സിങ്കപ്പൂരില്‍ വീണ്ടും രൂക്ഷമായി കോവിഡ് വ്യാപനം

കോവിഡ് വ്യാപനത്തിന്റെ പശ്ചാത്തലത്തില്‍ എല്ലാവരും മാസ്‌ക് ധരിക്കണമെന്ന് സിങ്കപ്പൂര്‍ ആരോഗ്യ മന്ത്രി ഒങ് യെ കുങ് നിര്‍ദേശിച്ചു. മെയ് അഞ്ചിനും പതിനൊന്നിനും ഇടയില്‍ കോവിഡ് ബാധിതരുടെ എണ്ണം 25,900 ആയി ഉയര്‍ന്നിട്ടുണ്ട്. അടുത്ത രണ്ടോ നാലോ ആഴ്ചക്കുള്ളില്‍ വ്യാപനം കൂടുതല്‍ രൂക്ഷമാകാന്‍ സാധ്യതയുണ്ടെന്നാണ് മുന്നറിയിപ്പ്.

World335 days ago

സിംഗപ്പൂര്‍ പ്രധാനമന്ത്രിയുമായി കൂടിക്കാഴ്ച്ച നടത്തി നരേന്ദ്രമോദി

പ്രധാനമന്ത്രി നരേന്ദ്ര മോദിയും സിംഗപ്പൂര്‍ പ്രധാനമന്ത്രി ലോറന്‍സ് വോംഗും തമ്മില്‍ കൂടിക്കാഴ്ച്ച നടത്തി. വിവിധ മേഖലകളിലെ ഉഭയകക്ഷി പങ്കാളിത്തം ശക്തിപ്പെടുത്തുന്നതിനായി ഇരുനേതാക്കളും നാല് ധാരണാപത്രങ്ങളില്‍ ഒപ്പുവെച്ചു. ഡിജിറ്റല്‍ സാങ്കേതികവിദ്യ, സെമികണ്ടക്ടര്‍, ആരോഗ്യം, മരുന്നുകള്‍, വിദ്യാഭ്യാസ സഹകരണം, നൈപുണ്യ വികസനം എന്നീ മേഖലകളിലെ പ്രവര്‍ത്തനങ്ങള്‍ക്കാണ് ധാരണാപത്രം ഒപ്പുവെച്ചിരിക്കുന്നത്. ഇന്ത്യന്‍ സമ്പദ്‌വ്യവസ്ഥയില്‍ ഏകദേശം 160 ബില്യണ്‍ US ഡോളറിന്റെ നിക്ഷേപമുള്ള സിംഗപ്പൂര്‍ ഇന്ത്യയുടെ പ്രധാന സാമ്പത്തിക പങ്കാളിയാണെന്നും പ്രധാനമന്ത്രി മോദി പറഞ്ഞു.

National226 days ago

പ്രധാനമന്ത്രി സിംഗപ്പൂരില്‍; ഉജ്ജ്വല സ്വീകരണം

സിംഗപ്പൂരിലെത്തിയ പ്രധാനമന്ത്രി നരേന്ദ്രമോദിക്ക് അവേശോജ്വല സ്വീകരണം നല്‍കി ഇന്ത്യന്‍ പ്രവാസികള്‍. ബ്രൂണെയില്‍ നിന്നെത്തിയ മോദിയെ സിംഗപ്പൂരിലെ ഇന്ത്യന്‍ ഹൈക്കമ്മീഷണര്‍ ശില്‍പക് ആംബുലെയും ഇന്ത്യയിലെ സിംഗപ്പൂര്‍ ഹൈക്കമ്മീഷണര്‍ സൈമണ്‍ വോങ്ങും ചേര്‍ന്നാണ് സ്വീകരിച്ചത്. ഇന്ത്യാ-സിംഗപ്പൂര്‍ ഉഭയകക്ഷി ബന്ധം ശക്തിപ്പെടുത്തുകയാണ് സന്ദര്‍ശന ലക്ഷ്യമെന്നും ഇരു രാജ്യങ്ങളുടെയും നേതാക്കള്‍ ഇത് സംബന്ധിച്ച് ചര്‍ച്ച നടത്തുമെന്നും വിദേശകാര്യ മന്ത്രാലയം അറിയിച്ചു.

