തൃശൂർ ജില്ലാ കമ്മറ്റിക്ക് എതിരായ നടപടി: തിരഞ്ഞെടുപ്പ് കമ്മീഷണർക്ക് സീതാറാം യെച്ചൂരി കത്തയച്ചു

CPI(M) ജില്ലാ കമ്മറ്റിക്കെതിരെ ആദായ നികുതി വകുപ്പ് നോട്ടീസ് നൽകിയ സംഭവത്തിൽ CPI(M) ജനറൽ സെക്രട്ടറി സീതാറാം യെച്ചൂരി മുഖ്യ തിരഞ്ഞെടുപ്പ് കമ്മീഷണർക്ക് കത്തയച്ചു. ആദായ നികുതി വകുപ്പിന്റെ നടപടി നിയമ വിരുദ്ധമാണെന്നും LDF നെതിരെ മോദി സർക്കാർ അന്വേഷണ ഏജൻസികളെ ഉപയോഗിച്ച് നടത്തുന്ന രാഷ്ട്രീയ നീക്കമാണെന്നും കത്തിൽ ആരോപിച്ചു. തിരഞ്ഞെടുപ്പ് അട്ടിമറിക്കാനുള്ള നീക്കമാണിതെന്നും തിരഞ്ഞെടുപ്പ് പൂർത്തിയാക്കുന്നത് വരെ നടപടികൾ നിർത്തിവെക്കാൻ ആദായ നികുതി വകുപ്പിന് നിർദേശം നൽകണമെന്നും ആവശ്യപ്പെട്ടു.

Kerala259 days ago

യെച്ചൂരിക്ക് വിട; മൃതദേഹം എയിംസ് അധികൃതര്‍ക്ക് കൈമാറി

CPM ജനറല്‍ സെക്രട്ടറി സീതാറാം യെച്ചൂരിക്ക് വിട നല്‍കി രാജ്യം. യെച്ചൂരിയുടെ ഭൗതിക ശരീരം വൈദ്യപഠനത്തിനായി ഡല്‍ഹി എയിംസിന് കൈമാറി. എകെജി ഭവനില്‍നിന്നും യെച്ചൂരിയുടെ മൃതദേഹം വഹിച്ചുള്ള വിലാപയാത്രയില്‍ മുതിര്‍ന്ന നേതാക്കളും പാര്‍ട്ടി പ്രവര്‍ത്തകരുമുള്‍പ്പെടെ ആയിരങ്ങള്‍ പങ്കെടുത്തു. ശ്വാസകോശ അണുബാധയെത്തുടര്‍ന്ന് എയിംസില്‍ ചികിത്സയിലിരിക്കെ ഇക്കഴിഞ്ഞ വ്യാഴാഴ്ച്ചയായിരുന്നു അദ്ദേഹത്തിന്റെ അന്ത്യം.

National101 days ago

സീതാറാം യെച്ചൂരിക്ക് വിട

അന്തരിച്ച CPM ജനറല്‍ സെക്രട്ടറി സീതാറാം യെച്ചൂരിയുടെ മൃതദേഹം ഡല്‍ഹി വസന്ത് കുഞ്ചിലെ വസതിയില്‍ പൊതുദര്‍ശനത്തിനു വെച്ചു. മുഖ്യമന്ത്രി പിണറായി വിജയന്‍,ഗവര്‍ണര്‍ ആരിഫ് മുഹമ്മദ് ഖാന്‍, ആന്ധ്രാ മുഖ്യമന്ത്രി ചന്ദ്ര ബാബു നായിഡു അടക്കമുള്ള പ്രമുഖര്‍ വീട്ടില്‍ എത്തി ആദരം അര്‍പ്പിച്ചു. യെച്ചൂരിയുടെ മൃതദേഹം AKG ഭവനില്‍ രാവിലെ 11 മണി മുതല്‍ മൂന്ന് മണി വരെ പൊതുദര്‍ശനത്തിന് വെക്കും. വൈകിട്ട് 5ന് അശോക റോഡ് വരെ വിലാപ യാത്രയായി നീങ്ങും. തുടര്‍ന്ന് മെഡിക്കല്‍ വിദ്യാര്‍ത്ഥികളുടെ പഠനത്തിനായി എയിംസ് അധികൃതര്‍ക്കു കൈമാറും.

