കരിപ്പൂരില്‍ ഇറക്കേണ്ട വിമാനം കൊച്ചിയില്‍ ഇറക്കി; പ്രതിഷേധിച്ച് യാത്രക്കാര്‍

ദുബായില്‍ നിന്ന് പുലര്‍ച്ചെ കരിപ്പൂരില്‍ എത്തിയ എയര്‍ ഇന്ത്യ എക്‌സ്പ്രസ് വിമാനമാണ് കാലാവസ്ഥ മോശമായതിനെ തുടര്‍ന്ന് നെടുമ്പാശ്ശേരി വിമാനത്താവളത്തില്‍ ഇറക്കിയത്. അതേസമയം പുലര്‍ച്ചെ 2.15 ന് എത്തിയ വിമാനത്തില്‍ നിന്ന് യാത്രക്കാര്‍ ഇപ്പോഴും ഇറങ്ങിയിട്ടില്ല. വിമാനത്താവളത്തിലേക്ക് പോകണമെന്ന് ജീവനക്കാര്‍ ആവശ്യപ്പെട്ടുവെങ്കിലും യാത്രക്കാര്‍ ഇത് നിരസിക്കുകയായിരുന്നു. വിമാനത്തില്‍ തന്നെ തിരികെ കോഴിക്കോട് എത്തിക്കണമെന്നാണ് ഇവര്‍ ആവശ്യപ്പെടുന്നത്.

Kerala199 days ago

കൊച്ചി വിമാനത്താവളത്തിന്റെ ആകാശ ദൃശ്യങ്ങള്‍ പകര്‍ത്തിയ വ്‌ളോഗര്‍ക്കെതിരെ കേസ്

ഡ്രോണ്‍ ഉപയോഗിച്ച് കൊച്ചി അന്താരാഷ്ട്ര വിമാനത്താവളത്തിന്റെ ആകാശദൃശ്യങ്ങള്‍ സാമൂഹിക മാധ്യമത്തില്‍ പങ്കുവെച്ച വ്‌ളോഗര്‍ക്കെതിരെ കേസ്. കോഴിക്കോട് എടച്ചേരി സ്വദേശി അര്‍ജുന്‍ സാബിനെതിരെയാണ് കേസ്. മല്ലു ഡോറ എന്ന ഇന്‍സ്റ്റഗ്രാം പേജിലാണ് അര്‍ജുന്‍ വീഡിയോകള്‍ പങ്കുവച്ചത്. തുടര്‍ന്ന് നടത്തിയ അന്വേഷണത്തില്‍ എയര്‍പോര്‍ട്ട് അധികൃതരുടെ അനുമതിയില്ലാതെയാണ് ഡ്രോണ്‍ പറത്തിയതെന്ന് കണ്ടെത്തി. കേസ് എടുത്ത യുവാവിനെ ജാമ്യത്തില്‍ വിട്ടയച്ചതായും പോലീസ് പറഞ്ഞു. ഡ്രോണുകളുടെ നിരോധിത മേഖലാണ് കൊച്ചി വിമാനത്താവളം.

Kerala109 days ago

വരുമാനത്തില്‍ വമ്പന്‍ നേട്ടവുമായി കൊച്ചി അന്താരാഷ്ട്ര വിമാനത്താവളം

കൊച്ചി രാജ്യാന്തര വിമാനത്താവളത്തിന്റെ വരുമാനം 1000 കോടി കടന്നു. 2023-24 സാമ്പത്തിക വര്‍ഷം 1014 കോടിയാണ് സിയാലിന്റെ വരുമാനം. മുന്‍ സാമ്പത്തിക വര്‍ഷം ഇത് 770.9 കോടിയായിരുന്നു. അതായത് മുന്‍ വര്‍ഷത്തേക്കാള്‍ 31.6 ശതമാനം വര്‍ധനവാണ് ഇത്തവണ ഉണ്ടായിരിക്കുന്നത്. അന്താരാഷ്ട്ര യാത്രക്കാരും ആഭ്യന്തര യാത്രക്കാരുമായി 1,05,29,714 പേരാണ് പോയ വര്‍ഷം കൊച്ചി വിമാനത്താവളം വഴി സഞ്ചരിച്ചത്.

