കൊവിഡ് വൈറസിനെ നേരിടുന്നതില്‍ കോവാക്‌സിനേക്കാള്‍ ഫലപ്രദം കോവിഷീല്‍ഡെന്ന് ഗവേഷകര്‍

കോവാക്‌സിനും കോവിഷീല്‍ഡും തമ്മില്‍ നടത്തിയ താരതമ്യ പഠനത്തിലാണ് കൊവിഡ് വൈറസിനെ നേരിടുന്നതില്‍ കോവിഷീല്‍ഡ് വാക്‌സിന്‍ ഫലപ്രദമായി പ്രവര്‍ത്തിച്ചതായി കണ്ടെത്തിയത്. കോവാക്‌സിനേക്കാള്‍ ശക്തമായ രോഗപ്രതിരോധ പ്രതികരണങ്ങള്‍ കോവിഷീള്‍ഡ് പ്രകടിപ്പിച്ചതായാണ് പഠനത്തില്‍ പറയുന്നത്. നാഷണല്‍ സെന്റര്‍ ഫോര്‍ ബയോളജിക്കല്‍ സയന്‍സസിലെ ഗവേഷകര്‍ ദി ലാന്‍സെറ്റ് റീജിയണല്‍ ഹെല്‍ത്ത് സൗത്ത് ഈസ്റ്റ് ഏഷ്യയില്‍ പ്രസിദ്ധീകരിച്ച പഠന റിപ്പോര്‍ട്ടിലാണ് ഇക്കാര്യം വ്യക്തമാക്കിയിരിക്കുന്നത്.

Health406 days ago

കോവാക്‌സിന് പാര്‍ശ്വഫലം; BHUവിന്റെ പഠനറിപ്പോര്‍ട്ട് തള്ളി ICMR

കോവാക്‌സിന്‍ സ്വീകരിച്ച മൂന്നിലൊരാള്‍ക്ക് പാര്‍ശ്വഫലങ്ങള്‍ ഉണ്ടായിട്ടുണ്ടെന്ന ബനാറസ് ഹിന്ദു സര്‍വകലാശാല(BHU)യുടെ പഠനറിപ്പോര്‍ട്ടാണ് ICMR തള്ളിയത്. BHU നടത്തിയ ഗവേഷണം കൃത്യതയോടെ ഉള്ളതല്ലെന്നും പാര്‍ശ്വഫലങ്ങളെപ്പറ്റി പറയുന്ന പഠനവുമായി സഹകരിച്ചിട്ടില്ലെന്നും റിപ്പോര്‍ട്ടില്‍ ICMRനെ തെറ്റായാണ് ഉദ്ധരിച്ചിരിക്കുന്നതെന്നും ഡയറക്ടര്‍ ജനറല്‍ രാജീവ് ബഹല്‍ പറഞ്ഞു. വാക്സിന്റെ പാര്‍ശ്വഫലം സംബന്ധിച്ച് BHU നടത്തിയ പഠന റിപ്പോര്‍ട്ട് പിന്‍വലിക്കണമെന്ന് ആവശ്യപ്പെട്ട് ന്യൂസിലാന്‍ഡ് ആസ്ഥാനമായുള്ള ഡ്രഗ് സേഫ്റ്റി ജേണലിന്റെ എഡിറ്റര്‍ക്കും ICMR കത്തയച്ചു.Read More

National334 days ago

കൊവിഷീല്‍ഡ് വാക്‌സിന്‍ പിന്‍വലിച്ച് നിര്‍മ്മാണ കമ്പനിയായ അസ്ട്രാസെനക്ക

കൊവിഷീല്‍ഡ് വാക്‌സിന് പാര്‍ശ്വഫലങ്ങളുണ്ടെന്ന പരാതികള്‍ ഉയരുന്നതിനിടെയാണ് നിര്‍മ്മാണ കമ്പനിയായ അസ്ട്രാസെനക്കയുടെ നടപടി. ആഗോളതലത്തില്‍ വാക്‌സിന്റെ ഉല്‍പ്പാദനവും വിതരണവും അവസാനിപ്പിക്കുന്നതായാണ് കമ്പനി അറിയിച്ചിരിക്കുന്നത്. വിപണിയില്‍ അവേശിഷിക്കുന്ന സ്റ്റോക്കും തിരിച്ചെടുക്കും. UKയില്‍ വാക്‌സിന്‍ സ്വീകരിച്ച 51 പേര്‍ ആരോഗ്യപ്രശ്‌നങ്ങളെ തുടര്‍ന്ന് കോടതിയെ സമീപിച്ചപ്പോഴാണ് കൊവിഷീല്‍ഡിന് പാര്‍ശ്വഫലങ്ങളുള്ളതായി കമ്പനി കോടതിയില്‍ സമ്മതിക്കുന്നത്.