National101 days ago

സീതാറാം യെച്ചൂരിയുടെ മൃതദേഹം ഇന്ന് പൊതുദർശനത്തിന് വെക്കും

ഇന്നലെ അന്തരിച്ച CPM ജനറൽ സെക്രട്ടറി സീതാറാം യെച്ചൂരിയുടെ മൃതദേഹം ഇന്ന് പൊതുദർശനത്തിന് വെക്കും. വൈകിട്ട് ആറു മണിക്ക് അദ്ദേഹത്തിന്റെ ഡൽഹി വസന്ത് കുഞ്ചിലുള്ള വസതിയിലാണ് മൃതദേഹം പൊതുദർശനത്തിനു വെക്കുക. നാളെ രാവിലെ 11 മുതൽ വൈകിട്ട് 3 മണിവരെ പാർട്ടി ആസ്ഥാനമായ ഡൽഹിയിലെ AKG ഭവനിൽ പൊതുദർശനത്തിനു വെക്കും. വൈകിട്ട് അഞ്ചുമണിയോടെ AKG ഭവനിൽ നിന്നും വിലാപയാത്രയായി മൃതദേഹം ഡൽഹി AIIMS ന് കൈമാറും.

National102 days ago

സീതാറാം യെച്ചൂരിയുടെ ഭൗതിക ശരീരം വൈദ്യപഠനത്തിന് നൽകും

അന്തരിച്ച CPM ജനറല്‍ സെക്രട്ടറി സീതാറാം യെച്ചൂരിയുടെ ഭൗതിക ശരീരം മെഡിക്കൽ വിദ്യാർത്ഥികളുടെ പഠനത്തിനായി എയിംസിന് വിട്ടുനൽകും. ശ്വാസകോശ അണുബാധയെ തുടർന്നു ഡൽഹി എയിംസിൽ ചികിത്സയിലിക്കെ വൈകിട്ട് മൂന്നരയോടെയായിരുന്നു അന്ത്യം. ഇന്ന് ഡല്‍ഹി എയിംസില്‍ സൂക്ഷിക്കുന്ന മൃതദേഹം നാളെ ഡല്‍ഹി AKG ഭവനില്‍ പൊതുദര്‍ശനത്തിന് വെക്കും. തുടര്‍ന്ന് വസന്തകുഞ്ജിലെ വസതിയിലേക്ക് കൊണ്ടുപോകും. 14നു വൈകുന്നേരം മൂന്നുമണിക്കു പാർട്ടിയുടെ നേതൃത്വത്തില്‍ നടക്കുന്ന അന്തിമോപചാര ചടങ്ങുകൾക്കു ശേഷം ഭൗതിക ശരീരം മെഡിക്കല്‍ വിദ്യാര്‍ഥികളുടെ പഠനത്തിനായി വിട്ടുനല്‍കും.

National103 days ago

CPM ജനറല്‍ സെക്രട്ടറി സീതാറാം യെച്ചൂരി അന്തരിച്ചു

ശ്വാസകോശ അണുബാധയെ തുടര്‍ന്ന് ഡല്‍ഹി എയിംസില്‍ ചികിത്സയിലിരിക്കെയാണ് മരണം. കഴിഞ്ഞ മാസം 19നാണ് ശ്വാസതടസ്സത്തെ തുടര്‍ന്ന് അദ്ദേഹത്തെ എയിംസില്‍ പ്രവേശിപ്പിച്ചത്. 32 വര്‍ഷമായി അദ്ദേഹം CPM പോളറ്റ് ബ്യൂറോ അംഗമായിരുന്നു. 2015 ലാണ് ജനറല്‍ സെക്രട്ടറി പദവിയിലേക്കെത്തിയത്. 2005 മുതല്‍ 2017 വരെ ബംഗാളില്‍ നിന്നുള്ള രാജ്യസഭാംഗമായിരുന്നു.

National103 days ago

സീതാറാം യെച്ചൂരിയുടെ ആരോഗ്യനില ഗുരുതരമായി തുടരുന്നു

CPM ജനറല്‍ സെക്രട്ടറി സീതാറാം യെച്ചൂരിയുടെ ആരോഗ്യനിലയില്‍ മാറ്റമില്ല. ശ്വാസകോശ അണുബാധയെ തുടര്‍ന്ന് ഡല്‍ഹി AIIMS ആശുപത്രിയിലെ തീവ്രപരിചരണ വിഭാഗത്തില്‍ തുടരുകയാണ് അദ്ദേഹം. വിദേശത്തു നിന്നെത്തിച്ച പുതിയ മരുന്ന് നല്‍കി തുടങ്ങിയതായി ഡോക്ടേഴ്‌സ് അറിയിച്ചതായി പാര്‍ട്ടി നേതാക്കാള്‍ പറഞ്ഞു. യെച്ചൂരിയെ സന്ദര്‍ശിക്കാനായി CPM സംസ്ഥാന സെക്രട്ടറി എം.വി. ഗോവിന്ദന്‍ ഇന്ന് വൈകിട്ട് ഡല്‍ഹിക്ക് തിരിക്കും.

