UPI ഇടപാട് വേഗത്തില്‍ നടത്താന്‍ പുതിയ ഫീച്ചര്‍ അവതരിപ്പിക്കാനൊരുങ്ങി വാട്‌സ്ആപ്പ്

നിലവിലെ വാട്‌സ്ആപ്പ് ഓണ്‍ലൈന്‍ പേയ്മെന്റ് വിവിധ ഘട്ടങ്ങളിലൂടെയാണ് കടന്നുപോകുന്നത്. ഇത് ഒഴിവാക്കി വേഗത്തില്‍ ഇടപാട് നടത്താന്‍ കഴിയുന്ന തരത്തിലാണ് പുതിയ ഫീച്ചര്‍ അവതരിപ്പിക്കാനൊരുങ്ങുന്നത്. ചാറ്റ് ലിസ്റ്റില്‍ നിന്ന് കൊണ്ട് തന്നെ UPIയുടെ QR കോഡ് നേരിട്ട് സ്‌കാന്‍ ചെയ്യാന്‍ ഉപയോക്താവിനെ സഹായിക്കുന്നതായിരിക്കും ഫീച്ചര്‍. പരീക്ഷണാടിസ്ഥാനത്തില്‍ അവതരിപ്പിക്കുന്ന ഫീച്ചര്‍ തുടക്കത്തില്‍ ബീറ്റാ പതിപ്പിലാണ് ലഭ്യമാവുക.

Technology277 days ago

75 ശതമാനം ഉപയോക്താക്കളും UPI ഉപേക്ഷിക്കുമെന്ന് സര്‍വേ

സര്‍വീസ് ചാര്‍ജ് ഈടാക്കാന്‍ തുടങ്ങിയാല്‍ 75 ശതമാനം ഉപയോക്താക്കളും UPI ഉപേക്ഷിക്കുമെന്ന് സര്‍വെ. ഉപയോക്താക്കള്‍ സര്‍വീസ് ചാര്‍ജ് ഈടാക്കുന്നതിന് എതിരാണെന്നാണ് ലോക്കല്‍ സര്‍ക്കിള്‍സിന്റെ സര്‍വേയില്‍ പറയുന്നത്. സര്‍വേയില്‍ പങ്കെടുത്ത 22 ശതമാനം UPI ഉപയോക്താക്കള്‍ മാത്രമാണ് സേവനത്തിന് ട്രാന്‍സാക്ഷന്‍ ഫീസ് ഏര്‍പ്പെടുത്തിയാല്‍ വഹിക്കാന്‍ തയ്യാറായിട്ടുള്ളത്. 38 ശതമാനം ഉപയോക്താക്കളും തങ്ങളുടെ പേയ്‌മെന്റ് ഇടപാടുകളുടെ 50 ശതമാനത്തിലധികവും UPI വഴിയാണ് നടത്തുന്നത്.

Business91 days ago

കോണ്‍ടാക്റ്റ് സിങ്കിങ്; പുതിയ അപ്ഡേറ്റുമായി വാട്‌സ്ആപ്പ്

ഉപയോക്താക്കള്‍ക്ക് കോണ്‍ടാക്റ്റ് ലിസ്റ്റുകള്‍ മറ്റൊരു അക്കൗണ്ടിലേക്ക് ചേര്‍ക്കാന്‍ കഴിയുന്ന ഫീച്ചര്‍ അവതരിപ്പിക്കാനൊരുങ്ങി വാട്‌സ്ആപ്പ്. ഇതിലൂടെ ഉപയോക്താക്കള്‍ക്ക് അവരുടെ ഓഫീസിലേയും വ്യക്തിഗതമായ കോണ്‍ടാക്റ്റുകളും പ്രത്യേകം സൂക്ഷിക്കാന്‍ സാധിക്കും. ഒന്നിലധികം വാട്സ്ആപ്പ് അക്കൗണ്ടുകള്‍ ഉപയോഗിക്കുന്നവര്‍ക്ക് ഈ ഫീച്ചര്‍ ഉപകാരപ്രദമാകുമെന്നാണ് വിലയിരുത്തല്‍. പുതിയ ഫീച്ചര്‍ ആപ്പിന്റെ ബീറ്റാ പതിപ്പില്‍ ലഭ്യമായതായാണ് റിപ്പോര്‍ട്ട്.

