NDAയുമായി സഖ്യമില്ല; ലോക്സഭാ സ്ഥാനാര്‍ത്ഥികളുടെ പേരുകള്‍ പ്രഖ്യാപിച്ച് BJD

ലോക്സഭാ തിരഞ്ഞെടുപ്പില്‍ മത്സരിക്കുന്ന ഒമ്പത് സ്ഥാനാര്‍ത്ഥികളുടെ പേരുകളാണ് ഒഡീഷയിലെ ഭരണകക്ഷിയായ BJD (ബിജു ജനതാദള്‍) പ്രഖ്യാപിച്ചത്. ഒഡീഷയില്‍ ലോക്സഭാ, നിയമസഭാ തിരഞ്ഞെടുപ്പുകളില്‍ ഒറ്റയ്ക്ക് മത്സരിക്കുമെന്ന് BJP പ്രഖ്യാപിച്ചതിന് പിന്നാലെയാണ് BJDയുടെ സ്ഥാനാര്‍ത്ഥി പ്രഖ്യാപനം. മേയ് 1, 20, 25, ജൂണ്‍ 1 തീയതികളില്‍ നാല് ഘട്ടങ്ങളിലായി ലോക്സഭാ തിരഞ്ഞെടുപ്പിനൊപ്പമാണ് ഒഡീഷയില്‍ നിയമസഭാ തിരഞ്ഞെടുപ്പും നടക്കുക.

National273 days ago

ലോക്‌സഭാ തിരഞ്ഞെടുപ്പ്; കോണ്‍ഗ്രസില്‍ നിന്ന് രാഹുല്‍ ഗാന്ധി കൈപ്പറ്റിയത് 1.40 കോടി രൂപ

2024ലെ ലോക്സഭാ തിരഞ്ഞെടുപ്പില്‍ വയനാട്ടില്‍ നിന്നും റായ്ബറേലിയില്‍ നിന്നും മത്സരിക്കുന്നതിന് രാഹുല്‍ ഗാന്ധി പാര്‍ട്ടി ഫണ്ടില്‍ നിന്നും, ഓരോ മണ്ഡലത്തിലും 70 ലക്ഷം രൂപ വീതം 1.40 കോടി രൂപ കൈപ്പറ്റി. തിരഞ്ഞെടുപ്പ് കമ്മീഷന് നല്‍കിയ റിപ്പോര്‍ട്ടിലാണ് കോണ്‍ഗ്രസ് ഇക്കാര്യം വെളിപ്പെടുത്തിയിരിക്കുന്നത്. പാര്‍ട്ടി ഫണ്ടില്‍ നിന്ന് 87 ലക്ഷം രൂപ കൈപ്പറ്റിയ വിക്രമാദിത്യ സിംഗാണ് ഉയര്‍ന്ന തുക നേടിയ സ്ഥാനാര്‍ത്ഥി. എന്നാല്‍ ഹിമാചല്‍പ്രദേശിലെ മാണ്ഡി സീറ്റില്‍ നിന്ന് BJP സ്ഥാനാര്‍ത്ഥി കങ്കണ റണാവത്തിനാട് അദ്ദേഹം പരാജയപ്പെട്ടു.

