സ്പാം കോളുകളും സന്ദേശങ്ങളും തടയുന്നതിന് AI അധിഷ്ഠിത സംവിധാനവുമായി എയര്‍ടെല്‍

സ്പാം കോളുകളും സന്ദേശങ്ങളും വന്നാല്‍ ഉടന്‍ അലര്‍ട്ട് നല്‍കുന്ന തരത്തില്‍ AI അധിഷ്ഠിത സാങ്കേതികവിദ്യ നെറ്റ്‌വര്‍ക്കില്‍ അവതരിപ്പിക്കാനാണ് കമ്പനി ഒരുങ്ങുന്നത്. വ്യാഴാഴ്ച അര്‍ദ്ധരാത്രി മുതല്‍ ഈ സാങ്കേതികവിദ്യ പ്രവര്‍ത്തനം ആരംഭിക്കും. ഇത് കോളുകള്‍ 2 മില്ലിസെക്കന്‍ഡില്‍ വിശകലനം ചെയ്യുകയും ഉപയോക്താക്കളെ അലര്‍ട്ട് ചെയ്യുകയും ചെയ്യുമെന്ന് മാനേജിങ് ഡയറക്ടറും CEOയുമായ ഗോപാല്‍ വിറ്റല്‍ പറഞ്ഞു.

Technology89 days ago

AI നിര്‍മിത ഭക്ഷണ വിഭവങ്ങളുടെ ചിത്രങ്ങള്‍ നീക്കം ചെയ്യുമെന്ന് സൊമാറ്റോ

ഉപഭോക്താക്കളെ തെറ്റിദ്ധരിപ്പിക്കുന്ന തരത്തില്‍ പ്ലാറ്റ്‌ഫോമില്‍ നല്‍കിയിരിക്കുന്ന AI ഉപയോഗിച്ച് സൃഷ്ടിച്ച ഭക്ഷണ വിഭവങ്ങളുടെ ചിത്രങ്ങള്‍ നീക്കം ചെയ്യുമെന്നാണ് ഓണ്‍ലൈന്‍ ഫുഡ് ഡെലിവറി ആപ്പായ സൊമാറ്റോ അറിയിച്ചിരിക്കുന്നത്. തെറ്റിദ്ധരിപ്പിക്കുന്ന തരത്തില്‍ AI നിര്‍മിത ഭക്ഷണ വിഭവങ്ങളുടെ ചിത്രങ്ങള്‍ ലഭിച്ചതായി നിരവധി ഉപഭോക്താക്കള്‍ പരാതി നല്‍കിയതിന്റെ അടിസ്ഥാനത്തിലാണ് നടപടി. ഉപഭോക്താക്കള്‍ക്കും റെസ്റ്റോറന്റുകള്‍ക്കുമിടയിലുള്ള വിശ്വാസ ലംഘനത്തിലേക്ക് ഇത് നയിക്കുന്നുവെന്നും കൂടാതെ റീഫണ്ടുകള്‍ വര്‍ധിക്കാനും കുറഞ്ഞ ഉപഭോക്തൃ റേറ്റിങ്ങിനും ഇത് കാരണമാകുന്നുവെന്നും സൊമാറ്റോ CEO ദീപീന്ദര്‍ ഗോയല്‍ പറഞ്ഞു.

