ഡെങ്കിപ്പനി വ്യാപനം: കേന്ദ്ര ആരോഗ്യമന്ത്രി ഉന്നതതല യോഗം ചേർന്നു

വിവിധ സംസ്ഥാനങ്ങളിൽ ഡെങ്കിപ്പനി വ്യാപിക്കുന്ന സാഹചര്യത്തിൽ കേന്ദ്ര ആരോഗ്യമന്ത്രി ജെ.പി. നദ്ദയുടെ നേതൃത്വത്തിൽ ഉന്നതതല യോഗം ചേർന്ന് സ്ഥിതിഗതികൾ വിലയിരുത്തി. കൂടുതൽ രോഗികളുള്ള സംസ്ഥാനങ്ങളിൽ ശ്രദ്ധ കേന്ദ്രീകരിച്ച് പ്രവർത്തിക്കണമെന്നും പ്രതിരോധ പ്രവർത്തനങ്ങൾ ഊർജിതമാക്കണമെന്നും മന്ത്രി നിർദേശിച്ചു. എയിംസ് അടക്കമുള്ള കേന്ദ്രസർക്കാർ ആശുപത്രിയിൽ ഡെങ്കിപ്പനിക്കായി പ്രത്യേകം വാർഡുകൾ തുറക്കണമെന്നും ആവശ്യത്തിന് ജീവനക്കാരും മരുന്നും ഉറപ്പാക്കണമെന്നും മന്ത്രി നിർദേശം നൽകി. അതേസമയം കേരളത്തിൽ ഇന്ന് 162 പേർക്ക് ഡെങ്കിപ്പനി സ്ഥിരീകരിച്ചു.

Health166 days ago

തിരുപ്പതി ലഡുവിലെ മൃഗക്കൊഴുപ്പ്; റിപ്പോര്‍ട്ട് തേടി കേന്ദ്ര ആരോഗ്യമന്ത്രി

തിരുപ്പതി വെങ്കിടേശ്വര ക്ഷേത്രത്തില്‍ പ്രസാദമായി നല്‍കുന്ന ലഡു നിര്‍മ്മിക്കാന്‍ മൃഗക്കൊഴുപ്പും മറ്റ് നിലവാരമില്ലാത്ത ചേരുവകളും ഉപയോഗിച്ചെന്ന ആരോപണത്തില്‍ കേന്ദ്ര ആരോഗ്യമന്ത്രി ജെ.പി. നദ്ദ ആന്ധ്രാപ്രദേശ് മുഖ്യമന്ത്രി എന്‍. ചന്ദ്രബാബു നായിഡുവിനോട് റിപ്പോര്‍ട്ട് തേടി. റിപ്പോര്‍ട്ട് ഫുഡ് സേഫ്റ്റി ആന്‍ഡ് സ്റ്റാന്‍ഡേര്‍ഡ് അതോറിറ്റി ഓഫ് ഇന്ത്യ പരിശോധിച്ച ശേഷം നടപടിയെടുക്കുമെന്നും നദ്ദ പറഞ്ഞു. വൈ.എസ്. ജഗന്‍ മോഹന്‍ റെഡ്ഡിയുടെ നേതൃത്വത്തിലുള്ള മുന്‍ സര്‍ക്കാരിന്റെ കാലത്ത് തിരുപ്പതി ലഡു നിര്‍മ്മിക്കാന്‍ മൃഗക്കൊഴുപ്പും മറ്റ് നിലവാരമില്ലാത്ത ചേരുവകളും ഉപയോഗിച്ചുവെന്ന മുഖ്യമന്ത്രി എന്‍. ചന്ദ്രബാബു നായിഡുവിന്റെ ആരോപണത്തിന് പിന്നാലെയാണ് നടപടി.