National226 days ago

ചരിത്ര സന്ദര്‍ശനം; പ്രധാനമന്ത്രി നരേന്ദ്ര മോദി ആദ്യമായി ബ്രൂണെയിലേക്ക്

ഇരു രാജ്യങ്ങളും തമ്മിലുള്ള 40 വര്‍ഷത്തെ നയതന്ത്ര ബന്ധങ്ങള്‍ക്കിടയിലും ഒരു ഇന്ത്യന്‍ പ്രധാനമന്ത്രി ആദ്യമായാണ് ബ്രൂണെയിലേക്ക് പോകുന്നത്. ബ്രൂണെ സന്ദര്‍ശനത്തിന് ശേഷം സെപ്റ്റംബര്‍ 4ന് സിംഗപ്പൂരിലേക്ക് പോകും. രണ്ട് ദിവസത്തെ സന്ദര്‍ശനത്തിനായാണ് സിംഗപ്പൂരിലെത്തുന്നത്. വിവിധ ഇടപെടലുകളില്‍ ഇന്ത്യയുടെ ബന്ധം കൂടുതല്‍ ആഴത്തിലാക്കുന്നതിന് വേണ്ടിയാണ് ഇരുരാജ്യങ്ങളും സന്ദര്‍ശിക്കുന്നതെന്ന് പ്രധാനമന്ത്രി എക്‌സില്‍ കുറിച്ചു.

National228 days ago

കോവിഡ് പോലെയല്ല മങ്കിപോക്‌സിന്റെ വ്യാപനം നിയന്ത്രണവിധേയമാണെന്ന് WHO

മങ്കിപോക്‌സിന്റെ(എംപോക്‌സ്) പഴയതോ പുതിയതോ ആയ വകഭേദം കോവിഡുമായി താരതമ്യപ്പെടുത്താനാകില്ലെന്ന് ലോകാരോഗ്യ സംഘടനയുടെ യൂറോപ്പ് റീജിയണല്‍ ഡയറക്ടറായ ഹാന്‍സ് ക്ലൂഗ് വ്യക്തമാക്കി. എംപോക്‌സിന്റെ വ്യാപനം നിയന്ത്രണവിധേയമാണെന്നും എംപോക്‌സ് വ്യാപനം തടയാനുള്ള നടപടികളെ കുറിച്ച് അധികൃതര്‍ക്ക് അറിവുണ്ടെന്നും തീര്‍ച്ചയായും എംപോക്‌സിനെ ഒറ്റക്കെട്ടായി മറികടക്കാനാകുമെന്നും ഹാന്‍സ് പറഞ്ഞു. ആഫ്രിക്കന്‍ രാജ്യങ്ങളില്‍ വ്യാപകമാകുന്ന മങ്കിപോക്‌സിനെതിരെ ആഗോളതലത്തില്‍ ലോകാരോഗ്യ സംഘടന ആരോഗ്യ അടിയന്തരാവസ്ഥ പ്രഖ്യാപിച്ചിരുന്നു. ഇതേ തുടര്‍ന്ന് കോവിഡിന് സമാനമായ സാഹചര്യമുണ്ടാകുമോ എന്ന ആശങ്ക ഉയര്‍ന്നു വന്നിരുന്നു.

World241 days ago

ഇന്ത്യയിലെ കോവിഡ് വര്‍ധനവിന് പിന്നില്‍ രണ്ട് വകഭേദങ്ങളെന്ന് കേന്ദ്രം

KP.1, KP.2 എന്നീ വകഭേദങ്ങളാണ് ഇന്ത്യയിലെ കോവിഡ് കേസുകളുടെ വര്‍ധനവിന് പിന്നിലെന്ന് കേന്ദ്ര ആരോഗ്യമന്ത്രി ജെ. പി. നദ്ദ വ്യക്തമാക്കി. ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചും നാഷണല്‍ സെന്റര്‍ ഫോര്‍ ഡിസീസ് കണ്‍ട്രോളും ഇക്കാര്യം അറിയിച്ചിട്ടുണ്ടെന്ന് ആരോഗ്യമന്ത്രി പറഞ്ഞു. JN.1 ഒമിക്രോണ്‍ വകഭേദത്തില്‍ നിന്നും ഉരുത്തിരിഞ്ഞവയാണ് KP.1, KP.2 എന്നീ വകഭേദങ്ങളെന്നും മന്ത്രി പറഞ്ഞു. ഓഗസ്റ്റ് അഞ്ചു വരെ 824 കോവിഡ് കേസുകളാണ് സ്ഥിരീകരിച്ചിട്ടുള്ളത്.

