പ്രേം കുമാർ ചലച്ചിത്ര അക്കാദമി ചെയർമാൻ

ചലച്ചിത്ര അക്കാദമി ചെയര്‍മാനായി നടന്‍ പ്രേംകുമാറിന് ചുമതല. താല്‍ക്കാലിക ചുമതലയാണ് നല്‍കിയിരിക്കുന്നത്. ചലച്ചിത്ര അക്കാദമിയുടെ വൈസ് ചെയർമാനാണ് അദ്ദേഹം. ചെയർമാൻ സ്ഥാനത്തു നിന്നും രഞ്ജിത്ത് രാജിവച്ച സാഹചര്യത്തിലാണ് പ്രേംകുമാറിന് അധിക ചുമതല നൽകിയത്. സാംസ്‌കാരിക വകുപ്പ് ഇത് സംബന്ധിച്ച ഉത്തരവിറക്കി. ഇതാദ്യമായാണ് അക്കാദമി ചെയർമാൻ സ്ഥാനത്ത് സംവിധായകൻ അല്ലാത്ത ഒരാൾ വരുന്നത്.

Entertainment229 days ago

ചലച്ചിത്ര അക്കാദമി ചെയര്‍മാനായി അധികാരമേറ്റ് പ്രേംകുമാര്‍

കേരള ചലച്ചിത്ര അക്കാദമിയുടെ താല്‍ക്കാലിക ചെയര്‍മാനായി നടന്‍ പ്രേംകുമാര്‍ അധികാരമേറ്റു. ലെംഗിക പീഡന പരാതിയെ തുടര്‍ന്ന് സംവിധായകന്‍ രഞ്ജിത്ത് രാജിവെച്ചതോടെയാണ് ചലച്ചിത്ര അക്കാദമി ചെയര്‍മാന്‍ സ്ഥാനം പ്രേംകുമാറിലേക്ക് എത്തിയത്. നേരത്തെ ചലച്ചിത്ര അക്കാദമിയുടെ വൈസ് ചെയര്‍മാനായിരുന്നു പ്രേംകുമാര്‍. ഇതാദ്യമായാണ് സംവിധായകന്‍ അല്ലാത്ത ഒരാള്‍ അക്കാദമിയുടെ ചെയര്‍മാന്‍ സ്ഥാനത്തേക്ക് വരുന്നത്.

Kerala228 days ago

പ്രേംകുമാർ ചലച്ചിത്ര അക്കാദമിയുടെ താൽക്കാലിക ചെയർമാനായേക്കും

വിവാദങ്ങളുടെ പശ്ചാത്തലത്തിൽ സംവിധായകൻ രഞ്ജിത്ത് കേരള സംസ്ഥാന ചലച്ചിത്ര അക്കാദമിയുടെ ചെയർമാൻ സ്ഥാനം രാജിവെച്ചതോടെ അക്കാദമിയുടെ വൈസ് ചെയർമാനായ നടൻ പ്രേംകുമാർ താൽക്കാലിക ചെയർമാനായേക്കുമെന്ന് സൂചന. 2022 ൽ ബീന പോൾ സ്ഥാനമൊഴിഞ്ഞതിന് ശേഷമാണ് പ്രേംകുമാർ വൈസ് ചെയർമാനായി സ്ഥാനം ഏറ്റെടുത്തത്. രഞ്ജിത്തിനെതിരായ ആരോപണത്തിന്റെ ഗൗരവം കണക്കിലെടുത്ത് അക്കാദമിയിൽ നിന്നും സിനിമാരംഗത്ത് നിന്നും രഞ്ജിത്ത് സ്ഥാനമൊഴിയണമെന്ന് അഭിപ്രായം ഉയർന്നിരുന്നു. തനിക്കെതിരെയുണ്ടായ ആരോപണങ്ങളുടെ പശ്ചാത്തലത്തിൽ നടൻ സിദ്ദിഖ് അമ്മ ജനറൽ സെക്രട്ടറി സ്ഥാനം ഒഴിഞ്ഞതിന് പിന്നാലെയാണ് രഞ്ജിത്തും രാജിവെച്ചത്.

Kerala239 days ago

നിയമ നടപടികളുമായി മുന്നോട്ടു പോകും: രഞ്ജിത്ത്

തനിക്കെതിരെ വന്ന ആരോപണങ്ങൾക്കെതിരെ നിയമനടപടികളുമായി മുന്നോട്ടുപോകുമെന്ന് സംവിധായകൻ രഞ്ജിത്ത്. സത്യം അറിയാതെയാണ് ചിലർ ആക്രമണം നടത്തുന്നതെന്നും നിയമ പോരാട്ടത്തിലൂടെ സത്യം തെളിയിക്കുമെന്നും രഞ്ജിത്ത് പറഞ്ഞു. ഔദ്യോഗിക സ്ഥാനത്തിരുന്നല്ല നിയമ പോരാട്ടം നടത്തേണ്ടത് എന്നതിനാലാണ് ചലച്ചിത്ര അക്കാദമി ചെയർമാൻ സ്ഥാനം രാജിവെച്ചതെന്നും രഞ്ജിത്ത് അറിയിച്ചു.

