മുതലപ്പൊഴിയില്‍ വള്ളം മറിഞ്ഞ് അപകടം; ഒരു മത്സ്യത്തൊഴിലാളി മരിച്ചു

പുലര്‍ച്ചെയുണ്ടായ അപകടത്തില്‍ പുതുക്കുറിച്ചി സ്വദേശി ജോണ്‍ (50) ആണ് മരിച്ചത്. പുലര്‍ച്ചെ 3.30ഓടെയാണ് അപകടം. വള്ളത്തില്‍ ജോണടക്കം 6 പേരാണ് ഉണ്ടായിരുന്നത്. ബാക്കിയുള്ളവര്‍ നീന്തി രക്ഷപ്പെട്ടു. കാണാതായ ജോണിനായി മത്സ്യത്തൊഴിലാളികളും തീരദേശ പൊലീസും ചേര്‍ന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്. കടല്‍ പ്രക്ഷുബ്ദമായതാണ് അപകട കാരണമെന്നാണ് പ്രാഥമിക നിഗമനം.

Kerala240 days ago

മുതലപ്പൊഴിയിലെ തുടർച്ചയായ അപകടങ്ങൾ; റിപ്പോർട്ട് തേടി മനുഷ്യാവകാശ കമ്മീഷൻ

മുതലപ്പൊഴി അഴിമുഖത്ത് ബോട്ട് മറിഞ്ഞ് മത്സ്യത്തൊഴിലാളികൾ മരിക്കുന്ന സാഹചര്യം ഒഴിവാക്കുന്നതിനായി തുറമുഖ വകുപ്പ് സ്വീകരിച്ച നടപടികളെ കുറിച്ചും നിലവിലെ സാഹചര്യം വ്യക്തമാക്കിയും തുറമുഖ വകുപ്പ് സെക്രട്ടറി ഒരു മാസത്തിനകം റിപ്പോർട്ട് സമർപ്പിക്കണമെന്ന് മനുഷ്യാവകാശ കമ്മീഷൻ ചെയർപേഴ്സൺ ജസ്റ്റിസ് അലക്സാണ്ടർ തോമസ് നിർദേശം നൽകി. മുതലപ്പൊഴിയിൽ 2011 ജനുവരി മുതൽ 2023 ഓഗസ്റ്റ് വരെ 66 പേർ മരിച്ചത്. തുടർച്ചയായി അപകടങ്ങളുണ്ടായതിനാൽ പുലിമുട്ട് നിർമാണത്തിലെ അപാകതകൾ കണ്ടെത്തി പരിഹാര മാർഗങ്ങൾ നിർദേശിക്കാൻ പൂനെ സെൻട്രൽ വാട്ടർ ആന്റ് പവർ റിസർച്ച് സ്റ്റേഷന് നിർദേശം നൽകിയിട്ടുണ്ടെന്ന് ഹാർബർ എൻജിനീയറിങ് ചീഫ് എൻജിനീയർ മനുഷ്യാവകാശ കമ്മീഷനെ അറിയിച്ചു.

Kerala92 days ago

മുതലപ്പൊഴിയിൽ വീണ്ടും വള്ളം മറിഞ്ഞു: ഒരാളെ കാണാതായി

മുതലപ്പൊഴിയിൽ വള്ളം മറിഞ്ഞ് മത്സ്യത്തൊഴിലാളിയെ കാണാതായി. അഞ്ചുതെങ്ങ് സ്വദേശിയായ ബെനഡിക്റ്റിനെ (45) ആണ് കാണാതായത്. വള്ളത്തിലുണ്ടായിരുന്ന നാലുതൊഴിലാളികളിൽ മൂന്നു പേരെ രക്ഷപ്പെടുത്തി. കോസ്റ്റൽ പോലീസും മറൈൻ എൻഫോഴ്‌സ്മെന്റും ബെനഡിക്റ്റിനു വേണ്ടി തിരച്ചിൽ തുടരുകയാണ്. മത്സ്യബന്ധനം കഴിഞ്ഞ് തിരികെ വരുമ്പോഴായിരുന്നു അപകടം. ശക്തമായ തിരമാലയിൽ വള്ളം തലകീഴായി മറിയുകയായിരുന്നു.