National117 days ago

ബംഗ്ലാദേശ് സംഘര്‍ഷം; ഒഡീഷ തീരത്ത് സുരക്ഷ ശക്തമാക്കി

ബംഗ്ലാദേശ് പൗരന്മാരുടെ അനധികൃത പ്രവേശനം തടയാന്‍ 480 കിലോമീറ്റര്‍ തീരപ്രദേശത്ത് സുരക്ഷ ശക്തമാക്കി ഒഡീഷ സര്‍ക്കാര്‍. ബംഗ്ലാദേശില്‍ ആഭ്യന്തര സംഘര്‍ഷം രൂക്ഷമായ സാഹചര്യത്തിലാണ് നടപടി. ബംഗ്ലാദേശ് തീരത്ത് നിന്ന് 200 കിലോമീറ്റര്‍ അകലെയാണ് സംസ്ഥാനം സ്ഥിതി ചെയ്യുന്നത്. ബംഗ്ലാദേശില്‍ നിന്നുള്ള ആളുകള്‍ നിയമവിരുദ്ധമായി ചെറിയ ബോട്ടുകള്‍ ഉപയോഗിച്ച് ഒഡീഷയിലേക്ക് പ്രവേശിക്കുന്നുണ്ട്. നിരവധി ക്രിമിനല്‍ സംഘങ്ങളും ജയിലില്‍ നിന്ന് പുറത്തിറങ്ങിയതായി അറിയുന്നു. ഇക്കൂട്ടരുടെ പ്രവേശനം തടയുകയാണ് മുന്‍ഗണനയെന്നും അധികൃതര്‍ അറിയിച്ചു.

National139 days ago

തിരഞ്ഞെടുപ്പ് തോൽവി: ഒഡിഷ PCC പിരിച്ചുവിട്ടു

ലോക്സഭാ, നിയമസഭാ തിരഞ്ഞെടുപ്പുകളിലെ മോശം പ്രകടനത്തെ തുടർന്നാണ് ഹൈക്കമാൻഡ് ഒഡിഷ കോൺഗ്രസ് പ്രദേശ് കമ്മിറ്റി പിരിച്ചുവിട്ടത്. PCC പ്രസിഡന്റ് മുതൽ മണ്ഡലം തലത്തിലുള്ള ഭാരവാഹികളെ വരെ ഒഴിവാക്കി. പുതിയ DCC അധ്യക്ഷന്മാരെ നിയമിക്കുന്നത് വരെ പഴയ DCC അധ്യക്ഷന്മാർ ആക്ടിങ് പ്രസിഡന്റുമാരായി തുടരുമെന്ന് AICC വ്യക്തമാക്കി.

National157 days ago

ലോക്‌സഭാ തിരഞ്ഞെടുപ്പില്‍ BJPക്ക് തിരിച്ചടിയായത് അമിത ആത്മവിശ്വാസമാണെന്ന് യോഗി ആദിത്യനാഥ്

അമിത ആത്മവിശ്വാസമാണ് സംസ്ഥാനത്തെ ഈ വര്‍ഷത്തെ തിരഞ്ഞെടുപ്പില്‍ BJPയുടെ പ്രതീക്ഷകളെ വ്രണപ്പെടുത്തിയതെന്നും ആഗ്രഹിച്ച വിജയം നേടുന്നതില്‍ നിന്ന് അത് തടഞ്ഞെന്നും യോഗി ആദിത്യനാഥ് പറഞ്ഞു. ലഖ്‌നൗവിലെ റാം മനോഹര്‍ ലോഹ്യ നാഷണല്‍ ലോ യൂണിവേഴ്സിറ്റിയിലെ ഭീംറാവു അംബേദ്കര്‍ ഓഡിറ്റോറിയത്തില്‍ നടന്ന BJP സംസ്ഥാന പ്രവര്‍ത്തക സമിതി യോഗത്തില്‍ പ്രവര്‍ത്തകരെ അഭിസംബോധന ചെയ്ത് സംസാരിക്കവെയാണ് അദ്ദേഹം ഇക്കാര്യം പറഞ്ഞത്.Read More

National163 days ago

BJP യെ പിന്തുണയ്ക്കില്ലെന്ന് BJD

BJP യെ ഇനി പിന്തുണയ്ക്കില്ലെന്ന് ഒഡീഷ മുൻ മുഖ്യമന്ത്രി നവീൻ പട്‌നായിക്കിൻ്റെ ബിജു ജനതാദൾ (BJD). പാർട്ടിയുടെ 9 രാജ്യസഭാ MP മാരുമായി കൂടിക്കാഴ്ച നടത്തിയ നവീൻ പട്‌നായിക് പാർലമെന്റിൽ ശക്തമായ പ്രതിപക്ഷമായി തുടരുമെന്ന് അറിയിച്ചു. മോദി സർക്കാരിന്റെ കഴിഞ്ഞ രണ്ട് ടേമുകളിലും വിവാദമായ പല ബില്ലുകൾക്കും BJD പിന്തുണ നൽകിയിരുന്നു. ഒഡീഷയിലെ നിയമസഭാ തിരഞ്ഞെടുപ്പിൽ BJD യെ തകർത്ത് BJP അധികാരത്തിലേറിയിരുന്നു. ഇതിന് പിന്നാലെയാണ് MP മാരുമായി കൂടിക്കാഴ്ച നടത്തി BJP ക്ക് പിന്തുണ നൽകില്ലെന്ന് BJD അധ്യക്ഷൻ നവീൻ പട്‌നായിക് അറിയിച്ചത്.