Kerala110 days ago

വലഞ്ഞ് യാത്രക്കാര്‍; സ്‌പൈസ് ജെറ്റിന്റെ കൊച്ചി-ദുബായ് സര്‍വീസ് മുടങ്ങി

തിങ്കളാഴ്ച രാത്രി 11.30 ന് പുറപ്പെടേണ്ടിയിരുന്ന സ്‌പൈസ് ജെറ്റിന്റെ കൊച്ചി-ദുബായ് സര്‍വീസാണ് മുടങ്ങിയത്. യന്ത്രത്തകരാറിനെ തുടര്‍ന്നാണ് വിമാനമെത്താതിരുന്നത്. ഇതോടെ ദുബായിലേക്ക് പുറപ്പെടേണ്ട 180 യാത്രക്കാര്‍ നെടുമ്പാശ്ശേരി വിമാനത്താവളത്തില്‍ കുടുങ്ങിയിരിക്കുകയാണ്. തകരാര്‍ പരിഹരിച്ച് വിമാനമെത്തിയാല്‍ ഉച്ചയ്ക്ക് ശേഷം യാത്രക്കാരെ ദുബായിലേക്ക് കൊണ്ടു പോകുമെന്നാണ് അധികൃതര്‍ അറിയിച്ചിരിക്കുന്നത്.

Kerala119 days ago

കൊച്ചിയില്‍ നിന്നും ബഹ്‌റൈനിലേക്കുള്ള എയര്‍ ഇന്ത്യ വിമാനം വൈകുന്നു

കൊച്ചിയില്‍ നിന്നും ബഹ്‌റൈനിലേക്ക് രാവിലെ 10.30ന് പുറപ്പെടേണ്ടിയിരുന്ന എയര്‍ ഇന്ത്യ (IX 471) വിമാനമാണ് വൈകുന്നത്. 9 മണിക്കൂര്‍ വൈകുമെന്നാണ് അധികൃതര്‍ അറിയിച്ചിരിക്കുന്നത്. രാവിലെ 10.45ന് പുറപ്പെടേണ്ട വിമാനം വൈകുന്നേരം 6.30ന് പുറപ്പെടുമെന്നാണ് കമ്പനി യാത്രക്കാര്‍ക്ക് അറിയിപ്പ് നല്‍കിയിരിക്കുന്നത്. സംഭവത്തില്‍ പ്രതിഷേധവുമായി യാത്രക്കാര്‍ രംഗത്തെത്തിയിട്ടുണ്ട്. വിമാനം വൈകിയതോടെ നിരവധി യാത്രക്കാരാണ് വിമാനത്താവളത്തില്‍ കുടുങ്ങി കിടക്കുന്നത്. റണ്‍വേ അറ്റകുറ്റപണി കാരണമാണ് യാത്ര വൈകിയതെന്നാണ് അധികൃതരുടെ വിശദീകരണം.

Kerala126 days ago

കോഴിക്കോട് നിന്നും മസ്‌കറ്റിലേക്ക് പുറപ്പെട്ട എയര്‍ ഇന്ത്യ വിമാനം മുംബൈയിലിറക്കി

സാങ്കേതിക തകരാറിനെ തുടര്‍ന്നാണ് കോഴിക്കോട് നിന്നും മസ്‌കറ്റിലേക്ക് പുറപ്പെട്ട എയര്‍ ഇന്ത്യ വിമാനം മുംബൈ വിമാനത്താവളത്തില്‍ ഇറക്കിയത്. ഇന്നലെ രാത്രി 11.30നാണ് കോഴിക്കോട് നിന്നും വിമാനം പുറപ്പെട്ടത്. 150ലേറെ യാത്രക്കാര്‍ മുംബൈ വിമാനത്താവളത്തിലാണുള്ളത്. ഉച്ചയ്ക്ക് ഒരു മണിക്ക് യാത്രക്കാരെ മറ്റൊരു വിമാനത്തില്‍ മസ്‌കറ്റിലേക്ക് അയക്കുമെന്ന് എയര്‍ ഇന്ത്യ അറിയിച്ചു.

