കാഞ്ഞങ്ങാട് റെയില്‍വേ സ്റ്റേഷന് സമീപം മൂന്നു സ്ത്രീകള്‍ ട്രെയിന്‍ തട്ടി മരിച്ചു

റെയില്‍വേ ട്രാക്ക് മുറിച്ചുകടക്കുന്നതിനിടെയാണ് അപകടം. കോട്ടയം ചിങ്ങവനം സ്വദേശികളായ ആലീസ് തോമസ് (63), ചിന്നമ്മ (68), ഏയ്ഞ്ചല്‍ (30) എന്നിവരാണ് മരിച്ചത്. കോട്ടയത്തേയ്ക്കു മടങ്ങുന്നതിനായി റെയില്‍വേ സ്റ്റേഷനിലേക്ക് വരികയായിരുന്നു ഇവര്‍. കണ്ണൂര്‍ ഭാഗത്തുനിന്നു വന്ന ട്രെയിന്‍ മൂന്നു പേരെയും ഇടിച്ചുതെറിപ്പിക്കുകയായിരുന്നു.

Kerala100 days ago

തിക്കും തിരക്കും; വേണാട് എക്‌സ്പ്രസില്‍ 2 സ്ത്രീകള്‍ കുഴഞ്ഞുവീണു

തിരുവനന്തപുരം - ഷൊര്‍ണൂര്‍ വേണാട് എക്‌സ്പ്രസില്‍ ആളുകള്‍ക്ക് ദുരിതയാത്ര. തിരക്കു കാരണം ജനറല്‍ കംപാര്‍ട്ട്‌മെന്റില്‍ നിന്ന രണ്ട് സ്ത്രീകള്‍ കഴഞ്ഞു വീണു. യാത്രക്കാര്‍ ഇവര്‍ക്ക് പ്രഥമ ശുശ്രൂഷ നല്‍കി. ഓണാവധി കഴിഞ്ഞതിനാല്‍ വലിയ തിരക്കാണ് ട്രെയിനുകളില്‍ അനുഭവപ്പെടുന്നത്. ട്രെയിനിന്റെ സമയക്രമം മാറ്റിയതും വന്ദേഭാരതിനായി ട്രെയിന്‍ പിടിച്ചിടുന്നതും ദുരിതം ഇരട്ടിയാക്കിയെന്ന് യാത്രക്കാര്‍ ആരോപിക്കുന്നു. യാത്രാ ദുരിതം മാറാന്‍ ജനറല്‍ കോച്ചുകളുടെ എണ്ണം വര്‍ധിപ്പിക്കണമെന്നും എറണാകുളം വഴി മെമു സര്‍വീസ് ആരംഭിക്കണമെന്നുമാണ് യാത്രക്കാരുടെ ആവശ്യം.

Kerala91 days ago

ഉത്സവകാല തിരക്ക്: ബെംഗളൂരു – കൊച്ചുവേളി റൂട്ടിൽ പൂജ സ്പെഷ്യൽ ട്രെയിൻ

പൂജ അവധിയെ തുടർന്നുള്ള തിരക്ക് പ്രമാണിച്ച് ബെംഗളൂരു - കൊച്ചുവേളി റൂട്ടിൽ പ്രതിവാര പൂജ സ്പെഷ്യൽ ട്രെയിൻ സർവീസ് നടത്താൻ റെയിൽവേ തീരുമാനിച്ചു. ഒക്ടോബർ ഒന്ന് മുതൽ നവംബർ ആറ് വരെയാണ് സർവീസ്. കൊച്ചുവേളി - ബെംഗളൂരു സ്പെഷ്യൽ ഒക്ടോബർ ഒന്ന്, എട്ട്, 15, 22, 29, നവംബർ അഞ്ച് തീയതികളിൽ കൊച്ചുവേളിയിൽ നിന്ന് വൈകുന്നേരം 6:05ന് പുറപ്പെട്ട് പിറ്റേദിവസം രാവിലെ 10:55ന് ബെംഗളൂരുവിൽ എത്തിച്ചേരും. ഒക്ടോബർ രണ്ട്, 9, 16, 23, 30 നവംബർ 6 തീയതികളിലാണ് ബെംഗളൂരുവിൽ നിന്ന് തിരികെ കൊച്ചുവേളിയിലേക്കുള്ള സർവീസ്. ഉച്ചയ്ക്ക് 12:45ന് ബെംഗളൂരുവിൽ നിന്ന് പുറപ്പെടുന്ന ട്രെയിൻ പിറ്റേദിവസം രാവിലെ 6:45ന് കൊച്ചുവേളിയിലെത്തും.

