കുവൈത്തില്‍ വീണ്ടും തീപിടിത്തം; ഒമ്പത് പേര്‍ക്ക് പരിക്ക്

കുവൈത്തിലെ മെഹബൂലയില്‍ ഇന്നലെ രാത്രിയാണ് തീപിടിത്തമുണ്ടായത്. അപകടത്തില്‍ ഇന്ത്യക്കാരുള്‍പ്പെടെ ഒമ്പത് പേര്‍ക്ക് പരിക്കേറ്റു. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. രക്ഷപ്പെടാനായി രണ്ടാം നിലയില്‍ നിന്ന് ചാടിയവരുടെ അവസ്ഥ അല്‍പം ഗുരുതരമാണെന്നാണ് റിപ്പോര്‍ട്ട്. തീ നിയന്ത്രണ വിധേയമാക്കിയതായി ഫയര്‍ഫോഴ്‌സ് അധികൃതര്‍ അറിയിച്ചു.

World193 days ago

കുവൈത്തില്‍ തീപിടിത്തം; നാലംഗ മലയാളി കുടുംബത്തിന് ദാരുണാന്ത്യം

കുവൈത്തിലെ അബ്ബാസിയയിലെ ഫ്‌ലാറ്റിലുണ്ടായ തീപിടിത്തത്തില്‍ നാലംഗ മലയാളി കുടുംബത്തിന് ദാരുണാന്ത്യം. ആലപ്പുഴ തലവടി നീരേറ്റുപുറം സ്വദേശികളായ മാത്യൂസ് മുളയ്ക്കല്‍ (40), ഭാര്യ ലിനി ഏബ്രഹാം (38), മക്കളായ ഐറിന്‍ (14), ഐസക് (9) എന്നിവരാണ് മരിച്ചത്. നാട്ടില്‍ അവധി ആഘോഷിക്കാനെത്തിയ ഇവര്‍ ഇന്നലെ വൈകിട്ടാണ് കുവൈത്തില്‍ തിരിച്ചെത്തിയത്. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് പ്രാഥമിക നിഗമനം.

Kerala158 days ago

കുവൈത്ത് തീപ്പിടിത്തത്തില്‍ മരിച്ച സ്റ്റെഫിന്റെ കുടുംബത്തിന് ധനസഹായം കൈമാറി

സഹകരണ- തുറമുഖ- ദേവസ്വം വകുപ്പു മന്ത്രി വി.എന്‍. വാസവനാണ് തീപ്പിടിത്തത്തില്‍ മരിച്ച പാമ്പാടി സ്വദേശി സ്റ്റെഫിന്‍ ഏബ്രഹാമിന്റെ വീട്ടിലെത്തി മാതാപിതാക്കളായ സാബു എബ്രഹാമിനും ഷേര്‍ലി സാബുവിനും ധനസഹായം കൈമാറിയത്. സര്‍ക്കാര്‍ സഹായമായ അഞ്ച് ലക്ഷം, വ്യവസായി യൂസഫലി നല്‍കിയ അഞ്ച് ലക്ഷം, ഫെഡറേഷന്‍ ഓഫ് കേരള അസോസിയേഷന്‍ ഇന്‍ നോര്‍ത്ത് അമേരിക്ക നല്‍കിയ രണ്ടു ലക്ഷം, വ്യവസായി രവി പിള്ള നല്‍കിയ രണ്ടു ലക്ഷം രൂപ എന്നിവയെല്ലാം മന്ത്രി കൈമാറി.

Kerala172 days ago

മരിച്ചവരുടെ കുടുംബങ്ങള്‍ക്ക് 12.5 ലക്ഷം ധനസഹായം പ്രഖ്യാപിച്ച് കുവൈത്ത്

കുവൈത്തിലെ മംഗഫിലുണ്ടായ തീപിടിത്തത്തില്‍ മരിച്ചവരുടെ കുടുംബങ്ങള്‍ക്ക് അതത് എംബസികള്‍ വഴിയാകും ധനസഹായം വിതരണം ചെയ്യുക. ഇന്ത്യക്കാരടക്കം 50 പേരാണ് തീപിടിത്തത്തില്‍ മരിച്ചത്. ഇതില്‍ 24 പേര്‍ മലയാളികളാണ്. മംഗഫില്‍ പ്രവാസി തൊഴിലാളികള്‍ താമസിച്ചിരുന്ന ആറു നില കെട്ടിടത്തിലാണ് ജൂണ്‍ 12ന് രാവിലെയാണ് തീപിടിത്തമുണ്ടായത്. സെക്യൂരിറ്റി ജീവനക്കാരന്റെ മുറിയിലുണ്ടായ ഷോര്‍ട്ട് സര്‍ക്ക്യൂട്ടാണ് അപകട കാരണമെന്നാണ് റിപ്പോര്‍ട്ട്.