National95 days ago

ഡെങ്കിപ്പനിക്കും, എലിപ്പനിക്കുമെതിരെ ജാഗ്രത തുടരണം: ആരോഗ്യമന്ത്രി വീണാ ജോർജ്

ഇടവിട്ടുള്ള മഴ കാരണം ഡെങ്കിപ്പനിക്കെതിരേയും എലിപ്പനിക്കെതിരേയും ജാഗ്രത തുടരണമെന്ന് ആരോഗ്യ വകുപ്പ്. എലിപ്പനി മരണം ഒഴിവാക്കാന്‍ എലിപ്പനി പ്രതിരോധ ഗുളികയായ ഡോക്സിസൈക്ലിന്‍ ആരോഗ്യ പ്രവര്‍ത്തകരുടെ നിര്‍ദേശാനുസരണം കഴിക്കണമെന്നും കൈകാലുകളില്‍ മുറിവുകളുള്ളവര്‍ മലിനജലവുമായി സമ്പര്‍ക്കം വരാതെ നോക്കണമെന്നും ആരോഗ്യമന്ത്രി വീണാ ജോർജ് പറഞ്ഞു. മലിന ജലത്തിലിറങ്ങിയവര്‍ നിര്‍ബന്ധമായും എലിപ്പനി പ്രിരോധ ഗുളിക കഴിണമെന്നും ആരോഗ്യ വകുപ്പ് അറിയിച്ചു.

Health104 days ago

ഹേമ കമ്മിറ്റി റിപ്പോർട്ടിൽ കേരള സർക്കാരിനെ കടന്നാക്രമിച്ച് ജെ.പി. നദ്ദ

ഹേമ കമ്മിറ്റി റിപ്പോർട്ടിൽ പ്രതികരികരണവുമായി BJP ദേശീയ അധ്യക്ഷനും കേന്ദ്ര ആരോഗ്യമന്ത്രിയുമായ ജെ.പി. നദ്ദ. ഹേമ കമ്മിറ്റി റിപ്പോർട്ട്‌ ഇത്രയും വൈകിപ്പിച്ചത് CPI(M) നേതാക്കൾ ഉൾപ്പെട്ടുള്ളതിനാലാണെന്നും മുഖ്യമന്ത്രി പിണറായി വിജയൻ എന്തൊക്കെയോ മറച്ചുവെക്കുകയാണെന്നും ജെ.പി. നദ്ദ ആരോപിച്ചു. പാലക്കാട് നടന്ന BJP യുടെ പരിപാടിയിൽ പങ്കെടുക്കാൻ എത്തിയതായിരുന്നു മന്ത്രി. കേരളം അഴിമതിയുടെ നാടായി മാറിയെന്ന് കുറ്റപ്പെടുത്തിയ BJP ദേശീയ അധ്യക്ഷൻ ജെ.പി. നദ്ദ കരുവന്നൂർ ബാങ്ക് തട്ടിപ്പ് അതിന് ഉദാഹരണമാണെന്നും പറഞ്ഞു.

Kerala113 days ago

ജാഗ്രത; കോഴിക്കോട് ആശുപത്രിയിലെ 14 ജീവനക്കാര്‍ക്ക് ഡെങ്കിപ്പനി

കോഴിക്കോട് കോട്ടപ്പറമ്പ് ആശുപത്രിയിലെ ആരോഗ്യപ്രവര്‍ത്തകര്‍ക്കും ജീവനക്കാര്‍ക്കുമാണ് ഡെങ്കിപ്പനി സ്ഥിരീകരിച്ചത്. മൂന്ന് ഡോക്ടര്‍മാര്‍, നഴ്സുമാര്‍, ലാബ് ടെക്നീഷ്യന്‍, നഴ്സിങ് അസിസ്റ്റന്റ്, ഡേറ്റാ എന്‍ട്രി ഓപ്പറേറ്റമാര്‍ എന്നിവര്‍ക്കാണ് രോഗബാധ. അത്യാഹിതവിഭാഗത്തിലും OPയിലും ഡ്യൂട്ടി ചെയ്യുന്ന ഡോക്ടര്‍മാരുള്‍പ്പെടെയുള്ള ആരോഗ്യപ്രവര്‍ത്തകര്‍ക്കാണ് ഡെങ്കിപ്പനി ബാധിച്ചത്. നിലവില്‍ 70 കിടപ്പുരോഗികള്‍ കോട്ടപ്പറമ്പ് ആശുപത്രിയിലുണ്ടെന്നും ഗൗരവത്തോടെയാണ് ഈ വിഷയം കാണുന്നതെന്നും ആരോഗ്യപ്രവര്‍ത്തകര്‍ക്ക് അല്ലാതെ മറ്റാര്‍ക്കും ഡെങ്കിപ്പനി സ്ഥിരീകരിച്ചിട്ടില്ലെന്നും ആശുപത്രി സൂപ്രണ്ട് അറിയിച്ചു.

