തൃശൂരില്‍ ഭാരത് അരി വില്‍പ്പന തടഞ്ഞ് പോലീസ്

തൃശൂര്‍ മുല്ലശേരി പഞ്ചായത്തിലാണ് അരി വിതരണം തടഞ്ഞത്. പഞ്ചായത്തിലെ ഏഴാം വാര്‍ഡില്‍ ഉപതിരഞ്ഞെടുപ്പ് നടക്കാനിരിക്കെ അരി വിതരണം നടത്തുന്നത് പെരുമാറ്റചട്ട ലംഘനമാണെന്ന് ചൂണ്ടിക്കാട്ടിയാണ് പോലീസ് നടപടി. സംഭവത്തില്‍ BJP പ്രവര്‍ത്തകരും പോലീസും തമ്മില്‍ തര്‍ക്കമുണ്ടായി. വ്യാഴാഴ്ചയാണ് ഇവിടെ ഉപതിരഞ്ഞെടുപ്പ് നടക്കുക.

Kerala427 days ago

തൃശൂരില്‍ ATM കൊള്ളയടിച്ച സംഘത്തെ പിടികൂടി

തൃശൂരില്‍ മൂന്നിടങ്ങളില്‍ ATM കൊള്ളയടിച്ച ഹരിയാനക്കാരായ സംഘത്തെ തമിഴ്‌നാട്ടിലെ നാമക്കല്ലില്‍ വെച്ചാണ് പിടികൂടിയത്. തമിഴ്‌നാട് പോലീസാണ് ഇവരെ പിടികൂടിയത്. അതേസമയം ഏറ്റുമുട്ടലില്‍ ഒരാള്‍ കൊല്ലപ്പെട്ടു. പ്രതികളെ പിന്തുടരുന്നതിനിടെയാണ് തമിഴ്‌നാട് പോലീസുമായി ഏറ്റുമുട്ടലുണ്ടായത്. ഏറ്റുമുട്ടലില്‍ രണ്ട് പോലീസുകാര്‍ക്കും പരിക്കേറ്റു. നേരത്തെ കണ്ണൂര്‍ ഉള്‍പ്പെടെയുള്ള സ്ഥലങ്ങളില്‍ കൊള്ള നടത്തിയ അതേ സംഘമാണ് ഇതെന്ന് പോലീസ് പറഞ്ഞു.

Kerala206 days ago

തൃശൂരില്‍ മൂന്നിടങ്ങളില്‍ ATM കൊള്ളയടിച്ചു

തൃശൂരിലെ സ്റ്റേറ്റ് ബാങ്ക് ഓഫ് ഇന്ത്യയുടെ മൂന്ന് ATMകളാണ് കവര്‍ച്ചാ സംഘം കൊള്ളയടിച്ചത്. മാപ്രാണം, കോലഴി, ഷൊര്‍ണൂര്‍ റോഡ് എന്നിവിടങ്ങളിലെ ATMകളിലാണ് കൊള്ള നടന്നത്. മൂന്നിടങ്ങളില്‍ നിന്നായി 60 ലക്ഷം രൂപ നഷ്ടപ്പെട്ടുവെന്നാണ് റിപ്പോര്‍ട്ട്. ഗ്യാസ് കട്ടര്‍ ഉപയോഗിച്ചാണ് ATM തകര്‍ത്തത്. പുലര്‍ച്ചെ 2.30 നും 4 മണിക്കും മധ്യേയായിരുന്നു കവര്‍ച്ച നടന്നത്.

Kerala206 days ago

തൃശൂരിലെ ആകാശപാത ഇന്ന് തുറക്കും

നവീകരണ പ്രവർത്തനങ്ങൾക്ക് ശേഷം തൃശൂർ ശക്തൻ നഗർ കോർപ്പറേഷൻ നിർമിച്ച ആകാശപാത ഇന്ന് തുറക്കും. കേരളത്തിലെ ഏറ്റവും നീളവും കൂടിയ ആകാശപാതയായ ഇതിൻ്റെ ഒന്നാം ഘട്ട നിർമാണം പൂർത്തിയായ ശേഷം പൊതുജനങ്ങൾക്ക് തുറന്നു നൽകിയിരുന്നു. പിന്നീട് നവീകരണ പ്രവർത്തനങ്ങൾക്കായി അടച്ചിടുകയായിരുന്നു. 360 മീറ്റർ നീളമുള്ള വൃത്താകൃതിയിൽ നിർമിച്ച ആകാശപാതയുടെ വശങ്ങൾ ചില്ലുകൾ കൊണ്ട് സുരക്ഷിതമാക്കുകയും പൂർണമായും ശീതീകരിക്കുകയും ചെയ്തിട്ടുണ്ട്. ഇതിലേക്ക് കയറാൻ ലിഫ്റ്റുകളും ഒരുക്കിയിട്ടുണ്ട്. 5.50 കോടി രൂപ ചിലവിലാണ് ആകാശപാത നിർമിച്ചിരിക്കുന്നത്. ആകാശപാതയുടെ മുകളിൽ സ്ഥാപിച്ചിട്ടുള്ള സൗരോർജ്ജ പാനലുകൾ ഉപയോഗിച്ചാണ് AC, ലൈറ്റുകൾ, ലിഫ്റ്റുകൾ എന്നിവയുടെ പ്രവർത്തനം.

