വലഞ്ഞ് യാത്രക്കാര്‍; സ്‌പൈസ് ജെറ്റിന്റെ കൊച്ചി-ദുബായ് സര്‍വീസ് മുടങ്ങി

തിങ്കളാഴ്ച രാത്രി 11.30 ന് പുറപ്പെടേണ്ടിയിരുന്ന സ്‌പൈസ് ജെറ്റിന്റെ കൊച്ചി-ദുബായ് സര്‍വീസാണ് മുടങ്ങിയത്. യന്ത്രത്തകരാറിനെ തുടര്‍ന്നാണ് വിമാനമെത്താതിരുന്നത്. ഇതോടെ ദുബായിലേക്ക് പുറപ്പെടേണ്ട 180 യാത്രക്കാര്‍ നെടുമ്പാശ്ശേരി വിമാനത്താവളത്തില്‍ കുടുങ്ങിയിരിക്കുകയാണ്. തകരാര്‍ പരിഹരിച്ച് വിമാനമെത്തിയാല്‍ ഉച്ചയ്ക്ക് ശേഷം യാത്രക്കാരെ ദുബായിലേക്ക് കൊണ്ടു പോകുമെന്നാണ് അധികൃതര്‍ അറിയിച്ചിരിക്കുന്നത്.

Kerala235 days ago

കൊച്ചി വിമാനത്താവളത്തിന്റെ ആകാശ ദൃശ്യങ്ങള്‍ പകര്‍ത്തിയ വ്‌ളോഗര്‍ക്കെതിരെ കേസ്

ഡ്രോണ്‍ ഉപയോഗിച്ച് കൊച്ചി അന്താരാഷ്ട്ര വിമാനത്താവളത്തിന്റെ ആകാശദൃശ്യങ്ങള്‍ സാമൂഹിക മാധ്യമത്തില്‍ പങ്കുവെച്ച വ്‌ളോഗര്‍ക്കെതിരെ കേസ്. കോഴിക്കോട് എടച്ചേരി സ്വദേശി അര്‍ജുന്‍ സാബിനെതിരെയാണ് കേസ്. മല്ലു ഡോറ എന്ന ഇന്‍സ്റ്റഗ്രാം പേജിലാണ് അര്‍ജുന്‍ വീഡിയോകള്‍ പങ്കുവച്ചത്. തുടര്‍ന്ന് നടത്തിയ അന്വേഷണത്തില്‍ എയര്‍പോര്‍ട്ട് അധികൃതരുടെ അനുമതിയില്ലാതെയാണ് ഡ്രോണ്‍ പറത്തിയതെന്ന് കണ്ടെത്തി. കേസ് എടുത്ത യുവാവിനെ ജാമ്യത്തില്‍ വിട്ടയച്ചതായും പോലീസ് പറഞ്ഞു. ഡ്രോണുകളുടെ നിരോധിത മേഖലാണ് കൊച്ചി വിമാനത്താവളം.

Kerala225 days ago

ലോകത്തെ ഏറ്റവും ഉയരം കൂടിയ രണ്ടാമത്തെ കെട്ടിടവും ദുബായിൽ ഒരുങ്ങുന്നു

725 മീറ്റർ ഉയരമുള്ള ബുർജ് അസീസി എന്ന പേരിലുള്ള കെട്ടിടമാണ് ദുബായ് ശൈഖ് സായിദ് റോഡിനു സമീപം ഉയരുന്നത്. 131 നിലകളുള്ള കെട്ടിടത്തിന് 600 കോടി ദിർഹത്തിലേറെയാണ് നിർമ്മാണ ചെലവ് വരുന്നത്. 2028 നുള്ളിൽ നിർമ്മാണം പൂർത്തിയാക്കാനാണ് ലക്ഷ്യമിടുന്നത്. ഓൾ സ്യൂട്ട് സെവൻ സ്റ്റാർ ഹോട്ടലും പെന്റ് ഹൗസുകളും ഉൾപ്പെടെയുള്ള താമസസൗകര്യങ്ങൾ ഇവിടെയുണ്ടാകും. അപ്പാർട്ട്മെന്റുകൾ, അവധിക്കാല വസതികൾ, നീന്തൽക്കുളങ്ങൾ, സിനിമാ തിയേറ്ററുകൾ തുടങ്ങി ഒട്ടേറെ സൗകര്യങ്ങൾ ബുർജ് അസീസിലൊരുക്കും.

