അടുത്ത പകര്‍ച്ചവ്യാധി സംഭവിക്കുന്നത് പക്ഷിപ്പനിയിലൂടെയെന്ന് CDC മുന്‍ ഡയറക്ടര്‍

പക്ഷിപ്പനി കാരണമായിരിക്കും അടുത്ത പകര്‍ച്ചവ്യാധി ഉണ്ടാവുകയെന്നും അത് എപ്പോഴാണ് സംഭവിക്കുക എന്നതാണ് പ്രശ്നമെന്നും സെന്റേഴ്‌സ് ഫോര്‍ ഡിസീസ് കണ്‍ട്രോള്‍ ആന്റ് പ്രിവന്‍ഷന്‍ (DCC) ഡയറക്ടര്‍ റോബര്‍ട്ട് റെഡ്ഫീല്‍ഡ് പറഞ്ഞു. USല്‍ പശുക്കള്‍ക്കിടയില്‍ വ്യാപകമാകുന്ന പക്ഷിപ്പനിയെക്കുറിച്ച് സംസാരിക്കുന്നതിനിടെയാണ് അദ്ദേഹം മുന്നറിയിപ്പ് നല്‍കിയത്. കൊവിഡ് 19ന്റെ മരണം 0.6 ശതമാനമാണെങ്കില്‍ പക്ഷിപ്പനിയുടേത് 25നും 50നും ഇടയില്‍ ആയിരിക്കുമെന്നും റെഡ്ഫീല്‍ഡ് പറഞ്ഞു.

Health190 days ago

പക്ഷിപ്പനി: 4 ജില്ലകളില്‍ കോഴി, താറാവ് വളര്‍ത്തലിന് നിരോധനം

പക്ഷിപ്പനിയെ തുടര്‍ന്ന് ആലപ്പുഴ, പത്തനംതിട്ട, കോട്ടയം, എറണാകുളം ജില്ലകളിലാണ് കോഴി, താറാവ് വളര്‍ത്തലിന് നിരോധനം ഏര്‍പ്പെടുത്തിയിരിക്കുന്നത്. ആലപ്പുഴ ജില്ലയില്‍ പൂര്‍ണമായും കോഴി, താറാവ് വളര്‍ത്തലിന് നിരോധനം ഏര്‍പ്പെടുത്തിയിട്ടുണ്ട്. പത്തനംതിട്ടയില്‍ 10 ഗ്രാമപഞ്ചായത്തിലും രണ്ട് മുനിസിപ്പാലിറ്റിയിലും കോട്ടയം ജില്ലയിലെ വൈക്കം, ചങ്ങനാശ്ശേരി താലൂക്കുകളിലും എറണാകുളത്തെ നാലു പഞ്ചായത്തുകളിലുമാണ് നിരോധനം ഏര്‍പ്പെടുത്തിയിട്ടുള്ളത്. ഡിസംബര്‍ 31 വരെയാണ് നിരോധനം.

Kerala108 days ago

പക്ഷിപ്പനി: നാലു ജില്ലകളില്‍ നിയന്ത്രണം ഏര്‍പ്പെടുത്തി

പക്ഷിപ്പനി വ്യാപനം തടയാന്‍ നാലു ജില്ലകളില്‍ വളര്‍ത്തുപക്ഷികളുടെ കടത്തലും വിരിയിക്കലും നിരോധിച്ച് സര്‍ക്കാര്‍ ഉത്തരവിറങ്ങി. ഡിസംബര്‍ 31 വരെയാണ് നിയന്ത്രണം. ആലപ്പുഴ ജില്ലയില്‍ പൂര്‍ണമായും കോട്ടയം, പത്തനംതിട്ട, എറണാകുളം ജില്ലകളിലെ രോഗബാധിത മേഖലയിലുമാണ് നിയന്ത്രണമുളളത്. നിയന്ത്രണമേഖലയിലേക്ക് പക്ഷികളെയും (കോഴി, താറാവ്, കാട) കുഞ്ഞുങ്ങളെയും കൊണ്ടുവരാനോ കൊണ്ടുപോകാനോ പാടില്ല. ഇപ്പോള്‍ ഈ പ്രദേശങ്ങളിലെ ഹാച്ചറികളിലുള്ള മുട്ടകള്‍ ശാസ്ത്രീയമായി നശിപ്പിക്കണം. ഇനിയൊരു ഉത്തരവുണ്ടാകുന്നതുവരെ ഹാച്ചറികളില്‍ മുട്ട വിരിയിക്കാന്‍ പാടില്ലെന്നും ഉത്തരവില്‍ പറയുന്നു.

