പ്ലസ് വണ്‍ സീറ്റ് ക്ഷാമം; വിദ്യാര്‍ത്ഥി സംഘടനകളുടെ യോഗം വിളിച്ച് വിദ്യാഭ്യാസ മന്ത്രി

മലപ്പുറത്ത് ആവശ്യത്തിന് പ്ലസ് വണ്‍ സീറ്റുണ്ടെന്ന വിദ്യാഭ്യാസ മന്ത്രിയുടെ വാദം തള്ളി SFIയും സമരം പ്രഖ്യാപിച്ചതോടെയാണ് വിദ്യാര്‍ത്ഥി സംഘടനകളുടെ യോഗം വിളിച്ചത്. നാളെ കലക്ടറേറ്റിലേക്ക് SFI മാര്‍ച്ച് പ്രഖ്യാപിച്ചിട്ടുണ്ട്. മിടുക്കര്‍ പോലും സീറ്റ് കിട്ടാതെ പുറത്തായതോടെയാണ് SFIയും സമര മുഖത്തേക്ക് വന്നത്. മറ്റ് ജില്ലകളില്‍ കുട്ടികള്‍ കുറവായ ബാച്ചുകള്‍ മലബാറിലേക്ക് മാറ്റുകയാണ് ഇനിയുള്ള പോംവഴി.

Kerala183 days ago

നിപ പ്രതിരോധം; മലപ്പുറം ജില്ലയിലെ നിയന്ത്രണങ്ങള്‍ പിന്‍വലിച്ചു

നിപ വൈറസ് ഭീതി ഒഴിഞ്ഞതോടെ മലപ്പുറം ജില്ലയിലെ നിയന്ത്രണങ്ങള്‍ പിന്‍വലിച്ച് കളക്ടര്‍ ഉത്തരവിട്ടു. കണ്ടെയ്ന്‍മെന്റ് സോണിലെ നിയന്ത്രണങ്ങളും ജില്ലയില്‍ മാസ്‌ക് നിര്‍ബന്ധമാക്കിയതും പിന്‍വലിച്ചിട്ടുണ്ട്. തിരുവാലി പഞ്ചായത്തിലെ 4,5,6,7 വാര്‍ഡുകളും മമ്പാട് പഞ്ചായത്തിലെ 7 വാര്‍ഡുകളുമായിരുന്നു കണ്ടെയ്ന്‍മെന്റ് സോണായി പ്രഖ്യാപിച്ചിരുന്നത്. ഇവിടത്തെ വിദ്യാലയങ്ങളും ഇന്ന് മുതല്‍ തുറന്ന് പ്രവര്‍ത്തിക്കും.

Kerala89 days ago

നിപ: മലപ്പുറം ജില്ലയിലെ നിയന്ത്രണങ്ങള്‍ പിന്‍വലിച്ചു

നിപ മരണത്തെ തുടർന്ന് മലപ്പുറം ജില്ലയിൽ ഏർപ്പെടുത്തിയിരുന്ന എല്ലാ നിയന്ത്രണങ്ങളും പിൻവലിച്ചു. തിരുവാലി പഞ്ചായത്തിലെ 4,5,6,7 വാർഡുകളിലും മമ്പാട് പഞ്ചായത്തിലെ ഏഴാം വാർഡിലും ഏര്‍പ്പെടുത്തിയിരുന്ന കണ്ടെയിന്‍മെന്റ് സോണ്‍ നിയന്ത്രണവും, മാസ്‌ക് നിർബന്ധമാക്കിയതടക്കം എല്ലാ നിയന്ത്രണങ്ങളും ജില്ലാ ഭരണകൂടം പിൻവലിച്ചു. നിപ രോഗബാധയുമായി ബന്ധപ്പെട്ട് ഇന്ന് പുറത്തു വന്ന 16 പേരുടെ പരിശോധനാ ഫലം കൂടി നെഗറ്റീവായിയെന്നും ഇതു വരെ 104 പരിശോധനാ ഫലങ്ങളാണ് നെഗറ്റീവായതെന്നും ആരോഗ്യമന്ത്രി വീണാ ജോര്‍ജ് അറിയിച്ചു. സമ്പര്‍ക്കപ്പട്ടികയില്‍ ഉള്‍പ്പെട്ട 94 പേരുടെ ക്വാറന്റയിന്‍ നാളെ അവസാനിക്കുമെന്നും മന്ത്രി പറഞ്ഞു.