Kerala130 days ago

തുമ്പയില്‍ വള്ളം മറിഞ്ഞ് മത്സ്യത്തൊഴിലാളിയെ കാണാതായി

തിരുവനന്തപുരം തുമ്പ സ്വദേശി സെബാസ്റ്റ്യനെയാണ് (42) കാണാതായത്. ഇന്ന് രാവിലെയാണ് വള്ളം തിരയില്‍പ്പെട്ട് മറിഞ്ഞത്. വള്ളത്തിലുണ്ടായിരുന്ന അഞ്ചു പേരില്‍ നാലുപേര്‍ നീന്തി രക്ഷപ്പെട്ടു. എന്നാല്‍ സെബാസ്റ്റ്യന്‍ ചുഴിയില്‍പ്പെട്ട് കാണാതാകുകയായിരുന്നു എന്നാണ് രക്ഷപ്പെട്ടവര്‍ പറയുന്നത്. കോസ്റ്റല്‍ പോലീസ് വള്ളം മറിഞ്ഞ മേഖലയില്‍ പരിശോധന നടത്തുകയാണ്. തിരുവനന്തപുരം മുതലപ്പൊഴിയിലും രാവിലെ മത്സ്യത്തൊഴിലാളികളുടെ വള്ളം മറിഞ്ഞിരുന്നു. എന്നാല്‍ വള്ളത്തിലുണ്ടായിരുന്ന മൂന്നുപേരും പരിക്കേല്‍ക്കാതെ രക്ഷപ്പെട്ടു.

Kerala140 days ago

തിരുവനന്തപുരത്ത് വള്ളംമറിഞ്ഞ് മത്സ്യത്തൊഴിലാളി മരിച്ചു

തിരുവനന്തപുരം മര്യനാടാണ് വള്ളംമറിഞ്ഞ് അപകടമുണ്ടായത്. മര്യനാട് അര്‍ത്തിയില്‍ പുരയിടം പത്രോസ് (58) ആണ് മരിച്ചത്. ശക്തമായ തിരയടിയില്‍ ആറംഗ സംഘത്തിന്റെ വള്ളം മറിയുകയായിരുന്നു. അപകടത്തില്‍ ഗുരുതരമായി പരിക്കേറ്റ പത്രോസിനെ മെഡിക്കല്‍ കോളേജിലെത്തിച്ചെങ്കിലും ജീവന്‍ രക്ഷിക്കാനായില്ല. പത്രോസിന് ഒപ്പമുണ്ടായിരുന്ന മറ്റുള്ളവര്‍ നീന്തി രക്ഷപ്പെട്ടു. പുതുക്കുറിച്ചി സ്വദേശി ജോസിന്റെ ഉടമസ്ഥതയിലുള്ള വള്ളമാണ് മറിഞ്ഞത്.

Kerala156 days ago

മുതലപ്പൊഴിയില്‍ വീണ്ടും മത്സ്യബന്ധനവള്ളം മറിഞ്ഞു

തിരുവനന്തപുരം മുതലപ്പൊഴിയില്‍ വീണ്ടും മത്സ്യബന്ധനവള്ളം മറിഞ്ഞ് അപകടം. മത്സബന്ധനം കഴിഞ്ഞ് മടങ്ങുന്നതിനിടെ ശക്തമായ തിരമാലയില്‍പ്പെട്ടാണ് വള്ളം മറിഞ്ഞത്. പൂന്തുറ സ്വദേശിയുടെ ഉടമസ്ഥതയിലുള്ള അത്യുന്നതന്‍ എന്ന വള്ളമാണ് മറിഞ്ഞത്. അപകടത്തില്‍ ആര്‍ക്കും പരിക്കില്ലെന്നാണ് വിവരം. ഇന്ന് രാവിലെ പുതുക്കുറിച്ചി സ്വദേശി ഷിജുവിന്റെ ഉടമസ്ഥതയിലുള്ള വള്ളവും അപകടത്തില്‍പ്പെട്ടിരുന്നു. വലിയ തിരയെ തുടര്‍ന്ന് വെള്ളം വള്ളത്തിലേക്ക് കയറിയാണ് അപകടമുണ്ടായത്.

Kerala165 days ago

മുതലപ്പൊഴിയില്‍ വീണ്ടും മത്സ്യബന്ധന ബോട്ട് മറിഞ്ഞു; ആളപായമില്ല

പെരുമാതുറ സ്വദേശി ഷാക്കിറിന്റെ ഉടമസ്ഥതയിലുള്ള വള്ളമാണ് ഇന്ന് പുലര്‍ച്ചെ അപകടത്തില്‍പ്പെട്ടത്. ബോട്ട് മറിഞ്ഞ് 11 മത്സ്യത്തൊഴിലാളികള്‍ കടലിലേക്ക് വീഴുകയായിരുന്നു. അപകടത്തില്‍പ്പെട്ട എല്ലാ മത്സ്യത്തൊഴിലാളികളെയും രക്ഷപ്പെടുത്തി ആശുപത്രിയിലേക്ക് മാറ്റി. ഇവരുടെ ആരോഗ്യനില തൃപ്തികരമാണെന്നാണ് റിപ്പോര്‍ട്ട്. വള്ളത്തിലെ വലകള്‍ കടലിലേക്ക് പോയതിനെ തുടര്‍ന്ന് അത് എടുക്കാന്‍ ശ്രമിച്ചപ്പോഴാണ് അപകടമുണ്ടായത്.