Kerala109 days ago

പക്ഷിപ്പനി: 2025 വരെ ആലപ്പുഴയിൽ പക്ഷി വളർത്തലിന് നിരോധനം ഏർപ്പെടുത്തേണ്ടി വരുമെന്ന് മന്ത്രി ജെ. ചിഞ്ചുറാണി

പക്ഷിപ്പനി വ്യാപകമായി പടർന്നു പിടിക്കുന്ന സാഹചര്യത്തിൽ 2025 വരെ ആലപ്പുഴയിൽ താറാവ് അടക്കമുള്ള പക്ഷി വളർത്തലിന് നിരോധനം ഏർപ്പെടുത്തേണ്ടി വന്നേക്കുമെന്ന് മൃഗസംരക്ഷണ വകുപ്പ് മന്ത്രി ജെ. ചിഞ്ചുറാണി ഡൽഹിയിൽ പറഞ്ഞു. വൈറസിന്റെ ശക്തി കുറയുന്നത് വരെ നിയന്ത്രണങ്ങൾ ഏർപ്പെടുത്തേണ്ടി വരുമെന്നും ഇത് സംബന്ധിച്ച് കർഷകരുമായി ചർച്ച നടത്തിയെന്നും മന്ത്രി കൂട്ടിച്ചേർത്തു. 32 സ്പോട്ടുകൾ ഏറെ നിർണായകമാണെന്നും പക്ഷിപ്പനി സ്ഥിരീകരിക്കാൻ കേരളത്തിൽ പുതിയ ലാബ് പാലോട് സ്ഥാപിക്കണമെന്ന സംസ്ഥാനത്തിന്റെ ആവശ്യം കേന്ദ്രം അംഗീകരിച്ചിട്ടുണ്ടെന്നും മന്ത്രി പറഞ്ഞു.

Kerala162 days ago

പക്ഷിപ്പനി: നീരീക്ഷണ മേഖലകളില്‍ 2025 വരെ പക്ഷികളുടെ വില്‍പ്പന നിരോധിക്കാന്‍ നിര്‍ദേശം

പക്ഷിപ്പനി സംബന്ധിച്ചു പഠനം നടത്തുന്നതിനായി മൃഗസംരക്ഷണ വകുപ്പിലെ വിദഗ്ധരെയും വെറ്ററിനറി സര്‍വകലാശാലയിലെ ശാസ്ത്രജ്ഞരെയും ഉള്‍പ്പെടുത്തി സര്‍ക്കാര്‍ നിയോഗിച്ച സംഘം റിപ്പോര്‍ട്ട് സമര്‍പ്പിച്ചു. ദേശാടന പക്ഷികളില്‍ നിന്നും അസുഖം ബാധിച്ച പക്ഷികളെ മറ്റുസ്ഥലങ്ങളിലേക്ക് മാറ്റിയതിലൂടെയും ഇവയുടെ വില്‍പനയിലൂടെയും അസുഖം പടര്‍ന്നിരിക്കാമെന്നാണ് സംഘത്തിന്റെ കണ്ടെത്തല്‍. റിപ്പോര്‍ട്ടിലെ നിര്‍ദേശങ്ങളുടെ പ്രായോഗിക വശങ്ങള്‍ വിശദമായി പരിശോധിച്ച ശേഷം നടപടി സ്വീകരിക്കുമെന്ന് മൃഗസംരക്ഷണ മന്ത്രി ജെ. ചിഞ്ചുറാണി അറിയിച്ചു.Read More

