കർണാടക-ആന്ധ്ര അതിർത്തിയിൽ കാറിൽ നിന്നും സ്ഫോടക വസ്തുക്കൾ പിടികൂടി

കോലാർ ജില്ലയിലെ കർണാടക-ആന്ധ്രാപ്രദേശ് അതിർത്തിയിലെ ചെക്ക് പോസ്റ്റിൽ നടത്തിയ പരിശോധനയിൽ സ്വകാര്യ വ്യക്തിയുടെ കാറിൽ നിന്നാണ് സ്‌ഫോടകവസ്തുക്കളുടെ വൻ ശേഖരം പിടിച്ചെടുത്തത്. 1200 ജലാറ്റിൻ സ്റ്റിക്കുകൾ, 7 പെട്ടി ഡിറ്റണേറ്റർ വയർ, 6 ഡിറ്റണേറ്ററുകൾ എന്നിവയുൾപ്പെടെയാണ് പിടിച്ചെടുത്തതെന്ന് പോലീസ് അറിയിച്ചു. സംഭവവുമായി ബന്ധപ്പെട്ട് ഒരാളെ അറസ്റ്റ് ചെയ്തിട്ടുണ്ട്. രണ്ടാമത്തെയാൾ ഒളിവിലാണ്. ഇരുവർക്കും രാമേശ്വരം കഫേ ബോംബ് സ്‌ഫോടനവുമായി ബന്ധമുണ്ടോയെന്ന് പരിശോധിച്ച് വരികയാണ്.

National377 days ago

കര്‍ണാടക മണ്ണിടിച്ചില്‍; മലയാളി രക്ഷാപ്രവര്‍ത്തകര്‍ തിരികെ പോകണമെന്ന നിര്‍ദേശവുമായി പോലീസ്

കര്‍ണാടകയിലെ ഷിരൂരില്‍ മണ്ണിടിച്ചിലില്‍ കാണാതായ അര്‍ജുന് വേണ്ടിയുള്ള തിരച്ചിലില്‍ ഏര്‍പ്പെട്ടിരിക്കുന്ന മലയാളി രക്ഷാപ്രവര്‍ത്തകരോട് മടങ്ങി പോകാന്‍ നിര്‍ദേശിച്ച് കര്‍ണാടക പോലീസ്. അപകട സ്ഥലത്ത് സൈന്യം മാത്രം മതിയെന്നും അരമണിക്കൂറിനകം മറ്റുള്ളവര്‍ സ്ഥലത്തുനിന്ന് മാറണമെന്നുമാണ് നിര്‍ദേശം നല്‍കിയിരിക്കുന്നത്. മലയാളി രക്ഷാപ്രവര്‍ത്തകരോട് കര്‍ണാടക പോലീസ് മോശമായി പെരുമാറിയെന്നും ആരോപണമുണ്ട്. അതേസമയം കോഴിക്കോട് സ്വദേശി അര്‍ജുനായുള്ള തിരച്ചില്‍ ഏഴാം ദിവസത്തിലും തുടരുകയാണ്.

Kerala272 days ago

രാമേശ്വരം കഫേ സ്‌ഫോടനക്കേസ്; ഒരാളെ കൂടി NIA അറസ്റ്റ് ചെയ്തു

2012ലെ ലഷ്‌കര്‍ തൊയ്ബയുടെ ഭീകരവാദപ്രവര്‍ത്തനത്തിലെ ഗൂഢാലോചനയുമായി ബന്ധപ്പെട്ട കേസില്‍ ഉള്‍പ്പെട്ട ചോട്ടു എന്ന പേരില്‍ അറിയപ്പെടുന്ന ഷൊയ്ബ് അഹ്‌മദ് മിര്‍സയെ ആണ് NIA അറസ്റ്റ് ചെയ്തത്. ഇതോടെ കേസില്‍ അറസ്റ്റിലായവരുടെ എണ്ണം അഞ്ചായി. കേസുമായി ബന്ധപ്പെട്ട് കഴിഞ്ഞ ദിവസങ്ങളില്‍ വിവിധ സംസ്ഥാനങ്ങളില്‍ വ്യാപകമായ തിരച്ചില്‍ നടത്തിയിരുന്നു.

National331 days ago

ജെ.പി. നദ്ദക്കും അമിത് മാളവ്യക്കും സമന്‍സ് അയച്ച് കര്‍ണാടക പോലീസ്

BJPയുടെ ഔദ്യോഗിക എക്‌സ് ഹാന്‍ഡിലില്‍ പോസ്റ്റ് ചെയ്ത വിദ്വേഷ വീഡിയോയിലാണ് BJP ദേശീയ അധ്യക്ഷന്‍ ജെ.പി. നദ്ദക്കും, IT സെല്‍ മേധാവി അമിത് മാളവ്യക്കും സമന്‍സ് അയച്ചത്. ഒരാഴ്ച്ചക്കുള്ളില്‍ ഹാജരാകണമെന്നാണ് കര്‍ണാടക പോലീസിന്റെ നിര്‍ദേശം. നേരത്തെ ഈ ദൃശ്യങ്ങള്‍ നീക്കം ചെയ്യാന്‍ തിരഞ്ഞെടുപ്പ് കമ്മീഷന്‍ നിര്‍ദേശം നല്‍കിയിരുന്നു.

