ബെംഗളൂരു കഫേ സ്‌ഫോടനം; പ്രതികള്‍ക്കായി ചെന്നൈയില്‍ NIA റെയ്ഡ്

മാര്‍ച്ച് ഒന്നിന് ബെംഗളൂരു രാമേശ്വരം കഫേയില്‍ സ്ഫോടനം നടത്തിയതായി സംശയിക്കുന്ന രണ്ട് പേര്‍ ചെന്നൈയില്‍ തങ്ങുന്നുണ്ടെന്ന രഹസ്യാന്വേഷണ വിഭാഗത്തിന്റെ റിപ്പോര്‍ട്ടിനെ തുടര്‍ന്നാണ് റെയ്ഡ് നടത്തിയത്. കര്‍ണാടകയിലെ തീര്‍ത്ഥഹള്ളി ജില്ലയിലെ ശിവമോഗ സ്വദേശിയായ മുസാവിര്‍ ഹുസൈന്‍ ഷാസിബാണ് പ്രധാന പ്രതിയെന്ന് തിരിച്ചറിഞ്ഞെങ്കിലും ഇയാളെ ഇതുവരെ കണ്ടെത്താനായിട്ടില്ല. ശിവമോഗ ISIS മൊഡ്യൂളാണ്‌ സ്ഫോടനത്തിന് പിന്നിലെന്ന് NIA വൃത്തങ്ങള്‍ നേരത്തെ പറഞ്ഞിരുന്നു.

National390 days ago

ബെംഗളൂരുവില്‍ മെഡിക്കല്‍ കോളേജില്‍ തീപിടിത്തം; ICUവില്‍ ചികിത്സയിലിരുന്ന മലയാളിക്ക് ദാരുണാന്ത്യം

ബെംഗളൂരുവിലെ മത്തിക്കരെയിലെ MS രാമയ്യ മെഡിക്കല്‍ കോളജില്‍ ഉച്ചയോടെയുണ്ടായ തീപിടിത്തത്തിലാണ് ന്യുമോണിയ ബാധിച്ച് ICUവില്‍ ചികിത്സയിലിരുന്ന യുവാവ് മരിച്ചത്. പുനലൂര്‍ സ്വദേശി സുജയ് സുജാതന്‍(36) ആണ് മരിച്ചത്. സുജയിനെ രക്ഷപ്പെടുത്തുന്നതില്‍ ആശുപത്രിയ്ക്ക് വീഴ്ച സംഭവിച്ചതായാണ് ബന്ധുക്കളുടെ ആരോപണം. കഴിഞ്ഞ രണ്ടാഴ്ചയായി സുജയ് ആശുപത്രിയില്‍ ചികിത്സയിലായിരുന്നു.

National214 days ago

ബെംഗളൂരു അന്താരാഷ്ട്ര വിമാനത്താവളത്തില്‍ സുരക്ഷാ ജീവനക്കാരനെ കുത്തിക്കൊന്നു

വിമാനത്താവളത്തിലെ ടെര്‍മിനല്‍ 1ന്റെ ശുചിമുറിക്ക് അടുത്ത് വെച്ചാണ് സംഭവം നടന്നത്. മധുഗിരി സ്വദേശി രാമകൃഷ്ണ(48) ആണ് കൊല്ലപ്പെട്ടത്. സംഭവത്തില്‍ കൊല്ലപ്പെട്ടയാളുടെ നാട്ടുകാരനായ രമേശ് അറസ്റ്റിലായി. വ്യക്തി വൈരാഗ്യമാണ് കൊലപാതകത്തിന് പിന്നിലെന്നാണ് പോലീസിന്റെ പ്രാഥമിക കണ്ടെത്തല്‍. ഇന്ന് വൈകിട്ട് ആറ് മണിയോടെയാണ് സംഭവം.

National235 days ago

ചാരവൃത്തി സംശയം; കൊച്ചി കപ്പല്‍ശാലയില്‍ NIA സംഘത്തിന്റെ പരിശോധന

ഹൈദരാബാദ് NIA യൂണിറ്റാണ് കൊച്ചി കപ്പല്‍ശാലയില്‍ പരിശോധന നടത്തുന്നത്. ഒരു ജീവനക്കാരനെ കസ്റ്റഡിയിലെടുത്ത് ചോദ്യം ചെയ്യുകയാണ്. ജീവനക്കാരനില്‍ നിന്നും പ്രതിരോധ കപ്പലുകളുടെ വിവരങ്ങള്‍ ചോര്‍ന്നെന്ന സംശയത്തിന്റെ അടിസ്ഥാനത്തിലാണ് നടപടി. രണ്ട് വര്‍ഷം മുമ്പ് ഒരു അഫ്ഗാന്‍ പൗരന്‍ വ്യാജ രേഖകളുപയോഗിച്ച് കൊച്ചി കപ്പല്‍ശാലയില്‍ ജോലി ചെയ്തിരുന്നതായി കണ്ടെത്തിയിരുന്നു. ഇയാള്‍ പ്രതിരോധ വിവരങ്ങള്‍ മറ്റ് രാജ്യങ്ങള്‍ക്ക് കൈമാറിയെന്ന സംശയത്തെ തുടര്‍ന്ന് സംസ്ഥാന പോലീസ് അന്വേഷണം ദേശീയ അന്വേഷണ ഏജന്‍സിയെ ഏല്‍പ്പിക്കാന്‍ ശുപാര്‍ശ ചെയ്യുകയായിരുന്നു.