World189 days ago

കുവൈത്ത് ദുരന്തത്തില്‍ മരിച്ചവരുടെ കുടുംബങ്ങള്‍ക്ക് നഷ്ടപരിഹാരം ഉറപ്പാക്കണമെന്ന് മുഖ്യമന്ത്രി

ലോകകേരള സഭയുടെ നാലാമത് സമ്മേളനം ഉദ്ഘാടനം ചെയ്യുകയായിരുന്നു മുഖ്യമന്ത്രി പിണറായി വിജയന്‍. കേന്ദ്രം കുവൈത്തുമായി ബന്ധപ്പെട്ട് നടപടി ത്വരിതപ്പെടുത്തണമെന്നും ഇക്കാര്യത്തില്‍ കേന്ദ്രത്തിന്റെ സമയോചിത ഇടപെടല്‍ ഉണ്ടാവണമെന്നും മുഖ്യമന്ത്രി ആവശ്യപ്പെട്ടു. ഈ കാര്യത്തില്‍ സംസ്ഥാന സര്‍ക്കാരും കേന്ദ്ര സര്‍ക്കാരും ഒരേ മനസോടെ നീങ്ങണമെന്നും മുഖ്യമന്ത്രി പറഞ്ഞു.

Kerala192 days ago

കുവൈത്ത് തീപിടുത്തത്തില്‍ മരിച്ച ബിനോയ് തോമസിന് വീട് നല്‍കുമെന്ന് മന്ത്രി കെ. രാജന്‍

ചാവക്കാട് നഗരസഭ 20 ന് യോഗം ചേര്‍ന്ന് ബിനോയ് തോമസിന് ലൈഫില്‍ വീട് നല്‍കുന്ന അജണ്ട അംഗീകരിക്കുമെന്നും സംസ്ഥാന സര്‍ക്കാര്‍ അംഗീകാരം നല്‍കുമെന്നും ബിനോയ് തോമസിന്റെ വീട് സന്ദര്‍ശിച്ച ശേഷം മന്ത്രി കെ. രാജന്‍ പറഞ്ഞു. ബിനോയ് തോമസിന്റെ മകന് ജോലി ഉറപ്പാക്കുമെന്ന് മന്ത്രി ആര്‍. ബിന്ദുവും പറഞ്ഞിരുന്നു. കുവൈത്തിലെ തൊഴിലാളി ക്യാപിലുണ്ടായ തീപിടുത്തത്തിലാണ് ചാവക്കാട് സ്വദേശി ബിനോയ് തോമസ് മരിച്ചതായി സ്ഥിരീകരിച്ചത്.

Kerala192 days ago

കുവൈത്തില്‍ മരിച്ചവരുടെ കുടുംബത്തിന് നാല് വർഷത്തെ ശമ്പളം നൽകും

കുവൈത്തിലുണ്ടായ തീപിടിത്തം ദൗർഭാഗ്യകരമായ സംഭവമാണെന്നും മരിച്ചവരുടെ കുടുംബത്തിന് എല്ലാ പിന്തുണയും നൽകുമെന്നും NBTC മാനേജിങ് ഡയറക്ടര്‍ കെ.ജി. എബ്രഹാം പറഞ്ഞു. തീപിടിത്തത്തിൽ മരിച്ചവരുടെ കുടുംബത്തിന് നഷ്ടപരിഹാരമായി പ്രഖ്യാപിച്ച എട്ടു ലക്ഷം രൂപയ്ക്കും ഇൻഷുറൻസ് തുകയ്ക്കും പുറമെ മരിച്ചവരുടെ നാലുവർഷത്തെ ശമ്പളവും ആനുകൂല്യങ്ങളും നൽകുമെന്നും കെ.ജി. എബ്രഹാം അറിയിച്ചു.

Kerala193 days ago

കുവൈത്ത് ദുരന്തം; നാലുപേരുടെ സംസ്‌കാര ചടങ്ങുകള്‍ ഇന്ന്

കണ്ണൂര്‍ കുറുവ സ്വദേശി അനീഷ് കുമാര്‍, പത്തനംതിട്ട പന്തളം മുടിയൂര്‍കോണം സ്വദേശി ആകാശ്, പുനലൂര്‍ നരിക്കല്‍ സ്വദേശി സാജന്‍, വെളിച്ചിക്കാല സ്വദേശി ലൂക്കോസ് എന്നിവരുടെ സംസ്‌കാരമാണ് ഇന്ന് നടക്കുക. ദുരന്തത്തില്‍ മരണപ്പെട്ട അഞ്ചുപേരുടെ സംസ്‌കാരം മറ്റന്നാളാകും നടക്കുക. ഇന്നലെ 12 പേരുടെ സംസ്‌കാര ചടങ്ങുകള്‍ പൂര്‍ത്തിയായിരുന്നു.

