കണ്ണൂര്‍ സ്വദേശിയായ മൂന്നര വയസുകാരന് അമീബിക് മസ്തിഷ്‌ക ജ്വരം

കോഴിക്കോട് സ്വകാര്യ ആശുപത്രിയില്‍ ചികിത്സയിലായിരുന്ന മൂന്നര വയസുകാരനാണ് അമീബിക് മസ്തിഷ്‌ക ജ്വരം സ്ഥിരീകരിച്ചത്. പോണ്ടിച്ചേരിയില്‍ നടത്തിയ PCR പരിശോധനയിലാണ് കുട്ടിയ്ക്ക് രോഗം സ്ഥിരീകരിച്ചത്. വെന്റിലേറ്ററില്‍ കഴിയുന്ന കുട്ടി മരുന്നുകളോട് പ്രതികരിക്കുന്നുണ്ടെന്ന് ഡോക്ടര്‍മാര്‍ അറിയിച്ചു. തളിപ്പറമ്പില്‍ വെള്ളച്ചാട്ടത്തില്‍ കുളിച്ച ശേഷമാണ് കുട്ടിക്ക് രോഗലക്ഷണങ്ങളുണ്ടായതെന്നാണ് റിപ്പോര്‍ട്ട്.

Kerala152 days ago

കണ്ണൂരിൽ ഒരാൾക്ക് എം പോക്സ് രോഗ ലക്ഷണം

സംസ്ഥാനത്ത് വീണ്ടും എം പോക്‌സെന്ന് സംശയം. വിദേശത്ത് നിന്ന് വന്നയാൾക്കാണ് രോഗ ലക്ഷണങ്ങൾ ഉള്ളത്. ഇയാൾ പരിയാരം മെഡിക്കൽ കോളേജിൽ ഐസൊലേഷനിൽ ചികിത്സയിൽ കഴിയുകയാണ്. വിദഗ്ധ പരിശോധനയ്ക്കായി ഇയാളുടെ സ്രവ സാമ്പിള്‍ പരിശോധനയ്ക്ക് അയച്ചിട്ടുണ്ട്. നാളെയോ മറ്റന്നാളോ പരിശോധനാ ഫലം ലഭിക്കും. നേരത്തെ മലപ്പുറത്ത് ദുബായില്‍ നിന്നും നാട്ടിലെത്തിയ യുവാവിന് എം പോക്സ് സ്ഥിരീകരിച്ചിരുന്നു.

Health95 days ago

അമീബിക് മസ്തിഷ്‌ക ജ്വരം ബാധിച്ച് ചികിത്സയിലായിരുന്ന 10 പേരും ആശുപത്രി വിട്ടു

തിരുവനന്തപുരം മെഡിക്കല്‍ കോളജില്‍ അമീബിക് മസ്തിഷ്‌ക ജ്വരം ബാധിച്ച് ചികിത്സയിലായിരുന്ന 10 പേരും രോഗമുക്തി നേടി. ആഗോള തലത്തില്‍ 97 ശതമാനം മരണ നിരക്കുള്ള രോഗമാണിത്. ലോകത്തു തന്നെ ഈ രോഗം പിടിപെട്ടതില്‍ ആകെ രോഗമുക്തി നേടിയത് 25 പേരാണ്. ഇതില്‍ 14 പേരും കേരളത്തില്‍ നിന്നുള്ളവരാണ്. കേരളത്തിലെ മരണ നിരക്ക് 26 ശതമാനമായി കുറയ്ക്കാന്‍ സാധിച്ചത് ആരോഗ്യ മേഖലയ്ക്ക് ചരിത്ര നേട്ടമാണ്. ചികിത്സയ്ക്ക് നേതൃത്വം നല്‍കിയ മെഡിക്കല്‍ കോളജിലേയും ആരോഗ്യവകുപ്പിലെയും മുഴുവന്‍ ടീമിനേയും മന്ത്രി വീണ ജോര്‍ജ് അഭിനന്ദിച്ചു.Read More

