ആലുവ മംഗലപ്പുഴ പാലം ബലപ്പെടുത്തല്‍; 17 മുതല്‍ ഗതാഗത നിയന്ത്രണം

ആലുവ മംഗലപ്പുഴ പാലത്തിന്റെ ബലപ്പെടുത്തല്‍ ജോലികള്‍ വെള്ളിയാഴ്ച്ച മുതല്‍ ആരംഭിക്കും. ഗതാഗതക്കുരുക്ക് ഒഴിവാക്കാന്‍ അങ്കമാലിയില്‍ നിന്ന് ആലുവയിലേക്ക് വരുന്ന ചരക്കുലോറികള്‍ കാലടി, പെരുമ്പാവൂര്‍, വഴി തിരിച്ചുവിടും. ബസുകള്‍ക്കും മറ്റു ചെറിയ വാഹനങ്ങള്‍ക്കും പാലത്തില്‍ ഒറ്റവരി ഗതാഗതം അനുവദിക്കും. 20 ദിവസത്തിനുള്ളില്‍ പണി പൂര്‍ത്തീകരിക്കാന്‍ കഴിയുമെന്നാണ് പ്രതീക്ഷിക്കുന്നത്.

Kerala224 days ago

മേഘവിസ്‌ഫോടനം; ഹിമാചലിലെ ലേ-മണാലി റോഡിന്റെ ഒരു ഭാഗം അടച്ചു

ഹിമാചലിലെ കുളു ജില്ലയിലെ അഞ്ജനി മഹാദേവ് മേഖലയിലാണ് മേഘവിസ്‌ഫോടനമുണ്ടായത്. ഇതിന് പിന്നാലെയുണ്ടായ വെള്ളപ്പൊക്കത്തെ തുടര്‍ന്ന് ദേശീയപാതാ-3 ന്റെ ഒരു ഭാഗം അടച്ചു. മാണ്ഡി, കിന്നൗര്‍, കാന്‍ഗ്ര ജില്ലകളിലെ 15 റോഡുകളില്‍ ഗതാഗതത്തിന് വിലക്കുണ്ട്. സംഭവത്തില്‍ ഇതുവരെ ആളപായമൊന്നും റിപ്പോര്‍ട്ട് ചെയ്തിട്ടില്ലെങ്കിലും അത്യാവശ്യ സന്ദര്‍ഭങ്ങളില്‍ മാത്രമേ പ്രദേശത്തേക്ക് യാത്ര ചെയ്യാവൂ എന്നും ജാഗ്രതയോടെ വാഹനം ഓടിക്കണമെന്നും അധികൃതര്‍ നിര്‍ദേശം നല്‍കിയിട്ടുണ്ട്.

National153 days ago

കുണ്ടന്നൂര്‍-തേവര പാലം രണ്ട് ദിവസത്തേക്ക് അടച്ചു

അറ്റകുറ്റപ്പണികള്‍ക്കായാണ് കുണ്ടന്നൂര്‍-തേവര പാലം രണ്ട് ദിവസത്തേക്ക് അടയ്ക്കുന്നത്. അറ്റകുറ്റപ്പണികള്‍ പൂര്‍ത്തിയാക്കി ചൊവ്വാഴ്ച രാവിലെ എട്ടിന് ഗതാഗതത്തിനായി തുറന്നുകൊടുക്കും. കുണ്ടന്നൂര്‍ - തേവര പാലത്തിലേക്ക് യാതൊരുവിധ വാഹനങ്ങളും കയറ്റിവിടുന്നതല്ല. പശ്ചിമകൊച്ചി ഭാഗത്തുനിന്നും കുണ്ടന്നൂര്‍ ഭാഗത്തേക്ക് പോകേണ്ട വാഹനങ്ങള്‍ വിക്രാന്ത് ബ്രിഡ്ജ് വഴി MG റോഡില്‍ പ്രവേശിച്ച് പളളിമുക്ക് ജംഗ്ഷനിലെത്തി സഹോദരന്‍ അയ്യപ്പന്‍ റോഡില്‍ പ്രവേശിച്ച് വൈറ്റില വഴി കുണ്ടന്നൂര്‍ ഭാഗത്തേക്ക് പോകേണ്ടതാണ്.

Kerala157 days ago

അറ്റകുറ്റപ്പണി; കുണ്ടന്നൂര്‍ – തേവര പാലം ഇന്ന് രാത്രി അടയ്ക്കും

രാത്രി 11 മണി മുതല്‍ പാലത്തിലൂടെയുളള ഗതാഗതം പൂര്‍ണമായും നിരോധിക്കും. ശനി, ഞായര്‍ ദിവസങ്ങളിലായി പണി പൂര്‍ത്തീകരിച്ച് തിങ്കളാഴ്ച്ചയോടെ പാലം തുറന്നു കൊടുക്കാനാണ് തീരുമാനം. അറ്റകുറ്റപ്പണിയുടെ പശ്ചാത്തലത്തില്‍ പ്രദേശത്ത് ഗതാഗത നിയന്ത്രണങ്ങളും ഏര്‍പ്പെടുത്തിയിട്ടുണ്ട്. പശ്ചിമ കൊച്ചി ഭാഗത്തുനിന്നും കുണ്ടന്നൂര്‍ ഭാഗത്തേയ്ക്ക് പോകേണ്ട വാഹനങ്ങള്‍ വെണ്ടുരുത്തിപ്പാലം വഴി MG റോഡിലേക്കും ഇടക്കൊച്ചി ഭാഗത്തുനിന്നും കുണ്ടന്നൂര്‍ ഭാഗത്തേയ്ക്ക് പോകേണ്ട വാഹനങ്ങള്‍ കണ്ണങ്ങാട്ട് പാലം വഴി തിരിഞ്ഞും പോകണം.

