IPL: രാജസ്ഥാനെ വീഴ്ത്തി ഹൈദരാബാദ് ഫൈനലില്‍

IPL ലെ നിര്‍ണായക മത്സരത്തില്‍ രാജസ്ഥാന്‍ റോയല്‍സിനെ വീഴ്ത്തി സണ്‍റൈസേഴ്‌സ് ഹൈദരാബാദ് ഫൈനലില്‍. 36 റണ്‍സിനായിരുന്നു ഹൈദരാബാദിന്റെ ജയം. 176 എന്ന വിജയലക്ഷ്യം പിന്തുടര്‍ന്ന രാജസ്ഥാന് ഏഴ് വിക്കറ്റ് നഷ്ടത്തില്‍ 139 റണ്‍സെടുക്കാനെ കഴിഞ്ഞുള്ളു. നാളെ നടക്കുന്ന ഫൈനലില്‍ കൊല്‍ക്കത്ത നൈറ്റ് റൈഡേഴ്സാണ് ഹൈദരാബാദിന്റെ എതിരാളി.

Sports213 days ago

രാഹുൽ ദ്രാവിഡ് വീണ്ടും രാജസ്ഥാൻ റോയൽസിൽ

IPL ടീം രാജസ്ഥാൻ റോയൽസിന്റെ മുഖ്യപരിശീലകനായി രാഹുൽ ദ്രാവിഡ് ചുമതല ഏറ്റു. ഇന്ന് ഔദ്യോഗിക പ്രഖ്യാപനം വന്നു. ജൂണിൽ നടന്ന ഇന്ത്യയുടെ ടി20 ലോകകപ്പ് വിജയത്തിന് പിന്നാലെയാണ് ദ്രാവിഡ് ഇന്ത്യയുടെ പരിശീലക സ്ഥാനം ഒഴിഞ്ഞത്. 2012, 2013 സീസണുകളിൽ ദ്രാവിഡ് രാജസ്ഥാൻ ക്യാപ്റ്റനായിരുന്നു. തുടർന്നുള്ള രണ്ടു സീസണുകളിൽ ടീം ഡയറക്ടറുടെയും, മെൻ്ററുടെയും പദവികൾ വഹിച്ചു. 2016ലാണ് ദ്രാവിഡ് രാജസ്ഥാൻ വിട്ട് ഡൽഹി ടീമിനൊപ്പം ചേർന്നത്

Sports108 days ago

രാജസ്ഥാന്‍ റോയല്‍സിന്റെ പരിശീലക സ്ഥാനത്തേക്ക് രാഹുല്‍ ദ്രാവിഡ് എത്തുന്നു

IPLന്റെ അടുത്ത സീസണില്‍ രാജസ്ഥാന്‍ റോയല്‍സിന്റെ പരിശീലകനായി രാഹുല്‍ ദ്രാവിഡ് വീണ്ടും എത്തുന്നതായാണ് റിപ്പോര്‍ട്ട്. രാജസ്ഥാന്‍ റോയല്‍സ് ഔദ്യോഗികമായി ദ്രാവിഡിന്റെ നിയമനം സംബന്ധിച്ച് പ്രഖ്യാപനം നടത്തിയിട്ടില്ല. എന്നാല്‍ ഫ്രഞ്ചൈസിയുമായി ദ്രാവിഡ് കരാറിലേര്‍പ്പെട്ടതയാണ് വിവരം. IPL 2012, 2013 സീസണുകളില്‍ ദ്രാവിഡ് രാജസ്ഥാന്‍ റോയല്‍സിന്റെ ക്യാപ്റ്റനായിരുന്നു.

Sports111 days ago

IPL ൽ ഗുജറാത്ത് ടൈറ്റൻസിനെ സ്വന്തമാക്കാൻ ഒരുങ്ങി അദാനി

CVC ഗ്രൂപ്പിന്റെ ഉടമസ്ഥതയിലുള്ള IPL ടീമായ ഗുജറാത്ത് ടൈറ്റൻസിനെ ഗൗതം അദാനി സ്വന്തമാക്കാൻ തയ്യാറെടുക്കുന്നു. ഏറ്റെടുക്കൽ സംബന്ധിച്ച ചർച്ചകൾ തുടങ്ങിയെന്നും 8300 കോടി രൂപയുടെ കരാർ ആണെന്നുമാണ് റിപ്പോർട്ട്. മൂന്ന് വർഷം മുമ്പാണ് CVC ഗ്രൂപ്പ് ഗുജറാത്ത് ടൈറ്റൻസിനെ സ്വന്തമാക്കിയത്. അടുത്ത വർഷം ഫെബ്രുവരിയിൽ ആയിരിക്കും ടീമിൻ്റെ വിൽപ്പന നടക്കുക. ഗുജറാത്ത് ടൈറ്റൻസിന്റെ ഭൂരിഭാഗം ഓഹരികളും CVC ഗ്രൂപ്പ് അദാനിക്ക് കൈമാറും.