Kerala170 days ago

മുതലപ്പൊഴിയില്‍ വള്ളം മറിഞ്ഞ് മത്സ്യ തൊഴിലാളി മരിച്ചു

തിരുവനന്തപുരം അഞ്ചുതെങ്ങ് സ്വദേശി വിക്ടറാണ് (50) മത്സ്യബന്ധന വള്ളം മറിഞ്ഞ് മരിച്ചത്. ഇന്ന് പുലര്‍ച്ചെ ഒന്നരയോടെ അഴിമുഖത്തുണ്ടായ ശക്തമായ തിരയില്‍പ്പെട്ട് വള്ളം തലകീഴായി മറിയുകയായിരുന്നു. അഞ്ചുതെങ്ങ് സ്വദേശി ജോബോയുടെ ഉടമസ്ഥതയിലുള്ള 'ചിന്തധിര' എന്ന വള്ളമാണ് മറിഞ്ഞത്. ഫിഷറീസ് ഗാര്‍ഡുകളും, കോസ്റ്റല്‍ പോലീസും നടത്തിയ തിരച്ചിലാണ് വിക്ടറിനെ കണ്ടെത്തിയത്. വിക്ടറിനൊപ്പം വള്ളത്തിലുണ്ടായിരുന്ന മൂന്ന് മത്സ്യതൊഴിലാളികള്‍ രക്ഷപ്പെട്ടു.

Kerala188 days ago

ഇറ്റലി തീരത്ത് രണ്ട് ബോട്ട് അപകടങ്ങളിലായി 11 പേര്‍ കൊല്ലപ്പെട്ടു

കുടിയേറ്റക്കാര്‍ യാത്ര ചെയ്തിരുന്ന ബോട്ടുകളാണ് അപകടത്തില്‍പ്പെട്ടത്. അപകടങ്ങളില്‍ 64 പേരെ കാണാതായി. ലിബിയയില്‍നിന്ന് കുടിയേറ്റക്കാരുമായി പുറപ്പെട്ട ബോട്ടാണ് ഇറ്റാലിയന്‍ ദ്വീപായ ലാംപെഡൂസയ്ക്ക് അടുത്തുവെച്ച് ആദ്യം അപകടത്തില്‍പ്പെട്ടത്. അതേസമയം തുര്‍ക്കിയില്‍ നിന്ന് പുറപ്പെട്ട ബോട്ടാണ് തെക്കന്‍ ഇറ്റലിയിലെ കാലാബ്രിയന്‍ തീരത്തുനിന്ന് 100 മൈല്‍ അകലെ അപകടത്തില്‍പ്പെട്ടത്.

World190 days ago

ഫൈബര്‍ വള്ളം മറിഞ്ഞ് ശംഖുമുഖത്ത് ഒരാളെ കാണാതായി

ഇന്ന് രാവിലെ 8.30-ഓടെയാണ് സംഭവം. വലിയതുറ ഫാത്തിമമാതാ സ്വദേശി മഹേഷിനെയാണ് കാണാതായത്. അപകടസമയത്ത് മഹേഷിന്റെ ഒപ്പമുണ്ടായിരുന്ന ബിനു എന്നയാള്‍ നീന്തി രക്ഷപ്പെട്ടു. വിഴിഞ്ഞം ഹാര്‍ബറിലേക്ക് വള്ളം കൊണ്ടുപോകുന്നതിനിടെ ശക്തമായ തിരയില്‍പ്പെട്ട് വള്ളം മറിയുകയായിരുന്നു. കാണാതായ മഹേഷിനായി തിരച്ചില്‍ തുടരുകയാണ്.

Kerala207 days ago

മുതലപ്പൊഴിയില്‍ വള്ളം മറിഞ്ഞ് മത്സ്യത്തൊഴിലാളി മരിച്ചു

മത്സ്യബന്ധനത്തിന് പോയ വള്ളം മറിഞ്ഞാണ് അപകടമുണ്ടായത്. മത്സ്യബന്ധനത്തിന് പോയി തിരികെ വരുന്ന വഴി ശക്തമായ തിരയില്‍പ്പെട്ട് വള്ളം മറിയുകയായിരുന്നു. അഞ്ചുതെങ്ങ് സ്വദേശി എബ്രഹാമാണ് മരിച്ചത്. ഗുരുതരമായി പരിക്കേറ്റ എബ്രഹാമിനെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. അപകടത്തില്‍പ്പെട്ട മൂന്ന് പേരെ രക്ഷപ്പെടുത്തി.

Kerala211 days ago