Business126 days ago

വയനാടിന് സഹായം; ജില്ലയില്‍ സൗജന്യ പാക്കേജ് പ്രഖ്യാപിച്ച് എയര്‍ടെല്‍

വയനാട്ടിലെ രക്ഷാപ്രവര്‍ത്തനങ്ങള്‍ക്ക് സഹായമായി മൂന്ന് ദിവസത്തേക്ക് ഇന്റര്‍നെറ്റ്, SMS, ടോക്ക് ടൈം എന്നിവ സൗജന്യമായിരിക്കുമെന്ന് എയര്‍ടെല്‍ അറിയിച്ചു. പാക്കേജ് വാലിഡിറ്റി കഴിഞ്ഞവര്‍ക്ക് അടക്കം ഓഫര്‍ ബാധകമാണ്. പ്രദേശത്തെ പ്രീപെയ്ഡ് പോസ്റ്റ്‌പെയ്ഡ് ഉപയോക്താക്കള്‍ക്ക് അണ്‍ലിമിറ്റഡ് കോളിങ് സൗകര്യവും നിശ്ചിത GB ഡാറ്റയുമാണ് വാഗ്ദാനം ചെയ്തിരിക്കുന്നത്. കൂടാതെ കേരളത്തിലെ 52 എയര്‍ടെല്‍ റീട്ടെയില്‍ സ്‌റ്റോറുകളും ദുരിതാശ്വാസ ശേഖരണ കേന്ദ്രങ്ങളാക്കി മാറ്റും.

Technology144 days ago

AI സഹായത്തോടെ ചിത്രങ്ങള്‍ എഡിറ്റ് ചെയ്യാം; പുതിയ അപ്‌ഡേറ്റുമായി വാട്‌സ്ആപ്പ്

ഉപയോക്താക്കള്‍ക്ക് ചിത്രങ്ങള്‍ മെറ്റ AIയുമായി നേരിട്ട് പങ്കിടാന്‍ അനുവദിക്കുന്ന പുതിയ ചാറ്റ് ബട്ടണ്‍ കൊണ്ടുവരാന്‍ വാട്‌സ്ആപ്പ് പ്രവര്‍ത്തിക്കുന്നതായാണ് റിപ്പോര്‍ട്ട്. ഉപയോക്താക്കള്‍ അയയ്ക്കുന്ന ഫോട്ടോകള്‍ക്ക് മറുപടി നല്‍കാനും അവ എഡിറ്റ് ചെയ്യാനും കഴിയുന്ന തരത്തില്‍ മെറ്റ AIയില്‍ മാറ്റം വരുത്താനാണ് ഒരുങ്ങുന്നത്. പുതിയ ഫീച്ചര്‍ വാട്സ്ആപ്പ് ബീറ്റ പതിപ്പ് 2.24.14.20ല്‍ കണ്ടെത്തിയയായി വാബീറ്റ ഇന്‍ഫോയുടെ റിപ്പോര്‍ട്ടില്‍ പറയുന്നു.

Technology167 days ago

37.5 കോടി വരിക്കാരുടെ വിവരങ്ങള്‍ ചോര്‍ത്തി; വാദം നിഷേധിച്ച് എയര്‍ടെല്‍

ഉപഭോക്താക്കളുടെ ഡാറ്റയില്‍ യാതൊരുവിധ സുരക്ഷാ വീഴ്ചയും സംഭവിച്ചിട്ടില്ലെന്ന് എയര്‍ടെല്‍ അറിയിച്ചു. 37 കോടി എയര്‍ടെല്‍ ഉപഭോക്താക്കളുടെ ഫോണ്‍ നമ്പര്‍, ഇ-മെയില്‍, വിലാസം, ആധാര്‍ നമ്പര്‍ എന്നിവ ഉള്‍പ്പെടെയുള്ള വിവരങ്ങള്‍ ഡാര്‍ക്ക് വെബില്‍ വില്‍പ്പനയ്ക്ക് വെച്ചിരിക്കുന്നുവെന്നായിരുന്നു റിപ്പോര്‍ട്ട് പുറത്തു വന്നിരുന്നു. ഇതിന് പിന്നാലെയാണ് പ്രതികരണവുമായി കമ്പനി രംഗത്തെത്തിയത്. 'xenZen' എന്നറിയപ്പെടുന്ന ഹാക്കര്‍ ഡാറ്റാബേസ് ലിസ്റ്റ് ചെയ്തതായും വിവരങ്ങള്‍ക്കായി 50,000 ഡോളര്‍ ആവശ്യപ്പെട്ടതായുമാണ് റിപ്പോര്‍ട്ടുകള്‍.

