വീട്ടുപരിസരത്ത് കൊതുക് കൂത്താടികള്‍; വീട്ടുടമസ്ഥന് 2000 രൂപ പിഴ ചുമത്തി കോടതി

കേരള പൊതുജനാരോഗ്യ നിയമം 2023 പ്രകാരം ഇരിങ്ങാലക്കുട ജുഡീഷ്യല്‍ ഫസ്റ്റ് ക്ലാസ്സ് ജുഡീഷ്യല്‍ കോടതിയാണ് ഉത്തരവ് പുറപ്പെടുവിച്ചത്. ആനന്ദപുരം സാമൂഹികാരോഗ്യ കേന്ദ്രം ഹെല്‍ത്ത് സൂപ്രവൈസര്‍ കെ. പി. ജോബി പുല്ലൂര്‍ കോക്കാട്ട് വീട്ടില്‍ ആന്റുവിന് എതിരെ എടുത്ത കേസിലാണ് പിഴ അടയ്ക്കാന്‍ വിധിച്ചത്. ഡെങ്കിപ്പനി വര്‍ധിച്ച സാഹചര്യത്തില്‍ ഇക്കഴിഞ്ഞ ജൂണ്‍ മാസത്തില്‍ വീടുകളിലും സ്ഥാപനങ്ങളിലും നടത്തിയ പരിശോധനയുടെ അടിസ്ഥാനത്തിലാണ് നടപടി. ഇയാളുടെ വീട്ടുപരിസരത്ത് ധാരാളമായി കൊതുക് കൂത്താടികളെ കണ്ടെത്തിയിരുന്നു. ഈ നിയമപ്രകാരമുള്ള സംസ്ഥാനത്തെ ആദ്യ ശിക്ഷാ വിധിയാണിത്.

Kerala283 days ago

ഡെങ്കിപ്പനിക്കും, എലിപ്പനിക്കുമെതിരെ ജാഗ്രത തുടരണം: ആരോഗ്യമന്ത്രി വീണാ ജോർജ്

ഇടവിട്ടുള്ള മഴ കാരണം ഡെങ്കിപ്പനിക്കെതിരേയും എലിപ്പനിക്കെതിരേയും ജാഗ്രത തുടരണമെന്ന് ആരോഗ്യ വകുപ്പ്. എലിപ്പനി മരണം ഒഴിവാക്കാന്‍ എലിപ്പനി പ്രതിരോധ ഗുളികയായ ഡോക്സിസൈക്ലിന്‍ ആരോഗ്യ പ്രവര്‍ത്തകരുടെ നിര്‍ദേശാനുസരണം കഴിക്കണമെന്നും കൈകാലുകളില്‍ മുറിവുകളുള്ളവര്‍ മലിനജലവുമായി സമ്പര്‍ക്കം വരാതെ നോക്കണമെന്നും ആരോഗ്യമന്ത്രി വീണാ ജോർജ് പറഞ്ഞു. മലിന ജലത്തിലിറങ്ങിയവര്‍ നിര്‍ബന്ധമായും എലിപ്പനി പ്രിരോധ ഗുളിക കഴിണമെന്നും ആരോഗ്യ വകുപ്പ് അറിയിച്ചു.