National347 days ago

ബെംഗളൂരു കഫേ സ്ഫോടനം; മുഖ്യപ്രതി പിടിയില്‍

ബെംഗളൂരുവിലെ രാമേശ്വരം കഫേയിലുണ്ടായ സ്‌ഫോടനത്തിന് പിന്നിലെ മുഖ്യപ്രതികളെ NIA കസ്റ്റഡിയിലെടുത്തു. ഒളിവില്‍ കഴിയുകയായിരുന്ന മുസാവിര്‍ ഹുസൈന്‍ ഷാസിബ്, അബ്ദുള്‍ മതീന്‍ താഹ എന്നിവരെ കൊല്‍ക്കത്തയില്‍ നിന്നാണ് കസ്റ്റഡിയിലെടുത്തത്. മാര്‍ച്ച് ഒന്നിന് ബ്രൂക്ക്ഫീല്‍ഡിലെ കഫേയിലുണ്ടായ IED സ്ഫോടനത്തില്‍ നിരവധി പേര്‍ക്ക് പരിക്കേറ്റിരുന്നു. ശിവമോഗ ISIS മൊഡ്യൂളാണ് സ്‌ഫോടനത്തിന് പിന്നിലെന്ന് NIA വൃത്തങ്ങള്‍ നേരത്തെ പറഞ്ഞിരുന്നു.

National374 days ago

തിരഞ്ഞെടുപ്പിന് മുന്നോടിയായി റെയ്ഡ്; അഞ്ച് കോടി രൂപയും ആഭരണങ്ങളും പിടിച്ചെടുത്ത് കര്‍ണാടക പോലീസ്

കര്‍ണാടകയിലെ കമ്പളി ബസാറിലെ ഹേമ ജ്വല്ലേഴ്സ് ഉടമയുടെ വീട്ടില്‍ ബെല്ലാരി പോലീസ് നടത്തിയ റെയ്ഡിലാണ് 5.60 കോടി രൂപ, 3 കിലോ സ്വര്‍ണം, 103 കിലോ വെള്ളി ആഭരണങ്ങള്‍, 68 വെള്ളി ബാറുകള്‍ എന്നിവ പിടിച്ചെടുത്തത്. സംഭവത്തില്‍ ജ്വല്ലറി ഉടമ നരേഷിനെ കസ്റ്റഡിയിലെടുത്ത് ചോദ്യം ചെയ്യുകയാണ്. ഹവാല ബന്ധം സംശയിക്കുന്നതിനാല്‍ കര്‍ണാടക പോലീസ് ആക്ടിലെ സെക്ഷന്‍ 98 പ്രകാരമാണ് കേസെടുത്തിരിക്കുന്നത്.Read More

National378 days ago

ബെംഗളൂരു കഫേ സ്‌ഫോടനം; പ്രതികള്‍ക്കായി ചെന്നൈയില്‍ NIA റെയ്ഡ്

മാര്‍ച്ച് ഒന്നിന് ബെംഗളൂരു രാമേശ്വരം കഫേയില്‍ സ്ഫോടനം നടത്തിയതായി സംശയിക്കുന്ന രണ്ട് പേര്‍ ചെന്നൈയില്‍ തങ്ങുന്നുണ്ടെന്ന രഹസ്യാന്വേഷണ വിഭാഗത്തിന്റെ റിപ്പോര്‍ട്ടിനെ തുടര്‍ന്നാണ് റെയ്ഡ് നടത്തിയത്. കര്‍ണാടകയിലെ തീര്‍ത്ഥഹള്ളി ജില്ലയിലെ ശിവമോഗ സ്വദേശിയായ മുസാവിര്‍ ഹുസൈന്‍ ഷാസിബാണ് പ്രധാന പ്രതിയെന്ന് തിരിച്ചറിഞ്ഞെങ്കിലും ഇയാളെ ഇതുവരെ കണ്ടെത്താനായിട്ടില്ല. ശിവമോഗ ISIS മൊഡ്യൂളാണ്‌ സ്ഫോടനത്തിന് പിന്നിലെന്ന് NIA വൃത്തങ്ങള്‍ നേരത്തെ പറഞ്ഞിരുന്നു.