National183 days ago

ലോക്സഭാ തിരഞ്ഞെടുപ്പിലെ പരാജയം വിശകലനം ചെയ്യാൻ കോണ്‍ഗ്രസ് ഹൈക്കമാന്‍ഡ് സമിതി രൂപീകരിച്ചു

ഡൽഹി, മധ്യപ്രദേശ്, ഛത്തീസ്ഗഢ്, ഒഡീഷ, ഉത്തരാഖണ്ഡ്, ഹിമാചല്‍ പ്രദേശ്, കര്‍ണാടക, തെലങ്കാന എന്നീ സംസ്ഥാനങ്ങളിലുണ്ടായ പരാജയം പഠിച്ച് റിപ്പോര്‍ട്ട് നല്‍കുന്നതിനാണ് ഹൈക്കമാന്‍ഡ് സമിതി രൂപീകരിച്ചത്. പാര്‍ട്ടി അധികാരത്തിലിരിക്കുന്ന തെലങ്കാന, കർണാടക, ഹിമാചല്‍ പ്രദേശ് എന്നിവിടങ്ങളിൽ നേരിട്ട തിരിച്ചടി കോണ്‍ഗ്രസ് ഗൗരവമായാണ് കാണുന്നത്. ഗൗരവ് ഗൊഗൊയ്, മധുസൂധന്‍ മിസ്ത്രി, ഹൈബി ഈഡന്‍ എന്നിവർക്കാണ് കർണാടകയുടെ ചുമതല. പി.ജെ. കുര്യന്‍, പര്‍ഗത് സിങ്, റക്കിബുള്‍ ഹുസൈന്‍ എന്നിവര്‍ അടങ്ങുന്ന സമിതിക്കാണ് തെലങ്കാനയുടെ ചുമതല. ജഘ പുനിയ, രജനി പട്ടീൽ എന്നിവർ ഡൽഹി, ഉത്തരാഖണ്ഡ്, ഹിമാചല്‍ പ്രദേശ് എന്നിവിടങ്ങളിലെയും പരാജയം പരിശോധിക്കും.

National187 days ago

കേരളത്തിലെ തിരഞ്ഞെടുപ്പ് ഫലം നിരാശാജനകം: സീതാറാം യെച്ചൂരി

ലോക്സഭ തിരഞ്ഞെടുപ്പിൽ സംസ്ഥാനത്ത് CPI(M) ന്റെ പ്രകടനത്തിൽ അതൃപ്തി പ്രകടിപ്പിച്ച് CPI(M) ദേശീയ ജനറല്‍ സെക്രട്ടറി സീതാറാം യെച്ചൂരി. തിരഞ്ഞെടുപ്പ് ഫലം അതീവ നിരാശാജനകമെന്നും പാർട്ടിക്കുണ്ടായ തിരിച്ചടി ഗൗരവമായി പരിശോധിക്കണമെന്നും ദേശീയ തലത്തിലെ തിരഞ്ഞെടുപ്പ് അവലോകന റിപ്പോര്‍ട്ടിൽ പരാമർശിച്ചു. റിപ്പോര്‍ട്ട് സംസ്ഥാന കമ്മിറ്റിയില്‍ അവതരിപ്പിച്ചു.