Sports157 days ago

IPL ഫൈനൽ ഇന്ന്

ശ്രേയസ് അയ്യറിന്റെ കൊൽക്കത്ത നൈറ്റ് റൈഡേഴ്‌സും പാറ്റ് കമ്മിൻസിന്റെ സൺറൈസേഴ്‌സ് ഹൈദരാബാദും ഇന്ന് രാത്രി 7:30 ന് ചെന്നൈയിലെ എംഎ ചിദംബരം സ്റ്റേഡിയത്തിൽ 2024 IPL ന്റെ കലാശപ്പോരാട്ടത്തിൽ ഏറ്റുമുട്ടും. ഇന്നത്തെ ഫൈനൽ മത്സരത്തിൽ മഴ വില്ലനായാൽ മത്സരം പൂർത്തിയാക്കാൻ 120 മിനിറ്റ് അധികം അനുവദിച്ചിട്ടുണ്ട്. എന്നാൽ അതും സാധ്യമായില്ലെങ്കിൽ കളി റിസർവ് ദിനമായ തിങ്കളാഴ്ചയിലേക്ക് മാറ്റും. തിങ്കളാഴ്ചയും മഴ പെയ്ത് കളി സാധ്യമായില്ലെങ്കിൽ പോയിന്റ് ടേബിളിൽ ഒന്നാം സ്ഥാനത്ത് ഫിനിഷ് ചെയ്ത കൊൽക്കത്ത ജേതാക്കളാകും. ഇന്ന് ചെന്നൈയിൽ മഴ പെയ്യാൻ സാധ്യത ഇല്ലെന്നാണ് നിലവിലുള്ള കാലാവസ്ഥ പ്രവചനം.

Sports212 days ago

IPL ഫൈനലിൽ കൊൽക്കത്തയുടെ എതിരാളികളെ ഇന്നറിയാം

IPL ൽ രണ്ടാം ക്വാളിഫയർ ഇന്ന്. ചെന്നൈ ചെപ്പോക്ക് സ്റ്റേഡിയത്തിൽ ഫൈനൽ ഉറപ്പാക്കാനുള്ള ത്രില്ലർ പോരാട്ടത്തിൽ രാജസ്ഥാൻ റോയൽസ് സൺറൈസേഴ്‌സ് ഹൈദരാബാദിനെ നേരിടും. ഗ്രൂപ്പ് ഘട്ടത്തിൽ രണ്ടാം സ്ഥാനവുമായി പ്ലേഓഫിലെത്തിയ ഹൈദരാബാദ് കൊൽക്കത്തയോട് പരാജയപ്പെട്ടതോടെയാണ് ക്വാളിഫയർ കളിക്കേണ്ടി വന്നത്. എലിമിനേറ്ററിൽ ബെംഗളൂരുവിനെ പരാജയപ്പെടുത്തിയാണ് രാജസ്ഥാൻ രണ്ടാം ക്വാളിഫയറിൽ എത്തിയത്. 26-ാം തീയതി ഞായറാഴ്ചയാണ് ഫൈനല്‍.

Sports214 days ago

IPL: ഷെയ്ന്‍ വോണിനൊപ്പം റെക്കോര്‍ഡ് നേട്ടത്തില്‍ സഞ്ജു സാംസണ്‍

രാജസ്ഥാന്‍ റോയല്‍സ് ക്യാപ്റ്റന്‍ എന്ന നിലയില്‍ ഏറ്റവും കൂടുതല്‍ വിജയങ്ങള്‍ നേടിയാണ് മലയാളി താരം സഞ്ജു സാംസണ്‍ ഷെയ്ന്‍ വോണിന്റെ റെക്കോര്‍ഡിനൊപ്പമെത്തിയിരിക്കുന്നത്. കഴിഞ്ഞ ദിവസം ബെംഗളൂരുവിനെതിരെ നേടിയ വിജയമാണ് സഞ്ജുവിന് ഈ റെക്കോര്‍ഡ് നേട്ടം സമ്മാനിച്ചത്. 60 മത്സരങ്ങളില്‍ സഞ്ജുവിന്റെ ക്യാപ്റ്റന്‍സിക്ക് കീഴില്‍ ഇറങ്ങിയ രാജസ്ഥാന്‍ 31 വിജയങ്ങളാണ് സ്വന്തമാക്കിയിട്ടുളളത്.