Technology171 days ago

മൊബൈല്‍ റീച്ചാര്‍ജ് നിരക്ക് വര്‍ധിപ്പിച്ച് എയര്‍ടെല്‍

ജിയോയ്ക്ക് പിന്നാലെ പ്രീപെയ്ഡ് റീച്ചാര്‍ജ് പ്ലാനുകളുടെയും പോസ്റ്റ്‌പെയ്ഡ് പ്ലാനുകളുടെയും നിരക്ക് വര്‍ധനവ് പ്രഖ്യാപിച്ച് എയര്‍ടെല്‍. നിരക്കില്‍ 20 ശതമാനത്തോളം വര്‍ധനവ് ഉണ്ടാകുമെന്നാണ് റിപ്പോര്‍ട്ട്. 1,799, 2,999 രൂപയുടെ വാര്‍ഷിക പ്ലാനില്‍ യഥാക്രമം 200, 600 രൂപയുടെ വര്‍ധനവ് ഉണ്ടാകും. പുതിയ നിരക്കുകള്‍ ജൂലൈ 3 മുതല്‍ പ്രാബല്യത്തില്‍ വരുമെന്നും എയര്‍ടെല്‍ അറിയിച്ചു.

Technology178 days ago

ആപ്പ് ഐക്കണ്‍ കസ്റ്റമൈസേഷന്‍ സൗകര്യം; പുതിയ ഫീച്ചറുകളുമായി iOS 18

ഈ വര്‍ഷം ജൂണ്‍ പത്തിന് നടക്കാനിരിക്കുന്ന ആപ്പിളിന്റെ വാര്‍ഷിക ഡെവലപ്പര്‍ കോണ്‍ഫറന്‍സായ വേള്‍ഡ് വൈഡ് ഡെവലപ്പേഴ്സ് കോണ്‍ഫറന്‍സില്‍ സുപ്രധാനമായ നിരവധി ഫീച്ചറുകള്‍ അവതരിപ്പിക്കുമെന്നാണ് റിപ്പോര്‍ട്ടുകള്‍. AI ഉപയോഗിച്ച് കസ്റ്റം ഇമോജികള്‍ നിര്‍മിക്കാനുള്ള സൗകര്യം, ആപ്പ് ഐക്കണ്‍ കസ്റ്റമൈസേഷന്‍, iOS 18ലെ മെസേജിങ് സംവിധാനത്തില്‍ AI ഫീച്ചറുകളും ഉണ്ടാവുമെന്നാണ് റിപ്പോര്‍ട്ട്. നിലവിലെ ഗ്രിഡ് രീതിയില്‍ നിന്ന് മാറി ആപ്പ് ഐക്കണുകള്‍ സ്‌ക്രീനില്‍ എവിടെ വേണമെങ്കിലും വെയ്ക്കാന്‍ ഉപഭോക്താവിന് കഴിയുന്ന തരത്തിലുള്ള അപ്ഗ്രേഡുകള്‍ iOS 18 ലെ ഹോം സ്‌ക്രീനിലും വരുന്നുണ്ട്.

Technology210 days ago

xAIയുടെ ഗ്രോക്ക് AI ചാറ്റ്‌ബോട്ടിനായി സൂപ്പര്‍ കമ്പ്യൂട്ടര്‍ നിര്‍മിക്കാനുള്ള പദ്ധതിയുമായി മസ്‌ക്

ഗ്രോക്കിന്റെ ശക്തിയേറിയ ഭാവി പതിപ്പുകളുടെ നിര്‍മാണത്തിനും പ്രവര്‍ത്തനത്തിനും വേണ്ടിയാണ് സൂപ്പര്‍ കമ്പ്യൂട്ടര്‍ നിര്‍മിക്കാനൊരുങ്ങുന്നത്. 2025ന്റെ അവസാനത്തോടെ പദ്ധതി യാഥാര്‍ത്ഥ്യമാക്കാനാണ് മസ്‌കിന്റെ നീക്കം. ഒറാക്കിളുമായി സഹകരിച്ചാണ് സൂപ്പര്‍ കമ്പ്യൂട്ടര്‍ നിര്‍മിക്കുന്നതെന്നാണ് റിപ്പോര്‍ട്ടുകള്‍. ഏകദേശം 20000 എന്‍വിഡിയ H100 GPUകള്‍ ഉപയോഗിച്ചാണ് ഗ്രോക്ക് 2 മോഡലിന് പരിശീലനം നല്‍കിയതെന്നാണ് മസ്‌ക് പറയുന്നത്.Read More

