കണ്ണൂരിലെ നിധിക്ക് 200 വര്‍ഷം പഴക്കമെന്ന് പുരാവസ്തു വകുപ്പ്

കണ്ണൂര്‍ ജില്ലയിലെ ചെങ്ങളായില്‍ മഴക്കുഴി എടുക്കുന്നതിനിടെ കണ്ടെത്തിയത് 200 വര്‍ഷം പഴക്കമുള്ള വസ്തുക്കളെന്ന് പുരാവസ്തു വകുപ്പ്. ഇതില്‍ ഇന്‍ഡോ ഫ്രഞ്ച് നാണയവും വീരരായന്‍ പണവും അറക്കല്‍ രാജവംശം ഉപയോഗിച്ച നാണയങ്ങളും ഉള്‍പ്പെടുന്നു. ഇവ പതിനേഴ് പതിനെട്ട് നൂറ്റാണ്ടില്‍ ഉപയോഗിച്ചതാണെന്നും നിധി കണ്ടെടുത്ത സ്ഥലത്ത് കൂടുതല്‍ പരിശോധനയുടെ ആവശ്യമില്ലെന്നും പുരാവസ്തു വകുപ്പ് പറഞ്ഞു.

Kerala161 days ago

കണ്ണൂരിൽ ഒരാൾക്ക് എം പോക്സ് രോഗ ലക്ഷണം

സംസ്ഥാനത്ത് വീണ്ടും എം പോക്‌സെന്ന് സംശയം. വിദേശത്ത് നിന്ന് വന്നയാൾക്കാണ് രോഗ ലക്ഷണങ്ങൾ ഉള്ളത്. ഇയാൾ പരിയാരം മെഡിക്കൽ കോളേജിൽ ഐസൊലേഷനിൽ ചികിത്സയിൽ കഴിയുകയാണ്. വിദഗ്ധ പരിശോധനയ്ക്കായി ഇയാളുടെ സ്രവ സാമ്പിള്‍ പരിശോധനയ്ക്ക് അയച്ചിട്ടുണ്ട്. നാളെയോ മറ്റന്നാളോ പരിശോധനാ ഫലം ലഭിക്കും. നേരത്തെ മലപ്പുറത്ത് ദുബായില്‍ നിന്നും നാട്ടിലെത്തിയ യുവാവിന് എം പോക്സ് സ്ഥിരീകരിച്ചിരുന്നു.

Health95 days ago

കണ്ണൂരില്‍ പാര്‍ട്ടി നിശ്ചയിച്ച ചടങ്ങില്‍ നിന്ന് വിട്ടുനിന്ന് ഇ.പി. ജയരാജന്‍

LDF കണ്‍വീനര്‍ സ്ഥാനത്തുനിന്ന് നീക്കിയതിന് പിന്നാലെ CPIM നോടുളള നിസഹകരണം തുടര്‍ന്ന് ഇ.പി. ജയരാജന്‍. കണ്ണൂരില്‍ പാര്‍ട്ടി നിശ്ചയിച്ച ചടങ്ങില്‍ നിന്ന് ഇ.പി. ജയരാജന്‍ വിട്ടു നിന്നു. ചടയന്‍ ഗോവിന്ദന്‍ അനുസ്മരണത്തില്‍ ഇ.പി. പങ്കെടുത്തില്ല. അതേസമയം ആരോഗ്യപ്രശ്‌നങ്ങള്‍ മൂലമാണ് ഇ.പി. ജയരാജന്‍ പരിപാടിയില്‍ പങ്കെടുക്കാതിരുന്നതെന്നാണ് കണ്ണൂര്‍ ജില്ലാ സെക്രട്ടറി എം.വി. ജയരാജന്‍ പറഞ്ഞത്. എന്നാല്‍ പരിപാടിയില്‍ ഇ.പി. പങ്കെടുക്കുമെന്നായിരുന്നു ജില്ലാ നേതൃത്വം നേരത്തെ അറിയിച്ചിരുന്നത്.