World225 days ago

വരുമാനത്തില്‍ വമ്പന്‍ നേട്ടവുമായി കൊച്ചി അന്താരാഷ്ട്ര വിമാനത്താവളം

കൊച്ചി രാജ്യാന്തര വിമാനത്താവളത്തിന്റെ വരുമാനം 1000 കോടി കടന്നു. 2023-24 സാമ്പത്തിക വര്‍ഷം 1014 കോടിയാണ് സിയാലിന്റെ വരുമാനം. മുന്‍ സാമ്പത്തിക വര്‍ഷം ഇത് 770.9 കോടിയായിരുന്നു. അതായത് മുന്‍ വര്‍ഷത്തേക്കാള്‍ 31.6 ശതമാനം വര്‍ധനവാണ് ഇത്തവണ ഉണ്ടായിരിക്കുന്നത്. അന്താരാഷ്ട്ര യാത്രക്കാരും ആഭ്യന്തര യാത്രക്കാരുമായി 1,05,29,714 പേരാണ് പോയ വര്‍ഷം കൊച്ചി വിമാനത്താവളം വഴി സഞ്ചരിച്ചത്.

Kerala226 days ago

കൊച്ചിയില്‍ നിന്നും ബഹ്‌റൈനിലേക്കുള്ള എയര്‍ ഇന്ത്യ വിമാനം വൈകുന്നു

കൊച്ചിയില്‍ നിന്നും ബഹ്‌റൈനിലേക്ക് രാവിലെ 10.30ന് പുറപ്പെടേണ്ടിയിരുന്ന എയര്‍ ഇന്ത്യ (IX 471) വിമാനമാണ് വൈകുന്നത്. 9 മണിക്കൂര്‍ വൈകുമെന്നാണ് അധികൃതര്‍ അറിയിച്ചിരിക്കുന്നത്. രാവിലെ 10.45ന് പുറപ്പെടേണ്ട വിമാനം വൈകുന്നേരം 6.30ന് പുറപ്പെടുമെന്നാണ് കമ്പനി യാത്രക്കാര്‍ക്ക് അറിയിപ്പ് നല്‍കിയിരിക്കുന്നത്. സംഭവത്തില്‍ പ്രതിഷേധവുമായി യാത്രക്കാര്‍ രംഗത്തെത്തിയിട്ടുണ്ട്. വിമാനം വൈകിയതോടെ നിരവധി യാത്രക്കാരാണ് വിമാനത്താവളത്തില്‍ കുടുങ്ങി കിടക്കുന്നത്. റണ്‍വേ അറ്റകുറ്റപണി കാരണമാണ് യാത്ര വൈകിയതെന്നാണ് അധികൃതരുടെ വിശദീകരണം.

Kerala242 days ago

യന്ത്ര തകരാര്‍; ജിദ്ദയില്‍ നിന്ന് കോഴിക്കോട്ടേക്ക് പുറപ്പെട്ട വിമാനം തിരിച്ചിറക്കി

ജിദ്ദ വിമാനത്താവളത്തില്‍ നിന്ന് പുറപ്പെട്ട സ്‌പൈസ് ജെറ്റ് വിമാനം ഒരു മണിക്കൂറിന് ശേഷം ജിദ്ദയില്‍ തന്നെ തിരിച്ചിറക്കി. വിമാനം പറക്കുന്ന സമയത്ത് ഇടത് ഭാഗത്തായി ഫാനിന്റെ ഭാഗത്ത് നിന്ന് ഉച്ചത്തിലുള്ള ശബ്ദം കേട്ടുവെന്നും പുക ഉയര്‍ന്നെന്നുമാണ് റിപ്പോര്‍ട്ട്. 11.30-ഓടെ എഞ്ചിന്‍ തകരാര്‍ കാരണം ജിദ്ദയിലേക്കുതന്നെ വിമാനം തിരിച്ചിറക്കുകയായിരുന്നു.

World267 days ago

കനത്ത മഴ: കണ്ണൂരിലിറക്കാന്‍ കഴിയാതെ എയര്‍ ഇന്ത്യ നെടുമ്പാശ്ശേരിയിലറക്കി

പുലര്‍ച്ചെ കുവൈറ്റില്‍ നിന്നെത്തിയ എയര്‍ ഇന്ത്യാ വിമാനമാണ് നെടുമ്പാശ്ശേരി വിമാനത്താവളത്തിലിറക്കിയത്. എന്നാല്‍ വിമാനത്തില്‍ നിന്ന് യാത്രക്കാര്‍ പുറത്തേക്ക് ഇറങ്ങാന്‍ തയ്യാറാകാതെ വിമാനത്തില്‍ തന്നെ തുടരുകയാണ്. കാലാവസ്ഥ അനുയോജ്യമാകുമ്പോള്‍ കണ്ണൂരിലേക്ക് പോകാമെന്നാണ് എയര്‍ ഇന്ത്യാ എക്‌സ്പ്രസ് അധികൃതര്‍ അറിയിച്ചിരിക്കുന്നത്.