Technology111 days ago

സ്വകാര്യത സംരക്ഷണം; പുതിയ ഫീച്ചര്‍ അവതരിപ്പിക്കാനൊരുങ്ങി വാട്‌സ്ആപ്പ്

ഫോണ്‍ നമ്പറില്ലെങ്കിലും യൂസര്‍നെയിം ഉപയോഗിച്ച് വാട്സ്ആപ്പില്‍ പരസ്പരം മെസേജ് അയക്കാന്‍ കഴിയുന്ന ഫീച്ചറാണ് വാട്‌സ്ആപ്പ് അവതരിപ്പിക്കാന്‍ പോകുന്നത്. പുതിയ അപ്‌ഡേറ്റ് ഏതാനും മാസങ്ങള്‍ക്കുള്ളില്‍ എല്ലാ ഉപയോക്താക്കള്‍ക്കും ലഭ്യമാകുമെന്നാണ് റിപ്പോര്‍ട്ടുകള്‍. നിലവില്‍ ആന്‍ഡ്രോയിഡ് ബീറ്റാ വേര്‍ഷന്‍ 2.24.18.2ല്‍ ഫീച്ചര്‍ ലഭ്യമാണ്. പുതിയ അപ്ഡേറ്റ് എത്തുന്നതോടെ മൂന്ന് തരത്തില്‍ വാട്സ്ആപ്പ് ഉപയോഗിക്കാനാകും.

Technology116 days ago

ആന്‍ഡ്രോയിഡ് ഉപഭോക്താക്കള്‍ക്ക് അപ്‌ഡേറ്റുകളുമായി വാട്‌സ്ആപ്പ്

ആന്‍ഡ്രോയിഡ് ഉപഭോക്താക്കള്‍ക്കായി കസ്റ്റം സിറ്റിക്കര്‍ മേക്കര്‍ ടൂള്‍ കമ്പനി അവതരിപ്പിച്ചു. ജിഫിയുടെ സ്റ്റിക്കറുകള്‍ വാട്സാപ്പില്‍ നേരിട്ട് ലഭ്യമാകും. സ്റ്റിക്കര്‍ ഐക്കണില്‍ ടാപ്പ് ചെയ്തതിന് ശേഷം സെര്‍ച്ചില്‍ ടെക്സ്റ്റ് അല്ലെങ്കില്‍ ഇമോജി ഉപയോഗിച്ച് സ്റ്റിക്കറുകള്‍ തിരയാന്‍ സാധിക്കും. ഗാലറിയിലെ ചിത്രങ്ങള്‍ എളുപ്പം സ്റ്റിക്കറാക്കി മാറ്റാനും സ്റ്റിക്കര്‍ ട്രേയില്‍ സൂക്ഷിക്കാനും ഇതുവഴി സാധിക്കും.

Technology129 days ago

UPI വഴി 5 ലക്ഷം വരെ നികുതി അടയ്ക്കാം; പുത്തന്‍ മാറ്റങ്ങളുമായി റിസര്‍വ് ബാങ്ക്

രാജ്യത്ത് ഏറ്റവും കൂടുതല്‍ ആളുകള്‍ പണമിടപാടിന് ഉപയോഗിക്കുന്ന UPI (യൂണിഫൈഡ് പേയ്‌മെന്റ്‌സ് ഇന്റര്‍ഫേസ്) സംവിധാനത്തില്‍ ശ്രദ്ധേയമായ മാറ്റങ്ങള്‍ കൊണ്ടുവന്ന് റിസര്‍വ് ബാങ്ക്. UPI വഴി നികുതിയടക്കാനുള്ള പരിധി ഒരുലക്ഷത്തില്‍ നിന്ന് അഞ്ച് ലക്ഷമാക്കി ഉയര്‍ത്തി. അതേസമയം സാധാരണ UPI ഇടപാടുകളുടെ പരിധി ഒരു ലക്ഷമായി തന്നെ തുടരും. കൂടാതെ മറ്റൊരാളുടെ അക്കൗണ്ട് അദ്ദേഹത്തിന്റെ അനുമതിയോടെ UPIയുമായി ബന്ധിപ്പിക്കുന്ന ഡെലിഗേറ്റഡ് പേമെന്റ് സംവിധാനം നടപ്പാക്കുമെന്നും റിസര്‍വ് ബാങ്ക് ഗവര്‍ണര്‍ ശക്തികാന്ത ദാസ് അറിയിച്ചു. നിലവില്‍ സ്വന്തം അക്കൗണ്ട് മാത്രമാണ് UPIയുമായി ബന്ധപ്പെടുത്താന്‍ കഴിയുക.