World346 days ago

കോവിഷീൽഡ്; പാർശ്വഫലങ്ങളെക്കുറിച്ചുള്ള ഹർജി സുപ്രീംകോടതി പരിഗണിക്കും

കോവിഡ് 19 വാക്‌സിനായ കൊവിഷീല്‍ഡുമായി ബന്ധപ്പെട്ട ഹർജികൾ ഉടൻ പരിഗണിക്കുമെന്ന് സുപ്രീംകോടതി അറിയിച്ചു. കൊവിഷീല്‍ഡ് വാക്സിന് ഗുരുതരമായ പാര്‍ശ്വഫലങ്ങളുള്ളതായി വാക്സിന്‍റെ നിര്‍മാതാക്കളായ ആസ്ട്രസെനെക്ക കഴിഞ്ഞ ദിവസം സമ്മതിച്ചിരുന്നു. വാക്സിൻ എടുത്ത ചിലരിൽ രക്തം കട്ട പിടിക്കുകയും പ്ലേറ്റ്‍ലെറ്റ് കൗണ്ട് കുറയുകയും ചെയ്യുന്ന സ്ഥിതി ഉണ്ടാകുമെന്നാണ് UK ഹൈക്കോടതിയില്‍ നൽകിയ സത്യവാങ്മൂലത്തിൽ കമ്പനി അറിയിച്ചത്. ഇതോടെയാണ് സുപ്രീംകോടതിയിൽ വാക്സിന്റെ പാർശ്വഫലങ്ങളും മറ്റ് അപകട സാധ്യതകളും അന്വേഷിക്കണമെന്ന് ആവശ്യപ്പെട്ട് ഹർജികളെത്തിയത്.

National347 days ago

കോവിഷീൽഡ് എടുത്ത മകൾ മരിച്ചതായി ആരോപിച്ച് കേസ് കൊടുക്കാന്‍ ഒരുങ്ങി ഇന്ത്യന്‍ ദമ്പതികള്‍

വാക്സിന്‍ എടുത്ത ശേഷം 2021 ൽ മരണപ്പെട്ട 20 കാരിയായ കാരുണ്യയുടെ പിതാവ് വേണുഗോപാലൻ ഗോവിന്ദനും കുടുംബവുമാണ് സുപ്രീം കോടതിയെ സമീപിക്കാന്‍ ഒരുങ്ങുന്നത്. കോവിഷീൽഡ് എന്ന പേരിൽ സെറം ഇൻസ്റ്റിറ്റ്യൂട്ട് ഓഫ് ഇന്ത്യ നിർമ്മിച്ച ബ്രിട്ടീഷ് കമ്പനി ആസ്ട്രാസെനകയുടെ വാക്സിൻ ഇന്ത്യയില്‍ വ്യാപകമായി വിതരണം ചെയ്യപ്പെട്ടിരുന്നു. രക്തം കട്ടപിടിക്കുന്ന മരണങ്ങള്‍ മൂലം 15 യൂറോപ്യൻ രാജ്യങ്ങൾ ഇതിന്‍റെ ഉപയോഗം നിയന്ത്രിച്ചതിന് ശേഷം സെറം ഇൻസ്റ്റിറ്റ്യൂട്ട് വാക്സിൻ വിതരണം നിർത്തേണ്ടതായിരുന്നു എന്നും വേണുഗോപാലൻ പറഞ്ഞു.

National351 days ago

സുരക്ഷയ്ക്ക് പ്രാധാന്യം നൽകിയാണ് കൊവാക്‌സിൻ വികസിപ്പിച്ചത്: ഭാരത് ബയോടെക്

കോവിഷീൽഡ് എന്ന കോവിഡ് 19 വാക്സിൻ അപൂർവമായ പാർശ്വഫലങ്ങൾക്ക് കാരണമാകുമെന്ന് വാക്‌സിന്റെ നിര്‍മാതാക്കളായ ബ്രിട്ടീഷ് ഫാര്‍മസിയായ അസ്ട്രാസെനക നടത്തിയ വെളിപ്പെടുത്തിലിന് പിന്നാലെ സുരക്ഷയ്ക്ക് പ്രഥമ പരിഗണന നൽകിയാണ് കൊവാക്‌സിൻ നിർമിച്ചതെന്ന് ഹൈദരാബാദ് ആസ്ഥാനമായുള്ള ഭാരത് ബയോടെക് അറിയിച്ചു. ഇന്ത്യയിൽ ഫലപ്രാപ്തി പരീക്ഷണങ്ങൾ നടത്തിയ ഏക കോവിഡ് 19 വാക്സിൻ കൊവാക്സിൻ ആണെന്നും 27,000-ലധികം വിഷയങ്ങളിൽ മൂല്യനിർണ്ണയം നടത്തിയ ശേഷമാണ് ലൈസൻസ് ലഭിച്ചതെന്നും ഭാരത് ബയോടെക് പറഞ്ഞു.