Kerala275 days ago

ദുബായിലേക്കുള്ള എയര്‍ ഇന്ത്യാ വിമാനം റദ്ദാക്കി

ഇന്ന് രാവിലെ 11ന് നെടുമ്പാശ്ശേരിയില്‍ നിന്ന് പുറപ്പെടേണ്ട എയര്‍ ഇന്ത്യാ വിമാനമാണ് റദ്ദാക്കിയത്. സാങ്കേതിക പ്രശ്‌നങ്ങളെ തുടര്‍ന്നാണ് വിമാനം റദ്ദാക്കിയതെന്നാണ് റിപ്പോര്‍ട്ട്. പകരം സംവിധാനമാവശ്യപ്പെട്ട് യാത്രക്കാര്‍ വിമാനത്താവളത്തില്‍ പ്രതിഷേധിച്ചതോടെ ഏതാനും പേരെ മറ്റു ചില വിമാനങ്ങളിലേക്ക് റീ ഷെഡ്യൂള്‍ ചെയ്യുകയും മറ്റുള്ള യാത്രക്കാരെ താല്‍കാലികമായി ഹോട്ടലുകളിലേക്ക് മാറ്റുകയും ചെയ്തു.

Kerala278 days ago

കൊച്ചി-ലണ്ടന്‍ എയര്‍ ഇന്ത്യാ എക്‌സ്പ്രസില്‍ ബോംബ് ഭീഷണി

ഇന്ന് 11.50ന് നെടുമ്പാശ്ശേരിയില്‍ നിന്ന് ലണ്ടനിലേക്ക് പുറപ്പെടേണ്ട എയര്‍ ഇന്ത്യാ എക്‌സ്പ്രസില്‍ ബോംബ് വെച്ചിട്ടുണ്ടെന്ന് എയര്‍ ഇന്ത്യയുടെ ആസ്ഥാനത്തേക്കാണ് സന്ദേശം ലഭിച്ചത്. ഇതേ തുടര്‍ന്ന് വിമാനത്തില്‍ കര്‍ശന പരിശോധന നടത്തിയെങ്കിലും ഒന്നും കണ്ടെത്താനായില്ല. സംഭവത്തില്‍ ബ്യൂറോ ഓഫ് സിവില്‍ ഏവിയേഷന്‍ സെക്യൂരിറ്റീസ് അന്വേഷണം ആരംഭിച്ചു.

Kerala298 days ago

യാത്രക്കാര്‍ക്ക് ബാഗേജ് സ്വയം ചെക്ക് ഇന്‍ ചെയ്യാം; സൗകര്യമൊരുക്കി കൊച്ചി വിമാനത്താവളം

കൊച്ചി വിമാനത്താവളത്തില്‍ ഇനി ജീവനക്കാരുടെ സഹായമില്ലാതെ തന്നെ യാത്രക്കാര്‍ക്ക് അവരുടെ ബാഗുകള്‍ ചെക്ക്-ഇന്‍ ചെയ്യാം. ആഭ്യന്തര ടെര്‍മിനലില്‍ യാത്രക്കാര്‍ക്കായി സെല്‍ഫ് ബാഗേജ് ഡ്രോപ് സൗകര്യം ആരംഭിച്ചു. നാല് സെല്‍ഫ് ബാഗ് ഡ്രോപ് സംവിധാനങ്ങളാണ് ഒരുക്കിയിട്ടുള്ളത്. യാത്രക്കാരുടെ സൗകര്യത്തിനും സേവനപ്രവര്‍ത്തന ക്ഷമത കൂട്ടാനുമായാണ് ഈ സൗകര്യം ഒരുക്കിയിരിക്കുന്നത്.

Kerala310 days ago

കരിപ്പൂരില്‍ ഇറക്കേണ്ട വിമാനം കൊച്ചിയില്‍ ഇറക്കി; പ്രതിഷേധിച്ച് യാത്രക്കാര്‍

ദുബായില്‍ നിന്ന് പുലര്‍ച്ചെ കരിപ്പൂരില്‍ എത്തിയ എയര്‍ ഇന്ത്യ എക്‌സ്പ്രസ് വിമാനമാണ് കാലാവസ്ഥ മോശമായതിനെ തുടര്‍ന്ന് നെടുമ്പാശ്ശേരി വിമാനത്താവളത്തില്‍ ഇറക്കിയത്. അതേസമയം പുലര്‍ച്ചെ 2.15 ന് എത്തിയ വിമാനത്തില്‍ നിന്ന് യാത്രക്കാര്‍ ഇപ്പോഴും ഇറങ്ങിയിട്ടില്ല. വിമാനത്താവളത്തിലേക്ക് പോകണമെന്ന് ജീവനക്കാര്‍ ആവശ്യപ്പെട്ടുവെങ്കിലും യാത്രക്കാര്‍ ഇത് നിരസിക്കുകയായിരുന്നു. വിമാനത്തില്‍ തന്നെ തിരികെ കോഴിക്കോട് എത്തിക്കണമെന്നാണ് ഇവര്‍ ആവശ്യപ്പെടുന്നത്.

Kerala315 days ago