Kerala93 days ago

ഇന്ത്യന്‍ റെയില്‍വെ പൂജ, ദീപാവലി സ്പെഷ്യല്‍ ട്രെയിനുകള്‍ പ്രഖ്യാപിച്ചു

ഉത്സവകാല സീസണുകളിൽ ട്രയിനിലെ തിരക്ക് പ്രമാണിച്ച് കൂടുതൽ സ്പെഷ്യൽ ട്രെയിനുകൾ കേരളത്തിലേക്ക് സർവീസ് നടത്തും. ഈ മാസം 20നും ഡിസംബര്‍ രണ്ടിനും ഇടയില്‍ കൊച്ചുവേളി - ഹസ്രത്ത് നിസാമുദീന്‍ റൂട്ടില്‍ ഇത്തരത്തിലെ ആദ്യ ട്രെയിൻ സര്‍വീസ് നടത്തും. പ്രതിവാര സ്പെഷ്യലായിട്ടാകും സർവീസ്. കൊച്ചുവേളി - നിസാമുദീന്‍ സർവീസ് സെപ്റ്റംബർ 20, 27, ഒക്ടോബർ 4, 11, 18, 25, നവംബർ 1, 8, 15, 22, 29 തീയതികളിലാണ്.

Kerala102 days ago

കേരളത്തിന് 2 സ്‌പെഷ്യല്‍ ട്രെയിന്‍ അനുവദിച്ച് റെയില്‍വേ

ഓണക്കാല തിരക്ക് കണക്കിലെടുത്ത് തിരുവോണ ദിവസത്തിന് മുന്‍പ് കേരളത്തിലെത്തെുന്ന തരത്തിലാണ് ട്രെയിന്‍ സര്‍വീസുകള്‍ ക്രമീകരിച്ചിരിക്കുന്നത്. കൊച്ചുവേളി- ഹുബ്ബള്ളി, സെക്കന്തരാബാദ്- കൊല്ലം റൂട്ടിലാണ് സ്‌പെഷ്യല്‍ ട്രയിന്‍ സര്‍വീസ്. ഈ ട്രയിനുകളുടെ ബുക്കിങ് ആരംഭിച്ചു. ഓരോ റൂട്ടിലും ഒറ്റ സര്‍വീസാണ് പ്രഖ്യാപിച്ചിട്ടുള്ളത്.

Kerala103 days ago

തിരുവനന്തപുരത്ത് വാഹനാപകടത്തില്‍പ്പെട്ടയാളെ റോഡരികിലെ മുറിയില്‍ പൂട്ടിയിട്ട് കടന്നു; പരിക്കേറ്റയാള്‍ മരിച്ചു

തിരുവനന്തപുരം വെള്ളറടയില്‍ ബൈക്കിടിച്ച് പരിക്കേറ്റയാളെ റോഡരികിലെ മുറിയില്‍ പൂട്ടിയിട്ടു യാത്രികര്‍ കടന്നു. പരിക്കേറ്റ കലിങ്ക്നട സ്വദേശി സുരേഷ് (52) മുറിക്കുള്ളില്‍ കിടന്ന് മരിച്ചു. കഴിഞ്ഞ ശനിയാഴ്ചയാണ് അപകടമുണ്ടായത്. ഇന്നലെ ഉച്ചയോടെ ദുര്‍ഗന്ധം അനുഭവപ്പെട്ടതിനെ തുടര്‍ന്ന് നാട്ടുകാര്‍ മുറിയുടെ ജനാല തുറന്നു നോക്കിയപ്പോഴാണ് മൃതദേഹം കണ്ടത്. സുരേഷ് വാടകയ്ക്ക് താമസിച്ചുകൊണ്ടിരുന്ന മുറിയില്‍ തന്നെയാണ് മൃതദേഹം കണ്ടെത്തിയത്. റോഡില്‍ സുരേഷ് ബൈക്ക് ഇടിച്ച് വീഴുന്നതിന്റെയും രണ്ട് പേര്‍ സുരേഷിനെ മുറിയിലാക്കുന്നതിന്റെയും CCTV ദൃശ്യം പോലീസിന് ലഭിച്ചിട്ടുണ്ട്. സംഭവത്തില്‍ പോലീസ് വിശദമായ അന്വേഷണം നടത്തിവരികയാണ്.