National251 days ago

ജാഗ്രത; കൊവിഡ് കേസുകളില്‍ വീണ്ടും വര്‍ധനവെന്ന് WHO

വിവിധ രാജ്യങ്ങളിലായി കഴിഞ്ഞ കുറച്ച് ആഴ്ചകളായി കൊവിഡ് കേസുകളില്‍ വര്‍ധനവ് ഉണ്ടായതായി ലോകാരോഗ്യ സംഘടന. കൊവിഡ് പോസിറ്റീവാകുന്നവരുടെ നിരക്ക് കൂടുന്നതായി WHO അറിയിച്ചു. 84 രാജ്യങ്ങളില്‍ നിന്നുള്ള റിപ്പോര്‍ട്ടുകളില്‍ നിന്നാണ് കൊവിഡ് പോസിറ്റീവാകുന്നവരുടെ എണ്ണം കഴിഞ്ഞ കുറച്ച് ആഴ്ചകളായി കൂടുന്നതായി കണ്ടെത്തിയത്. നിലവില്‍ അമേരിക്ക, യൂറോപ്പ്, വെസ്റ്റേണ്‍ പസഫിക് എന്നിവിടങ്ങളിലാണ് കൊവിഡ് വ്യാപനം കൂടുതലായിട്ടുള്ളത്. അധികം വൈകാതെ കൊവിഡിന്റെ തീവ്രമായ വകഭേദങ്ങള്‍ വന്നേക്കാമെന്നും WHO വ്യക്തമാക്കി.

Health252 days ago

ലോകത്തിലെ ഏറ്റവും ശക്തമായ പാസ്പോര്‍ട്ട്; ഒന്നാംസ്ഥാനം സിംഗപ്പൂരിന്

195 രാജ്യങ്ങളിലേക്ക് വിസാരഹിത പ്രവേശനം വാഗ്ദാനം ചെയ്താണ് സിംഗപ്പൂര്‍ ഹെന്‍ലി പാസ്പോര്‍ട്ട് ഇന്‍ഡക്സ് പുറത്തിറക്കിയ ഏറ്റവും പുതിയ റാങ്കിങ്ങില്‍ ഒന്നാംസ്ഥാനം നേടിയിരിക്കുന്നത്. ലോകമെമ്പാടുമുള്ള യാത്രാ വിവരങ്ങളുടെ ഏറ്റവും വിപുലവും കൃത്യവുമായ ഡാറ്റാബേസുളള ഇന്റര്‍നാഷണല്‍ എയര്‍ ട്രാന്‍സ്പോര്‍ട്ട് അസോസിയേഷന്റെ ഡാറ്റയെ അടിസ്ഥാനമാക്കിയാണ് ഈ റാങ്കിങ് നടത്തിയിരിക്കുന്നത്. ഫ്രാന്‍സ്, ഇറ്റലി, ജര്‍മ്മനി, സ്‌പെയിന്‍, ജപ്പാന്‍ എന്നീ രാജ്യങ്ങളാണ് രണ്ടാം സ്ഥാനത്തുളളത്. 58 രാജ്യങ്ങളിലേക്ക് വിസാരഹിത പ്രവേശനം അനുവദിക്കുന്ന ഇന്ത്യ പട്ടികയില്‍ 82ാം സ്ഥാനത്താണുളളത്.