Kerala123 days ago

ഇന്ത്യയിലെ കോവിഡ് വര്‍ധനവിന് പിന്നില്‍ രണ്ട് വകഭേദങ്ങളെന്ന് കേന്ദ്രം

KP.1, KP.2 എന്നീ വകഭേദങ്ങളാണ് ഇന്ത്യയിലെ കോവിഡ് കേസുകളുടെ വര്‍ധനവിന് പിന്നിലെന്ന് കേന്ദ്ര ആരോഗ്യമന്ത്രി ജെ. പി. നദ്ദ വ്യക്തമാക്കി. ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചും നാഷണല്‍ സെന്റര്‍ ഫോര്‍ ഡിസീസ് കണ്‍ട്രോളും ഇക്കാര്യം അറിയിച്ചിട്ടുണ്ടെന്ന് ആരോഗ്യമന്ത്രി പറഞ്ഞു. JN.1 ഒമിക്രോണ്‍ വകഭേദത്തില്‍ നിന്നും ഉരുത്തിരിഞ്ഞവയാണ് KP.1, KP.2 എന്നീ വകഭേദങ്ങളെന്നും മന്ത്രി പറഞ്ഞു. ഓഗസ്റ്റ് അഞ്ചു വരെ 824 കോവിഡ് കേസുകളാണ് സ്ഥിരീകരിച്ചിട്ടുള്ളത്.

National135 days ago

എറണാകുളത്ത് ഡെങ്കിപ്പനി പടരുന്നു

എറണാകുളം ജില്ലയില്‍ ഡെങ്കിപ്പനി ബാധിതരുടെ എണ്ണം വര്‍ധിക്കുന്നു. കഴിഞ്ഞ ദിവസം മാത്രം 144 പേരെയാണ് ആശുപത്രിയില്‍ പ്രവേശിപ്പിച്ചത്. മട്ടാഞ്ചേരി, ഫോര്‍ട്ട്‌കൊച്ചി, പള്ളൂരുത്തി മേഖലയിലാണ് കൂടുതലായി പനി പടര്‍ന്നിരിക്കുന്നത്. സാധാരണ വൈറല്‍ ഫിവര്‍ വ്യാപിക്കുന്നതിന് പുറമെയാണ് ഡെങ്കിപ്പനി ബാധിതരുടെ എണ്ണം കൂടിയിരിക്കുന്നത്. ഫോഗിങ് ഉള്‍പ്പെടെയുളള കൊതുകുനിവാരണ പ്രവര്‍ത്തനങ്ങള്‍ നടപ്പിലാക്കുന്നുണ്ടെന്നും, വെള്ളം കെട്ടിക്കിടക്കുന്ന സാഹചര്യങ്ങളും മറ്റും ഒഴിവാക്കി ജനങ്ങള്‍ കൂടി ഇക്കാര്യത്തില്‍ സഹകരിക്കണമെന്നും നഗരസഭ അറിയിച്ചു.

Kerala138 days ago

വീട്ടുപരിസരത്ത് കൊതുക് കൂത്താടികള്‍; വീട്ടുടമസ്ഥന് 2000 രൂപ പിഴ ചുമത്തി കോടതി

കേരള പൊതുജനാരോഗ്യ നിയമം 2023 പ്രകാരം ഇരിങ്ങാലക്കുട ജുഡീഷ്യല്‍ ഫസ്റ്റ് ക്ലാസ്സ് ജുഡീഷ്യല്‍ കോടതിയാണ് ഉത്തരവ് പുറപ്പെടുവിച്ചത്. ആനന്ദപുരം സാമൂഹികാരോഗ്യ കേന്ദ്രം ഹെല്‍ത്ത് സൂപ്രവൈസര്‍ കെ. പി. ജോബി പുല്ലൂര്‍ കോക്കാട്ട് വീട്ടില്‍ ആന്റുവിന് എതിരെ എടുത്ത കേസിലാണ് പിഴ അടയ്ക്കാന്‍ വിധിച്ചത്. ഡെങ്കിപ്പനി വര്‍ധിച്ച സാഹചര്യത്തില്‍ ഇക്കഴിഞ്ഞ ജൂണ്‍ മാസത്തില്‍ വീടുകളിലും സ്ഥാപനങ്ങളിലും നടത്തിയ പരിശോധനയുടെ അടിസ്ഥാനത്തിലാണ് നടപടി. ഇയാളുടെ വീട്ടുപരിസരത്ത് ധാരാളമായി കൊതുക് കൂത്താടികളെ കണ്ടെത്തിയിരുന്നു.Read More

