‍, ഷൊര്‍ണൂര്‍, പാലക്കാട്, കോയമ്പത്തൂര്‍ അടക്കമുള്ള സ്റ്റേഷന്‍ കടന്ന് രാത്രി 11 മണിയോടെ യെലഹന്‍ങ്കയിലെത്തും. പുലര്‍ച്ചെ അഞ്ച് മണിക്കാണ് യെലഹങ്കയില്‍ നിന്നുള്ള സര്‍വീസ് ആരംഭിക്കുക.

Kerala111 days ago