‘അമ്മ’ എക്സിക്യൂട്ടീവ് യോഗം മാറ്റി

നാളെ നടത്താനിരുന്ന 'അമ്മ' എക്സിക്യൂട്ടീവ് യോഗം മാറ്റിവെച്ചു. അമ്മ പ്രസിഡന്റ് മോഹൻലാലിന് നേരിട്ട് പങ്കെടുക്കാൻ അസൗകര്യം ഉള്ളതിനാലാണ് യോഗം മാറ്റിവെച്ചത്. പുതുക്കിയ യോഗ തീയതി വൈകാതെ അറിയിക്കുമെന്ന് അധികൃതർ അറിയിച്ചു. 'അമ്മ' ജനറൽ സെക്രട്ടറിയുടെ താൽക്കാലിക ചുമതല വഹിക്കുന്ന ബാബുരാജിന്റെ അധ്യക്ഷതയിൽ നാളെ കൊച്ചിയിൽ ചേരാനിരുന്ന യോഗത്തിൽ ലൈംഗിക പീഡന ആരോപണങ്ങളെ കുറിച്ച് ചർച്ച ചെയ്യാനും പുതിയ ജനറൽ സെക്രട്ടറിയെ തിരഞ്ഞെടുക്കാനുമാണ് തീരുമാനിച്ചിരുന്നത്.

Kerala124 days ago

ട്രേഡ് യൂണിയന്‍ രൂപീകരിക്കാന്‍ ഫെഫ്കയെ സമീപിച്ച് താരങ്ങള്‍

താരസംഘടനയായ അമ്മയിലെ 20 ഓളം അംഗങ്ങള്‍ പുതിയ ട്രേഡ് യൂണിയന്‍ ആരംഭിക്കാന്‍ ഫെഫ്കയെ സമീപിച്ചതായി ഫെഫ്ക ജനറല്‍ സെക്രട്ടറി ബി. ഉണ്ണികൃഷ്ണന്‍. 17 നടന്മാരും മൂന്ന് നടിമാരുമാണ് ആവശ്യവുമായി സമീപിച്ചതെന്ന് അദ്ദേഹം പറഞ്ഞു. ഫെഫ്കയുടെ ജനറല്‍ കൗണ്‍സില്‍ അംഗീകരിച്ച ശേഷം നിലപാട് അറിയാക്കാമെന്ന് ബി. ഉണ്ണികൃഷ്ണന്‍ താരങ്ങളെ അറിയിച്ചതായാണ് റിപ്പോര്‍ട്ട്. നേരത്തെ ഹേമ കമ്മിറ്റി റിപ്പോര്‍ട്ട് വിവാദമായതിന് പിന്നാലെ താര സംഘടനയായ അമ്മയുടെ എക്‌സിക്യൂട്ടീവ് കമ്മിറ്റി ഒന്നാകെ രാജിവച്ചിരുന്നു.

Kerala107 days ago

താരസംഘടന അമ്മയുടെ ഓഫീസില്‍ വീണ്ടും പരിശോധന; രേഖകള്‍ ശേഖരിച്ചു

ഇടവേള ബാബുവിനെതിരായ കേസ് അന്വേഷിക്കുന്ന പ്രത്യേക അന്വേഷണ സംഘത്തിലെ ഉദ്യോഗസ്ഥരാണ് കൊച്ചിയിലെ ഓഫീസിലെത്തി പരിശോധന നടത്തിയത്. സംഘടനയിലെ അംഗത്വവുമായി ബന്ധപ്പെട്ടും ഭാരവാഹി തിരഞ്ഞെടുപ്പുമായി ബന്ധപ്പെട്ടുമുള്ള രേഖകളില്‍ വ്യക്തത വരുത്താണ് പരിശോധനയെന്നാണ് റിപ്പോര്‍ട്ട്. ഇത് രണ്ടാം തവണയാണ് പോലീസ് അമ്മ ഓഫീസില്‍ പരിശോധന നടത്തുന്നത്. അമ്മയില്‍ അംഗത്വം നല്‍കാമെന്ന് പറഞ്ഞു പീഡിപ്പിച്ചു എന്ന ആലുവ സ്വദേശിയായ നടിയുടെ പരാതിയിലാണ് നടന്‍ ഇടവേള ബാബുവിനെതിരെ കേസ് എടുത്തിരിക്കുന്നത്.