Sports215 days ago

IPL: ബെംഗളൂരുവിനെ തകര്‍ത്ത് രാജസ്ഥാന്‍ റോയല്‍സിന് തകര്‍പ്പന്‍ വിജയം

IPL ലെ നിര്‍ണായക മത്സരത്തില്‍ റോയല്‍ ചലഞ്ചേഴ്സ് ബെംഗളൂരുവിനെതിരെ രാജസ്ഥാന്‍ റോയല്‍സിന് നാല് വിക്കറ്റ് ജയം. ഇതോടെ സഞ്ജു സാംസണ്‍ നയിക്കുന്ന രാജസ്ഥാന്‍ റോയല്‍സ് രണ്ടാം ക്വാളിഫയര്‍ പോരാട്ടത്തിന് യോഗ്യത നേടി. ബെംഗളൂരു ഉയര്‍ത്തിയ 173 റണ്‍സ് വിജയലക്ഷ്യം ആറ് വിക്കറ്റ് വിക്കറ്റ് നഷ്ടത്തില്‍ ഒരോവര്‍ ബാക്കി നിര്‍ത്തി രാജസ്ഥാന്‍ മറികടന്നു. വെള്ളിയാഴ്ച്ച ചെന്നൈയില്‍ നടക്കുന്ന രണ്ടാം ക്വാളിഫയറില്‍ രാജസ്ഥാന്‍ സണ്‍ റൈസേഴ്സ് ഹൈദരാബാദിനെ നേരിടും.

Sports215 days ago

പഞ്ചാബിനെതിരെ ഹൈദരാബാദിന് നാല് വിക്കറ്റ് ജയം

സൺറൈസേഴ്‌സ് ഹൈദരാബാദ് പഞ്ചാബ് കിംഗ്സിനെ പരാജയപ്പെടുത്തി പോയിൻ്റ് ടേബിളിൽ രണ്ടാം സ്ഥാനത്തെത്തി. പഞ്ചാബ് ഉയർത്തിയ 215 റൺസ് എന്ന വിജയലക്ഷ്യം ഹൈദരാബാദ് 19.1 ഓവറിൽ മറികടന്നു. ഹൈദരാബാദിനായി അഭിഷേക് ശർമ അർധസെഞ്ച്വറി നേടി.

Sports218 days ago

ചെന്നൈയെ പരാജയപ്പെടുത്തി ബെംഗളൂരു പ്ലേഓഫില്‍

നിര്‍ണായക മത്സരത്തില്‍ 27 റണ്‍സിനാണ് ബെംഗളൂരു വിജയം സ്വന്തമാക്കിയത്. RCB ഉയര്‍ത്തിയ 219 റണ്‍സ് വിജയ ലക്ഷ്യം എത്തിപ്പിടിക്കാന്‍ ചെന്നൈക്കായില്ല. ഏഴു വിക്കറ്റ് നഷ്ടത്തില്‍ 191ല്‍ മത്സരം അവസാനിച്ചു. അവസാന ഓവര്‍ വരെ നീണ്ടുനിന്ന മത്സരത്തിലാണ് ബെംഗളൂരുവിന്റെ വിജയം. കൊല്‍ക്കത്ത നൈറ്റ് റൈഡേഴ്സ്, രാജസ്ഥാന്‍ റോയല്‍സ്, സണ്‍റൈസേഴ്സ് ഹൈദരാബാദ് എന്നീ ടീമുകളും പ്ലേഓഫിലേക്ക് എത്തിയിട്ടുണ്ട്.

Sports219 days ago

രാജസ്ഥാനെതിരെ പഞ്ചാബിന് 5 വിക്കറ്റ് ജയം

രാജസ്ഥാൻ റോയൽസിന് തുടർച്ചയായ അഞ്ചാം തോൽവി. ഗുവാഹത്തി ബര്‍സാപര സ്റ്റേഡിയത്തില്‍ പഞ്ചാബ് കിങ്‌സിനെതിരെ നടന്ന മത്സരത്തിൽ അഞ്ച് വിക്കറ്റിനാണ് പഞ്ചാബ് രാജസ്ഥാനെ പരാജയപ്പെടുത്തിയത്. നിശ്ചിത ഓവറിൽ 9 വിക്കറ്റ് നഷ്ടത്തിൽ രാജസ്ഥാന് 144 റൺസ് മാത്രമാണ് നേടാനായത്. മറുപടി ബാറ്റിങ്ങിനിറങ്ങിയ പഞ്ചാബ് 18.5 ഓവറിൽ വിജയലക്ഷ്യം കണ്ടെത്തി.

Sports222 days ago