സിനിമാ നിരൂപകയും എഴുത്തുകാരിയുമായ അരുണ വാസുദേവ് അന്തരിച്ചു

ഏഷ്യന്‍ സിനിമയുടെ മാതാവ് എന്നറിയപ്പെടുന്ന ഇന്ത്യന്‍ നിരൂപകയും എഴുത്തുകാരിയുമായ അരുണ വാസുദേവ് (88) അന്തരിച്ചു. കഴിഞ്ഞ മൂന്നാഴ്ച്ചയായി ആശുപത്രിയില്‍ ചികിത്സയിലിരിക്കെ ഇന്ന് രാവിലെയായിരുന്നു അന്ത്യം. നിരവധി ഹ്രസ്വ ഡോക്യുമെന്ററികള്‍ നിര്‍മിച്ച അരുണ സിനിമയിലും സെന്‍സര്‍ഷിപ്പിലും പാരീസ് സര്‍വകലാശാലയില്‍ നിന്ന് ഡോക്ടറേറ്റ് നേടി. 'ലിബര്‍ട്ടി എന്‍ഡ് ലെസന്‍സ് ഇന്‍ ദ ഇന്ത്യന്‍ സിനിമ' എന്ന പേരില്‍ 1979ല്‍ തീസീസ് പ്രസിദ്ധീകരിച്ചു. ഏഷ്യന്‍ സിനിമകളുടെ ശക്തയായ പ്രചാരക ആയതിനാലാണ് അരുണ മദര്‍ ഓഫ് ഏഷ്യന്‍ സിനിമ എന്നറിയപ്പെട്ടത്.

National227 days ago

മുന്‍ MLA കെ.പി. കുഞ്ഞിക്കണ്ണന്‍ അന്തരിച്ചു

കോണ്‍ഗ്രസ് നേതാവും ഉദുമ മുന്‍ MLA കെ.പി. കുഞ്ഞിക്കണ്ണന്‍ (75) അന്തരിച്ചു. വാഹാനാപകടത്തില്‍ പരിക്കേറ്റ് ചികിത്സയിലിരിക്കെയായിരുന്നു അന്ത്യം. കഴിഞ്ഞ മാസം ഏഴാം തീയതി നീലേശ്വരം കരുവാച്ചേരി പെട്രോള്‍ പമ്പിന് സമീപമാണ് കുഞ്ഞിക്കണ്ണന്‍ സഞ്ചരിച്ചിരുന്ന വാഹനം അപകടത്തില്‍പ്പെട്ടത്. വാരിയെല്ലിന് ഗുരുതര പരിക്കേറ്റ കുഞ്ഞിക്കണ്ണന്‍ കാഞ്ഞങ്ങാട് ഐഷാല്‍ മെഡിസിറ്റി ആശുപത്രിയില്‍ ചികിത്സയിലായിരുന്നു. ദീര്‍ഘകാലം കെപിസിസി ജനറല്‍ സെക്രട്ടറിയായി സേവനം അനുഷ്ടിച്ചിരുന്നു.

Kerala206 days ago

മലയാള സിനിമയുടെ അമ്മ; കവിയൂര്‍ പൊന്നമ്മയ്ക്ക് വിട നല്‍കി നാട്

അന്തരിച്ച സിനിമാ താരം കവിയൂര്‍ പൊന്നമ്മയുടെ സംസ്‌കാര ചടങ്ങുകള്‍ പൂര്‍ത്തിയായി. ആലുവ കരുമാലൂരിലെ ശ്രീപീഠം വീട്ടുവളപ്പില്‍ ആചാരപ്രകാരമാണ് മൃതദേഹം സംസ്‌കരിച്ചത്. പൂര്‍ണ ഔദ്യോഗിക ബഹുമതികളോടെയായിരുന്നു സംസ്‌കാരം. രാവിലെ 9 മുതല്‍ 12 മണി വരെ കളമശ്ശേരി ടൗണ്‍ഹാളില്‍ നടത്തിയ പൊതുദര്‍ശനത്തില്‍ മലയാള സിനിമയിലെ പ്രമുഖരുള്‍പ്പെടെ സാമൂഹിക, സാംസ്‌കാരിക, രാഷ്ട്രീയ രംഗങ്ങളിലെ നിരവധി പേരെത്തി ആദരാഞ്ജലികള്‍ അര്‍പ്പിച്ചു. ക്യാന്‍സര്‍ രോഗബാധിതയായി ചികിത്സയിലിരിക്കെ ഇന്നലെ വൈകിട്ടായിരുന്നു കവിയൂര്‍ പൊന്നമ്മയുടെ അന്ത്യം.