Kerala118 days ago

പീഡന പരാതി; അമ്മയുടെ ഓഫീസില്‍ പരിശോധന നടത്തി പോലീസ്

മലയാള സിനിമാതാരങ്ങളുടെ സംഘടന 'അമ്മ'യുടെ ഓഫീസില്‍ പരിശോധന നടത്തി പോലീസ്. കഴിഞ്ഞ ദിവസമാണ് പ്രത്യേക അന്വേഷണ സംഘം കൊച്ചിയിലെ അമ്മ ഓഫീസിലെത്തിയത്. ലൈംഗിക പീഡന ആരോപണം നേരിടുന്ന നടന്‍മാരായ ഇടവേള ബാബു, മുകേഷ് എന്നിവര്‍ക്കെതിരെയുള്ള കേസുമായി ബന്ധപ്പെട്ടാണ് പരിശോധന നടത്തിയത്. ഇവര്‍ സംഘടനയുടെ ഭാരവാഹികളായിരുന്നു എന്ന് വ്യക്തമാക്കുന്ന രേഖകള്‍ ഉള്‍പ്പടെയുളളവ പോലീസ് പിടിച്ചെടുത്തു.

Kerala118 days ago

മറുപടിനല്‍കേണ്ട ഉത്തരവാദിത്തം ‘അമ്മ’ ഭാരവാഹികള്‍ക്കുണ്ടായിരുന്നു: നിഖില വിമല്‍

താരസംഘടനയായ 'അമ്മ'യിലെ എക്‌സിക്യൂട്ടീവ് അംഗങ്ങള്‍ കൂട്ടമായി രാജിവെച്ച നടപടി ഉചിതമായിരുന്നില്ലെന്ന് നടി നിഖില വിമല്‍. അമ്മയിലെ അംഗങ്ങളായ തങ്ങളും സാമൂഹിക മാധ്യമങ്ങള്‍ വഴിയാണ് വിവരങ്ങളറിഞ്ഞതെന്നും താരം പറഞ്ഞു. കുറച്ചു കൂടി സമയമെടുത്ത് ആരോപണങ്ങള്‍ക്ക് മറുപടി നല്‍കിയിട്ട് വേണമായിരുന്നു ഈ തീരുമാനമെടുക്കാന്‍. മാധ്യമങ്ങളുടെ അടുത്തും നമ്മുടെ സിനിമ കാണാനെത്തുന്ന നമ്മളെ സ്‌നേഹിക്കുന്ന പ്രേക്ഷകരോടും മറുപടി നല്‍കേണ്ട ഉത്തരവാദിത്തം അവര്‍ക്കുണ്ടെന്നും ആ ഉത്തരം നല്‍കിയിട്ടാണ് ഇത് ചെയ്തിരുന്നതെങ്കില്‍ നന്നാകുമായിരുന്നു എന്നായിരുന്നു നടിയുടെ പ്രതികരണം.Read More

Kerala121 days ago

മോഹന്‍ലാല്‍ പ്രസിഡന്റ് സ്ഥാനം ഒഴിഞ്ഞു; ‘അമ്മ’യില്‍ കൂട്ടരാജി

താരസംഘടനയായ അമ്മയില്‍ നിന്നും പ്രസിഡന്റ് മോഹന്‍ലാല്‍ ഉള്‍പ്പടെ 17 എക്‌സിക്യൂട്ടീവ് അംഗങ്ങളും രാജിവെച്ചു. നിലവിലെ ഭരണസമിതി പിരിച്ചുവിട്ടു. തീരുമാനം ഓണ്‍ലൈന്‍ യോഗത്തില്‍. സംഘടന രാജി മുഖ്യമന്ത്രിയെ അറിയിച്ചു. രണ്ട് മാസത്തിനുള്ളില്‍ പൊതുയോഗം കൂടി പുതിയ ഭരണസമിതിയെ തിരഞ്ഞെടുക്കുമെന്നാണ് റിപ്പോര്‍ട്ട്.

