കിണര്‍ മലിനമാകുന്നുവെന്ന് ആരോപണം; കൊച്ചിയില്‍ തൊഴുത്തില്‍ കെട്ടിയിരുന്ന പശുവിനെ അയല്‍വാസി വെട്ടിക്കൊന്നു

എടയ്ക്കാട്ടുവയല്‍ പള്ളിക്കനിരപ്പേല്‍ മനോജിന്റെ പശുക്കളെയാണ് അയല്‍വാസി കോടാലി കൊണ്ട് ആക്രമിച്ചത്. സംഭവത്തില്‍ എടയ്ക്കാട്ടുവയല്‍ സ്വദേശി പി.വി. രാജുവിനെ മുളന്തുരുത്തി പോലീസ് അറസ്റ്റ് ചെയ്തു. ആക്രമണത്തില്‍ നാല് മാസം ഗര്‍ഭിണിയായിരുന്ന പശുവാണ് ചത്തത്. മനോജിന്റെ തൊഴുത്തില്‍ നിന്നുള്ള മാലിന്യം രാജുവിന്റെ കിണറ്റിലെ വെള്ളം മലിനമാക്കുന്നുവെന്ന പരാതി പഞ്ചായത്തിലുള്‍പ്പെടെ നല്‍കിയിരുന്നു. തുടര്‍ന്ന് അധികൃതര്‍ നിര്‍ദേശിച്ച നിബന്ധനകള്‍ പാലിച്ച് നിര്‍മാണ പ്രവര്‍ത്തനങ്ങള്‍ നടത്തി. മനോജിന് അനുകൂലമായി അധികൃതര്‍ റിപ്പോര്‍ട്ട് നല്‍കുകയും ചെയ്തിരുന്നു.

Kerala103 days ago

കേരളത്തില്‍ ഒരാള്‍ക്ക് കൂടി എംപോക്സ് സ്ഥിരീകരിച്ചു

വിദേശത്ത് നിന്ന് എത്തിയ എറണാകുളം സ്വദേശിയായ യുവാവിനാണ് എംപോക്‌സ് സ്ഥിരീകരിച്ചത്. യുവാവ് ഇപ്പോള്‍ സ്വകാര്യ ആശുപത്രിയില്‍ ചികിത്സയിലാണ്. രോഗം ഗുരുതരമാകാന്‍ സാധ്യതയില്ലെന്നാണ് ആരോഗ്യവിഭാഗം പറയുന്നത്. ഈ മാസം രോഗം സ്ഥിരീകരിക്കുന്ന രണ്ടാമത്തെയാളാണ്. നേരത്തെ മലപ്പുറം സ്വദേശിയായ 38കാരനാണ് രോഗം സ്ഥിരീകരിച്ചത്.

Kerala87 days ago

കാണാതായ എറണാകുളം സ്വദേശിയായ വയോധികയുടെ മൃതദേഹം ആലപ്പുഴയിൽ കുഴിച്ചുമൂടിയ നിലയിൽ കണ്ടെത്തി

എറണാകുളം സ്വദേശി സുഭദ്രയുടെ (73) മൃതദേഹമാണ് ആലപ്പുഴ കോർത്തുശ്ശേരി ക്ഷേത്രത്തിനു സമീപത്തുള്ള വീടിനോടു ചേർന്നു കുഴിച്ചിട്ട നിലയിൽ കണ്ടെത്തിയത്. ഓഗസ്റ്റ് നാലിനാണ് സുഭദ്രയെ കാണാനില്ലെന്ന് മകൻ രാധാകൃഷ്ണൻ കടവന്ത്ര പോലീസിൽ പരാതി നൽകിയത്. കണ്ടെത്തിയ മൃതദേഹം സുഭദ്രയുടേതാണെന്ന് മകൻ തിരിച്ചറിഞ്ഞു. മാത്യൂസ്-ശര്‍മിള ദമ്പതിമാര്‍ വാടകയ്ക്ക് താമസിച്ചിരുന്ന വീടിന്റെ പറമ്പിലാണ് മൃതദേഹം കണ്ടെത്തിയത്. ഇവർ ഒളിവിലാണ്. പോലീസ് നടത്തിയ അന്വേഷണത്തില്‍ സുഭദ്ര അവസാനമെത്തിയത് ആലപ്പുഴ മണ്ണഞ്ചേരി പോലീസ് സ്‌റ്റേഷന്‍ പരിധിയിലാണെന്ന് കണ്ടെത്തി. Read More