Kerala169 days ago

പക്ഷിപ്പനി: സര്‍ക്കാര്‍ നിയോഗിച്ച വിദഗ്ധ സംഘം ഇന്ന് ആലപ്പുഴയില്‍

ജില്ലയിലെത്തുന്ന സംഘം കര്‍ഷകര്‍, മൃഗസംരക്ഷണവകുപ്പ് ഉദ്യോഗസ്ഥര്‍ തുടങ്ങിയവരുമായി ചര്‍ച്ച നടത്തും. ഇവരുടെ പരിശോധനാ റിപ്പോര്‍ട്ടിന് ശേഷമേ പക്ഷിപ്പനി നിര്‍മാര്‍ജനം ചെയ്യാനുള്ള കൂടുതല്‍ പദ്ധതികള്‍ നടപ്പാക്കുകയുള്ളു. H1N1 വിഭാഗത്തില്‍പ്പെട്ട വൈറസാണ് ആലപ്പുഴ, കോട്ടയം, പത്തനംതിട്ട ജില്ലകളിലായി പക്ഷികളില്‍ പടരുന്നത്. കോഴിക്കും താറാവിനും പുറമേ മറ്റു പക്ഷികളിലേക്കും രോഗം വ്യാപിച്ചതോടെയാണ് ജനിതക വ്യതിയാനമാകാമെന്ന നിഗനമനത്തിലെത്തിയിട്ടുള്ളത്.

Kerala181 days ago

ജാഗ്രത: ആലപ്പുഴയില്‍ കൂടുതല്‍ കാക്കകള്‍, കൊക്കുകള്‍, പരുന്തുകള്‍ എന്നിവയില്‍ പക്ഷിപ്പനി സ്ഥിരീകരിച്ചു

പക്ഷിപ്പനി സ്ഥിരീകരിച്ച ഇടങ്ങളില്‍ നിന്ന് ഒരു കിലോമീറ്റര്‍ ചുറ്റളവില്‍ പക്ഷികളെ കൊന്നൊടുക്കുന്നുണ്ടെങ്കിലും കാക്കകളില്‍ നിന്ന് രോഗം കൂടുതല്‍ വ്യാപിക്കുന്നു എന്നാണ് ആരോഗ്യവകുപ്പ് പറയുന്നത്. തുടര്‍ച്ചയായി പക്ഷിപ്പനി റിപ്പോര്‍ട്ട് ചെയ്യുന്ന സാഹചര്യത്തില്‍ കൂടുതല്‍ ജാഗ്രത വേണമെന്ന് ജില്ലാ ഭരണകൂടം നിര്‍ദേശിച്ചു. പുതുതായി പക്ഷിപ്പനി സ്ഥിരീകരിച്ച ഇടങ്ങളിലെ കള്ളിങ് നാളെ നടക്കുമെന്നും അധികൃതര്‍ അറിയിച്ചു.

Kerala189 days ago

പക്ഷിപ്പനി: മനുഷ്യരിലേക്ക് പടരാതിരിക്കാന്‍ ജാഗ്രത ശക്തമാക്കി ആരോഗ്യവകുപ്പ്

H9N2 വൈറസുകള്‍ക്ക് ജനിതകവ്യതിയാനം സംഭവിച്ചാല്‍ മനുഷ്യരിലേക്കു പടരാനുള്ള സാധ്യതയുള്ളതിനാലാണ് ജാഗ്രത ശക്തമാക്കിയിരിക്കുന്നത്. പക്ഷികളുമായി സമ്പര്‍ക്കത്തിലേര്‍പ്പെടുന്നവര്‍ക്ക് പനിയുള്‍പ്പെടെയുള്ള രോഗലക്ഷണങ്ങളുണ്ടായാല്‍ സ്രവപരിശോധന നടത്തും. ആലപ്പുഴയില്‍ പക്ഷിപ്പനി റിപ്പോര്‍ട്ട് ചെയ്ത് തുടങ്ങിയ ഏപ്രില്‍ മുതല്‍ ഇതുവരെ പരിശോധിച്ച സാമ്പിളുകളിലൊന്നിലും മനുഷ്യരില്‍ പോസിറ്റീവ് കേസ് കണ്ടെത്തിയിട്ടില്ല.Read More