National137 days ago

രാജ്യത്തെ UPI ഇടപാടുകളില്‍ 57 ശതമാനം വളര്‍ച്ച

UPI ഇടപാടുകളുടെ എണ്ണം 2019-20ലെ 12.5 ബില്യണില്‍ നിന്ന് 2023-24ല്‍ 131 ബില്യണായി ഉയര്‍ന്നു. ബോസ്റ്റണ്‍ കണ്‍സള്‍ട്ടിംഗ് ഗ്രൂപ്പ് (BCG) ബാങ്കിംഗ് സെക്ടര്‍ റൗണ്ടപ്പ് റിപ്പോര്‍ട്ടിലാണ് ഇക്കാര്യം വ്യക്തമാക്കിയിരിക്കുന്നത്. ഫോണ്‍ പേ, ഗൂഗിള്‍ പേ എന്നിവയെയാണ് ആളുകള്‍ UPI ഇടപാടുകള്‍ക്കായി കൂടുതല്‍ ആശ്രയിക്കുന്നത്. കഴിഞ്ഞ മൂന്ന് വര്‍ഷത്തിനുള്ളില്‍ ക്രെഡിറ്റ് കാര്‍ഡ് ഇടപാടുകള്‍ ഇരട്ടിയായതായും റിപ്പോര്‍ട്ടില്‍ പറയുന്നു.

Business146 days ago

ഇന്ത്യയിലെത്തുന്ന വിദേശ സഞ്ചാരികള്‍ക്കും ഇനി UPI ഇടപാട് നടത്താം

ഇന്ത്യയിലെത്തുന്ന സഞ്ചാരികള്‍ക്ക് പണമിടപാട് നടത്താനായി വണ്‍ വേള്‍ഡ് UPI ആപ്പാണ് നാഷണല്‍ പേയ്‌മെന്റ്‌സ് കോര്‍പ്പറേഷന്‍ ഓഫ് ഇന്ത്യ (NPCI) അവതരിപ്പിച്ചിരിക്കുന്നത്. ഇന്ത്യന്‍ സിം കാര്‍ഡും ഇന്ത്യന്‍ ബാങ്ക് അക്കൗണ്ടും ഇല്ലാതെ UPI പണമിടപാടുകള്‍ നടത്താന്‍ സഹായിക്കുന്ന ആപ്പാണിത്. പ്രീപെയ്ഡ് പേയ്‌മെന്റ് ഇന്‍സ്ട്രുമെന്റ് (PPI) എന്ന സാങ്കേതിക വിദ്യ ഉപയോഗിച്ചാണ് ഈ സംവിധാനം ഏര്‍പ്പെടുത്തിയിരിക്കുന്നത്. 2023 ല്‍ ജി20 ഇന്ത്യ ഉച്ചകോടിയില്‍ വണ്‍ വേള്‍ഡ് UPI ആപ്പ് പരിചയപ്പെടുത്തിയിരുന്നു.

