ISL കിരീടം മുംബൈ സിറ്റി FC ക്ക്

മോഹൻ ബഗാനെ ഒന്നിനെതിരെ മൂന്ന് ഗോളുകൾക്ക് പരാജയപ്പെടുത്തി മുംബൈ സിറ്റി ISL പത്താം സീസണിലെ ജേതാക്കളായി. ആദ്യ പകുതിയിൽ ജേസൺ കമ്മിംഗ്‌സിലൂടെ ലീഡ് നേടിയ ശേഷമാണ് മോഹൻ ബഗാൻ മുംബൈയോട് പരാജയപ്പെട്ടത്. രണ്ടാം പകുതിയുടെ തുടക്കത്തിൽ തന്നെ പെരേര ഡയസിലൂടെ മുംബൈ സമനില ഗോൾ നേടി പിന്നീട് 81-ാം മിനിറ്റില്‍ ബിപിൻ സിങ്ങിലൂടെ മുംബൈ ലീഡ് ഉയര്‍ത്തി. രണ്ടാം പകുതിയുടെ എക്സ്ട്രാ ടൈമിൽ ജക്കൂബ് വോജുസും മോഹൻ ബാഗിന്റെ ഗോൾ വല കുലുക്കിയതോടെ മുംബൈ വിജയം ഉറപ്പിക്കുകയായിരുന്നു. മുംബൈ സിറ്റിയുടെ രണ്ടാം ISL കിരീട നേട്ടമാണിത്.

Sports233 days ago

ISL: ഈസ്റ്റ് ബംഗാളിനെതിരെ കേരള ബ്ലാസ്റ്റേഴ്സിന് തകര്‍പ്പന്‍ ജയം

ഈസ്റ്റ് ബംഗാളിനെതിരെ ഒന്നിനെതിരെ രണ്ട് ഗോളുകള്‍ക്കാണ് കേരള ബ്ലാസ്റ്റേഴ്സ് വിജയം ഉറപ്പിച്ചത്. മത്സരത്തിന്റെ രണ്ടാം പകുതിയില്‍ 63ാം മിനിറ്റില്‍ നോഹ സദൂയി, 88ാം മിനിറ്റില്‍ ക്വാമി പെപ്ര എന്നിവരാണ് ബ്ലാസ്റ്റേഴ്സിനായി ഗോള്‍ നേടിയത്. ഈസ്റ്റ് ബംഗാളിനായി മലയാളി താരം പി.വി. വിഷ്ണുവാണ് ഗോള്‍ നേടിയത്.

Sports92 days ago

ISL ൽ ഇന്ന് കേരള ബ്ലാസ്റ്റേഴ്‌സ് ഈസ്റ്റ് ബംഗാളിനെ നേരിടും

ISL ൽ കേരള ബ്ലാസ്റ്റേഴ്സ് ഇന്ന് രണ്ടാം മല്‍സരത്തിന് ഇറങ്ങും. കൊച്ചി ജവഹർലാൽ നെഹ്‌റു സ്റ്റേഡിയത്തിൽ നടക്കുന്ന മത്സരത്തിൽ ഈസ്റ്റ് ബംഗാളാണ് ബ്ലാസ്റ്റേഴ്സിന്റെ എതിരാളികൾ. ഇരു ടീമുകളും ആദ്യ മത്സരത്തിൽ പരാജയപ്പെട്ടിരുന്നു. ആദ്യകളിയിൽ പഞ്ചാബ് FC യോട് 2-1നായിരുന്നു ബ്ലാസ്റ്റേഴ്‌സ് പരാജയപ്പെട്ടത്. അസുഖം കാരണം ബ്ലാസ്റ്റേഴ്സ് ക്യാപ്റ്റൻ അഡ്രിയൻ ലൂണയ്ക്ക് ഇന്നത്തെ മത്സരവും നഷ്ടമാകും. ലൂണയുടെ അഭാവത്തിൽ പ്രതിരോധ താരം മിലോസ് ഡ്രിൻസിച്ചാകും ഇന്നും ടീമിനെ നയിക്കുക.