Kerala123 days ago

ബാബുരാജിനെ നേതൃസ്ഥാനത്ത് നിന്ന് മാറ്റണമെന്ന് നടി ശ്വേത മേനോന്‍

താരസംഘടനയായ അമ്മയുടെ അക്ടിങ് ജനറല്‍ സെക്രട്ടറി സ്ഥാനത്ത് നിന്ന് നടന്‍ ബാബുരാജ് മാറിനില്‍ക്കണമെന്ന് നടി ശ്വേത മേനോന്‍. ആരോപണം വന്നാല്‍ ആരായാലും സ്ഥാനത്ത് നിന്ന് മാറി നില്‍ക്കണമെന്നും അതില്‍ ജൂനിയറോ സീനിയറോ എന്ന വ്യത്യാസമില്ലെന്നും നടി പറഞ്ഞു. സിദ്ദിഖിനെതിരെ ആരോപണം ഉയര്‍ന്നപ്പോള്‍ അദ്ദേഹം രാജിവച്ചു. ബാബുരാജ് മാറി നില്‍ക്കുന്നതാണ് ഉചിതം. ബാബുരാജ് ജനറല്‍ സെക്രട്ടറിയാകുന്നത് ആരാണ് തടയുന്നതെന്ന് അദ്ദേഹം തന്നെ പറയണമെന്നും ശ്വേത കൂട്ടിച്ചേര്‍ത്തു.Read More

Kerala123 days ago

നടൻ സിദ്ദിഖ് ‘അമ്മ’ ജനറൽ സെക്രട്ടറി സ്ഥാനം ഒഴിഞ്ഞു

യുവനടിയുടെ പീഡന ആരോപണത്തിന് പിന്നാലെ നടൻ സിദ്ദിഖ് താര സംഘടനയായ 'അമ്മ'യുടെ ജനറൽ സെക്രട്ടറി സ്ഥാനത്ത് നിന്ന് രാജിവെച്ചു. 'അമ്മ' പ്രസിഡൻ്റ് മോഹൻലാലിന് സിദ്ദിഖ് രാജിക്കത്ത് അയച്ചു. വർഷങ്ങൾക്ക് മുമ്പ് നടൻ സിദ്ദിഖ് സിനിമയിൽ അവസരത്ത് ക്ഷണിച്ച് ലൈംഗീകമായി പീഡിപ്പിച്ചു എന്നായിരുന്നു യുവനടിയുടെ വെളിപ്പെടുത്തൽ. തനിക്കെതിരെ ഉയർന്ന ആരോപണങ്ങളുടെ പശ്ചാത്തലത്തിൽ സ്വമേധയാ രാജിവെക്കുന്നു എന്നാണ് സിദ്ദിഖ് നൽകിയ രാജിക്കത്തിൽ ഉള്ളത്.

Kerala125 days ago

തനിക്കും മോശം അനുഭവമുണ്ടായിട്ടുണ്ട്; അമ്മ ഇനിയും ഒഴിഞ്ഞു മാറരുതെന്ന് ഉര്‍വശി

ഹേമ കമ്മിഷന്‍ റിപ്പോര്‍ട്ടില്‍ താരസംഘടനയായ അമ്മ ശക്തമായി ഇടപെടേണ്ട സമയമായെന്നും വിഷയങ്ങളില്‍ നിന്ന് തെന്നിയും ഒഴുകിയും നിലപാടെടുക്കരുതെന്നും നടി ഉര്‍വശി. സിദ്ദിഖ് സംസാരിച്ചത് കേട്ടു. അങ്ങനെയൊന്നുമല്ല , ഇങ്ങനെയൊന്നുമല്ല എന്ന് പറഞ്ഞ് ഇനിയും ഒഴിയരുത്. ഒരു സ്ത്രീ തന്റെ മാനവും ലജ്ജയുമെല്ലാം മാറ്റിവച്ച് കമ്മിഷന് മുമ്പാകെ വന്ന് തുറന്ന് പറഞ്ഞ കാര്യങ്ങളാണ്. അതില്‍ നടപടി വേണം. എക്‌സിക്യുട്ടീവ് കമ്മിറ്റി ഉടന്‍ വിളിക്കണം. നിലപാട് വച്ച് നീട്ടാന്‍ പറ്റില്ല. പഠിച്ചത് മതി. കമ്മിഷന്‍ റിപ്പോര്‍ട്ടിലെ വെളിപ്പെടുത്തലുകള്‍ ഗൗരവമായി കാണണമെന്നും ഉര്‍വശി കൂട്ടിച്ചേര്‍ത്തു.