Kerala190 days ago

ഒഡീഷ മുഖ്യമന്ത്രിയായി മോഹൻ ചരണ്‍ മാജി സത്യപ്രതിജ്ഞ ചെയ്തു

ഒഡീഷയുടെ പതിനഞ്ചാം മുഖ്യമന്ത്രിയായി BJP നേതാവ് മോഹൻ ചരണ്‍ മാജി സത്യപ്രതിജ്ഞ ചെയ്തു. കെ.വി. സിങ് ദേവ്, പ്രവതി പരിദ എന്നിവരും ഇതോടൊപ്പം ഉപമുഖ്യമന്ത്രിമാരായി സത്യപ്രതിജ്ഞ ചെയ്തു. 24 വർഷം നീണ്ട് നിന്ന BJD ഭരണം അവസാനിപ്പിച്ചാണ് BJP അധികാരത്തിലെത്തിയത്. പ്രധാനമന്ത്രി നരേന്ദ്രമോദി, കേന്ദ്രമന്ത്രിമാരായ രാജ്നാഥ് സിങ്, അമിത് ഷാ, നിതിൻ ഗഡ്കരി, ഉത്തർപ്രദേശ് മുഖ്യമന്ത്രി യോഗി ആദിത്യനാഥ് തുടങ്ങിയവരും സത്യപ്രതിജ്ഞ ചടങ്ങില്‍ പങ്കെടുത്തു.

National195 days ago

വി.കെ. പാണ്ഡ്യൻ രാഷ്ട്രീയം വിടുന്നു

ഒഡീഷയിലെ ലോക്‌സഭാ, നിയമസഭാ തിരഞ്ഞെടുപ്പുകളിൽ ബിജു ജനതാദൾ (BJD) കനത്ത തോൽവി ഏറ്റുവാങ്ങിയതിന് പിന്നാലെ ഒഡീഷ മുൻ മുഖ്യമന്ത്രി നവീൻ പട്‌നായിക്കിൻ്റെ അടുത്ത അനുയായി വി.കെ. പാണ്ഡ്യൻ സജീവ രാഷ്ട്രീയത്തിൽ നിന്ന് വിരമിക്കൽ പ്രഖ്യാപിച്ചു. നവീൻ പട്‌നായിക്കിൻ്റെ പിൻഗാമിയായി കണക്കാക്കപ്പെട്ടിരുന്ന പാണ്ഡ്യൻ ലോക്‌സഭാ, ഒഡീഷ നിയമസഭാ തിരഞ്ഞെടുപ്പുകളിലെ പാർട്ടിയുടെ മോശം പ്രകടനത്തെ തുടർന്ന് കടുത്ത വിമർശനം നേരിട്ടിരുന്നു. ഇതിന് പിന്നാലെയാണ് പാണ്ഡ്യന്റെ പ്രഖ്യാപനം.

National199 days ago

രാഹുല്‍ ഗാന്ധി പ്രതിപക്ഷ നേതാവാകണം; പ്രമേയം പാസാക്കി കോണ്‍ഗ്രസ് പ്രവര്‍ത്തക സമിതി

ലോക്‌സഭയിലെ പ്രതിപക്ഷ നേതാവാകാന്‍ കോണ്‍ഗ്രസ് പ്രവര്‍ത്തക സമിതി രാഹുല്‍ ഗാന്ധിയോട് ഏകകണ്ഠമായി അഭ്യര്‍ത്ഥിച്ചതായി കോണ്‍ഗ്രസ് നേതാവും ആലപ്പുഴ MPയുമായ കെ.സി. വേണുഗോപാല്‍ പറഞ്ഞു. തിരഞ്ഞെടുപ്പ് പ്രചാരണത്തില്‍ രാഹുല്‍ ഗാന്ധി നടത്തിയ പ്രവര്‍ത്തനങ്ങളെയും സമിതി പ്രശംസിച്ചു. അതേസമയം രാഹുല്‍ ഗാന്ധി വയനാട് സീറ്റ് ഒഴിഞ്ഞേക്കുമെന്നും റായ്ബറേലിയില്‍ എംപിയായി തുടരുമെന്നുമാണ് റിപ്പോര്‍ട്ട്.

National200 days ago