Sports92 days ago

ISL: കേരള ബ്ലാസ്റ്റേഴ്സിന് തോൽവി

ISL പതിനൊന്നാം സീസണിലെ ആദ്യ മത്സരത്തിൽ കേരള ബ്ലാസ്റ്റേഴ്സിന് തോൽവി. കൊച്ചി കലൂർ ജവഹർലാൽ നെഹ്റു സ്റ്റേഡിയത്തിൽ നടന്ന മത്സരത്തിൽ പഞ്ചാബ് എഫ്സിയോട് രണ്ടിനെതിരെ ഒരു ഗോളിനാണ് ബ്ലാസ്റ്റേഴ്സ് പരാജയപ്പെട്ടത്. ആദ്യപകുതി ഗോൾ രഹിത സമനിലയിലാണ് പിരിഞ്ഞത്. രണ്ടാം പകുതിയിലാണ് 3 ഗോളുകളും പിറന്നത്. 85-ാം മിനിറ്റിൽ ലഭിച്ച പെനാൽറ്റി യിലൂടെ ലൂക്കയാണ് പഞ്ചാബിനെ മുന്നിലെത്തിച്ചത്. എന്നാൽ 91-ാം മിനിറ്റിൽ ബ്ലാസ്റ്റേഴ്സ് ജീസസിലൂടെ മറുപടി ഗോൾ കണ്ടെത്തി. സമനിലയിൽ എത്തിയ മത്സരത്തിൽ ഇഞ്ചുറി ടൈമിൽ ആയിരുന്നു പഞ്ചാബിന്റെ വിജയഗോൾ. 95-ാം മിനിറ്റിൽ നോവാ സിലീചാണ് പഞ്ചാബിൻ്റെ വിജയ ഗോൾ നേടിയത്.

Sports98 days ago

മിക്കേൽ സ്റ്റാറേ കേരള ബ്ലാസ്റ്റേഴ്സിന്റെ പുതിയ പരിശീലകൻ

കേരള ബ്ലാസ്റ്റേഴ്‌സിന്റെ മുഖ്യ പരിശീലകനായി മിക്കേൽ സ്റ്റാറേയെ നിയമിച്ചു. 48 കാരനായ സ്വീഡിഷ് പരിശീലകൻ രണ്ടു വർഷത്തെ കരാറിലാണ് ഒപ്പുവെച്ചത്. പരിശീലകനായി രണ്ടു പതിറ്റാണ്ടിന്റെ അനുഭവ സമ്പത്താണ് ഇവാൻ വുക്കൊമാനോവിച്ചിന് പകരക്കാരനായി എത്തിയ മിക്കേൽ സ്റ്റാറേക്കുള്ളത്. സ്വീഡൻ, ഗ്രീസ്, ചൈന, നോർവെ, യുഎസ്, തായ്‍ലൻഡ് തുടങ്ങിയ രാജ്യങ്ങളിലെ ലീഗുകളിലുള്ള ടീമുകളെയാണ് സ്റ്റാറെ മുമ്പ് പരിശീലിപ്പിച്ചിട്ടുള്ളത്.

Sports214 days ago

ISL: ഫൈനലിൽ മോഹൻബഗാന് എതിരാളികൾ മുംബൈ സിറ്റി

സെമി ഫൈനലിൽ FC ഗോവയെ പരാജയപ്പെടുത്തി മുംബൈ സിറ്റി FC ISL ഫൈനലിലെത്തി. ഇരു പാദങ്ങളിലുമായി 5-2 നാണ് മുംബൈയുടെ വിജയം. ആദ്യ പാദത്തിൽ 3-2 നും ഇന്ന് മുംബൈയിൽ നടന്ന രണ്ടാം പാദത്തിൽ 2-0 ത്തിനുമാണ് മുംബൈ ഗോവയെ പരാജയപ്പെടുത്തിയത്. മെയ് 4 ശനിയാഴ്ചയാണ് ഫൈനൽ.

Sports238 days ago

ISL: ബഗാൻ-ഒഡീഷ രണ്ടാം പാദ സെമി ഇന്ന്

ISL ൽ മോഹൻ ബഗാനും ഒഡീഷ എഫ്‌സിയും തമ്മിലുള്ള സെമി ഫൈനലിലെ രണ്ടാം പാദ സെമിഫൈനൽ ഇന്ന് വൈകിട്ട് 7:30ന് കൊൽക്കത്ത സാൾട്ട് ലേക്ക് സ്റ്റേഡിയത്തിൽ നടക്കും. ജയിക്കുന്നവർ ഫൈനലിലെത്തും. ഒഡീഷയിൽ നടന്ന ആദ്യ പാദ സെമിയിൽ ഒഡീഷയോട് ബഗാൻ 2-1 പരാജയപ്പെട്ടിരുന്നു. ISL ൽ ഈ സീസണിലെ ഷീൽഡ് സ്വന്തമാക്കിയ ടീമാണ് മോഹൻ ബഗാൻ.