Kerala104 days ago

യഹോവ സാക്ഷികളുടെ പ്രാര്‍ത്ഥനാ കേന്ദ്രങ്ങളില്‍ ബോംബ് ഭീഷണി

കൊച്ചി തോപ്പുംപടിയിലുളള യഹോവ സാക്ഷികളുടെ പ്രാര്‍ത്ഥനാ കേന്ദ്രത്തിലാണ് ബോംബ് ഭീഷണി ലഭിച്ചത്. ഇന്ന് രാവിലെ എറണാകുളം കണ്ട്രോള്‍ റൂമിലേക്കാണ് ഫോണ്‍ സന്ദേശം ലഭിച്ചത്. തുടര്‍ന്ന് പ്രാര്‍ത്ഥനാ കേന്ദ്രങ്ങളില്‍ പോലീസ് പരിശോധന നടത്തി. കഴിഞ്ഞ ഒക്ടോബറില്‍ കളമശ്ശേരിയില്‍ യഹോവ സാക്ഷികളുടെ മേഖലാ സമ്മേളനം നടന്ന കണ്‍വെന്‍ഷന്‍ സെന്ററില്‍ തമ്മനം സ്വദേശിയായ ഡൈാമിനിക് മാര്‍ട്ടിന്‍ എന്നയാള്‍ സ്‌ഫോടനം നടത്തിയിരുന്നു. അപകടത്തില്‍ 36 പേര്‍ക്ക് പരുക്കേല്‍ക്കുകയും ഒരു സ്ത്രീ അടക്കം എട്ട് പേര്‍ കൊല്ലപ്പെടുകയും ചെയ്തിരുന്നു.

Kerala113 days ago

ആന്ധ്രാപ്രദേശില്‍ വനിതാ ഡോക്ടര്‍ക്ക് നേരെ വീണ്ടും ആക്രമണം

ആന്ധ്രാപ്രദേശിലെ തിരുപ്പതിയിലെ ശ്രീ വെങ്കടേശ്വര ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സില്‍ ജൂനിയര്‍ ഡോക്ടര്‍ക്ക് നേരെയാണ് രോഗിയുടെ ആക്രമണം. വനിതാ ഡോക്ടറുടെ മുടിയില്‍ പിടിച്ച് തല സ്റ്റീല്‍ ഫ്രെയിമിലേക്ക് കൊണ്ടുചെന്ന് ഇടിക്കുകയായിരുന്നു. ആക്രമണത്തിന്റെ ദൃശ്യങ്ങള്‍ പുറത്തുവന്നിട്ടുണ്ട്. വാര്‍ഡിലെ മറ്റു ഡോക്ടര്‍മാര്‍ ഉടന്‍ ഓടിയെത്തി രക്ഷപ്പെടുത്താന്‍ ശ്രമിക്കുന്നുണ്ട്. തുടര്‍ന്ന് സഹപ്രവര്‍ത്തകര്‍ ചേര്‍ന്ന് അക്രമിയെ കീഴടക്കി കൊണ്ടുപോവുകയായിരുന്നു.

National118 days ago

എറണാകുളത്ത് ഡെങ്കിപ്പനി പടരുന്നു

എറണാകുളം ജില്ലയില്‍ ഡെങ്കിപ്പനി ബാധിതരുടെ എണ്ണം വര്‍ധിക്കുന്നു. കഴിഞ്ഞ ദിവസം മാത്രം 144 പേരെയാണ് ആശുപത്രിയില്‍ പ്രവേശിപ്പിച്ചത്. മട്ടാഞ്ചേരി, ഫോര്‍ട്ട്‌കൊച്ചി, പള്ളൂരുത്തി മേഖലയിലാണ് കൂടുതലായി പനി പടര്‍ന്നിരിക്കുന്നത്. സാധാരണ വൈറല്‍ ഫിവര്‍ വ്യാപിക്കുന്നതിന് പുറമെയാണ് ഡെങ്കിപ്പനി ബാധിതരുടെ എണ്ണം കൂടിയിരിക്കുന്നത്. ഫോഗിങ് ഉള്‍പ്പെടെയുളള കൊതുകുനിവാരണ പ്രവര്‍ത്തനങ്ങള്‍ നടപ്പിലാക്കുന്നുണ്ടെന്നും, വെള്ളം കെട്ടിക്കിടക്കുന്ന സാഹചര്യങ്ങളും മറ്റും ഒഴിവാക്കി ജനങ്ങള്‍ കൂടി ഇക്കാര്യത്തില്‍ സഹകരിക്കണമെന്നും നഗരസഭ അറിയിച്ചു.

Kerala137 days ago

എറണാകുളത്ത് ലിഫ്റ്റ് തകര്‍ന്ന് വീണ് ചുമട്ടുതൊഴിലാളി മരിച്ചു

എറണാകുളം തൃക്കാക്കര ഉണിച്ചിറയില്‍ സര്‍വീസ് ലിഫ്റ്റ് തകര്‍ന്ന് വീണ് ചുമട്ടുതൊഴിലാളിക്ക് ദാരുണാന്ത്യം. ലിഫ്റ്റിന്റെ റോപ്പ് പൊട്ടിയാണ് അപകടമുണ്ടായത്. ഉണിച്ചിറ ജിയോജിത് ബില്‍ഡിങ്ങിലെ ലിഫ്റ്റാണ് അപകടത്തില്‍പ്പെട്ടത്. ഗുരുതരമായി പരിക്കേറ്റ നസീറിനെ തൃക്കാക്കരയിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.