Kerala126 days ago

സിനിമയില്‍ പവര്‍ ഗ്രൂപ്പും മാഫിയയും ഇല്ല; ഹേമ കമ്മിറ്റിക്കൊപ്പമെന്ന് താരസംഘടനായ അമ്മ

ഹേമ കമ്മിറ്റി റിപ്പോര്‍ട്ട് സ്വാഗതാര്‍ഹമെന്ന് മലയാള സിനിമാ താരസംഘടനയായ അമ്മയുടെ ജനറല്‍ സെക്രട്ടറി സിദ്ദിഖ്. 'അമ്മ' ഒളിച്ചോടിയിട്ടില്ലെന്നും ഞങ്ങള്‍ ഹേമ കമ്മിറ്റിക്കൊപ്പമാണെന്നും തെറ്റ് ചെയ്തവര്‍ക്കെതിരെ പോലീസ് കേസെടുത്ത് അന്വേഷിക്കണമെന്നും സിദ്ദിഖ് പറഞ്ഞു. ഹേമ കമ്മിറ്റി റിപ്പോര്‍ട്ട് അമ്മയ്‌ക്കെതിരായ റിപ്പോര്‍ട്ടല്ല. അമ്മയെ ഹേമ കമ്മിറ്റി പ്രതികൂട്ടില്‍ നിര്‍ത്തിയിട്ടുമില്ല. ഒറ്റപ്പെട്ട ഒന്നോ രണ്ടോ സംഭവങ്ങളുടെ പേരില്‍ സിനിമ മേഖലയെ ഒന്നാകെ കുറ്റപ്പെടുത്തരുതെന്നും സിദ്ദിഖ് കൂട്ടിച്ചേര്‍ത്തു. അമ്മ സംഘടനയിലെ അംഗങ്ങള്‍ക്ക് കൂടി ഉപകാരപ്പെടുന്ന റിപ്പോര്‍ട്ടിനെ സംഘടന എന്തിന് എതിര്‍ക്കണമെന്നും സിദ്ദിഖ് ചോദിച്ചു.

Kerala127 days ago

‘ആര്‍ക്കെതിരെയാണ് വിവേചനമെന്നും പരാതിയെന്നും വിശദമായി പഠിക്കണം’; നടന്‍ സിദ്ദീഖ്

ആര്‍ക്കെതിരെയാണ് വിവേചനം ഉണ്ടായതെന്നും ആരൊക്കെയാണ് പരാതിപ്പെട്ടതെന്നും ഏത് രീതിയിലാണ് വിവേചനമെന്നും ആരാണ് പരാതിപ്പെട്ടതെന്നും ഉള്‍പ്പടെയുള്ള കാര്യങ്ങള്‍ വിശദമായ പഠിക്കേണ്ടതുണ്ടെന്ന് അമ്മ ജനറല്‍ സെക്രട്ടറിയും നടനുമായ സിദ്ദീഖ്. ഹേമാ കമ്മിറ്റി റിപ്പോര്‍ട്ട് പുറത്തുവന്നതിന് പിന്നാലെയാണ് അദ്ദേഹത്തിന്റെ പ്രതികരണം. മറ്റു സംഘടനകളുമായി കാര്യങ്ങള്‍ കൂടിയാലോചിക്കേണ്ടതുണ്ടെന്നും അദ്ദേഹം കൂട്ടിച്ചേര്‍ത്തു. ഏത് കാര്യത്തിലാണ് മറുപടി പറയേണ്ടതെന്നതിന് കൃത്യമായ ധാരണയില്ല. രണ്ട് ദിവസമായി അമ്മയുടെ ഒരു ഷോയുടെ റിഹേഴ്‌സലുമായി ബന്ധപ്പെട്ട് എല്ലാവരും എറണാകുളത്ത് കൂടിയിരിക്കുകയാണ്. റിപ്പോര്‍ട്ട് വിശദമായിട്ട് പഠിച്ചിട്ട് എന്ത് മറുപടിയാണ് പറയേണ്ടത് എന്നതിനെപ്പറ്റി തീരുമാനമെടുക്കാമെന്ന് അദ്ദേഹം പറഞ്ഞു.

Kerala131 days ago