Kerala211 days ago

മുതിര്‍ന്ന CPM നേതാവ് എം.എം. ലോറന്‍സ് അന്തരിച്ചു

മുതിര്‍ന്ന CPM നേതാവും മുന്‍ ഇടുക്കി എംപിയുമായിരുന്ന എം.എം. ലോറന്‍സ് (94) അന്തരിച്ചു. വാര്‍ധക്യ സഹജമായ അസുഖങ്ങളെ തുടര്‍ന്ന് ചികിത്സയിലിരിക്കെ കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. സിപിഐഎം കേന്ദ്രകമ്മിറ്റി, സംസ്ഥാന സെക്രട്ടേറിയറ്റ് അംഗം, എറണാകുളം ജില്ലാ സെക്രട്ടറി, ഇടതുമുന്നണി കണ്‍വീനര്‍, സിഐടിയു സംസ്ഥാന ജനറല്‍ സെക്രട്ടറി, 1980 മുതല്‍ 1984 വരെ ഇടുക്കിയില്‍ നിന്നുള്ള ലോക്സഭാംഗം എന്നീ നിലകളില്‍ പ്രവര്‍ത്തിച്ചിട്ടുണ്ട്. സംസ്ഥാനത്ത് CPMനെ വളര്‍ത്തുന്നതില്‍ മുഖ്യ പങ്കുവഹിച്ച നേതാക്കളില്‍ ഒരാളായിരുന്നു എം.എം. ലോറന്‍സ്.

Kerala211 days ago

കവിയൂര്‍ പൊന്നമ്മയ്ക്ക് വിട; സംസ്‌കാരം ഇന്ന്

അന്തരിച്ച സിനിമാതാരം കവിയൂര്‍ പൊന്നമ്മയുടെ സംസ്‌കാരം ഇന്ന്. മൃതദേഹം 12 മണിവരെ കളമശേരി ടൗണ്‍ഹാളില്‍ പൊതുദര്‍ശനത്തിന് വെക്കും. മോഹന്‍ലാലും മമ്മൂട്ടിയുമടക്കമുള്ള മലയാള സിനിമാ താരങ്ങള്‍ ഇവിടെയെത്തി ആദരാഞ്ജലി അര്‍പ്പിക്കും. വൈകിട്ട് നാലുമണിക്ക് ആലുവ കരിമാല്ലൂരിലെ വീട്ടുവളപ്പിലാണ് സംസ്‌കാരം. ക്യാന്‍സര്‍ രോഗബാധിതയായി ഏറെ നാളായി ചികിത്സയിലായിരുന്ന താരം ഇന്നലെ വൈകിട്ടാണ് മരിച്ചത്.