Health103 days ago

കണ്ണൂരില്‍ പാര്‍ട്ടി നിശ്ചയിച്ച ചടങ്ങില്‍ നിന്ന് വിട്ടുനിന്ന് ഇ.പി. ജയരാജന്‍

LDF കണ്‍വീനര്‍ സ്ഥാനത്തുനിന്ന് നീക്കിയതിന് പിന്നാലെ CPIM നോടുളള നിസഹകരണം തുടര്‍ന്ന് ഇ.പി. ജയരാജന്‍. കണ്ണൂരില്‍ പാര്‍ട്ടി നിശ്ചയിച്ച ചടങ്ങില്‍ നിന്ന് ഇ.പി. ജയരാജന്‍ വിട്ടു നിന്നു. ചടയന്‍ ഗോവിന്ദന്‍ അനുസ്മരണത്തില്‍ ഇ.പി. പങ്കെടുത്തില്ല. അതേസമയം ആരോഗ്യപ്രശ്‌നങ്ങള്‍ മൂലമാണ് ഇ.പി. ജയരാജന്‍ പരിപാടിയില്‍ പങ്കെടുക്കാതിരുന്നതെന്നാണ് കണ്ണൂര്‍ ജില്ലാ സെക്രട്ടറി എം.വി. ജയരാജന്‍ പറഞ്ഞത്. എന്നാല്‍ പരിപാടിയില്‍ ഇ.പി. പങ്കെടുക്കുമെന്നായിരുന്നു ജില്ലാ നേതൃത്വം നേരത്തെ അറിയിച്ചിരുന്നത്.

Kerala106 days ago

അമീബിക് മസ്തിഷ്‌ക ജ്വരം: ഗവേഷണം നടത്താനൊരുങ്ങി കേരളം

സംസ്ഥാനത്തെ പല ജില്ലകളിലും അമീബിക് മസ്തിഷ്‌ക ജ്വരം സ്ഥീരികരിച്ച സാഹചര്യത്തിൽ കേരളം ഈ രോഗത്തെ ഉന്‍മൂലനം ചെയ്യാനുള്ള മരുന്നുകള്‍ കണ്ടുപിടിക്കാനുള്ള ഗവേഷണ പ്രവര്‍ത്തനങ്ങള്‍ നടത്താന്‍ തീരുമാനിച്ചെന്ന് ആരോഗ്യമന്ത്രി വീണാ ജോർജ് പറഞ്ഞു. ഇതിന്റെ ആദ്യ ഘട്ടമായി ICMR, IAV, പോണ്ടിച്ചേരി AV ഇന്‍സ്റ്റിറ്റ്യൂട്ട്, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ്, മലിനീകരണ നിയന്ത്രണ ബോര്‍ഡ് എന്നിവയിലെ വിദഗ്ധരെ പങ്കെടുപ്പിച്ചു കൊണ്ടുള്ള ടെക്നിക്കല്‍ വര്‍ക്ക്ഷോപ്പ് തിരുവനന്തപുരത്ത് സംഘടിപ്പിച്ചു. ഇന്ത്യയില്‍ ആദ്യമായാണ് ഒരു സംസ്ഥാനം ഈ മേഖലയില്‍ ഗവേഷണം നടത്താന്‍ തയ്യാറെടുക്കുന്നത്.

Health119 days ago

കണ്ണൂരില്‍ ചികിത്സയിലായിരുന്ന രണ്ട് പേര്‍ക്കും നിപയില്ല

നിപ സംശയിച്ച് കണ്ണൂരില്‍ ചികിത്സയില്‍ കഴിഞ്ഞ രണ്ട് പേരുടെയും പരിശോധനാ ഫലം നെഗറ്റീവ്. കോഴിക്കോട് മെഡിക്കല്‍ കോളേജില്‍ നടത്തിയ പരിശോധനയിലാണ് ഇരുവരുടെയും സാമ്പിളുകള്‍ നെഗറ്റീവാണെന്ന് തെളിഞ്ഞത്. ഇരുവരും കണ്ണൂര്‍ പരിയാരം മെഡിക്കല്‍ കോളജിലാണ് ചികിത്സയില്‍ കഴിഞ്ഞിരുന്നത്.Read More

Kerala122 days ago

കണ്ണൂരിൽ രണ്ട് പേർക്ക് നിപ രോഗലക്ഷണങ്ങൾ

കണ്ണൂർ മാലൂർ പോലീസ് സ്റ്റേഷൻ പരിധിയിലെ രണ്ട് പേർക്കാണ് നിപ രോഗ ലക്ഷണങ്ങൾ കണ്ടെത്തിയത്. പനിയും ഛർദിയും ഉണ്ടായതിനെ തുടർന്ന് മട്ടന്നൂരിലെ ആശുപത്രിയിൽ ചികിത്സ തേടിയപ്പോഴാണ് ലക്ഷണങ്ങൾ കണ്ടെത്തിയത്. പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ച ഇരുവരും പഴങ്ങൾ വിൽക്കുന്ന കടയിലെ ജീവനക്കാരാണ്.