Health90 days ago

മലപ്പുറത്ത് സ്ഥിരീകരിച്ചത് എംപോക്സിന്റെ പുതിയ വകഭേദം

മലപ്പുറത്തെ യുവാവിന് സ്ഥിരീകരിച്ച് എംപോക്സിന്റെ പുതിയ വകഭേദമായ ക്ലേഡ് 1 ബി ആണെന്ന് പരിശോധനാ റിപ്പോർട്ട്. രാജ്യത്ത് ആദ്യമായാണ് ക്ലേഡ് 1 ബി സ്ഥിരീകരിക്കുന്നത്. ഗുരുതര ആരോഗ്യ പ്രശ്നങ്ങൾക്ക് കാരണമാകുന്ന വകഭേദമാണിതെന്നാണ് വിവരം. UAE ൽ നിന്നും എത്തിയ ആളിലാണ് മലപ്പുറത്ത് കഴിഞ്ഞ ആഴ്ച രോഗം സ്ഥിരീകരിച്ചത്. കഴിഞ്ഞ മാസം ഹരിയാന സ്വദേശിക്ക് എംപോക്സ് സ്ഥിരീകരിച്ചിരുന്നെങ്കിലും അത് ക്ലേഡ് 2 വകഭേദമായിരുന്നു.

Health91 days ago

നിപ: 6 പേരുടെ കൂടി പരിശോധനാ ഫലം നെഗറ്റീവ്

മലപ്പുറത്ത് നിപ ബാധിച്ച് മരിച്ച യുവാവിൻ്റെ സമ്പർക്കപ്പട്ടികയിലുള്ള ആറു പേരുടെ കൂടി ശ്രവ പരിശോധനാ ഫലം ഇന്ന് നെഗറ്റീവായി. ഇതോടെ 74 പേരുടെ പരിശോധനാ ഫലങ്ങളാണ് നെഗറ്റീവായത്. ഇന്ന് പുതുതായി ആരെയും സമ്പര്‍ക്കപ്പട്ടികയില്‍ ഉള്‍പ്പെടുത്തിയിട്ടില്ല. 267 പേരാണ് നിലവിൽ സമ്പര്‍ക്കപ്പട്ടികയില്‍ ഉള്ളത്. ഇതിൽ 81 പേർ ആരോഗ്യ പ്രവർത്തകരാണ്.

Health93 days ago

നിപ: 20 പേരുടെ കൂടി പരിശോധനാ ഫലം നെഗറ്റീവ്

നിപ രോഗബാധയുമായി ബന്ധപ്പെട്ട് ഇന്ന് പുറത്തു വന്ന 20 പേരുടെ കൂടി സാമ്പിളുകളുടെ പരിശോധനാ ഫലം നെഗറ്റീവ് ആയതായി ആരോഗ്യമന്ത്രി വീണാ ജോർജ് അറിയിച്ചു. ഇന്ന് പുതുതായി ആരെയും സമ്പര്‍ക്ക പട്ടികയില്‍ ഉള്‍പ്പെടുത്തിയിട്ടില്ല. 267 പേരാണ് സമ്പർക്കപ്പട്ടികയിൽ ഉള്ളത്. ഇതിൽ 81 പേർ ആരോഗ്യ പ്രവർത്തകരാണ്. പ്രൈമറി കോണ്‍ടാക്ട് പട്ടികയിൽ 177 പേരും സെക്കണ്ടറി കോണ്‍ടാക്ട് പട്ടികയിൽ 90 പേരുമാണുള്ളത്. പ്രൈമറി പട്ടികയിലുള്ള 134 പേർ ഹൈറിസ്‌ക് വിഭാഗത്തിലുള്ളവരാണ്.