Technology210 days ago

സുരക്ഷാ കാര്യങ്ങളില്‍ ശ്രദ്ധയില്ല; ഓപ്പണ്‍ AIയുടെ മുഖ്യ ഗവേഷകന്‍ രാജിവെച്ചു

AIയുമായി ബന്ധപ്പെട്ട സുരക്ഷാകാര്യങ്ങളില്‍ കമ്പനി വേണ്ടത്ര ശ്രദ്ധ പതിപ്പിക്കുന്നില്ലെന്ന് ആരോപിച്ചാണ് AI ഗവേഷകന്‍ ജാന്‍ ലീക്ക് രാജിവെച്ചത്. AI സാങ്കേതികവിദ്യയുടെ മുന്നേറ്റത്തിന് അവസാനം കണ്ടില്ലെങ്കില്‍ മനുഷ്യരാശിക്ക് തന്നെ അപകടകരമാണെന്നും ജാക്ക് ലീക്ക് മുന്നറിയിപ്പ് നല്‍കി. കഴിഞ്ഞ കുറച്ച് വര്‍ഷങ്ങളായി ഓപ്പണ്‍ AIയുടെ വളര്‍ച്ചയുടെ പ്രധാന ഭാഗമായിരുന്നു ജാന്‍ ലീക്ക്.

Technology214 days ago

ഡീപ്പ് ഫേക്കുകള്‍ തിരിച്ചറിയാനുള്ള പുതിയ ടൂളുമായി ഓപ്പണ്‍ AI

ഓപ്പണ്‍ AIയുടെ DALL-E എന്ന ടെക്‌സ്റ്റ് ടു ഇമേജ് ജനറേറ്റര്‍ ഉപയോഗിച്ച് നിര്‍മിച്ച ചിത്രങ്ങള്‍ കണ്ടുപിടിക്കുന്നതിനുള്ള പുതിയ ടൂളാണ് അവതരിപ്പിച്ചിരിക്കുന്നത്. DALL-E ഉപയോഗിച്ച് നിര്‍മിച്ച 98 ശതമാനം ചിത്രങ്ങളെയും കണ്ടെത്താനുള്ള ശേഷി ഈ ടൂളിനുണ്ടെന്നാണ് കമ്പനി പറയുന്നത്. ചിത്രങ്ങള്‍ ക്രോപ്പ് ചെയ്താലും, കംപ്രസ് ചെയ്താലും, സാച്ചുറേഷനില്‍ മാറ്റങ്ങള്‍ വരുത്തിയാലും ഈ ടൂളിന് കണ്ടെത്താനാവും.

Technology229 days ago

ചാറ്റ് GPTയുടെ എതിരാളിയായി ആന്ത്രോപിക് വികസിപ്പിച്ച ക്ലോഡ് AI മോഡല്‍ സ്മാര്‍ട്ട്‌ഫോണിലും

വെബ് വേര്‍ഷനില്‍ മാത്രം ലഭ്യമായിരുന്ന ക്ലോഡ് ഇനി മുതല്‍ സ്മാര്‍ട്ട്‌ഫോണിലും ലഭ്യമാകുമെന്നാണ് കമ്പനി അറിയിച്ചിരിക്കുന്നത് . ആദ്യഘട്ടത്തില്‍ iOSല്‍ മാത്രമാണ് ക്ലോഡ് ആപ്പ് ലഭിക്കുക. കഴിഞ്ഞ വര്‍ഷം മാര്‍ച്ചിലാണ് AI സ്റ്റാര്‍ട്ട് അപ്പ് ആയ ആന്ത്രോപിക്ക് AI മോഡലായ ക്ലോഡ് അവതരിപ്പിച്ചത്. ചാറ്റ് GPTക്ക് സമാനമായ രീതിയിലാണ് ക്ലോഡിന്റെയും പ്രവര്‍ത്തനം.

Technology234 days ago