National351 days ago

കോവിഷീല്‍ഡ് ഗുരുതര പാര്‍ശ്വഫലത്തിന് കാരണമാകുമെന്ന് നിര്‍മാതാക്കള്‍

അപൂര്‍വ സന്ദര്‍ഭങ്ങളില്‍ രക്തം കട്ടപിടിക്കുന്നതിനും പ്ലേറ്റലെറ്റുകളുടെ എണ്ണം കുറയുന്നതിനും കാരണമാകുന്ന ഒരു അവസ്ഥയ്ക്ക് കാരണമാകാമെന്നാണ് കോവിഷീല്‍ഡിന്റെ നിര്‍മാതാക്കളായ ബ്രിട്ടീഷ് ഫാര്‍മസിയായ അസ്ട്രാസെനക പറയുന്നത്. UKയിലെ കോടതിയില്‍ നല്‍കിയ രേഖകളിലാണ് കമ്പനി ഇക്കാര്യം വ്യക്തമാക്കിയിരിക്കുന്നത്. UKയില്‍ വാക്‌സിന്‍ എടുത്തത് മൂലം ആരോഗ്യപ്രശ്‌നങ്ങള്‍ നേരിട്ട നിരവധി പേര്‍ കോടതിയെ സമീപിക്കുകയും നഷ്ടപരിഹാരം ആവശ്യപ്പെടുകയും ചെയ്തു.

World354 days ago

കൊവിഡ് വാക്‌സിനേഷനുകള്‍ രോഗപ്രതിരോധ ശേഷിയെ ബാധിക്കില്ലെന്ന് പഠനം

ജര്‍മനിയില്‍ കൊവിഡിനെതിരെ 217 തവണ പ്രതിരോധ കുത്തിവെപ്പ് സ്വീകരിച്ച വ്യക്തിയില്‍ നടത്തിയ പരിശോധനയുടെ കേസ് സ്റ്റഡി ദി ലാന്‍സെറ്റ് ഇന്‍ഫെക്ഷ്യസ് ഡിസീസസ് ജേണലില്‍ പ്രസിദ്ധീകരിച്ച് കൊണ്ടാണ് ഗവേഷകര്‍ ഇക്കാര്യം വ്യക്തമാക്കിയത്. ജര്‍മനിയിലെ ഫ്രെഡ്രിക്ക് അലക്സാണ്ടര്‍ യൂണിവേഴ്സിറ്റി ഗവേഷകരാണ് പഠനം നടത്തിയത്. അമിതമായി ആന്റിജന്‍ ശരീരത്തിലെത്തുമ്പോള്‍ രോഗപ്രതിരോധ കോശങ്ങളുടെ ഫലപ്രാപ്തി കുറയുമെന്നായിരുന്നു ഒരു വിഭാഗം ശാസ്ത്രജ്ഞരുടെ വാദം. പുതിയ പഠനത്തില്‍ വാക്സിനേഷന്‍ സ്വീകരിച്ച വ്യക്തിയുടെ രോഗപ്രതിരോധ സംവിധാനം പൂര്‍ണമായും പ്രവര്‍ത്തനക്ഷമമാണെന്നും കണ്ടെത്തി.

Health408 days ago

കൊവിഡ് വാക്‌സിനുകള്‍ തലച്ചോറിനെയും ഹൃദയത്തെയും ബാധിക്കുമെന്ന് പഠനം

തലച്ചോറിനെയും ഹൃദയത്തെയും ബാധിക്കുന്ന 13 ഗുരുതര പ്രശ്നങ്ങള്‍ക്ക് കൊവിഡ് വാക്‌സിനുകള്‍ കാരണമാകുമെന്നും അതിന്റെ പ്രത്യാഘാതം അതീവ ഗുരുതരമാണെന്നും പഠനത്തില്‍ പറയുന്നു. ഗ്ലാബല്‍ വാക്സിന്‍ ഡേറ്റ നെറ്റ്വര്‍ക്കിന്റെ പഠനത്തിലാണ് ഇക്കാര്യം വ്യക്തമാക്കിയിരിക്കുന്നത്. തലച്ചോറില്‍ വീക്കമുണ്ടാകുന്ന അക്യൂട്ട് ഡിസെമിനേറ്റഡ് എന്‍സഫലോമൈലൈറ്റിസ് ആണ് കൊവിഡ് വാക്സിന്റെ ഏറ്റവും പുതുതായി കണ്ടെത്തിയ പാര്‍ശ്വഫലം.

Health417 days ago