Kerala123 days ago

പ്രധാനമന്ത്രി കണ്ണൂരിലെത്തി; ഹെലികോപ്റ്ററില്‍ ദുരന്തഭൂമിയിലേക്ക്

ഉരുള്‍പൊട്ടല്‍ നടന്ന വയനാട് ദുരന്തഭൂമി സന്ദര്‍ശിക്കുന്നതിനായി പ്രധാനമന്ത്രി നരേന്ദ്ര മോദി കണ്ണൂര്‍ വിമാനത്താവളത്തിലെത്തി. മുഖ്യമന്ത്രിയും ഗവര്‍ണറും ചേര്‍ന്ന് അദ്ദേഹത്തെ സ്വീകരിക്കും. മൂന്ന് ഹെലികോപ്റ്ററിലായി വയനാട്ടിലേക്ക് തിരിക്കും. ദുരന്തബാധിത പ്രദേശത്ത് എത്തുന്ന പ്രധാനമന്ത്രി ദുരിതാശ്വാസക്യാമ്പിലും ആശുപത്രിയിലും കഴിയുന്നവരുമായി സംസാരിക്കും.

Kerala136 days ago

ഉയർന്ന തിരമാലയ്ക്കും കള്ളക്കടൽ പ്രതിഭാസത്തിനും സാധ്യത; ജാഗ്രത

വരും ദിവസങ്ങളിൽ സംസ്ഥാനത്ത് കനത്ത മഴയ്‌ക്കൊപ്പം കള്ളക്കടൽ പ്രതിഭാസത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം മുന്നറിയിപ്പ് നൽകി. ഇന്ന് രാത്രി 11:30 വരെ കണ്ണൂർ, കാസർഗോഡ് തീരങ്ങളിൽ 1.4 മുതൽ 1.6 മീറ്റർ വരെ ഉയരത്തിലുള്ള തിരമാലകൾക്കും കള്ളക്കടൽ പ്രതിഭാസത്തിനും സാധ്യതയുണ്ട്. കൂടാതെ തമിഴ്നാട് തീരത്തും ഉയർന്ന തിരമാലയ്ക്ക് സാധ്യതയുണ്ട്. അതിനാൽ ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിക്കണെമെന്ന് അധികൃതർ നിർദേശം നൽകി.

Weather138 days ago

തിരുവനന്തപുരത്ത് മൂന്ന് പേര്‍ക്ക് അമീബിക് മസ്തിഷ്‌കജ്വരം സ്ഥിരീകരിച്ചു

രോഗം സ്ഥിരീകരിച്ച മൂന്നുപേരും തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. കഴിഞ്ഞ മാസം 23ന് മരിച്ച നെല്ലിമൂട് സ്വദേശിയുടെ മരണകാരണവും അമീബിക് മസ്തിഷ്‌ക ജ്വരമായിരുന്നു. ഇതോടെ ജില്ലയില്‍ നാലു പേര്‍ക്കാണ് ആകെ രോഗം സ്ഥിരീകരിച്ചത്. രോഗബാധ സ്ഥിരീകരിച്ചതിന് പിന്നാലെ പായല്‍ പിടിച്ചു കിടക്കുന്നതോ മൃഗങ്ങളെ കുളിപ്പിക്കുന്നതോ ആയ വെള്ളം ഉപയോഗിക്കുന്നവര്‍ മുന്‍കരുതല്‍ എടുക്കണമെന്നും കെട്ടിക്കിടക്കുന്ന മലിനമായ വെള്ളത്തില്‍ കുളിക്കരുതെന്നും ആരോഗ്യവകുപ്പ് മുന്നറിയിപ്പ് നല്‍കി.

Kerala141 days ago

തിരുവനന്തപുരത്ത് രണ്ടുപേര്‍ക്ക് അമീബിക് മസ്തിഷ്‌ക ജ്വരം സ്ഥിരീകരിച്ചു

തിരുവനന്തപുരം മെഡിക്കല്‍ കോളേജില്‍ ചികിത്സയില്‍ കഴിയുന്ന നെയ്യാറ്റിന്‍കര നെല്ലിമൂട് സ്വദേശികളായ യുവാക്കള്‍ക്കാണ് രോഗം സ്ഥരീകരിച്ചത്. ഇരുവരുടെയും ആരോഗ്യനില തൃപ്തികരമാണെന്ന് ആശുപത്രി അധികൃതര്‍ അറിയിച്ചു. കഴിഞ്ഞ മാസം 23ന് മരിച്ച നെല്ലിമൂട് സ്വദേശിയുടെ മരണകാരണവും അമീബിക് മസ്തിഷ്‌ക ജ്വരമായിരുന്നു. നെല്ലിമൂടിന് സമീപം വെണ്‍പകലിലെ കുളത്തില്‍ ഇവര്‍ കുളിച്ചതായി കണ്ടെത്തിയിരുന്നു. തുടര്‍ന്ന് ആരോഗ്യവകുപ്പ് കുളം സീല്‍ ചെയ്തിട്ടുണ്ട്.

Kerala141 days ago