Kerala206 days ago

തൃശൂര്‍ മുപ്ലിയില്‍ ജനവാസ മേഖലയില്‍ വീണ്ടും പുലിയിറങ്ങി

മറ്റത്തൂര്‍ പഞ്ചായത്തിലെ മുപ്ലിയില്‍ ഇന്ന് പുലര്‍ച്ചെ ഒന്നരയോടെയാണ് പുലിയിറങ്ങിയത്. മുപ്ലിയിലുള്ള ഓലിക്കല്‍ ജോസഫിന്റെ വീട്ടുമുറ്റത്താണ് പുലിയെ കണ്ടത്. നായയുടെ നിര്‍ത്താതെയുള്ള കുര കേട്ട് ജനലിലൂടെ പുറത്തേക്ക് നോക്കിയ വീട്ടുകാര്‍ പുലിയെ നേരില്‍ കണ്ടു. വീട്ടിലെ നിരീക്ഷണ ക്യാമറയിലും പുലിയുടെ ദൃശ്യങ്ങള്‍ പതിഞ്ഞിട്ടുണ്ട്.

Kerala214 days ago

തൃശൂരില്‍ ഇന്ന് പുലികള്‍ ഇറങ്ങും

സ്വരാജ് റൗണ്ടില്‍ ഇന്ന് 350ലേറെ പുലികളാണ് ഇറങ്ങുന്നത്. ഉച്ച കഴിഞ്ഞ് 3 മണിയോടെ പുലികള്‍ മട വിട്ട് നഗരത്തിലേക്ക് എത്തിത്തുടങ്ങും. ഏഴ് സംഘങ്ങളായാണ് പുലികള്‍ ഇറങ്ങുന്നത്. പാട്ടുരായ്ക്കല്‍ സംഘമായിരിക്കും ആദ്യം സ്വരാജ് റൗണ്ടില്‍ പ്രവേശിക്കുക. പുലിക്കളിയുടെ ഭാഗമായി തൃശൂരില്‍ പൊലീസ് സുരക്ഷ ശക്തമാക്കിയിട്ടുണ്ട്. സ്വരാജ് റൗണ്ടിലേക്ക് ഇന്ന് വാഹനങ്ങളെ പ്രവേശിപ്പിക്കില്ല.

Kerala215 days ago

തൃശൂര്‍ പൂരം വിവാദത്തിൽ സര്‍ക്കാരിന്റെ അന്വേഷണ റിപ്പോര്‍ട്ട് പുറത്തുവിടണം: CPI

തൃശൂർ പൂരം വിവാദത്തിൽ സർക്കാർ നടത്തിയ അന്വേഷണത്തിന്റെ റിപ്പോർട്ട് പ്രസിദ്ധീകരിക്കണമെന്ന് CPI. പൂരം നിര്‍ത്തിവെക്കാനും അലങ്കോലപ്പെടുത്താനും നടന്ന ഗൂഢാലോചന പുറത്തു വരണമെന്ന് CPI ആവശ്യപ്പെട്ടു. ADGP എം.ആര്‍. അജിത് കുമാർ RSS നേതാക്കളുമായി നടത്തിയ കൂടിക്കാഴ്ചയുടെ വസ്തുതകൾ പുറത്തുകൊണ്ടുവരണം. ഇന്ന് ചേർന്ന തൃശൂർ ജില്ലാ എക്‌സിക്യൂട്ടിവ് യോഗത്തിലാണ് CPI ഇക്കാര്യം ആവശ്യപ്പെട്ടത്. തൃശൂർ പൂരം അലങ്കോലപ്പെടുത്താൻ ശ്രമിച്ചെന്ന വെളിപ്പെടുത്തൽ ഗൗരവമുള്ളതാണെന്നും അന്വേഷണം വേണമെന്നും ലോക്സഭാ തിരഞ്ഞെടുപ്പിൽ തൃശൂരിൽ CPI സ്ഥാനാർത്ഥിയായിരുന്ന സുനിൽകുമാറും, CPI സംസ്ഥാന സെക്രട്ടറി ബിനോയ് വിശ്വവും നേരത്തെ ആവശ്യപ്പെട്ടിരുന്നു.