Kerala236 days ago

അധ്യാപകന്റെ കൈവെട്ടിയ കേസ്; മുഖ്യപ്രതിക്ക് ഒളിത്താവളം ഒരുക്കിയ വ്യക്തി അറസ്റ്റിൽ

മതനിന്ദ ആരോപിച്ച് മൂവാറ്റുപുഴയിൽ പ്രൊഫസർ ടി.ജെ. ജോസഫിന്റെ കൈവെട്ടിയ കേസിൽ ഒരാളെ അറസ്റ്റ് ചെയ്തു. കേസിലെ മുഖ്യപ്രതി സവാദിനെ ഒളിവിൽ കഴിയാൻ സഹായിച്ച കണ്ണൂർ വിളക്കോട് സ്വദേശി സി. ഷഫീറിനെയാണ് NIA അറസ്റ്റ് ചെയ്തത്. സവാദിന് മട്ടന്നൂരിൽ ഒളിത്തവളമൊരുക്കിയത് സഫീർ ആണെന്ന് NIA പറയുന്നു. 13 വർഷത്തോളം ഒളിവിൽ ആയിരുന്ന സവാദ് കഴിഞ്ഞ മാർച്ചിലാണ് മട്ടന്നൂരിൽ വെച്ച് പിടിയിലായത്.

Kerala240 days ago

ഓണക്കാലത്തെ തിരക്ക് കുറയ്ക്കാൻ തിരുവനന്തപുരം – ബെംഗളൂരു പ്രത്യേക ട്രെയിൻ

ഓണക്കാലത്തെ തിരക്ക് പരിഗണിച്ച് തിരുവനന്തപുരത്തു നിന്ന് ബെംഗളൂരുവിലേക്കും തിരിച്ചും റെയിൽവേ പ്രത്യേക ട്രെയിൻ സർവീസ് അനുവദിച്ചു. കൊച്ചുവേളിയിൽ നിന്ന് ബെംഗളൂരു SMVT സ്റ്റേഷനിലേക്കാണ് സർവീസ്. കൊല്ലം, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട് എന്നിവയാണ് കേരളത്തിലെ മറ്റ് സ്റ്റോപ്പുകൾ. ഓഗസ്റ്റ് - 20, 22, 25, 27, 29 സെപ്റ്റംബർ - 01, 03, 05, 08, 10, 12, 15, 17 എന്നീ തീയതികളിലാണ് SMVT ബെംഗളൂരു - കൊച്ചുവേളി സർവീസ്. രാത്രി 9 മണിക്ക് ബെംഗളൂരുവിൽ നിന്ന് പുറപ്പെടുന്ന ട്രെയിൻ അടുത്ത ദിവസം ഉച്ചയ്ക്ക് ശേഷം 2:15ന് കൊച്ചുവേളിയിലെത്തും. Read More

Kerala243 days ago

ഡൽഹിയിൽ ISIS ഭീകരൻ പിടിയിൽ

ഭീകര സംഘടനയായ ISIS ന്റെ പൂനെ ഘടകവുമായി ബന്ധമുള്ള റിസ്വാൻ അബ്ദുൾ ഹാജി അലി ആണ് ഡൽഹി പോലീസ് സ്പെഷ്യൽ സെല്ലിന്റെ പിടിയിലായത്. ഇയാളിൽ നിന്ന് ആയുധങ്ങളും പോലീസ് കണ്ടെടുത്തു. ഡൽഹി ദര്യഗഞ്ച് നിവാസിയാണ് റിസ്വാൻ അബ്ദുൾ ഹാജി അലി. NIA മൂന്ന് ലക്ഷം രൂപ ഇനാം പ്രഖ്യാപിച്ച കൊടുംകുറ്റവാളിയാണ് ഇയാൾ. കഴിഞ്ഞ വർഷം പൂനെ പോലീസിന്റെ കസ്റ്റഡിയിൽനിന്ന് രക്ഷപ്പെട്ട റിസ്വാനായി വ്യാപക തിരച്ചിൽ നടത്തിയിരുന്നെങ്കിലും പിടികൂടാൻ സാധിച്ചിരുന്നില്ല.

