ഇന്ത്യയിലെ ഏറ്റവും നീളം കൂടിയ തൂക്കു പാലം ഗുജറാത്തില്‍ ഉദ്ഘാടനം ചെയ്തു
2.32 കിലോ മീറ്റര്‍ നീളമുളള സുദർശൻ സേതു പാലത്തിന്റെ നിര്‍മാണ ചെലവ് 980 കോടി രൂപയാണ്. പ്രധാനമന്ത്രി നരേന്ദ്രമോദിയാണ് ഉദ്ഘാടനം നിര്‍വഹിച്ചത്. ഒഖ മെയിൻലാൻഡിനെയും ബെയ്റ്റ് ദ്വാരക ദ്വീപിനെയും തമ്മിൽ ബന്ധിപ്പിക്കുന്നതാണ് സുദർശൻ സേതു പാലം. ദ്വാരകയെ പ്രധാനപ്പെട്ട വിനോദസഞ്ചാര കേന്ദ്രമാക്കി മാറ്റുക എന്ന ലക്ഷ്യത്തോടെയാണ് പാലം നിര്‍മിച്ചിരിക്കുന്നത്.
Related News
ആലുവ മംഗലപ്പുഴ പാലം ബലപ്പെടുത്തല്‍; 17 മുതല്‍ ഗതാഗത നിയന്ത്രണം
ആലുവ മംഗലപ്പുഴ പാലത്തിന്റെ ബലപ്പെടുത്തല്‍ ജോലികള്‍ വെള്ളിയാഴ്ച്ച മുതല്‍ ആരംഭിക്കും. ഗതാഗതക്കുരുക്ക് ഒഴിവാക്കാന്‍ അങ്കമാലിയില്‍ നിന്ന് ആലുവയിലേക്ക് വരുന്ന ചരക്കുലോറികള്‍ കാലടി, പെരുമ്പാവൂര്‍, വഴി തിരിച്ചുവിടും. ബസുകള്‍ക്കും മറ്റു ചെറിയ വാഹനങ്ങള്‍ക്കും പാലത്തില്‍ ഒറ്റവരി ഗതാഗതം അനുവദിക്കും. 20 ദിവസത്തിനുള്ളില്‍ പണി പൂര്‍ത്തീകരിക്കാന്‍ കഴിയുമെന്നാണ് പ്രതീക്ഷിക്കുന്നത്.
മണിപ്പൂരിനെയും നാഗാലാന്‍ഡിനെയും ബന്ധിപ്പിക്കുന്ന പാലം IED സ്ഫോടനത്തില്‍ തകര്‍ന്നു
മണിപ്പൂരിലെ ഇംഫാലിനെയും നാഗാലാന്‍ഡിലെ ദിമാപൂരിനെയും ബന്ധിപ്പിക്കുന്ന പാലമാണ് തകര്‍ന്നത്. ഇന്ന് പുലര്‍ച്ചെ 12.45 ഓടെയാണ് ദേശീയപാത 2 ല്‍ സ്ഥിതി ചെയ്യുന്ന പാലത്തില്‍ സ്ഫോടനം ഉണ്ടായത്. സ്ഫോടനത്തെത്തുടര്‍ന്ന് പാലത്തിന്റെ മധ്യഭാഗത്ത് മൂന്ന് ഗര്‍ത്തങ്ങളും രണ്ടറ്റത്തും വിള്ളലുകളും ഉണ്ടായതായി പോലീസ് പറഞ്ഞു. സംഭവത്തില്‍ ആളപായം റിപ്പോര്‍ട്ട് ചെയ്തിട്ടില്ലെങ്കിലും ഹൈവേയില്‍ വലിയ വാഹനള്‍ക്ക് ഗതാഗത നിയന്ത്രണം ഏര്‍പ്പെടുത്തിയിട്ടുണ്ട്.
റിമോട്ട് കൺട്രോളറില്‍ പ്രവർത്തിപ്പിക്കാവുന്ന സംസ്ഥാനത്തെ ആദ്യത്തെ പാലം ഉദ്ഘാടനം ചെയ്തു
തിരുവനന്തപുരം കരിക്കകത്ത് കോവളം–ബേക്കൽ ജലപാതയിൽ പാർവതി പുത്തനാറില്‍ ആണ് പാലം നിര്‍മിച്ചത്. ഹൈഡ്രോളിക് സാങ്കേതിക വിദ്യ ഉപയോഗിച്ച് റോഡ് നിരപ്പിൽ നിന്ന് അഞ്ച് മീറ്റർ വരെ മുകളിലേക്ക് പാലം ഉയര്‍ത്താന്‍ സാധിക്കും. ജലപാത ആയതിനാല്‍ ബോട്ടുകള്‍ക്ക് തടസം ഇല്ലാതിരിക്കാനാണ് ലിഫ്റ്റ് പാലം രൂപകൽപന ചെയ്തത്. മൂന്നര കോടി രൂപയാണ് പാലത്തിന്റെ നിര്‍മാണ ചെലവ്.
