37.5 കോടി വരിക്കാരുടെ വിവരങ്ങള്‍ ചോര്‍ത്തി; വാദം നിഷേധിച്ച് എയര്‍ടെല്‍
ഉപഭോക്താക്കളുടെ ഡാറ്റയില്‍ യാതൊരുവിധ സുരക്ഷാ വീഴ്ചയും സംഭവിച്ചിട്ടില്ലെന്ന് എയര്‍ടെല്‍ അറിയിച്ചു. 37 കോടി എയര്‍ടെല്‍ ഉപഭോക്താക്കളുടെ ഫോണ്‍ നമ്പര്‍, ഇ-മെയില്‍, വിലാസം, ആധാര്‍ നമ്പര്‍ എന്നിവ ഉള്‍പ്പെടെയുള്ള വിവരങ്ങള്‍ ഡാര്‍ക്ക് വെബില്‍ വില്‍പ്പനയ്ക്ക് വെച്ചിരിക്കുന്നുവെന്നായിരുന്നു റിപ്പോര്‍ട്ട് പുറത്തു വന്നിരുന്നു. ഇതിന് പിന്നാലെയാണ് പ്രതികരണവുമായി കമ്പനി രംഗത്തെത്തിയത്. 'xenZen' എന്നറിയപ്പെടുന്ന ഹാക്കര്‍ ഡാറ്റാബേസ് ലിസ്റ്റ് ചെയ്തതായും വിവരങ്ങള്‍ക്കായി 50,000 ഡോളര്‍ ആവശ്യപ്പെട്ടതായുമാണ് റിപ്പോര്‍ട്ടുകള്‍.
Related News
സ്പാം കോളുകളും സന്ദേശങ്ങളും തടയുന്നതിന് AI അധിഷ്ഠിത സംവിധാനവുമായി എയര്‍ടെല്‍
സ്പാം കോളുകളും സന്ദേശങ്ങളും വന്നാല്‍ ഉടന്‍ അലര്‍ട്ട് നല്‍കുന്ന തരത്തില്‍ AI അധിഷ്ഠിത സാങ്കേതികവിദ്യ നെറ്റ്‌വര്‍ക്കില്‍ അവതരിപ്പിക്കാനാണ് കമ്പനി ഒരുങ്ങുന്നത്. വ്യാഴാഴ്ച അര്‍ദ്ധരാത്രി മുതല്‍ ഈ സാങ്കേതികവിദ്യ പ്രവര്‍ത്തനം ആരംഭിക്കും. ഇത് കോളുകള്‍ 2 മില്ലിസെക്കന്‍ഡില്‍ വിശകലനം ചെയ്യുകയും ഉപയോക്താക്കളെ അലര്‍ട്ട് ചെയ്യുകയും ചെയ്യുമെന്ന് മാനേജിങ് ഡയറക്ടറും CEOയുമായ ഗോപാല്‍ വിറ്റല്‍ പറഞ്ഞു.
വയനാടിന് സഹായം; ജില്ലയില്‍ സൗജന്യ പാക്കേജ് പ്രഖ്യാപിച്ച് എയര്‍ടെല്‍
വയനാട്ടിലെ രക്ഷാപ്രവര്‍ത്തനങ്ങള്‍ക്ക് സഹായമായി മൂന്ന് ദിവസത്തേക്ക് ഇന്റര്‍നെറ്റ്, SMS, ടോക്ക് ടൈം എന്നിവ സൗജന്യമായിരിക്കുമെന്ന് എയര്‍ടെല്‍ അറിയിച്ചു. പാക്കേജ് വാലിഡിറ്റി കഴിഞ്ഞവര്‍ക്ക് അടക്കം ഓഫര്‍ ബാധകമാണ്. പ്രദേശത്തെ പ്രീപെയ്ഡ് പോസ്റ്റ്‌പെയ്ഡ് ഉപയോക്താക്കള്‍ക്ക് അണ്‍ലിമിറ്റഡ് കോളിങ് സൗകര്യവും നിശ്ചിത GB ഡാറ്റയുമാണ് വാഗ്ദാനം ചെയ്തിരിക്കുന്നത്. കൂടാതെ കേരളത്തിലെ 52 എയര്‍ടെല്‍ റീട്ടെയില്‍ സ്‌റ്റോറുകളും ദുരിതാശ്വാസ ശേഖരണ കേന്ദ്രങ്ങളാക്കി മാറ്റും.