Kerala166 days ago

മണ്ണിടിച്ചില്‍; വടകര ദേശീയപാതയില്‍ സംരക്ഷണഭിത്തി തകര്‍ന്നു

കോഴിക്കോട് വടകര മുക്കാളിയില്‍ മണ്ണിടിച്ചില്‍. ദേശീയപാതയിലെ നിര്‍മാണം നടക്കുന്ന ഭാഗത്തെ സംരക്ഷണഭിത്തി തകര്‍ന്നു. മണ്ണ് നീക്കാതെ ഗതാഗതം നടത്താന്‍ കഴിയാത്ത സാഹചര്യമായതിനാല്‍ ഇതിലൂടെയുളള ഗതാഗതം വഴിതിരിച്ചുവിട്ടിരിക്കുകയാണ്. കണ്ണൂരില്‍ നിന്ന് കോഴിക്കോട്ടേക്ക് വരുന്ന വാഹനങ്ങള്‍ കുഞ്ഞിപ്പള്ളിയില്‍ നിന്നും കോഴിക്കോട് നിന്ന് കണ്ണൂരിലേക്ക് പോകുന്ന വാഹനങ്ങള്‍ കൈനാട്ടിയില്‍ നിന്നുമാണ് വഴിതിരിച്ച് വിടുന്നത്.

Kerala177 days ago

മണിപ്പൂരിനെയും നാഗാലാന്‍ഡിനെയും ബന്ധിപ്പിക്കുന്ന പാലം IED സ്ഫോടനത്തില്‍ തകര്‍ന്നു

മണിപ്പൂരിലെ ഇംഫാലിനെയും നാഗാലാന്‍ഡിലെ ദിമാപൂരിനെയും ബന്ധിപ്പിക്കുന്ന പാലമാണ് തകര്‍ന്നത്. ഇന്ന് പുലര്‍ച്ചെ 12.45 ഓടെയാണ് ദേശീയപാത 2 ല്‍ സ്ഥിതി ചെയ്യുന്ന പാലത്തില്‍ സ്ഫോടനം ഉണ്ടായത്. സ്ഫോടനത്തെത്തുടര്‍ന്ന് പാലത്തിന്റെ മധ്യഭാഗത്ത് മൂന്ന് ഗര്‍ത്തങ്ങളും രണ്ടറ്റത്തും വിള്ളലുകളും ഉണ്ടായതായി പോലീസ് പറഞ്ഞു. സംഭവത്തില്‍ ആളപായം റിപ്പോര്‍ട്ട് ചെയ്തിട്ടില്ലെങ്കിലും ഹൈവേയില്‍ വലിയ വാഹനള്‍ക്ക് ഗതാഗത നിയന്ത്രണം ഏര്‍പ്പെടുത്തിയിട്ടുണ്ട്.

National245 days ago

ഇന്ത്യയിലെ ഏറ്റവും നീളം കൂടിയ തൂക്കു പാലം ഗുജറാത്തില്‍ ഉദ്ഘാടനം ചെയ്തു

2.32 കിലോ മീറ്റര്‍ നീളമുളള സുദർശൻ സേതു പാലത്തിന്‍റെ നിര്‍മാണ ചെലവ് 980 കോടി രൂപയാണ്. പ്രധാനമന്ത്രി നരേന്ദ്രമോദിയാണ് ഉദ്ഘാടനം നിര്‍വഹിച്ചത്. ഒഖ മെയിൻലാൻഡിനെയും ബെയ്റ്റ് ദ്വാരക ദ്വീപിനെയും തമ്മിൽ ബന്ധിപ്പിക്കുന്നതാണ് സുദർശൻ സേതു പാലം. ദ്വാരകയെ പ്രധാനപ്പെട്ട വിനോദസഞ്ചാര കേന്ദ്രമാക്കി മാറ്റുക എന്ന ലക്ഷ്യത്തോടെയാണ് പാലം നിര്‍മിച്ചിരിക്കുന്നത്.

National304 days ago

റിമോട്ട് കൺട്രോളറില്‍ പ്രവർത്തിപ്പിക്കാവുന്ന സംസ്ഥാനത്തെ ആദ്യത്തെ പാലം ഉദ്ഘാടനം ചെയ്തു

തിരുവനന്തപുരം കരിക്കകത്ത് കോവളം–ബേക്കൽ ജലപാതയിൽ പാർവതി പുത്തനാറില്‍ ആണ് പാലം നിര്‍മിച്ചത്. ഹൈഡ്രോളിക് സാങ്കേതിക വിദ്യ ഉപയോഗിച്ച് റോഡ് നിരപ്പിൽ നിന്ന് അഞ്ച് മീറ്റർ വരെ മുകളിലേക്ക് പാലം ഉയര്‍ത്താന്‍ സാധിക്കും. ജലപാത ആയതിനാല്‍ ബോട്ടുകള്‍ക്ക് തടസം ഇല്ലാതിരിക്കാനാണ് ലിഫ്റ്റ് പാലം രൂപകൽപന ചെയ്തത്. മൂന്നര കോടി രൂപയാണ് പാലത്തിന്‍റെ നിര്‍മാണ ചെലവ്.

Kerala307 days ago