Health222 days ago

ജാഗ്രത; കോഴിക്കോട് ആശുപത്രിയിലെ 14 ജീവനക്കാര്‍ക്ക് ഡെങ്കിപ്പനി

കോഴിക്കോട് കോട്ടപ്പറമ്പ് ആശുപത്രിയിലെ ആരോഗ്യപ്രവര്‍ത്തകര്‍ക്കും ജീവനക്കാര്‍ക്കുമാണ് ഡെങ്കിപ്പനി സ്ഥിരീകരിച്ചത്. മൂന്ന് ഡോക്ടര്‍മാര്‍, നഴ്സുമാര്‍, ലാബ് ടെക്നീഷ്യന്‍, നഴ്സിങ് അസിസ്റ്റന്റ്, ഡേറ്റാ എന്‍ട്രി ഓപ്പറേറ്റമാര്‍ എന്നിവര്‍ക്കാണ് രോഗബാധ. അത്യാഹിതവിഭാഗത്തിലും OPയിലും ഡ്യൂട്ടി ചെയ്യുന്ന ഡോക്ടര്‍മാരുള്‍പ്പെടെയുള്ള ആരോഗ്യപ്രവര്‍ത്തകര്‍ക്കാണ് ഡെങ്കിപ്പനി ബാധിച്ചത്. നിലവില്‍ 70 കിടപ്പുരോഗികള്‍ കോട്ടപ്പറമ്പ് ആശുപത്രിയിലുണ്ടെന്നും ഗൗരവത്തോടെയാണ് ഈ വിഷയം കാണുന്നതെന്നും ആരോഗ്യപ്രവര്‍ത്തകര്‍ക്ക് അല്ലാതെ മറ്റാര്‍ക്കും ഡെങ്കിപ്പനി സ്ഥിരീകരിച്ചിട്ടില്ലെന്നും ആശുപത്രി സൂപ്രണ്ട് അറിയിച്ചു.

Kerala240 days ago

എറണാകുളത്ത് ഡെങ്കിപ്പനി പടരുന്നു

എറണാകുളം ജില്ലയില്‍ ഡെങ്കിപ്പനി ബാധിതരുടെ എണ്ണം വര്‍ധിക്കുന്നു. കഴിഞ്ഞ ദിവസം മാത്രം 144 പേരെയാണ് ആശുപത്രിയില്‍ പ്രവേശിപ്പിച്ചത്. മട്ടാഞ്ചേരി, ഫോര്‍ട്ട്‌കൊച്ചി, പള്ളൂരുത്തി മേഖലയിലാണ് കൂടുതലായി പനി പടര്‍ന്നിരിക്കുന്നത്. സാധാരണ വൈറല്‍ ഫിവര്‍ വ്യാപിക്കുന്നതിന് പുറമെയാണ് ഡെങ്കിപ്പനി ബാധിതരുടെ എണ്ണം കൂടിയിരിക്കുന്നത്. ഫോഗിങ് ഉള്‍പ്പെടെയുളള കൊതുകുനിവാരണ പ്രവര്‍ത്തനങ്ങള്‍ നടപ്പിലാക്കുന്നുണ്ടെന്നും, വെള്ളം കെട്ടിക്കിടക്കുന്ന സാഹചര്യങ്ങളും മറ്റും ഒഴിവാക്കി ജനങ്ങള്‍ കൂടി ഇക്കാര്യത്തില്‍ സഹകരിക്കണമെന്നും നഗരസഭ അറിയിച്ചു.

Kerala255 days ago

ഡെങ്കിപ്പനി വ്യാപനം: കേന്ദ്ര ആരോഗ്യമന്ത്രി ഉന്നതതല യോഗം ചേർന്നു

വിവിധ സംസ്ഥാനങ്ങളിൽ ഡെങ്കിപ്പനി വ്യാപിക്കുന്ന സാഹചര്യത്തിൽ കേന്ദ്ര ആരോഗ്യമന്ത്രി ജെ.പി. നദ്ദയുടെ നേതൃത്വത്തിൽ ഉന്നതതല യോഗം ചേർന്ന് സ്ഥിതിഗതികൾ വിലയിരുത്തി. കൂടുതൽ രോഗികളുള്ള സംസ്ഥാനങ്ങളിൽ ശ്രദ്ധ കേന്ദ്രീകരിച്ച് പ്രവർത്തിക്കണമെന്നും പ്രതിരോധ പ്രവർത്തനങ്ങൾ ഊർജിതമാക്കണമെന്നും മന്ത്രി നിർദേശിച്ചു. എയിംസ് അടക്കമുള്ള കേന്ദ്രസർക്കാർ ആശുപത്രിയിൽ ഡെങ്കിപ്പനിക്കായി പ്രത്യേകം വാർഡുകൾ തുറക്കണമെന്നും ആവശ്യത്തിന് ജീവനക്കാരും മരുന്നും ഉറപ്പാക്കണമെന്നും മന്ത്രി നിർദേശം നൽകി. അതേസമയം കേരളത്തിൽ ഇന്ന് 162 പേർക്ക് ഡെങ്കിപ്പനി സ്ഥിരീകരിച്ചു.