Health94 days ago

മലപ്പുറത്ത് കൂടുതൽ പേർക്ക് നിപ രോഗ ലക്ഷണങ്ങൾ

മലപ്പുറത്ത് 7 പേർക്ക് കൂടി നിപ രോഗ ലക്ഷണമുള്ളതായി കണ്ടെത്തിയെന്ന് ആരോഗ്യമന്ത്രി വീണാ ജോർജ് പറഞ്ഞു. നിപ സമ്പര്‍ക്ക പട്ടികയില്‍ 267 പേരുണ്ടെന്നും ഇന്ന് ലഭിച്ച 37 പേരുടെ പരിശോധനാ ഫലങ്ങള്‍ നെഗറ്റീവെന്നും ആരോഗ്യമന്ത്രി അറിയിച്ചു. ഇതോടെ ആകെ 63 പേരുടെ പരിശോധനാ ഫലം നെഗറ്റീവായി. നിപ ബാധിച്ച് മരിച്ച യുവാവിന്റെ മാതാവ് അടക്കമുള്ള അടുത്ത ബന്ധുക്കടെയും ചികിത്സിച്ച ഡോക്ടറുൾപ്പെടെയുള്ളവരുടെയും പരിശോധനാ ഫലങ്ങൾ നെഗറ്റീവാണ്.

Health95 days ago

എംപോക്‌സ്; മഞ്ചേരി മെഡിക്കല്‍ കോളജാശുപത്രിയില്‍ അതീവ ജാഗ്രതാ നിര്‍ദേശം

മഞ്ചേരി മെഡിക്കല്‍ കോളജാശുപത്രിയില്‍ വൈറല്‍ രാഗം ബാധിച്ചവരെ പ്രവേശിപ്പിക്കുന്ന 11ാം വാര്‍ഡിലാണ് എംപോക്‌സ് സ്ഥിരീകരിച്ച 38കാരന്‍ ചികിത്സയിലുള്ളത്. ഭയപ്പെടേണ്ട സാഹചര്യമില്ലെന്നും ജാഗ്രത മതിയെന്നും ആരോഗ്യവകുപ്പ് അധികൃതര്‍ വ്യക്തമാക്കി. യുവാവിന് എന്ത് ചികിത്സ നല്‍കണമെന്നത് സംബന്ധിച്ച് ആരോഗ്യവകുപ്പ് ഉന്നതതല യോഗം ചേര്‍ന്ന് തീരുമാനിക്കും. അതുപോലെ യുവാവിന് ഏത് വിഭാഗത്തില്‍പ്പെട്ട എംപോക്‌സാണെന്ന് സ്ഥിരീകരിക്കാന്‍ സ്രവം പുനെന വൈറോളജി ലാബിലേക്ക് അയക്കുമെന്നും ആരോഗ്യനില തൃപ്തികരമാണെന്നും ആശുപത്രി അധികൃതര്‍ പറഞ്ഞു.