Kerala131 days ago

കൂടുതല്‍ ആഭ്യന്തര സര്‍വീസുകളുമായി എയര്‍ ഇന്ത്യ എക്‌സ്പ്രസ്

ആറ് പുതിയ നേരിട്ടുള്ള വിമാന സര്‍വീസുകളാണ് എയര്‍ ഇന്ത്യ എക്‌സ്പ്രസ് ആരംഭിച്ചിരിക്കുന്നത്. തിരുവനന്തപുരം - ചെന്നൈ, ചെന്നൈ - ഭുവനേശ്വര്‍, ചെന്നൈ - ബാഗ്ഡോഗ്ര, കൊല്‍ക്കത്ത - വാരണാസി, കൊല്‍ക്കത്ത - ഗുവാഹത്തി, ഗുവാഹത്തി - ജയ്പൂര്‍ എന്നീ റൂട്ടുകളിലാണ് പുതിയ സര്‍വീസുകള്‍ ആരംഭിച്ചത്. യാത്രക്കാരുടെ ആവശ്യം കണക്കിലെടുത്ത് തിരുവനന്തപുരം - ചെന്നൈ റൂട്ടില്‍ ആഴ്ച തോറുമുണ്ടായിരുന്ന സര്‍വീസുകളുടെ എണ്ണം രണ്ടില്‍ നിന്നും ഒന്‍പതായും വര്‍ധിപ്പിച്ചു.

National133 days ago

എയർ ഇന്ത്യ എക്സ്പ്രസ് തിരുവനന്തപുരം – റിയാദ് റൂട്ടിൽ നേരിട്ട് സർവീസ് ആരംഭിക്കുന്നു

എയർ ഇന്ത്യ എക്സ്പ്രസ് തിരുവനന്തപുരത്ത് നിന്ന് റിയാദിലേക്കും തിരിച്ചും നേരിട്ട് സർവീസ് ആരംഭിക്കുന്നു. സെപ്റ്റംബർ 9 മുതലാണ് സർവീസ് ആരംഭിക്കുക. തിരുവനന്തപുരത്ത് നിന്ന് വൈകിട്ട് 5:55ന് പുറപ്പെടുന്ന വിമാനം രാത്രി 10:40ന് റിയാദ് കിംഗ് ഖാലിദ് വിമാനത്താവളത്തിലെത്തും. തുടർന്ന് അന്ന് രാത്രി 11:30ന് റിയാദിൽ നിന്ന് തിരുവനന്തപുരത്തേക്ക് മടക്കയാത്ര നടത്തുന്ന വിമാനം പിറ്റേന്ന് രാവിലെ 7:30ന് തിരുവനന്തപുരത്ത് എത്തും. എല്ലാ തിങ്കളാഴ്ചകളിലുമാണ് സർവീസ്. നിലവിൽ റിയാദിലേക്ക് നേരിട്ട് വിമാന സർവീസ് ഇല്ലാത്തതിനാൽ യാത്രക്കാർ റിയാദിലേക്കുള്ള യാത്രയിൽ ബുദ്ധിമുട്ട് നേരിട്ടിരുന്നു. പുതിയ വിമാന സർവീസ് ആരംഭിക്കുന്നതോടെ പ്രവാസികൾ നേരിട്ടിരുന്ന ഈ യാത്രാദുരിതത്തിന് അറുതിയാകും.