Health284 days ago

സംസ്ഥാനത്ത് പനി ബാധിതരുടെ എണ്ണം വര്‍ധിക്കുന്നതായി ആരോഗ്യവകുപ്പ്

സംസ്ഥാനത്ത് പനി ബാധിച്ച് 13,511 പേര്‍ ചികിത്സ തേടിയതായി അരോഗ്യവകുപ്പ് അറിയിച്ചു. പനി ബാധിച്ച് ഇന്നലെ നാല് പേര്‍ മരിച്ചു. 99 പേര്‍ക്ക് ഡെങ്കിപ്പനിയും ഏഴുപേര്‍ക്ക് എലിപ്പനിയും സ്ഥിരീകരിച്ചു. തുടര്‍ച്ചയായി പെയ്ത മഴ ശമിച്ചതോടെയാണ് സംസ്ഥാനത്ത് വീണ്ടും പകര്‍ച്ചവ്യാധികള്‍ വ്യാപകമായത്. പനി ബാധിച്ചുള്ള മരണത്തില്‍ ഒന്ന് വെസ്റ്റ് നൈല്‍ പനി ബാധിച്ചാണെന്ന് ആരോഗ്യ വകുപ്പ് സ്ഥിരീകരിച്ചു. കോഴിക്കോട് കണ്ണാടിക്കല്‍ സ്വദേശിയാണ് വെസ്റ്റ് നൈല്‍ പനി ബാധിച്ച് മരിച്ചത്.

Kerala285 days ago

എറണാകുളത്ത് ഡെങ്കിപ്പനി പടരുന്നു; ഏറ്റവും കൂടുതല്‍ കളമശേരിയില്‍

എറണാകുളം ജില്ലയില്‍ ഡെങ്കിപ്പനി ബാധിതരുടെ എണ്ണം വര്‍ധിക്കുന്നു. കഴിഞ്ഞ ശനിയാഴ്ച്ച മാത്രം 86 ഡെങ്കി കേസുകളാണ് ജില്ലയില്‍ സ്ഥിരീകരിച്ചത്. ഇതില്‍ തന്നെ കളമശേരി നഗരസഭാ പരിധിയിലാണ് ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്തിരിക്കുന്നത്. സംസ്ഥാനത്തെ ഡെങ്കിപ്പനി ബാധിതരില്‍ 54 ശതമാനവും എറണാകുളം ജില്ലയിലാണ്. കൂടാതെ ജില്ലയില്‍ രണ്ടു പേര്‍ക്ക് എലിപ്പനിയും സ്ഥിരീകരിച്ചിട്ടുണ്ട്.

Kerala285 days ago

ഡെങ്കിപ്പനി; അതീവ ജാഗ്രത പാലിക്കണമെന്ന് ആരോഗ്യ വകുപ്പ് മന്ത്രി

ഡെങ്കിപ്പനി മുമ്പ് വന്നിട്ടുള്ളവര്‍ക്ക് വീണ്ടും ബാധിച്ചാല്‍ ആരോഗ്യനില സങ്കീര്‍ണമാകാന്‍ സാധ്യതയുണ്ടെന്ന് ആരോഗ്യ വകുപ്പ് മന്ത്രി വീണാ ജോര്‍ജ് പറഞ്ഞു. പ്രമേഹം, ഹൃദ്രോഗം, വൃക്ക രോഗം തുടങ്ങിയ രോഗങ്ങളുള്ളവര്‍, പ്രായമായവര്‍, ഗര്‍ഭിണികള്‍, കുഞ്ഞുങ്ങള്‍ എന്നിവര്‍ പ്രത്യേകം ശ്രദ്ധിക്കണമെന്നും മന്ത്രി അഭ്യര്‍ത്ഥിച്ചു. അതിനാല്‍ തന്നെ കൊതുകിന്റെ ഉറവിട നശീകരണം വളരെ പ്രധാനമാണെന്നും മന്ത്രി കൂട്ടിച്ചേര്‍ത്തു.