Sports239 days ago

ISL: പ്ലേഓഫ് കാണാതെ ബ്ലാസ്റ്റേഴ്‌സ് പുറത്ത്

എക്സ്ട്രാ ടൈം വിധിയെഴുതിയ മത്സരത്തിൽ ഒഡീഷയോട് രണ്ടിനെതിരെ ഒരു ഗോളിന് പരാജയപ്പെട്ട് കേരള ബ്ലാസ്റ്റേഴ്‌സ് ISL പത്താം സീസണിൽ നിന്ന് പ്ലേഓഫ് കാണാതെ പുറത്തായി. മികച്ച അവസരങ്ങൾ ഇരു കൂട്ടർക്കും ആദ്യ പകുതിയിൽ ലഭിച്ചിരുന്നുവെങ്കിലും ഒന്നും ഗോളിലെത്തിക്കാൻ കഴിഞ്ഞില്ല. ഒടുവിൽ 66-ാം മിനുറ്റില്‍ സെർനിച് നേടിയ ഗോളിലൂടെ ബ്ലാസ്റ്റേഴ്‌സ് മുന്നിലെത്തി. എന്നാൽ 87-ാം മിനുട്ടിൽ റോയ് കൃഷ്ണ ഒഡീഷയ്ക്കായി സമനില ഗോൾ കണ്ടെത്തിയതിനെ തുടർന്ന് മത്സരം എക്സ്ട്രാ ടൈമിലേക്ക് നീങ്ങി. 98-ാം മിനുട്ടിൽ ഇസാകാണ് ഒഡീഷയ്ക്കായി വിജയ ഗോൾ നേടിയത്.

Sports247 days ago

ISLല്‍ ഇന്ന് ബ്ലാസ്റ്റേഴ്‌സ് ഒഡീഷ എഫ്‌സി പോരാട്ടം

ഒഡീഷയിലെ കലിംഗ സ്റ്റേഡിയത്തില്‍ രാത്രി 7.30നാണ് മത്സരം. ഒഡീഷ എഫ്‌സിക്കെതിരായ ഇന്നത്തെ മത്സരം കേരള ബ്ലാസ്റ്റേഴ്‌സിന് ഏറെ നിര്‍ണായകമാണ്. മത്സരം വിജയിച്ചാല്‍ ബ്ലാസ്റ്റേഴ്‌സ് സെമിയില്‍ പ്രവേശിക്കും. പരിക്കേറ്റ് പുറത്തായിരുന്ന സ്റ്റാര്‍ പ്ലയര്‍ അഡ്രിയാന്‍ ലൂണ ഇന്ന് കളിക്കാനിടയുണ്ട്. പോയിന്റ് പട്ടികയില്‍ ഒഡീഷ എഫ്‌സി നാലാമതും ബ്ലാസ്റ്റേഴ്‌സ് അഞ്ചാമതുമാണുളളത്.

Sports248 days ago

ISL: ഹൈദരാബാദിനെതിരെ കേരള ബ്ലാസ്റ്റേഴ്‌സിന് ജയം

ഒന്നിനെതിരെ മൂന്ന് ഗോളുകൾക്കാണ് ലീഗ് ഘട്ടത്തിലെ അവസാന മത്സരത്തിൽ ബ്ലാസ്റ്റേഴ്സ് ഹൈദരാബാദ് FC യെ പരാജയപ്പെടുത്തിയത്. ആദ്യ പകുതിയിലെ 34-ാം മിനിറ്റില്‍ മലയാളി താരം മുഹമ്മദ് ഐമനിലൂടെയാണ് ബ്ലാസ്റ്റേഴ്സ് മുന്നിലെത്തിയത്. ഡെയ്സുകെയും നിഹാലുമാണ് ബ്ലാസ്റ്റേഴ്സിന്‍റെ ബാക്കി രണ്ട് ഗോളുകള്‍ നേടിയത്. രണ്ടാം പകുതിയുടെ അവസാനം ജാവോ വിക്ടറാണ് ഹൈദരബാദിനായി ആശ്വാസ ഗോള്‍ കണ്ടെത്തിയത്. ജയത്തോടെ പോയിന്‍റ് ടേബിളില്‍ അഞ്ചാം സ്ഥാനത്ത് ഫിനിഷ് ചെയ്ത ബ്ലാസ്റ്റേഴ്സ് 19-ാം തീയതി പ്ലേ ഓഫില്‍ ഒഡീഷയെ നേരിടും.

Sports255 days ago

ISL ൽ ഇന്ന് കേരള ബ്ലാസ്റ്റേഴ്‌സ് – ഹൈദരബാദ് FC പോരാട്ടം

ISL ലെ അവസാന ലീഗ് മത്സരത്തിനായി കേരള ബ്ലാസ്റ്റേഴ്‌സ് ഇന്നിറങ്ങും. എവേ മത്സരത്തിൽ ഹൈദരാബാദാണ് ബ്ലാസ്റ്റേഴ്സിന്റെ എതിരാളികൾ. നേരത്തെ തന്നെ പ്ലേ ഓഫ് ഉറപ്പിച്ച ബ്ലാസ്റ്റേഴ്‌സ് തുടർച്ചയായ രണ്ട് മത്സരങ്ങളിൽ പരാജയപ്പെട്ടിരുന്നു. അതിനാൽ പ്ലേ ഓഫിന് മുമ്പ് ഒരു മത്സരം വിജയിക്കുക എന്ന ലക്ഷ്യത്തോടെയാകും ബ്ലാസ്റ്റേഴ്‌സ് ഇന്നിറങ്ങുക. പരുക്കിൽ നിന്ന് മുക്തനായ സൂപ്പർ താരം അഡ്രിയൻ ലൂണ ഇന്ന് കളിച്ചേക്കും.

Sports255 days ago