National104 days ago

സീതാറാം യെച്ചൂരിയുടെ ആരോഗ്യനില ഗുരുതരമായി തുടരുന്നു

CPM ജനറല്‍ സെക്രട്ടറി സീതാറാം യെച്ചൂരിയുടെ ആരോഗ്യനില ഗുരുതരമെന്ന് അറിയിച്ചു കൊണ്ട് പാര്‍ട്ടി വാര്‍ത്താക്കുറിപ്പ് ഇറക്കി. ശ്വാസകോശ അണുബാധയെ തുടര്‍ന്ന് ഡല്‍ഹി എയിംസില്‍ ചികിത്സയില്‍ കഴിയുകയാണ് അദ്ദേഹം. യന്ത്ര സഹായത്തോടെയാണ് അദ്ദേഹം ശ്വാസമെടുക്കുന്നതെന്നും ആരോഗ്യനില വിദഗ്ധ ഡോക്ടര്‍മാരുടെ സംഘം നിരീക്ഷിച്ചുവരികയാണെന്നും CPM കേന്ദ്ര കമ്മിറ്റി അറിയിച്ചു.

National105 days ago

സീതാറാം യെച്ചൂരി ഡല്‍ഹി AIMSല്‍ ചികിത്സയില്‍ തുടരുന്നു

ശ്വാസകോശ അണുബാധയെ തുടര്‍ന്നാണ് സീതാറാം യെച്ചൂരി ഡല്‍ഹി എയിംസില്‍ ചികിത്സയിലുള്ളത്. ഈ മാസം 20നാണ് യെച്ചൂരിയെ ന്യുമോണിയ ബാധയെ തുടര്‍ന്ന് ആശുപത്രിയില്‍ പ്രവേശിപ്പിച്ചത്. ശ്വാസതടസ്സം നേരിട്ടതിനെ തുടര്‍ന്ന് ചികിത്സ തേടിയപ്പോഴാണ് ന്യുമോണിയ സ്ഥിരീകരിച്ചത്.

National114 days ago

NEET ക്രമക്കേട്: കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാൻ രാജിവെയ്ക്കണമെന്ന് യെച്ചൂരി

NEET, നെറ്റ് പരീക്ഷകളിലുണ്ടായ ക്രമക്കേടിൽ കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാനെ വിമർശിച്ച് സീതാറാം യെച്ചൂരി. സംഭവങ്ങളുടെ ധാർമിക ഉത്തരവാദിത്വം ഏറ്റെടുക്കുന്നവർ രാഷ്ട്രീയ മര്യാദ കാണിച്ച് രാജിവെക്കണമെന്ന് യെച്ചൂരി ആവശ്യപ്പെട്ടു. പരീക്ഷയുടെ ചോദ്യ പേപ്പർ ചോർത്തി വിൽക്കുകയാണ്. ഇന്ത്യയുടെ ഭാവി പ്രതീക്ഷകളായ ദശലക്ഷക്കണക്കിന് കുട്ടികളെ ഇത് ബാധിച്ചു. സർക്കാരാണ് ഇതിൽ ഉത്തരവാദികളെന്ന് പറഞ്ഞ യെച്ചൂരി NTA പിരിച്ചുവിടണമെന്നും ആവശ്യപ്പെട്ടു.

National185 days ago

കേരളത്തിലെ തിരഞ്ഞെടുപ്പ് ഫലം നിരാശാജനകം: സീതാറാം യെച്ചൂരി

ലോക്സഭ തിരഞ്ഞെടുപ്പിൽ സംസ്ഥാനത്ത് CPI(M) ന്റെ പ്രകടനത്തിൽ അതൃപ്തി പ്രകടിപ്പിച്ച് CPI(M) ദേശീയ ജനറല്‍ സെക്രട്ടറി സീതാറാം യെച്ചൂരി. തിരഞ്ഞെടുപ്പ് ഫലം അതീവ നിരാശാജനകമെന്നും പാർട്ടിക്കുണ്ടായ തിരിച്ചടി ഗൗരവമായി പരിശോധിക്കണമെന്നും ദേശീയ തലത്തിലെ തിരഞ്ഞെടുപ്പ് അവലോകന റിപ്പോര്‍ട്ടിൽ പരാമർശിച്ചു. റിപ്പോര്‍ട്ട് സംസ്ഥാന കമ്മിറ്റിയില്‍ അവതരിപ്പിച്ചു.

Kerala188 days ago