Kerala193 days ago

കുവൈത്തിൽ മരിച്ച ഇന്ത്യക്കാരുടെ കുടുംബത്തിന് കേന്ദ്രം 50 ലക്ഷം ധനസഹായം നൽകണം: രാജ്മോഹൻ ഉണ്ണിത്താൻ

കുവൈത്തിലെ തീപിടിത്തത്തിൽ മരിച്ച ഇന്ത്യക്കാരുടെ കുടുംബങ്ങൾക്ക് കേന്ദ്ര സർക്കാർ 50 ലക്ഷം രൂപ വീതം ധനസഹായം നൽകണമെന്ന് കാസര്‍ഗോഡ് MP രാജ്മോഹൻ ഉണ്ണിത്താൻ പറഞ്ഞു. കേരള സർക്കാരും മരിച്ചവരുടെ സാമ്പത്തിക നിലവാരത്തിന് അനുസരിച്ച് ധനസഹായം വർധിപ്പിക്കണമെന്നും അദ്ദേഹം ആവശ്യപ്പെട്ടു. കേരളത്തിൽ നിന്നുള്ള MP മാർ ഒരുമിച്ച് പ്രധാനമന്ത്രിയെ കണ്ട് ധന സഹായം വർധിപ്പിക്കണമെന്ന് ആവശ്യപ്പെടുമെന്നും രാജ്‌മോഹൻ ഉണ്ണിത്താൻ പറഞ്ഞു.

Kerala193 days ago

കുവൈത്ത് ദുരന്തം: ഇരയായവർക്ക് മതിയായ നഷ്ടപരിഹാരം ഉറപ്പാക്കണമെന്ന് മുഖ്യമന്ത്രി

കുവൈത്ത് ദുരന്തത്തിൽ മരണപ്പെട്ടവരുടെ കുടുംബങ്ങൾക്കും പരിക്കേറ്റവർക്കും മതിയായ നഷ്ടപരിഹാരം ഉറപ്പാക്കണമെന്ന് മുഖ്യമന്ത്രി പിണറായി വിജയൻ പറഞ്ഞു. ലോക കേരള സഭയുടെ നാലാം സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി. കുവൈത്ത് സർക്കാർ ഇതിനാവശ്യമായ നടപടി സ്വീകരിക്കുമെന്നാണ് പ്രതീക്ഷിക്കുന്നതെന്നും ഇതിനായി കേന്ദ്ര സർക്കാർ കുവൈത്തുമായി ബന്ധപ്പെട്ട് നടപടികൾ വേഗത്തിലാക്കണമെന്നും മുഖ്യമന്ത്രി പറഞ്ഞു.

Kerala193 days ago

കേരളത്തിന്റെ അന്ത്യാഞ്ജലി; പ്രവാസികളുടെ മൃതദേഹം വീടുകളിലേക്ക് പുറപ്പെട്ടു

നെടുമ്പാശേരി വിമാനത്താവളത്തിന് പുറത്ത് പ്രത്യേകം സജ്ജമാക്കിയ സ്ഥലത്തെ പൊതുദര്‍ശനത്തിന് ശേഷം മൃതദേഹങ്ങള്‍ വീടുകളിലേക്ക് കൊണ്ടു പോയി. മുഖ്യമന്ത്രി പിണറായി വിജയനും മന്ത്രിമാരും പ്രതിപക്ഷ നേതാവും കേന്ദ്രമന്ത്രിമാരായ സുരേഷ് ഗോപി, കീര്‍ത്തി വര്‍ധന്‍ സിങ് എന്നിവരും അന്തിമോപചാരം അര്‍പ്പിച്ചു. പോലീസിന്റെ ഔദ്യോഗിക ബഹുമതികളോടെയായിരുന്നു അന്തിമോപചാരം. തമിഴ്‌നാട് സ്വദേശികളായ ഏഴ് പേരുടെ മൃതദേഹം ആംബുലന്‍സുകളില്‍ തമിഴ്‌നാട്ടിലേക്ക് കൊണ്ടുപോകും.

Kerala194 days ago