Kerala224 days ago

സംസ്ഥാനത്ത് H1N1 ബാധിച്ച് വീണ്ടും മരണം

തൃശൂരില്‍ H1N1 ബാധിച്ച് ചികിത്സയിലായിരുന്ന 54കാരന്‍ മരിച്ചു. കൊടുങ്ങല്ലൂരിന് സമീപം ശ്രീനാരായണപുരം ശങ്കു ബസാര്‍ കൈതക്കാട്ട് അനില്‍ (54) ആണ് മരിച്ചത്. പനിയും ചുമയും ബാധിച്ച് ചികിത്സയിലായിരുന്ന അനിലിന് ഓഗസ്റ്റ് 23നാണ് രോഗം സ്ഥിരീകരിച്ചത്. ആന്തരികാവയവങ്ങളുടെ പ്രവര്‍ത്തനം തകരാറിലായതിനെ തുടര്‍ന്ന് എറണാകുളത്തെ സ്വകാര്യ ആശുപത്രിയില്‍ വിദഗ്ധ ചികിത്സയിരിക്കെയാണ് മരണം സംഭവിച്ചത്.

Kerala225 days ago

തൃശൂര്‍ റെയില്‍വെ സ്റ്റേഷന്‍ മേല്‍പ്പാലത്തില്‍ നവജാത ശിശുവിന്റെ മൃതദേഹം കണ്ടെത്തി

റെയില്‍വെ സ്റ്റേഷന്റെ മേല്‍പ്പാലത്തിലെ ലിഫ്റ്റിനോട് ചേര്‍ന്നുള്ള ഭാഗത്ത് നിന്നാണ് നവജാത ശിശുവിന്റെ മൃതദേഹം ബാഗിനുള്ളില്‍ കണ്ടെത്തിയത്. സുരക്ഷാ ജീവനക്കാര്‍ ഉപേക്ഷിക്കപ്പെട്ട നിലയില്‍ കണ്ടെത്തിയ ബാഗ് തുറന്ന് പരിശോധിച്ചപ്പോഴാണ് മൃതദേഹം കണ്ടെത്തിയത്. ജനിച്ച് ഒരു ദിവസം മാത്രം പ്രായമായ കുഞ്ഞിന്റെ മൃതദേഹമാണിതെന്നാണ് സംശയം. ആരാണ് ഇവിടെ മൃതദേഹം ഉപേക്ഷിച്ച് പോയതെന്ന് വ്യക്തമല്ല. സംഭവത്തില്‍ പോലീസ് അന്വേഷണം ആരംഭിച്ചു.

Kerala225 days ago

തൃശൂരില്‍ H1N1 ബാധിച്ച് സ്ത്രീ മരിച്ചു

തൃശൂര്‍ എറവ് സ്വദേശി മീന (62) യാണ് മരിച്ചത്. സ്വകാര്യ ആശുപത്രിയില്‍ ചികിത്സയിലിരിക്കെയായിരുന്നു അന്ത്യം. സംസ്ഥാനത്തിന്റെ വിവിധയിടങ്ങളില്‍ H1N1 പടരുന്നതായി റിപ്പോര്‍ട്ടുകള്‍ വന്നതിന് പിന്നാലെയാണ് മരണം റിപ്പോര്‍ട്ട് ചെയ്തിരിക്കുന്നത്. നേരത്തെ മലപ്പുറം ജില്ലയിലെ വണ്ടൂര്‍, പെരിന്തല്‍മണ്ണ, കുറ്റിപ്പുറം, എടപ്പാള്‍, തവനൂര്‍,പൊന്നാനി തുടങ്ങിയ മേഖലകളില്‍ H1N1 റിപ്പോര്‍ട്ട് ചെയ്തതിനെ തുടര്‍ന്ന് ആരോഗ്യവകുപ്പ് ജാഗ്രതാ നിര്‍ദേശം നല്‍കിയിരുന്നു.

Kerala229 days ago

തൃശൂര്‍ പാലിയേക്കരയില്‍ ടോള്‍ നിരക്ക് വര്‍ധിപ്പിച്ചു

ഭാരവാഹനങ്ങള്‍ക്ക് ഒരു ദിവസത്തെ ഒന്നില്‍ കൂടുതലുള്ള യാത്രക്ക് 5 രൂപയാണ് വര്‍ധിപ്പിച്ചിരിക്കുന്നത്. കാര്‍, ജീപ്പ് എന്നിവയ്ക്ക് ഒരു ഭാഗത്തേക്ക് 90 രൂപയും 24 മണിക്കൂറിനുള്ളിലെ ഒന്നില്‍ കൂടുതലുള്ള യാത്രക്ക് 140 രൂപയുമാണ് നിരക്ക്. ബസ്, ട്രക്ക് എന്നിവയ്ക്ക് ഒരു ഭാഗത്തേക്ക് 320 രൂപയും ഒന്നില്‍ കൂടുതല്‍ യാത്രക്ക് 485 രൂപയുമാണ് നിരക്ക്. പുതുക്കിയ നിരക്ക് ഇന്നലെ അര്‍ദ്ധരാത്രിമുതല്‍ പിരിച്ചു തുടങ്ങി. അതേസമയം ഒരു ഭാഗത്തേക്കുള്ള എല്ലാ വാഹന യാത്രക്കും നിലവിലെ നിരക്ക് തുടരും.

Kerala232 days ago