National255 days ago

ബെംഗളൂരുവില്‍ മലയാളി നഴ്സിങ് വിദ്യാര്‍ത്ഥിനി മരിച്ച നിലയില്‍

പാലക്കാട് പുതുക്കോട് സ്വദേശി അതുല്യ ഗംഗാധരന്‍ (19) ആണ് മരിച്ചത്. ഇന്നലെ രാത്രി ഹോസ്റ്റല്‍ കെട്ടിടത്തിന്റെ മുകളില്‍ നിന്നും വീണു മരിച്ചനിലയിലാണ് അതുല്യയുടെ മൃതദേഹം കണ്ടെത്തിയത്. ഒന്നാം വര്‍ഷ BSC നഴ്സിങ് വിദ്യാര്‍ഥിനിയായ അതുല്യ മറ്റ് മൂന്ന് സഹപാഠികള്‍ക്കൊപ്പമായിരുന്നു ഹോസ്റ്റലില്‍ താമസിച്ചിരുന്നത്. ആത്മഹത്യയാണെന്നാണ് പ്രാഥമിക നിഗമനം.

Kerala259 days ago

ശ്രീനിവാസൻ വധക്കേസ്: അന്വേഷണത്തിനെതിരായ ഹർജി തള്ളണമെന്ന് NIA

പാലക്കാട്ടെ RSS നേതാവ് ശ്രീനിവാസൻ കൊല്ലപ്പെട്ട കേസിലെ അന്വേഷണത്തിനെതിരെയുള്ള ഹർജി തള്ളണമെന്നും ശ്രീനിവാസന്റെ കൊലപാതകത്തിന് പിന്നിൽ ഗൂ‍ഢാലോചയുണ്ടെന്നും NIA സുപ്രീംകോടതിയെ അറിയിച്ചു. ശ്രീനിവാസന്റെ കൊലപാതകവുമായി ബന്ധപ്പെട്ട വിഷയങ്ങൾ UAPA യുടെ പരിധിയിൽ വരുന്നതാണെന്നും NIA വ്യക്തമാക്കി. NIA അന്വേഷണത്തിനെതിരെ കേസിലെ പ്രതിയായ കരമന അഷറഫ് മൗലവിയാണ് സുപ്രീംകോടതിയിൽ ഹർജി നൽകിയത്.

Kerala282 days ago

വിരാട് കോലിയുടെ ബെംഗളൂരുവിലെ പബിനെതിരെ കേസ്

ബെംഗളൂരു എംജി റോഡില്‍ പ്രവര്‍ത്തിക്കുന്ന വിരാട് കോലിയുടെ ഉടമസ്ഥതയിലുള്ള വണ്‍ 8 കമ്യൂണ്‍ പബിനെതിരെയാണ് FIR രജിസ്റ്റര്‍ ചെയ്തിരിക്കുന്നത്. പ്രവര്‍ത്തനാനുമതിയുള്ള ഒരു മണിക്ക് ശേഷവും പബ് പ്രവര്‍ത്തിച്ചതിനാണ് നടപടി. ഇതുകൂടാതെ അര്‍ദ്ധരാത്രി ഉച്ചത്തില്‍ പാട്ട് വെക്കുന്നുവെന്ന് പരാതി ലഭിച്ചതായും ബെംഗളൂരു പോലീസ് അറിയിച്ചു. എംജി റോഡിലെ മറ്റു പബുകള്‍ക്കെതിരെയും ബെംഗളൂരു പോലീസ് കേസെടുത്തിട്ടുണ്ട്.

National286 days ago

അവയവക്കടത്ത് കേസ് NIA ഏറ്റെടുത്തു

കേന്ദ്ര ആഭ്യന്തരമന്ത്രാലയത്തില്‍ നിന്ന് അനുമതി കിട്ടിയതോടെയാണ് ഇറാന്‍ കേന്ദ്രീകരിച്ചുള്ള രാജ്യാന്തര അവയവക്കടത്ത് കേസ് NIA ഏറ്റെടുത്തത്. രാജ്യാന്തര തലത്തില്‍ മനുഷ്യകടത്ത് നടന്നെന്ന വിലയിരുത്തലിലാണ് കൊച്ചിയിലെ NIA കോടതിയില്‍ കേസ് രജിസ്റ്റര്‍ ചെയ്യാനുള്ള നടപടികള്‍ പൂര്‍ത്തിയാക്കി. ആലുവ റൂറല്‍ പോലീസിന്റെ പ്രത്യേക സംഘമാണ് നിലവില്‍ കേസ് അന്വേഷിക്കുന്നത്.

Kerala292 days ago