Kerala103 days ago

കോട്ടയത്ത് വാഹനാപകടം; ആറ് വാഹനങ്ങൾ കൂട്ടിയിടിച്ച് 35 പേർക്ക് പരിക്ക്

MC റോഡിൽ കൂത്താട്ടുകുളത്താണ് അപകടം ഉണ്ടായത്. റോഡിന് മധ്യ ഭാഗത്ത് നിര്‍ത്തിയിട്ടിരുന്ന ജീപ്പിന് പിന്നില്‍ പിക്കപ്പ് ജീപ്പും പിന്നാലെ ടിപ്പര്‍ ലോറിയും, ട്രാവലറും, KSRTC യും അതിന്റെ പിന്നിലായി കാറും വന്നിടിക്കുകയായിരുന്നു. KSRTC ബസ്, ട്രാവലര്‍, കാര്‍ എന്നിവയിലുണ്ടായിരുന്ന ആളുകള്‍ക്കാണ് അപകടത്തിൽ പരിക്കേറ്റത്. 35 പേർക്ക് പരിക്കേറ്റു. പരിക്കേറ്റവരില്‍ ഒരു യുവതിയുടെ നില ഗുരുതരമാണ്. ഇവരെ കോട്ടയത്തെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. പരിക്കേറ്റ 34 പേര്‍ കൂത്താട്ടുകുളത്തെ സ്വകാര്യ ആശുപത്രിയില്‍ ചികിത്സയിലാണ്.

Kerala105 days ago

സിക്കീമില്‍ വാഹനാപകടത്തില്‍ നാല് സൈനികര്‍ കൊല്ലപ്പെട്ടു

സിക്കീമില്‍ വാഹനം മലയിടുക്കിലേക്ക് മറിഞ്ഞ് നാല് സൈനിക ഉദ്യോഗസ്ഥര്‍ കൊല്ലപ്പെട്ടു. സിക്കീമിലെ റെനോക്ക് റോംഗ്ലി സംസ്ഥാന പാതയില്‍ ദലോപ്ചന്ദ് ദാരയ്ക്ക് സമീപമാണ് അപകടമുണ്ടായത്. 700 അടി താഴ്ചയുള്ള മലയിടുക്കിലേക്കാണ് വാഹനം മറിഞ്ഞത്. പശ്ചിമ ബംഗാളിലെ പെഡോംഗില്‍ നിന്ന് സിക്കീമിലെ പാക്യോങ് ജില്ലയിലേക്ക് യാത്ര ചെയ്യുകയായിരുന്നു ഇവര്‍. ബംഗാളിലെ ബിനാഗുരിയിലെ എന്റൗട്ട് മിഷന്‍ കമാന്‍ഡ് യൂണിറ്റില്‍ നിന്നുള്ള ഉദ്യോഗസ്ഥരാണ് അപകടത്തില്‍പ്പെട്ടത്.