National390 days ago

രാമേശ്വരം കഫേ സ്‌ഫോടനം; ഒരാള്‍ NIA കസ്റ്റഡിയില്‍

കര്‍ണാടകയിലെ ബെല്ലാരി സ്വദേശി ഷാബിറിനെയാണ് NIA കസ്റ്റഡിയിലെടുത്തിരിക്കുന്നത്. ഇയാളെ ചോദ്യം ചെയ്ത് വരികയാണെന്നാണ് റിപ്പോര്‍ട്ടുകള്‍. ഇതു സബംന്ധിച്ചിട്ടുള്ള കൂടുതല്‍ വിവരങ്ങള്‍ NIA പുറത്തുവിട്ടിട്ടില്ല. രാമേശ്വരം കഫേയില്‍ സ്ഫോടനം നടന്ന സമയത്ത് സംശയാസ്പദമായ കണ്ട പ്രതിയെന്ന് സംശയിക്കുന്നയാളുടെ CCTV ദൃശ്യങ്ങള്‍ NIA പുറത്തുവിട്ടിരുന്നു.

National404 days ago

രാമേശ്വരം കഫേ സ്‌ഫോടനം; മുഖ്യപ്രതിയുടെ പുതിയ ചിത്രങ്ങള്‍ പുറത്തുവിട്ട് NIA

കഫേയില്‍ സ്‌ഫോടനം നടന്ന് ഏകദേശം ഒരു മണിക്കൂറിന് ശേഷം പ്രതി ബസില്‍ കയറുന്നത് CCTV ദൃശ്യങ്ങളില്‍ പതിഞ്ഞിട്ടുണ്ട്. സ്‌ഫോടനത്തിന് ശേഷം പ്രതി വസ്ത്രം മാറി തുംകുരു, ബല്ലാരി, ബിദാര്‍, ഭട്കല്‍ തുടങ്ങിയ വിവിധ സ്ഥലങ്ങളിലേക്ക് യാത്ര ചെയ്തതായി അന്വേഷണ സംഘം വ്യക്തമാക്കി. പ്രതിയെന്ന് സംശയിക്കുന്ന ആളുമായി ബന്ധപ്പെട്ട വിവരം ലഭിക്കുന്നവര്‍ തങ്ങളെ ബന്ധപ്പെടണമെന്നും വിവരങ്ങള്‍ നല്‍കുന്നവര്‍ക്ക് 10 ലക്ഷം രൂപ പാരിതോഷികം നല്‍കുമെന്നും NIA പ്രഖ്യാപിച്ചിട്ടുണ്ട്.

National407 days ago

സ്‌ഫോടനം നടന്ന രാമേശ്വരം കഫേ പ്രവര്‍ത്തനം പുനരരാംഭിച്ചു; കര്‍ശന പരിശോധന

സ്‌ഫോടനം നടന്ന് എട്ട് ദിവസത്തിന് ശേഷമാണ് ബെംഗളൂരു വൈറ്റ് ഫീല്‍ഡിലെ ബ്രൂക്ക്ഫീല്‍ഡില്‍ രാമേശ്വരം കഫേ വീണ്ടും തുറന്നത്. ശക്തമായ സുരക്ഷാ സംവിധാനം ഏര്‍പ്പെടുത്തിയിട്ടുണ്ട്. കര്‍ശന പരിശോധനക്ക് ശേഷമാണ് കഫേക്കുള്ളിലേക്ക് ആളുകളെ രാവിലെ മുതല്‍ കയറ്റിവിടുന്നത്. ഇനി അനിഷ്ട സംഭവങ്ങള്‍ ഉണ്ടാകാതിരിക്കാനായി കൃത്യമായ മുന്‍കരുതല്‍ എടുത്തിട്ടുണ്ടെന്ന് സഹ സ്ഥാപകന്‍ രാഘവേന്ദ്ര റാവു പറഞ്ഞു.

National408 days ago

സാമൂഹ്യമാധ്യമങ്ങളില്‍ പ്രധാനമന്ത്രി നരേന്ദ്ര മോദിക്കെതിരെ വധഭീഷണി

ഭീഷണിയില്‍ കര്‍ണാടക പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. കര്‍ണാടക യാദ്ഗിര്‍ സ്വദേശിയായ മുഹമ്മദ് റസൂല്‍ എന്നയാളാണ് ഭീഷണി സന്ദേശം പോസ്റ്റ് ചെയ്തത്. യോഗി ആദിത്യനാഥിനെയും വധിക്കുമെന്നാണ് ഇയാള്‍ പോസ്റ്റ് ചെയ്ത വീഡിയോയില്‍ പറയുന്നത്. അതേസമയം നരേന്ദ്രമോദിയുടെ തെലങ്കാനയിലെ തെരഞ്ഞെടുപ്പ് പ്രചാരണറാലി ആരംഭിച്ചു.

National411 days ago