Health190 days ago

പക്ഷിപ്പനി: ആരോഗ്യവകുപ്പ് പ്രത്യേക മാര്‍ഗനിര്‍ദേശങ്ങള്‍ പുറത്തിറക്കി

സംസ്ഥാനത്ത് പക്ഷിപ്പനി പ്രതിരോധം സംബന്ധിച്ച് ആരോഗ്യവകുപ്പ് പ്രത്യേക മാര്‍ഗനിര്‍ദേശങ്ങൾ പുറത്തിറക്കിയതായി ആരോഗ്യവകുപ്പ് മന്ത്രി വീണാ ജോർജ് അറിയിച്ചു. ചേർത്തലയിൽ താറാവുകളിലും തുടർന്ന് കാക്കകളിലും പക്ഷിപ്പനി സ്ഥിരീകരിച്ച സാഹചര്യത്തിൽ മന്ത്രിയുടെ നേതൃത്വത്തിൽ ചേർന്ന സ്റ്റേറ്റ് റാപ്പിഡ് റെസ്‌പോണ്‍സ് ടീമിന്റെ തീരുമാനപ്രകാരമാണ് മാർഗനിർദേശങ്ങൾ പുറത്തിറക്കിയത്. കര്‍ഷകരും പക്ഷി വളര്‍ത്തുന്നവരും അവരുമായി ബന്ധപ്പെട്ട ആളുകളും പാലിക്കേണ്ട മാര്‍ഗനിര്‍ദേശങ്ങളാണ് പുറത്തിറക്കിയത്. കൂടാതെ സംസ്ഥാനത്ത് പനി നിരീക്ഷണം ശക്തമാക്കുമെന്നും അറിയിച്ചു.

Kerala192 days ago

ബംഗാളില്‍ നാല് വയസുകാരിയ്ക്ക് പക്ഷിപ്പനി സ്ഥിരീകരിച്ചു

അഞ്ച് വര്‍ഷത്തിന് ശേഷം രാജ്യത്ത് ആദ്യമായാണ് മനുഷ്യനില്‍ രോഗം സ്ഥിരീകരിച്ചത്. ലോകാരോഗ്യ സംഘടനയാണ് നാല് വയസുകാരിയുടെ രോഗബാധ സ്ഥിരീകരിച്ചത്. കുട്ടിയ്ക്ക് വീട്ടിലും ചുറ്റുപാടുകളിലുമായി കോഴിയുമായി സമ്പര്‍ക്കം ഉണ്ടായിരുന്നു. ശ്വാസകോശ സംബന്ധമായ പ്രശ്‌നങ്ങള്‍, കടുത്ത പനി, വയറുവേദന എന്നീ ലക്ഷണങ്ങളെ തുടര്‍ന്ന കഴിഞ്ഞ ഫെബ്രുവരിയിലാണ് രോഗിയെ ആശുപത്രിയില്‍ പ്രവേശിപ്പിച്ചത്. രോഗനിര്‍ണയവും ചികിത്സയും നടത്തി മൂന്ന് മാസത്തിന് ശേഷം കുട്ടിയെ ഡിസ്ചാര്‍ജ് ചെയ്തതായും WHO അറിയിച്ചു.

National195 days ago

പക്ഷിപ്പനി: കോട്ടയത്തെ നാല് പഞ്ചായത്തുകളിൽ കോഴി, താറാവ് വിൽപനയ്ക്ക് നിരോധനം

കോട്ടയം ജില്ലയിലെ കുമരകം, അയ്മനം, വെച്ചൂർ, ആർപ്പൂക്കര ഗ്രാമപഞ്ചായത്തുകളിൽ താറാവ്, കോഴി, കാട എന്നീ വളർത്തു പക്ഷികളുടെ മുട്ട, ഇറച്ചി എന്നിവയുടെ വിപണനത്തിന് വിലക്കേർപ്പെടുത്തി ജില്ലാ കളക്ടർ ഉത്തരവിട്ടു. ആലപ്പുഴ ജില്ലയിലെ മുഹമ്മ പഞ്ചായത്തിലെ ഒമ്പതാം വാർഡിൽ പക്ഷിപ്പനി സ്ഥിരീകരിച്ചതിനെ തുടർന്നാണ് സമീപ പ്രദേശങ്ങളായ ഇവിടങ്ങളിൽ വിലക്കേർപ്പെടുത്തിയിരിക്കുന്നത്. ജൂൺ 12 വരെയാണ് വിലക്ക്.

Kerala200 days ago