National153 days ago

സൂക്ഷിക്കുക; വാട്‌സ്ആപ്പില്‍ വ്യാജ ട്രാഫിക് ഇ-ചലാന്‍ സന്ദേശം അയച്ച് തട്ടിപ്പ്

വിയറ്റ്നാം ഹാക്കര്‍മാര്‍ ആന്‍ഡ്രോയിഡ് മാല്‍വെയര്‍ ഉപയോഗിച്ചാണ് തട്ടിപ്പ് നടത്തുന്നതെന്നും അതില്‍ വീഴരുതെന്നുമാണ് വിദഗ്ധര്‍ മുന്നറിയിപ്പ് നല്‍കിയിരിക്കുന്നത്. ട്രാഫിക് ചലാന്‍ എന്ന വ്യാജേന വാട്സ്ആപ്പില്‍ സന്ദേശങ്ങള്‍ അയച്ചാണ് ആളുകളെ കെണിയില്‍ വീഴ്ത്തുന്നതെന്ന് സൈബര്‍ സെക്യൂരിറ്റി സ്ഥാപനമായ ക്ലൗഡ് SEK പറയുന്നു. ഒറ്റനോട്ടത്തില്‍ പരിവാഹന്‍ സൈറ്റ് അല്ലെങ്കില്‍ കര്‍ണാടക പോലീസ് എന്ന് തോന്നിപ്പിച്ചാണ് വ്യാജ ഇ-ചലാന്‍ സന്ദേശങ്ങള്‍ അയക്കുന്നത്. ഇത് മനസിലാകാതെ മുന്നോട്ടുപോകുന്നവരുടെ ഫോണില്‍ വ്യാജ ആപ്പ് ഇന്‍സ്റ്റാള്‍ ചെയ്താണ് തട്ടിപ്പ് നടത്തുന്നത്.Read More

National159 days ago

വോയ്‌സ് മെസേജുകള്‍ വായിച്ചറിയാനുള്ള ഫീച്ചറുമായി വാട്‌സ്ആപ്പ്

ഉപയോക്താക്കള്‍ക്ക് ആപ്പിനുള്ളില്‍ തന്നെ വിവിധ ഭാഷകളിലേക്ക് സന്ദേശങ്ങള്‍ വിവര്‍ത്തനം ചെയ്യാനുള്ള ഫീച്ചര്‍ അവതരിപ്പിക്കാനാണ് കമ്പനി ഒരുങ്ങുന്നതെന്നാണ് റിപ്പോര്‍ട്ട്. ഉപയോക്താക്കളുടെ ഡാറ്റ ബാഹ്യ സെര്‍വറുകളിലേക്ക് അയക്കുന്നില്ലെന്നും ഗൂഗിളിന്റെ തത്സമയ വിവര്‍ത്തന സാങ്കേതികവിദ്യയെ പ്രയോജനപ്പെടുത്തിയായിരിക്കും ഫീച്ചര്‍ പ്രവര്‍ത്തിക്കുകയെന്നും പറയുന്നു. ആന്‍ഡ്രോയിഡിന്റെ വാട്‌സ്ആപ്പ് ബീറ്റ പതിപ്പായ 2.24.15.8-ല്‍ ഫീച്ചര്‍ ലഭ്യമാകുമെന്നാണ് റിപ്പോര്‍ട്ട്.

Technology161 days ago

AI സഹായത്തോടെ ചിത്രങ്ങള്‍ എഡിറ്റ് ചെയ്യാം; പുതിയ അപ്‌ഡേറ്റുമായി വാട്‌സ്ആപ്പ്

ഉപയോക്താക്കള്‍ക്ക് ചിത്രങ്ങള്‍ മെറ്റ AIയുമായി നേരിട്ട് പങ്കിടാന്‍ അനുവദിക്കുന്ന പുതിയ ചാറ്റ് ബട്ടണ്‍ കൊണ്ടുവരാന്‍ വാട്‌സ്ആപ്പ് പ്രവര്‍ത്തിക്കുന്നതായാണ് റിപ്പോര്‍ട്ട്. ഉപയോക്താക്കള്‍ അയയ്ക്കുന്ന ഫോട്ടോകള്‍ക്ക് മറുപടി നല്‍കാനും അവ എഡിറ്റ് ചെയ്യാനും കഴിയുന്ന തരത്തില്‍ മെറ്റ AIയില്‍ മാറ്റം വരുത്താനാണ് ഒരുങ്ങുന്നത്. പുതിയ ഫീച്ചര്‍ വാട്സ്ആപ്പ് ബീറ്റ പതിപ്പ് 2.24.14.20ല്‍ കണ്ടെത്തിയയായി വാബീറ്റ ഇന്‍ഫോയുടെ റിപ്പോര്‍ട്ടില്‍ പറയുന്നു.

Technology167 days ago