National109 days ago

അമേരിക്കയിലെ വാഹനാപകടത്തില്‍ നാല് ഇന്ത്യക്കാര്‍ക്ക് ദാരുണാന്ത്യം

ടെക്‌സാസിലുണ്ടായ വാഹനാപകടത്തില്‍ ഒരു യുവതി അടക്കം നാല് ഇന്ത്യാക്കാരാണ് മരിച്ചത്. ഒരു കാര്‍പൂളിംഗ് ആപ്പ് വഴി ഒരുമിച്ച് യാത്ര ചെയ്യവെയാണ് അപകടം സംഭവിച്ചത്. അര്‍ക്കന്‍സാസിലെ ബെന്റണ്‍വില്ലിലേക്കുള്ള യാത്രാമധ്യേയാണ് അപകടം ഉണ്ടായത്. ആര്യന്‍ രഘുനാഥ്, ഫാറൂഖ് ഷെയ്ക്ക്, ലോകേഷ് പാലച്ചാര്‍ള, ദര്‍ശിനി വാസുദേവന്‍ എന്നിവരാണ് മരിച്ചത്. ഇവര്‍ സഞ്ചരിച്ചിരുന്ന SUVയില്‍ തീപിടിക്കുകയായിരുന്നു. ആര്യന്‍ രഘുനാഥും ഫാറൂഖ് ഷെയ്ക്കും ഹൈദരാബാദ് സ്വദേശികളാണ്. ദര്‍ശിനി വാസുദേവന്‍ തമിഴ്നാട് സ്വദേശിയാണ്.

National110 days ago

കേരളത്തിലൂടെ ഓടുന്ന മൂന്ന് ട്രെയിനുകൾ റദ്ദാക്കി

ആന്ധ്രയിലും തെലങ്കാനയിലും മഴക്കെടുതി രൂക്ഷമായ സാഹചര്യത്തിൽ നിരവധി ട്രെയിനുകൾ റദ്ദാക്കുകയും വഴി തിരിച്ചുവിടുകയും ചെയ്തു. റെയിൽ പാളങ്ങളിൽ വെള്ളം കയറിയതിനെ തുടർന്ന് നൂറിലധികം ട്രെയിനുകളാണ് റദ്ദാക്കിയത്. കേരളത്തിലൂടെ ഓടുന്ന മൂന്ന് ട്രെയിനുകൾ റദ്ദാക്കി. ഇന്ന് രാവിലെ 6:15ന് കൊച്ചുവേളിയിൽ നിന്ന് പുറപ്പെടേണ്ടിയിരുന്ന കൊച്ചുവേളി - കോർബ എക്സ്പ്രസ്, രാവിലെ 8:15ന് ബിലാസ്പൂരിൽ നിന്ന് പുറപ്പെടേണ്ടിയിരുന്ന ബിലാസ്പൂർ - എറണാകുളം എക്സ്പ്രസ്, സെപ്റ്റംബ‍ർ നാലാം തീയതി രാവിലെ 8:30ന് എറണാകുളത്ത് നിന്ന് പുറപ്പെടേണ്ട എറണാകുളം - ബിലാസ്പൂർ എക്സ്പ്രസ് എന്നിവയാണ് റദ്ദാക്കിയത്.

Kerala112 days ago

കനത്ത മഴ; ശബരി എക്‌സ്പ്രസ് റദ്ദാക്കി, നിരവധി ട്രെയിനുകള്‍ വഴിതിരിച്ചുവിടും

ആന്ധ്രാപ്രദേശില്‍ കനത്ത മഴ തുടരുന്ന സാഹചര്യത്തില്‍ ശബരി എക്‌സ്പ്രസ് റദ്ദാക്കിയതായി റെയില്‍വെ അറിയിച്ചു. സെപ്റ്റംബര്‍ ഒന്നാം തീയതി സെക്കന്തരാബാദില്‍ നിന്ന് പുറപ്പെടേണ്ട ട്രെയിന്‍ നമ്പര്‍ 17230, സെക്കന്തരാബാദ് - തിരുവനന്തപുരം ശബരി എക്‌സ്പ്രസ്, സെപ്റ്റംബര്‍ മൂന്നാം തീയതി തിരുവനന്തപുരത്ത് നിന്ന് പുറപ്പെടേണ്ട ട്രെയിന്‍ നമ്പര്‍ 17229, തിരുവനന്തപുരം സെന്‍ട്രല്‍ - സെക്കന്തരാബാദ് ശബരി എക്‌സ്പ്രസ് എന്നിവയാണ് പൂര്‍ണമായി റദ്ദാക്കിയത്. കേരള എക്‌സ്പ്രസ് ഉള്‍പ്പെടെ ഏതാനും ട്രെയിനുകള്‍ വഴിതിരിച്ചു വിടുകയും ചെയ്തിട്ടുണ്ട്.

National113 days ago