സൂക്ഷിക്കുക; വാട്സ്ആപ്പില് വ്യാജ ട്രാഫിക് ഇ-ചലാന്‍ സന്ദേശം അയച്ച് തട്ടിപ്പ്
വിയറ്റ്നാം ഹാക്കര്‍മാര്‍ ആന്‍ഡ്രോയിഡ് മാല്‍വെയര്‍ ഉപയോഗിച്ചാണ് തട്ടിപ്പ് നടത്തുന്നതെന്നും അതില്‍ വീഴരുതെന്നുമാണ് വിദഗ്ധര്‍ മുന്നറിയിപ്പ് നല്‍കിയിരിക്കുന്നത്. ട്രാഫിക് ചലാന്‍ എന്ന വ്യാജേന വാട്സ്ആപ്പില് സന്ദേശങ്ങള്‍ അയച്ചാണ് ആളുകളെ കെണിയില്‍ വീഴ്ത്തുന്നതെന്ന് സൈബര്‍ സെക്യൂരിറ്റി സ്ഥാപനമായ ക്ലൗഡ് SEK പറയുന്നു. ഒറ്റനോട്ടത്തില്‍ പരിവാഹന്‍ സൈറ്റ് അല്ലെങ്കില്‍ കര്‍ണാടക പോലീസ് എന്ന് തോന്നിപ്പിച്ചാണ് വ്യാജ ഇ-ചലാന്‍ സന്ദേശങ്ങള്‍ അയക്കുന്നത്. ഇത് മനസിലാകാതെ മുന്നോട്ടുപോകുന്നവരുടെ ഫോണില്‍ വ്യാജ ആപ്പ് ഇന്‍സ്റ്റാള്‍ ചെയ്താണ് തട്ടിപ്പ് നടത്തുന്നത്.Read More
മൊബൈല്‍ റീച്ചാര്‍ജ് നിരക്ക് വര്‍ധിപ്പിച്ച് എയര്‍ടെല്‍
ജിയോയ്ക്ക് പിന്നാലെ പ്രീപെയ്ഡ് റീച്ചാര്‍ജ് പ്ലാനുകളുടെയും പോസ്റ്റ്‌പെയ്ഡ് പ്ലാനുകളുടെയും നിരക്ക് വര്‍ധനവ് പ്രഖ്യാപിച്ച് എയര്‍ടെല്‍. നിരക്കില്‍ 20 ശതമാനത്തോളം വര്‍ധനവ് ഉണ്ടാകുമെന്നാണ് റിപ്പോര്‍ട്ട്. 1,799, 2,999 രൂപയുടെ വാര്‍ഷിക പ്ലാനില്‍ യഥാക്രമം 200, 600 രൂപയുടെ വര്‍ധനവ് ഉണ്ടാകും. പുതിയ നിരക്കുകള്‍ ജൂലൈ 3 മുതല്‍ പ്രാബല്യത്തില്‍ വരുമെന്നും എയര്‍ടെല്‍ അറിയിച്ചു.
ഇന്ത്യന്‍ ഇമിഗ്രേഷന്‍ ഡാറ്റ ചൈനീസ് ഹാക്കര്‍മാര്‍ ചോര്‍ത്തിയതായി റിപ്പോര്‍ട്ട്
95.2 ജിഗാബൈറ്റ് മൂല്യമുള്ള ഇന്ത്യന്‍ ഇമിഗ്രേഷന്‍ ഡാറ്റ ചൈനീസ് ഹാക്കര്‍മാര്‍ ചോര്‍ത്തിയതായാണ് വിവരം. മലേഷ്യ, തായ്‌വാന്‍, സൗത്ത് കൊറിയ, ഹോങ്കോങ്, തായ്‌ലന്റ്, UK, നേപ്പാള്‍, മംഗോളിയ, കസാക്കിസ്ഥാന്‍ എന്നീ രാജ്യങ്ങളെയും ഹാക്കര്‍മാര്‍ ടാര്‍ഗറ്റ് ചെയ്തിട്ടുണ്ട്. ആപ്പിള്‍, ഗൂഗിള്‍, മൈക്രോസോഫ്റ്റ് എന്നീ സോഫ്റ്റ്‌വെയര്‍ സിസ്റ്റങ്ങളിലെ പോരായ്മകളെ തുടര്‍ന്നാണ് വിവരം ചോര്‍ത്തല്‍ നടക്കുന്നതെന്ന് ബീജിങ്ങിലെ ഹാക്കര്‍മാര്‍ പറഞ്ഞു.
ജീവനക്കാരുടെ ഇമെയിലുകള്‍ ഹാക്ക് ചെയ്തതത് റഷ്യന്‍ ഹാക്കര്‍മാരെന്ന് മൈക്രോ സോഫ്റ്റ്
മിഡ്നൈറ്റ് ബ്ലിസാര്‍ഡ് എന്ന റഷ്യന്‍ ഹാക്കര്‍മാര്‍ കമ്പനിയുടെ കോര്‍പ്പറേറ്റ് നെറ്റ്‌വര്‍ക്കില്‍ പ്രവേശിച്ച് സൈബര്‍ സെക്യൂരിറ്റി, ലീഗല്‍ വിഭാഗങ്ങളില്‍ പ്രവര്‍ത്തിക്കുന്ന ജീവനക്കാരുടെ വിവരങ്ങള്‍ ഹാക്ക് ചെയ്തുവെന്നാണ് മൈക്രോ സോഫ്റ്റ് പറയുന്നത്. നെറ്റ്‌വര്‍ക്കില്‍ തടസങ്ങള്‍ നേരിടാന്‍ സാധ്യതയുണ്ടെന്നും സംഭവത്തില്‍ നടപടികള്‍ സ്വീകരിച്ചു വരികയാണെന്നും കമ്പനി അറിയിച്ചു.