Kerala166 days ago

സംസ്ഥാനത്ത് പനി ബാധിതരുടെ എണ്ണം വര്‍ധിക്കുന്നതായി ആരോഗ്യവകുപ്പ്

സംസ്ഥാനത്ത് പനി ബാധിച്ച് 13,511 പേര്‍ ചികിത്സ തേടിയതായി അരോഗ്യവകുപ്പ് അറിയിച്ചു. പനി ബാധിച്ച് ഇന്നലെ നാല് പേര്‍ മരിച്ചു. 99 പേര്‍ക്ക് ഡെങ്കിപ്പനിയും ഏഴുപേര്‍ക്ക് എലിപ്പനിയും സ്ഥിരീകരിച്ചു. തുടര്‍ച്ചയായി പെയ്ത മഴ ശമിച്ചതോടെയാണ് സംസ്ഥാനത്ത് വീണ്ടും പകര്‍ച്ചവ്യാധികള്‍ വ്യാപകമായത്. പനി ബാധിച്ചുള്ള മരണത്തില്‍ ഒന്ന് വെസ്റ്റ് നൈല്‍ പനി ബാധിച്ചാണെന്ന് ആരോഗ്യ വകുപ്പ് സ്ഥിരീകരിച്ചു. കോഴിക്കോട് കണ്ണാടിക്കല്‍ സ്വദേശിയാണ് വെസ്റ്റ് നൈല്‍ പനി ബാധിച്ച് മരിച്ചത്.

Kerala167 days ago

എറണാകുളത്ത് ഡെങ്കിപ്പനി പടരുന്നു; ഏറ്റവും കൂടുതല്‍ കളമശേരിയില്‍

എറണാകുളം ജില്ലയില്‍ ഡെങ്കിപ്പനി ബാധിതരുടെ എണ്ണം വര്‍ധിക്കുന്നു. കഴിഞ്ഞ ശനിയാഴ്ച്ച മാത്രം 86 ഡെങ്കി കേസുകളാണ് ജില്ലയില്‍ സ്ഥിരീകരിച്ചത്. ഇതില്‍ തന്നെ കളമശേരി നഗരസഭാ പരിധിയിലാണ് ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്തിരിക്കുന്നത്. സംസ്ഥാനത്തെ ഡെങ്കിപ്പനി ബാധിതരില്‍ 54 ശതമാനവും എറണാകുളം ജില്ലയിലാണ്. കൂടാതെ ജില്ലയില്‍ രണ്ടു പേര്‍ക്ക് എലിപ്പനിയും സ്ഥിരീകരിച്ചിട്ടുണ്ട്.

Kerala168 days ago

ഡെങ്കിപ്പനി; അതീവ ജാഗ്രത പാലിക്കണമെന്ന് ആരോഗ്യ വകുപ്പ് മന്ത്രി

ഡെങ്കിപ്പനി മുമ്പ് വന്നിട്ടുള്ളവര്‍ക്ക് വീണ്ടും ബാധിച്ചാല്‍ ആരോഗ്യനില സങ്കീര്‍ണമാകാന്‍ സാധ്യതയുണ്ടെന്ന് ആരോഗ്യ വകുപ്പ് മന്ത്രി വീണാ ജോര്‍ജ് പറഞ്ഞു. പ്രമേഹം, ഹൃദ്രോഗം, വൃക്ക രോഗം തുടങ്ങിയ രോഗങ്ങളുള്ളവര്‍, പ്രായമായവര്‍, ഗര്‍ഭിണികള്‍, കുഞ്ഞുങ്ങള്‍ എന്നിവര്‍ പ്രത്യേകം ശ്രദ്ധിക്കണമെന്നും മന്ത്രി അഭ്യര്‍ത്ഥിച്ചു. അതിനാല്‍ തന്നെ കൊതുകിന്റെ ഉറവിട നശീകരണം വളരെ പ്രധാനമാണെന്നും മന്ത്രി കൂട്ടിച്ചേര്‍ത്തു.

Health173 days ago