Kerala95 days ago

മലപ്പുറത്തെ എംപോക്‌സ് ഭീതിയില്‍ ആശങ്ക വേണ്ട: മന്ത്രി വീണാ ജോർജ്

മലപ്പുറത്തെ എംപോക്‌സ് ഭീതിയിൽ ആശങ്ക വേണ്ടെന്നും ആവശ്യമായ മുൻകരുതലുകൾ സ്വീകരിച്ചിട്ടുണ്ടെന്നും ആരോഗ്യമന്ത്രി വീണാ ജോർജ് പറഞ്ഞു. മഞ്ചേരി മെഡിക്കല്‍ കോളജില്‍ നിരീക്ഷണത്തിൽ കഴിയുന്ന യുവാവിന്റെ ശ്രവ സാമ്പിൾ പരിശോധനയ്ക്ക് അയച്ചിട്ടുണ്ടെന്നും നാളെ വൈകിട്ടോടെ പരിശോധനാ ഫലം ലഭിക്കുമെന്നും മന്ത്രി അറിയിച്ചു. കഴിഞ്ഞ ആഴ്ച ദുബായിൽ നിന്ന് നാട്ടിലെത്തിയ യുവാവിലാണ് രോഗ ലക്ഷണങ്ങളുള്ളത്. ശരീരത്തില്‍ ചിക്കന്‍പോക്‌സിന് സമാനമായ ലക്ഷണങ്ങൾ കണ്ടതിനെ തുടര്‍ന്ന് ത്വക്ക് രോഗ വിദഗ്ധനെ സമീപിക്കുകയായിരുന്നു. പ്രാഥമിക പരിശോധനയില്‍ എംപോക്‌സിന് സമാനമായ ലക്ഷണമുള്ളതിനാല്‍ യുവാവിനെ ഡോക്ടർ മെഡിക്കല്‍ കോളജില്‍ നിരീക്ഷണത്തില്‍ ആക്കുകയായിരുന്നു.

Health97 days ago

മലപ്പുറത്തെ നിപ ജാഗ്രത; നിരീക്ഷണം ശക്തമാക്കി കര്‍ണാടക

നിപ രോഗബാധയുമായി ബന്ധപ്പെട്ട് മലപ്പുറത്ത് ജാഗ്രത ശക്തമാക്കിയതോടെ കര്‍ണാടകയും നിരീക്ഷണങ്ങളും അനുബന്ധ പ്രവര്‍ത്തനങ്ങളും ആരംഭിച്ചു. നിപ സ്ഥിരീകരണത്തെ തുടര്‍ന്ന് കര്‍ണാടകയില്‍ നിരീക്ഷണം ശക്തമാക്കിയതായി ആരോഗ്യ മന്ത്രി ദിനേശ് ഗുണ്ടു റാവു പറഞ്ഞു. സംസ്‌കാര ചടങ്ങില്‍ പങ്കെടുത്ത ആര്‍ക്കും രോഗ ലക്ഷണങ്ങളില്ലെന്നും അവരില്‍ പലരും ബംഗളൂരുവില്‍ മടങ്ങിയെത്തിയെന്നും മന്ത്രി പറഞ്ഞു. ബംഗളൂരുവിലെ സ്വകാര്യ കോളജിലായിരുന്നു മലപ്പുറത്ത് മരിച്ച വിദ്യാര്‍ത്ഥി പഠിച്ചത്.

National97 days ago

നിപ: ഹൈയെസ്റ്റ് റിസ്‌കില്‍ 26 പേര്‍; 13 പേരുടെ സാമ്പിളുകള്‍ നെഗറ്റീവ്

മലപ്പുറത്ത് നിപ സ്ഥിരീകരിച്ച യുവാവിന്റെ സമ്പര്‍ക്കപ്പട്ടികയില്‍ ഹൈ റിസ്‌ക് കാറ്റഗറിയില്‍പ്പെട്ട 13 പേരുടെ സാമ്പിളുകള്‍ നെഗറ്റീവാണെന്ന് ആരോഗ്യമന്ത്രി വീണാ ജോര്‍ജ്ജ്. നിലവില്‍ ഹൈ റിസ്‌ക് കാറ്റഗറിക്ക് മുകളിലുള്ള ഹൈയെസ്റ്റ് റിസ്‌കിലുള്ള 26 പേര്‍ക്ക് പ്രതിരോധമരുന്ന് നല്‍കി നിരീക്ഷിക്കുന്നതിനുള്ള നടപടികള്‍ സ്വീകരിച്ചതായും ആരോഗ്യ മന്ത്രി പറഞ്ഞു. മരിച്ച വിദ്യാര്‍ത്ഥിയ്ക്ക് രോഗലക്ഷണങ്ങള്‍ കാണിച്ച ദിവസങ്ങളില്‍ സമ്പര്‍ക്കത്തില്‍ വന്നവരെയാണ് ഹൈയെസ്റ്റ് റിസ്‌കില്‍ ഉള്‍പ്പെടുത്തിയിരിക്കുന്നത്.

Kerala97 days ago