Kerala239 days ago

രഞ്ജിത്തിനെതിരെ പരാതി ലഭിച്ചാൽ നടപടി സ്വീകരിക്കുമെന്ന് മന്ത്രി സജി ചെറിയാൻ

രഞ്ജിത്തിനെതിരെ പരാതി ലഭിച്ചാൽ നടപടിയെടുക്കുമെന്നും രഞ്ജിത്ത് സ്വമേധയ രാജി സന്നദ്ധത അറിയിക്കുകയിരുന്നുവെന്നും സർക്കാർ രാജി ആവശ്യപ്പെട്ടിട്ടില്ലെന്നും മന്ത്രി സജി ചെറിയാൻ പറഞ്ഞു. രഞ്ജിത്ത് ചലച്ചിത്ര അക്കാദമി ചെയർമാൻ സ്ഥാനം രാജിവെച്ചതിന് പിന്നാലെയാണ് മന്ത്രിയുടെ പ്രതികരണം. സർക്കാർ ഇരയ്‌ക്കൊപ്പമാണെന്നും കുറ്റം ചെയ്തവർ ആരായാലും നടപടി സ്വീകരിക്കുമെന്നും മന്ത്രി വ്യക്തമാക്കി.

Kerala239 days ago

രഞ്ജിത്ത് ചലച്ചിത്ര അക്കാദമി ചെയർമാൻ സ്ഥാനം രാജിവെച്ചു

സംവിധായകൻ രഞ്ജിത്ത് ചലച്ചിത്ര അക്കാദമി ചെയർമാൻ സ്ഥാനം രാജിവച്ചു. 'പാലേരി മാണിക്യം' എന്ന സിനിമയിൽ അഭിനയിക്കാൻ എത്തിയപ്പോൾ രഞ്ജിത്ത് അപമര്യാദയായി പെരുമാറിയെന്ന് ബംഗാളി നടി ശ്രീലേഖ മിത്രയുടെ വെളിപ്പെടുത്തലിന്റെ പശ്ചാത്തലത്തിലാണ് രാജി. തുടക്കത്തില്‍ ആരോപണം ഉയര്‍ന്നപ്പോള്‍ രേഖാമൂലം പരാതിയുണ്ടെങ്കില്‍ മാത്രമേ നടപടി എടുക്കാൻ സാധിക്കൂ എന്ന നിലപാടാണ് സാംസ്കാരിക വകുപ്പ് മന്ത്രി സജി ചെറിയാൻ സ്വീകരിച്ചത്. എന്നാൽ രഞ്ജിത്ത് രാജിവയ്ക്കണമെന്നു വിവിധ കോണുകളിൽനിന്ന് ആവശ്യം ഉയർന്നിരുന്നു. നടൻ സിദ്ദിഖ് അമ്മയുടെ ജനറൽ സെക്രട്ടറി സ്ഥാനം രാജിവച്ചതിനു പിന്നാലെയാണ് രഞ്ജിത്തിന്റെ രാജി.

Kerala239 days ago

രഞ്ജിത്ത് രാജി സന്നദ്ധത അറിയിച്ചു

ചലച്ചിത്ര അക്കാദമി ചെയർമാൻ സ്ഥാനം രാജിവെക്കുമെന്ന് സംവിധായകൻ രഞ്ജിത്ത്. ബംഗാളി നടി ശ്രീലേഖ മിത്രയുടെ വെളിപ്പെടുത്തലിനോടൊപ്പം രാഷ്ട്രീയ സമ്മർദ്ദം കൂടി കടുത്തതോടെയാണ് രഞ്ജിത്ത് രാജിവെക്കും എന്ന വിവരങ്ങൾ പുറത്തു വരുന്നത്. രാജി തീരുമാനം സർക്കാരിനെയും ചലച്ചിത്ര അക്കാദമി അംഗങ്ങളെയും അറിയിച്ചു എന്നാണ് വിവരം. 'പാലേരി മാണിക്യം' എന്ന സിനിമയിൽ അഭിനയിക്കാൻ എത്തിയപ്പോൾ രഞ്ജിത്ത് മോശമായി പെരുമാറി എന്നായിരുന്നു നടിയുടെ ആരോപണം. ഹേമ കമ്മിറ്റി റിപ്പോർട്ട് പുറത്തുവന്നതിനു പിന്നാലെയാണ് ശ്രീലേഖ മിത്ര രഞ്ജിത്തിനെതിരെ പരാതിയുന്നയിച്ചത്.

Kerala239 days ago

പ്രതിഷേധം; രഞ്ജിത്ത് ചലച്ചിത്ര അക്കാദമി ചെയര്‍മാന്‍ സ്ഥാനം രാജിവെച്ചേക്കുമെന്ന് സൂചന

ഹേമ കമ്മിറ്റി റിപ്പോര്‍ട്ട് പുറത്തുവന്നതിന് പിന്നാലെ ബംഗാളി നടി ശ്രീലേഖ മിത്ര സംവിധായകന്‍ രഞ്ജിത്തിനെതിരെ ഗുരുതര ആരോപണങ്ങളുമായി രംഗത്ത് വന്നതിന്റെ പശ്ചാത്തലത്തിലാണ് ചലച്ചിത്ര അക്കാദമി ചെയര്‍മാന്‍ സ്ഥാനം രാജിവെയ്ക്കണമെന്നാവശ്യപ്പെട്ട് ആവശ്യമുയര്‍ന്നിരിക്കുന്നത്. പാലേരി മാണിക്യം എന്ന സിനിമയില്‍ അഭിനയിക്കുന്ന സമയത്ത് സംവിധായകന്‍ രഞ്ജിത്ത് മോശമായി പെരുമാറിയെന്നും ലൈംഗിക ചൂഷണത്തിന് ശ്രമമുണ്ടായെന്നുമാണ് നടിയുടെ വെളിപ്പെടുത്തല്‍. രഞ്ജിത്തിനെതിെരയുള്ള പ്രതിഷേധം ശക്തമായിരിക്കുകയാണ്.

Kerala239 days ago