Kerala138 days ago

എറണാകുളത്ത് വിനോദസഞ്ചാര കേന്ദ്രങ്ങളിലേക്കുള്ള പ്രവേശനത്തിന് നിരോധനം

ജില്ലയിൽ കനത്ത മഴ തുടരുന്ന സാഹചര്യത്തിൽ എറണാകുളം DTPC യുടെ കീഴിലുള്ള വിനോദസഞ്ചാര കേന്ദ്രങ്ങളിൽ പ്രവേശനത്തിന് വിലക്കേർപ്പെടുത്തി. മഴ മുന്നറിയിപ്പ് പിൻവലിക്കുന്നത് വരെ വിനോദസഞ്ചാരകേന്ദ്രങ്ങളിലേക്കുള്ള പ്രവേശന വിലക്ക് തുടരുമെന്ന് ജില്ലാ ടൂറിസം പ്രമോഷൻ കൗൺസിൽ സെക്രട്ടറി അറിയിച്ചു.

Kerala146 days ago

തിരുവനന്തപുരത്ത് യുവതിക്ക് നേരെ വെടിവെയ്പ്പ്; ആക്രമിച്ചത് മുഖംമൂടി ധരിച്ച സ്ത്രീ

തിരുവനന്തപുരം വഞ്ചിയൂരില്‍ എയര്‍ഗണ്‍ ഉപയോഗിച്ചാണ് യുവതിക്ക് നേരെ വെടിയുതിര്‍ത്തത്. വലതു കൈയ്യില്‍ വെടിയേറ്റ ഷൈനിയെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. മുഖം മറച്ചും കയ്യില്‍ ഗ്ലൗസും ധരിച്ചെത്തിയ ഒരു സ്ത്രീയാണ് വെടിയുതിര്‍ത്ത്. പോലീസ് CCTV ദൃശ്യങ്ങള്‍ അടക്കം ശേഖരിച്ച് അന്വേഷണം ആരംഭിച്ചു.

Kerala148 days ago

ഫ്രാന്‍സിലെ ഹൈ സ്പീഡ് റെയില്‍ ശൃംഖലക്ക് നേരെ ആക്രമണം

ഒളിമ്പിക്‌സ് ഉദ്ഘാടനത്തിന് മണിക്കൂറുകള്‍ മാത്രം ബാക്കി നില്‍ക്കെ ഫ്രാന്‍സിലെ അതിവേഗ റെയില്‍ ശൃംഖലക്ക് നേരെ ആക്രമണം. തീവെപ്പടക്കമുള്ള അക്രമസംഭവങ്ങള്‍ നടന്നതായും ഗതാഗത സംവിധാനത്തെ തടസപ്പെടുത്തിയതായും ട്രെയിന്‍ ഓപ്പറേറ്റര്‍ SNCF അറിയിച്ചു. ട്രെയിന്‍ ഗതാഗതത്തെ അട്ടിമറിക്കാനുളള ശ്രമമാണിതെന്നും അക്രമണത്തിന് പിന്നാലെ നിരവധി റൂട്ടുകള്‍ റദ്ദാക്കേണ്ടിവരുമെന്നും SNCF പറഞ്ഞു. 7500 ഓളം മത്സരാര്‍ത്ഥികളും മൂന്ന് ലക്ഷത്തോളം കാണികളും വിഐപികളും പങ്കെടുക്കുന്ന പാരീസ് ഒളിമ്പിക്‌സിന്റെ ഉദ്ഘാടന ചടങ്ങ് ആരംഭിക്കാനിരിക്കെയുണ്ടായ ആക്രമണത്തെ ഏറെ ഗൗരവത്തോടെയാണ് ഫ്രഞ്ച് സര്‍ക്കാര്‍ വീക്ഷിക്കുന്നത്.

World150 days ago

കൊച്ചിയിൽ കുഞ്ഞിനെ ഫ്ലാറ്റിൽ നിന്നും എറിഞ്ഞ് കൊന്ന സംഭവം; അമ്മയ്ക്ക് ഹൈക്കോടതി ജാമ്യം അനുവദിച്ചു

കൊച്ചി പനമ്പിള്ളി നഗറിൽ നവജാത ശിശുവിനെ ഫ്ലാറ്റിൽ നിന്ന് എറിഞ്ഞു കൊന്ന കേസിൽ പ്രതിയായ അമ്മയ്ക്ക് ഹൈക്കോടതി ജാമ്യം അനുവദിച്ചു. കേസന്വേഷണം പൂർത്തിയായിയെന്നും കുഞ്ഞിന്‍റെ അമ്മയായ 23 കാരി ലൈംഗികാതിക്രമ കേസിൽ അതിജീവിതയാണെന്നും ഉള്ള പ്രതിഭാഗത്തിന്റെ വാദം അംഗീകരിച്ചാണ് കോടതി ജാമ്യം അനുവദിച്ചത്. എറണാകുളം ജില്ല വിട്ട് പോകരുതെന്ന് ഉൾപ്പെടെയുള്ള കർശന ഉപാധികളുടെയാണ് ജാമ്യം.

Kerala154 days ago