Kerala107 days ago

കണ്ണൂരില്‍ ചികിത്സയിലായിരുന്ന രണ്ട് പേര്‍ക്കും നിപയില്ല

നിപ സംശയിച്ച് കണ്ണൂരില്‍ ചികിത്സയില്‍ കഴിഞ്ഞ രണ്ട് പേരുടെയും പരിശോധനാ ഫലം നെഗറ്റീവ്. കോഴിക്കോട് മെഡിക്കല്‍ കോളേജില്‍ നടത്തിയ പരിശോധനയിലാണ് ഇരുവരുടെയും സാമ്പിളുകള്‍ നെഗറ്റീവാണെന്ന് തെളിഞ്ഞത്. ഇരുവരും കണ്ണൂര്‍ പരിയാരം മെഡിക്കല്‍ കോളജിലാണ് ചികിത്സയില്‍ കഴിഞ്ഞിരുന്നത്.Read More

Kerala123 days ago

കണ്ണൂരിൽ രണ്ട് പേർക്ക് നിപ രോഗലക്ഷണങ്ങൾ

കണ്ണൂർ മാലൂർ പോലീസ് സ്റ്റേഷൻ പരിധിയിലെ രണ്ട് പേർക്കാണ് നിപ രോഗ ലക്ഷണങ്ങൾ കണ്ടെത്തിയത്. പനിയും ഛർദിയും ഉണ്ടായതിനെ തുടർന്ന് മട്ടന്നൂരിലെ ആശുപത്രിയിൽ ചികിത്സ തേടിയപ്പോഴാണ് ലക്ഷണങ്ങൾ കണ്ടെത്തിയത്. പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ച ഇരുവരും പഴങ്ങൾ വിൽക്കുന്ന കടയിലെ ജീവനക്കാരാണ്.

Kerala124 days ago

പ്രധാനമന്ത്രി കണ്ണൂരിലെത്തി; ഹെലികോപ്റ്ററില്‍ ദുരന്തഭൂമിയിലേക്ക്

ഉരുള്‍പൊട്ടല്‍ നടന്ന വയനാട് ദുരന്തഭൂമി സന്ദര്‍ശിക്കുന്നതിനായി പ്രധാനമന്ത്രി നരേന്ദ്ര മോദി കണ്ണൂര്‍ വിമാനത്താവളത്തിലെത്തി. മുഖ്യമന്ത്രിയും ഗവര്‍ണറും ചേര്‍ന്ന് അദ്ദേഹത്തെ സ്വീകരിക്കും. മൂന്ന് ഹെലികോപ്റ്ററിലായി വയനാട്ടിലേക്ക് തിരിക്കും. ദുരന്തബാധിത പ്രദേശത്ത് എത്തുന്ന പ്രധാനമന്ത്രി ദുരിതാശ്വാസക്യാമ്പിലും ആശുപത്രിയിലും കഴിയുന്നവരുമായി സംസാരിക്കും.

Kerala137 days ago

ഉയർന്ന തിരമാലയ്ക്കും കള്ളക്കടൽ പ്രതിഭാസത്തിനും സാധ്യത; ജാഗ്രത

വരും ദിവസങ്ങളിൽ സംസ്ഥാനത്ത് കനത്ത മഴയ്‌ക്കൊപ്പം കള്ളക്കടൽ പ്രതിഭാസത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം മുന്നറിയിപ്പ് നൽകി. ഇന്ന് രാത്രി 11:30 വരെ കണ്ണൂർ, കാസർഗോഡ് തീരങ്ങളിൽ 1.4 മുതൽ 1.6 മീറ്റർ വരെ ഉയരത്തിലുള്ള തിരമാലകൾക്കും കള്ളക്കടൽ പ്രതിഭാസത്തിനും സാധ്യതയുണ്ട്. കൂടാതെ തമിഴ്നാട് തീരത്തും ഉയർന്ന തിരമാലയ്ക്ക് സാധ്യതയുണ്ട്. അതിനാൽ ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിക്കണെമെന്ന് അധികൃതർ നിർദേശം നൽകി.

Weather138 days ago

വയനാട് വഴിയുള്ള യാത്ര ഒഴിവാക്കണം

മൈസൂരിലേക്ക് പോകുന്നവർ വയനാട് വഴി യാത്ര ചെയ്യുന്നതിന് പകരം ഇരിട്ടി-കൂട്ടുപുഴ റോഡ് വഴി യാത്ര ചെയ്യണമെന്ന് കണ്ണൂർ ജില്ലാ ഭരണകൂടം അറിയിച്ചു. ചുരത്തിലെ ഗതാഗതക്കുരുക്ക് തടയുന്നതിനും മുണ്ടക്കൈയിൽ രക്ഷാപ്രവർത്തന സാമഗ്രികൾ എത്തിക്കുന്നതിൽ തടസമുണ്ടാകാതിരിക്കാനുമാണ് ഗതാഗത നിയന്ത്രണം ഏർപ്പെടുത്തിയത്. വായനാട്ടിലുണ്ടായ ഉരുൾപൊട്ടലിന്റെ പശ്ചാത്തലത്തിൽ കഴിഞ്ഞ ദിവസം മുതൽ താമരശ്ശേരി ചുരം വഴി ആവശ്യ വാഹനങ്ങൾ ഒഴികെയുള്ള വാഹനങ്ങളുടെ ഗതാഗതം നിയന്ത്രിച്ചിരുന്നു.