World269 days ago

ഇന്ധന ചോര്‍ച്ച: സിംഗപ്പൂരിലെ സെന്റോസ ദ്വീപിലെ ബീച്ചുകള്‍ അടച്ചു

പ്രശസ്ത വിനോദസഞ്ചാര കേന്ദ്രമായ സെന്റോസ ദ്വീപിന്റെ സമീപത്തായി സ്ഥിതി ചെയ്യുന്ന തീരത്ത് കപ്പലുകള്‍ കൂട്ടിയിടിച്ചാണ് ഇന്ധന ചോര്‍ച്ചയുണ്ടായത്. ദ്വീപിലെ ടാന്‍ജോങ്, പലവാന്‍, സിലോസോ എന്നീ ബീച്ചുകളാണ് താല്‍ക്കാലികമായി അടച്ചത്. തീരം പൂര്‍ണമായും ശുദ്ധീകരിക്കാനുള്ള പ്രവര്‍ത്തനങ്ങള്‍ പുരോഗമിക്കുകയാണ്. നെതര്‍ലന്റസിന്റെ ഉടമസ്ഥതയിലുള്ള ഡ്രെഡ്ജറും സിംഗപ്പൂരിന്റെ ഉടമസ്ഥതയിലുള്ള എണ്ണക്കപ്പലും കൂട്ടിയിടിച്ചാണ് കടലില്‍ എണ്ണച്ചോര്‍ച്ചയുണ്ടായത്.

Travel304 days ago

സിംഗപ്പൂർ പ്രധാനമന്ത്രി ലീ സിയാൻ ലൂങ് മെയ് 15ന് സ്ഥാനമൊഴിയും

രണ്ട് പതിറ്റാണ്ട് കാലം സിംഗപ്പൂരിന്റെ പ്രധാനമന്ത്രിയായി സേവനം അനുഷ്ഠിച്ച ലീ സിയാൻ ലൂങ് മെയ് 15ന് സ്ഥാനമൊഴിയുമെന്ന് അറിയിച്ചു. നിലവിൽ സിംഗപ്പൂരിൻ്റെ ഉപപ്രധാനമന്ത്രിയും ധനമന്ത്രിയുമായി സേവനമനുഷ്ഠിക്കുന്ന ലോറൻസ് വോങ്ങാണ് അടുത്ത പ്രധാനമന്ത്രിയാകുക. നേതൃമാറ്റം ഏതൊരു രാജ്യത്തിനും സുപ്രധാന നിമിഷമാണെന്ന് 72 കാരനായ ലീ പറഞ്ഞു. 2004 ലാണ് പീപ്പിൾസ് ആക്ഷൻ പാർട്ടി നേതാവായ ലീ സിയാൻ ലൂങ് സിംഗപ്പൂരിന്റെ മൂന്നാമത്തെ പ്രധാനമന്ത്രിയായി സത്യപ്രതിജ്ഞ ചെയ്തത്.

World368 days ago

കോവിഡ് ബാധിച്ചവരില്‍ ഗുരുതര ഹൃദയ പ്രശ്‌നങ്ങള്‍ ബാധിക്കാമെന്ന് പഠനം

ഗുരുതരമായി കോവിഡ് ബാധിച്ചവരില്‍ ഹൃദയപ്രശ്നങ്ങള്‍ നീണ്ടുനില്‍ക്കുന്നതായാണ് സര്‍ക്കുലേഷന്‍ ജേണലില്‍ പ്രസിദ്ധീകരിച്ച പഠനത്തില്‍ പറയുന്നത്. പഠനത്തിനായി കോവിഡുമായി ബന്ധപ്പെട്ട് ശ്വാസകോശ പ്രശ്നങ്ങളും അക്യൂട്ട് റസ്പിറേറ്ററി ഡിസ്ട്രെസ് സിന്‍ഡ്രോമും ബാധിച്ചവരിലെ ഹൃദയപ്രശ്നങ്ങളാണ് ഗവേഷകര്‍ നിരീക്ഷിച്ചത്. കൊറോണ വൈറസ് ഹൃദയകോശങ്ങളെ നേരിട്ട് ബാധിച്ചില്ലെങ്കില്‍ പോലും അവ ഹൃദയത്തിന് പ്രശ്‌നമുണ്ടാക്കാമെന്നാണ് പഠനത്തില്‍ പറയുന്നത്.

Health393 days ago