Kerala141 days ago

കനത്ത മഴ: കണ്ണൂരിലിറക്കാന്‍ കഴിയാതെ എയര്‍ ഇന്ത്യ നെടുമ്പാശ്ശേരിയിലറക്കി

പുലര്‍ച്ചെ കുവൈറ്റില്‍ നിന്നെത്തിയ എയര്‍ ഇന്ത്യാ വിമാനമാണ് നെടുമ്പാശ്ശേരി വിമാനത്താവളത്തിലിറക്കിയത്. എന്നാല്‍ വിമാനത്തില്‍ നിന്ന് യാത്രക്കാര്‍ പുറത്തേക്ക് ഇറങ്ങാന്‍ തയ്യാറാകാതെ വിമാനത്തില്‍ തന്നെ തുടരുകയാണ്. കാലാവസ്ഥ അനുയോജ്യമാകുമ്പോള്‍ കണ്ണൂരിലേക്ക് പോകാമെന്നാണ് എയര്‍ ഇന്ത്യാ എക്‌സ്പ്രസ് അധികൃതര്‍ അറിയിച്ചിരിക്കുന്നത്.

Kerala159 days ago

ദുബായിലേക്കുള്ള എയര്‍ ഇന്ത്യാ വിമാനം റദ്ദാക്കി

ഇന്ന് രാവിലെ 11ന് നെടുമ്പാശ്ശേരിയില്‍ നിന്ന് പുറപ്പെടേണ്ട എയര്‍ ഇന്ത്യാ വിമാനമാണ് റദ്ദാക്കിയത്. സാങ്കേതിക പ്രശ്‌നങ്ങളെ തുടര്‍ന്നാണ് വിമാനം റദ്ദാക്കിയതെന്നാണ് റിപ്പോര്‍ട്ട്. പകരം സംവിധാനമാവശ്യപ്പെട്ട് യാത്രക്കാര്‍ വിമാനത്താവളത്തില്‍ പ്രതിഷേധിച്ചതോടെ ഏതാനും പേരെ മറ്റു ചില വിമാനങ്ങളിലേക്ക് റീ ഷെഡ്യൂള്‍ ചെയ്യുകയും മറ്റുള്ള യാത്രക്കാരെ താല്‍കാലികമായി ഹോട്ടലുകളിലേക്ക് മാറ്റുകയും ചെയ്തു.

Kerala162 days ago

വീണ്ടും സര്‍വീസുകള്‍ റദ്ദാക്കി എയര്‍ ഇന്ത്യ എക്‌സ്പ്രസ്

ഇന്ന് രാവിലെ 6.45ന് കണ്ണൂരില്‍ നിന്ന് പുറപ്പെട്ട് 8.45ന് മസ്‌കറ്റില്‍ എത്തേണ്ട IX 0713 വിമാനവും മസ്‌കറ്റില്‍ നിന്ന് രാവിലെ 9.45ന് പുറപ്പെട്ട് ഉച്ച കഴിഞ്ഞ് 2.40ന് കണ്ണൂരില്‍ എത്തേണ്ട IX 0714 വിമാനവുമാണ് റദ്ദാക്കിയിരിക്കുന്നത്. ഇന്നലെ മസ്‌കറ്റ്- കോഴിക്കോട്ട് റൂട്ടിലും ബുധനാഴ്ച കോഴിക്കോട്, കണ്ണൂര്‍ റൂട്ടിലും ചൊവ്വാഴ്ച തിരുവനന്തപുരം, കണ്ണൂര്‍ എന്നിവിടങ്ങളിലേക്കുമുള്ള സര്‍വിസുകളും റദ്ദാക്കിയിരുന്നു. ഇത്തരത്തില്‍ ഒരാഴ്ചക്കിടെ പത്തില്‍ അധികം സര്‍വീസുകളാണ് എയര്‍ ഇന്ത്യ എക്‌സ്പ്രസ് റദ്ദാക്കിയത്.

Kerala171 days ago