Health291 days ago

പകര്‍ച്ച വ്യാധി ഭീഷണിയില്‍ ഇടുക്കിയും

മഴ തുടങ്ങിയതോടെ ഇടുക്കി ജില്ലയില്‍ ഡെങ്കിപ്പനി കേസുകളില്‍ മുന്‍ വര്‍ഷങ്ങളെ അപേക്ഷിച്ച് വന്‍ വര്‍ധനവാണ് ഇത്തവണയുണ്ടായിരിക്കുന്നത്. 171 പേര്‍ക്ക് ഡെങ്കിപ്പനി സ്ഥിരീകരിച്ചു. എലിപ്പനി, മലമ്പനി, ജലജന്യ രോഗങ്ങള്‍ തുടങ്ങിയ പകര്‍ച്ച വ്യാധികളും ഇത്തവണ ഇടുക്കിയില്‍ കൂടുതലായി റിപ്പോര്‍ട്ട് ചെയ്തിട്ടുണ്ട്. നാലു പേര്‍ക്ക് എലിപ്പനി സ്ഥിരീകരിച്ചു. 25 പേര്‍ എലിപ്പനി സംശയിച്ച് ചികിത്സയിലാണ്.

Health336 days ago

ഡെങ്കിപ്പനി വ്യാപനം; പ്രതിരോധ പ്രവര്‍ത്തനങ്ങള്‍ അനിവാര്യമാണെന്ന് ആരോഗ്യ വകുപ്പ് മന്ത്രി

ഈ വര്‍ഷത്തെ ദേശീയ ഡെങ്കിപ്പനി ദിനം മേയ് 16 ആണെന്നും 'സാമൂഹ്യ പങ്കാളിത്തതോടെ ഡെങ്കിപ്പനിയെ നിയന്ത്രിക്കാം' എന്നതാണ് ഈ വര്‍ഷത്തെ ദേശീയ ഡെങ്കിപ്പനി ദിനാചരണ സന്ദേശമെന്നും ആരോഗ്യ വകുപ്പ് മന്ത്രി വീണാ ജോര്‍ജ് പറഞ്ഞു. ഇടവിട്ടുള്ള മഴ കാരണം ഡെങ്കിപ്പനി വര്‍ധിക്കുന്ന സാഹചര്യത്തില്‍ ഊര്‍ജിത പ്രതിരോധ പ്രവര്‍ത്തനങ്ങള്‍ അനിവാര്യമാണെന്നും മന്ത്രി പറഞ്ഞു. ഡെങ്കിപ്പനി വന്നവരും അല്ലാത്തവരും ഒരുപോലെ മുന്‍കരുതലുകളെടുക്കണമെന്നും മന്ത്രി കൂട്ടിച്ചേര്‍ത്തു.

Health340 days ago

ഇടുക്കിയിലെ ഡെങ്കിപ്പനി വ്യാപനം: ജാഗ്രത പാലിക്കണമെന്ന് ആരോഗ്യ വകുപ്പ്

ജില്ലയിൽ കൂടുതൽ ഡെങ്കിപ്പനി കേസുകൾ റിപ്പോർട്ട് ചെയ്യുന്ന സാഹചര്യത്തിൽ ജാഗ്രത പാലിക്കണമെന്ന് ആരോഗ്യവകുപ്പ് മുന്നറിയിപ്പ് നൽകി. ഇടവിട്ട് ചില സ്ഥലങ്ങളിൽ വേനൽവഴ പെയ്യുന്നതിനാൽ വീടിന് പുറത്തുള്ള പറമ്പുകളിൽ മഴവെള്ളം കെട്ടിക്കിടക്കുന്നത് ഡെങ്കിപ്പനി വർധിക്കാൻ കാരണമാകുന്നുണ്ടെന്നും അതിനാൽ വെള്ളം കെട്ടിക്കിടക്കുന്നില്ലെന്ന് ഉറപ്പാക്കണമെന്നും ആരോഗ്യവകുപ്പ് നിർദേശിച്ചു.

Health341 days ago