Kerala147 days ago

കണ്ണൂര്‍ സ്വദേശിയായ മൂന്നര വയസുകാരന് അമീബിക് മസ്തിഷ്‌ക ജ്വരം

കോഴിക്കോട് സ്വകാര്യ ആശുപത്രിയില്‍ ചികിത്സയിലായിരുന്ന മൂന്നര വയസുകാരനാണ് അമീബിക് മസ്തിഷ്‌ക ജ്വരം സ്ഥിരീകരിച്ചത്. പോണ്ടിച്ചേരിയില്‍ നടത്തിയ PCR പരിശോധനയിലാണ് കുട്ടിയ്ക്ക് രോഗം സ്ഥിരീകരിച്ചത്. വെന്റിലേറ്ററില്‍ കഴിയുന്ന കുട്ടി മരുന്നുകളോട് പ്രതികരിക്കുന്നുണ്ടെന്ന് ഡോക്ടര്‍മാര്‍ അറിയിച്ചു. തളിപ്പറമ്പില്‍ വെള്ളച്ചാട്ടത്തില്‍ കുളിച്ച ശേഷമാണ് കുട്ടിക്ക് രോഗലക്ഷണങ്ങളുണ്ടായതെന്നാണ് റിപ്പോര്‍ട്ട്.

Kerala153 days ago

കണ്ണൂരില്‍ ആഫ്രിക്കന്‍ പന്നിപ്പനി സ്ഥിരീകരിച്ചു

കണ്ണൂരിലെ ഉദയഗിരി പഞ്ചായത്തിലെ മണ്ണാത്തികുണ്ട് ബാബു കൊടകനാലിന്റെ ഉടമസ്ഥതയിലുള്ള ഫാമിലാണ് ആഫ്രിക്കന്‍ പന്നിപ്പനി സ്ഥിരീകരിച്ചത്. ഇതേ തുടര്‍ന്ന് ഫാം നില്‍ക്കുന്നിടത്തെ ഒരു കിലോമീറ്റര്‍ ചുറ്റളവിലുള്ള മുഴുവന്‍ പന്നികളെയും അടിയന്തിരമായി കൊന്നൊടുക്കാന്‍ ജില്ലാ കലക്ടര്‍ ഉത്തരവിറക്കി. 10 ഫാമുകളിലെ പന്നികളെ കൊലപ്പെടുത്തി മറവു ചെയ്യാനാണ് ഉത്തരവ്. കൂടാതെ രോഗം സ്ഥിരീകരിച്ച പന്നിഫാമിന് ചുറ്റുമുള്ള ഒരു കിലോമീറ്റര്‍ പ്രദേശം രോഗബാധിത പ്രദേശമായും 10 കീലോമീറ്റര്‍ ചുറ്റളവ് രോഗ നിരീക്ഷണ മേഖലയായും പ്രഖ്യാപിച്ചു.

Kerala155 days ago

കനത്ത മഴ: കണ്ണൂരിലിറക്കാന്‍ കഴിയാതെ എയര്‍ ഇന്ത്യ നെടുമ്പാശ്ശേരിയിലറക്കി

പുലര്‍ച്ചെ കുവൈറ്റില്‍ നിന്നെത്തിയ എയര്‍ ഇന്ത്യാ വിമാനമാണ് നെടുമ്പാശ്ശേരി വിമാനത്താവളത്തിലിറക്കിയത്. എന്നാല്‍ വിമാനത്തില്‍ നിന്ന് യാത്രക്കാര്‍ പുറത്തേക്ക് ഇറങ്ങാന്‍ തയ്യാറാകാതെ വിമാനത്തില്‍ തന്നെ തുടരുകയാണ്. കാലാവസ്ഥ അനുയോജ്യമാകുമ്പോള്‍ കണ്ണൂരിലേക്ക് പോകാമെന്നാണ് എയര്‍ ഇന്ത്യാ എക്‌സ്പ്രസ് അധികൃതര്‍ അറിയിച്ചിരിക്കുന്നത്.

Kerala160 days ago