Kerala211 days ago

കവിയൂർ പൊന്നമ്മ അന്തരിച്ചു

അമ്മ വേഷങ്ങളിലൂടെ മലയാളി പ്രേക്ഷകരുടെ മനംകവർന്ന നടി കവിയൂർ പൊന്നമ്മ (79) അന്തരിച്ചു. ക്യാൻസർ രോഗബാധിതയായി ഏറെ നാളായി ചികിത്സയിലായിരുന്നു. കൊച്ചിയിലെ ലിസി ആശുപത്രിയില്‍ വെച്ചായിരുന്നു അന്ത്യം. ആയിരത്തോളം സിനിമകളിൽ അഭിനയിച്ചിട്ടുള്ള കവിയൂർ പൊന്നമ്മ 1962ല്‍ ശ്രീരാമ പട്ടാഭിഷേകത്തിലൂടെയാണ് സിനിമയില്‍ അരങ്ങേറ്റം കുറിച്ചത്. സത്യൻ, മധു, പ്രേംനസീർ, സോമൻ, സുകുമാരൻ, മമ്മൂട്ടി, മോഹൻലാൽ തുടങ്ങി മലയാളത്തില്‍ മിക്കവരുടെയും അമ്മയായി കവിയൂർ പൊന്നമ്മ അഭിനയിച്ചിട്ടുണ്ട്. മികച്ച സഹനടിക്കുള്ള സംസ്ഥാന ചലച്ചിത്ര പുരസ്കാരം നാലു തവണ കരസ്ഥമാക്കി. 2021ൽ റിലീസ് ചെയ്ത 'ആണും പെണ്ണും' ആണ് അവസാനമായി അഭിനയിച്ച ചിത്രം.

Kerala212 days ago

സീതാറാം യെച്ചൂരിയുടെ മൃതദേഹം ഇന്ന് പൊതുദർശനത്തിന് വെക്കും

ഇന്നലെ അന്തരിച്ച CPM ജനറൽ സെക്രട്ടറി സീതാറാം യെച്ചൂരിയുടെ മൃതദേഹം ഇന്ന് പൊതുദർശനത്തിന് വെക്കും. വൈകിട്ട് ആറു മണിക്ക് അദ്ദേഹത്തിന്റെ ഡൽഹി വസന്ത് കുഞ്ചിലുള്ള വസതിയിലാണ് മൃതദേഹം പൊതുദർശനത്തിനു വെക്കുക. നാളെ രാവിലെ 11 മുതൽ വൈകിട്ട് 3 മണിവരെ പാർട്ടി ആസ്ഥാനമായ ഡൽഹിയിലെ AKG ഭവനിൽ പൊതുദർശനത്തിനു വെക്കും. വൈകിട്ട് അഞ്ചുമണിയോടെ AKG ഭവനിൽ നിന്നും വിലാപയാത്രയായി മൃതദേഹം ഡൽഹി AIIMS ന് കൈമാറും.

National219 days ago

സീതാറാം യെച്ചൂരിയുടെ ഭൗതിക ശരീരം വൈദ്യപഠനത്തിന് നൽകും

അന്തരിച്ച CPM ജനറല്‍ സെക്രട്ടറി സീതാറാം യെച്ചൂരിയുടെ ഭൗതിക ശരീരം മെഡിക്കൽ വിദ്യാർത്ഥികളുടെ പഠനത്തിനായി എയിംസിന് വിട്ടുനൽകും. ശ്വാസകോശ അണുബാധയെ തുടർന്നു ഡൽഹി എയിംസിൽ ചികിത്സയിലിക്കെ വൈകിട്ട് മൂന്നരയോടെയായിരുന്നു അന്ത്യം. ഇന്ന് ഡല്‍ഹി എയിംസില്‍ സൂക്ഷിക്കുന്ന മൃതദേഹം നാളെ ഡല്‍ഹി AKG ഭവനില്‍ പൊതുദര്‍ശനത്തിന് വെക്കും. തുടര്‍ന്ന് വസന്തകുഞ്ജിലെ വസതിയിലേക്ക് കൊണ്ടുപോകും. 14നു വൈകുന്നേരം മൂന്നുമണിക്കു പാർട്ടിയുടെ നേതൃത്വത്തില്‍ നടക്കുന്ന അന്തിമോപചാര ചടങ്ങുകൾക്കു ശേഷം ഭൗതിക ശരീരം മെഡിക്കല്‍ വിദ്യാര്‍ഥികളുടെ പഠനത്തിനായി വിട്ടുനല്‍കും.

National220 days ago

ഫുട്‌ബോള്‍ കളിക്കിടെ നെഞ്ചുവേദന; സഹസംവിധായകന്‍ അനില്‍ സേവ്യര്‍ അന്തരിച്ചു

ശില്‍പ്പിയും സഹസംവിധായകനുമായ അനില്‍ സേവ്യര്‍ (39) അന്തരിച്ചു. ഫുട്‌ബോള്‍ കളിക്കിടെ ഉണ്ടായ ഹൃദയസ്തംഭനത്തെ തുടര്‍ന്ന് ചികിത്സയിലിരിക്കെയായിരുന്നു അന്ത്യം. ജാന്‍ എ മന്‍, തല്ലുമാല, മഞ്ഞുമ്മല്‍ ബോയ്‌സ്, തെക്ക് വടക്ക് തുടങ്ങിയ സിനിമകളുടെ സഹസംവിധായകനായിരുന്നു. കൊച്ചി മുസിരിസ് ബിനാലെയുടെ ഭാഗമായി പ്രവര്‍ത്തിച്ചിരുന്ന അനിലാണ് ഹൈദരാബാദ് സര്‍വ്വകലാശാലയിലെ ഗവേഷക വിദ്യാര്‍ത്ഥിയായിരുന്ന രോഹിത് വെമുലയുടെ സ്മാരക ശില്‍പം നിര്‍മിച്ചത്. ചിത്രകാരിയായ അനുപമ ഏലിയാസ് ആണ് അനിലിന്റെ ഭാര്യ.

Kerala235 days ago

കോൺഗ്രസ് MP വസന്ത് ചവാന്‍ അന്തരിച്ചു

മുതിർന്ന കോൺഗ്രസ് നേതാവും മഹാരാഷ്ട്ര നന്ദേഡിൽ നിന്നുള്ള ലോക്സഭാ MP യുമായ വസന്ത് ചവാന്‍ അന്തരിച്ചു. 69 വയസായിരുന്നു. ഏറെനാളായി വൃക്കസംബന്ധമായ അസുഖങ്ങളെ തുടർന്ന് ചികിത്സയിലായിരുന്നു. ഏതാനും ദിവസങ്ങൾക്ക് മുമ്പ് ആരോഗ്യനില മോശമായതിനെ തുടർന്ന് നന്ദേഡിലെ ആശുപത്രിയില്‍ പ്രവേശിപ്പിച്ചിരുന്നു തുടർന്ന് വിദഗ്‌ധ ചികിത്സയ്ക്കായി അദ്ദേഹത്തെ ഹൈദരാബാദിലെ കിംസ് ആശുപത്രിയിലേക്ക് മാറ്റുകയായിരുന്നു. ഇന്നലെ ആരോഗ്യനില കൂടതൽ വഷളായി. ഇന്ന് പുലർച്ചെ ആശുപത്രിയിൽ വെച്ചായിരുന്നു അന്ത്യം.

National237 days ago

ബംഗാള്‍ മുന്‍ മുഖ്യമന്ത്രി ബുദ്ധദേബ് ഭട്ടാചാര്യ അന്തരിച്ചു

പശ്ചിമബംഗാള്‍ മുന്‍ മുഖ്യമന്ത്രിയും മുതിര്‍ന്ന CPIM നേതാവുമായ ബുദ്ധദേബ് ഭട്ടാചാര്യ അന്തരിച്ചു. 80 വയസായിരുന്നു. വാര്‍ധക്യ സഹജമായ അസുഖത്തെ തുടര്‍ന്ന് കൊല്‍ക്കത്തയിലെ വസതിയില്‍ വെച്ച് ഇന്ന് രാവിലെയായിരുന്നു അന്ത്യം. 2000 മുതല്‍ 2011 വരെ തുടര്‍ച്ചയായി 11 വര്‍ഷം ബംഗാളിന്റെ മുഖ്യമന്ത്രിയായിരുന്നു. അനാരോഗ്യം മൂലം കഴിഞ്ഞ കുറച്ച് വര്‍ഷങ്ങളായി പൊതുരംഗത്ത് നിന്ന് വിട്ടുനില്‍ക്കുകയായിരുന്നു അദ്ദേഹം.

National255 days ago