സര്‍ക്കാര്‍ ആശുപത്രിയിലെത്തിയ യുവതിക്ക് പാമ്പുകടിയേറ്റിട്ടില്ലെന്ന് ആരോഗ്യവകുപ്പ് ഡയറക്ടര്‍

പാലക്കാട് ചിറ്റൂര്‍ ആശുപത്രിയില്‍ എത്തിയ യുവതിയ്ക്ക് പാമ്പുകടിയേറ്റിട്ടില്ലെന്ന് ആരോഗ്യവകുപ്പ് ഡയറക്ടര്‍ ഡോ. കെ. കെ. റീന. വിശദ പരിശോധനയിലാണ് പാമ്പുകടിയേറ്റില്ലെന്ന് ബോധ്യമായത്. പാലക്കാട് പുതുനഗരം കരിപ്പോട് സ്വദേശി ഗായത്രിയെയാണ് പാമ്പുകടിയേറ്റതായി സംശയിച്ച് ജില്ലാ ആശുപത്രിയില്‍ പ്രവേശിപ്പിച്ചത്. ചൂലിലാണ് ചെറിയ പാമ്പിനെ കണ്ടെത്തിയത്. ഇത് വിഷമില്ലാത്ത പാമ്പായിരുന്നു എന്നും സംഭവത്തില്‍ ആശുപത്രി സൂപ്രണ്ടിനോടും ഡോക്ടറോടും വിശദീകരണം തേടിയിട്ടുണ്ടെന്നും ആരോഗ്യവകുപ്പ് ഡയറക്ടര്‍ അറിയിച്ചു.

Kerala161 days ago

നിപ: തിരുവാലിയില്‍ ഇന്നും ആരോഗ്യ സര്‍വേ തുടരും

നിപ സ്ഥിരീകരിച്ച മലപ്പുറം തിരുവാലിയില്‍ ഇന്നലെ നടത്തിയ സര്‍വേയില്‍ സമ്പര്‍ക്ക പട്ടികയിലുള്ള ഒരാളടക്കം 49 പനി ബാധിതരെ കണ്ടെത്തി. മലപ്പുറം ജില്ലയിലും തിരുവാലി, മമ്പാട് പഞ്ചായത്തുകളിലെ കണ്ടെയ്മെന്റ് സോണുകളായ വാര്‍ഡുകളിലും കര്‍ശന നിയന്ത്രണങ്ങള്‍ തുടരും. ജില്ലയില്‍ 175 പേരാണ് സമ്പര്‍ക്കപ്പട്ടികയില്‍ ഉള്‍പ്പെട്ടിട്ടുള്ളത്. ഇതില്‍ 74 പേര്‍ ആരോഗ്യ പ്രവര്‍ത്തകരാണ്. 126 പേരാണ് പ്രാഥമിക സമ്പര്‍ക്കപ്പട്ടികയിലുള്ളത്. മരിച്ച വിദ്യാര്‍ത്ഥിയുടെ റൂട്ട് മാപ്പ് ഇന്നലെ ആരോഗ്യവകുപ്പ് പുറത്തുവിട്ടിരുന്നു.

Kerala99 days ago

നിപ ബാധിച്ച് മരിച്ചെന്ന് സംശയിക്കുന്ന യുവാവിന്റെ സമ്പര്‍ക്കപ്പട്ടിക പുറത്തുവിട്ടു

നിപ ബാധിച്ച് മരിച്ചെന്ന് സംശയിക്കുന്ന മലപ്പുറം വണ്ടൂര്‍ നടുവത്ത് സ്വദേശിയായ യുവാവുമായി 26 പേരാണ് നേരിട്ട് സമ്പര്‍ക്കം പുലര്‍ത്തിയത്. ആരോഗ്യ വകുപ്പാണ് സമ്പര്‍ക്കപ്പട്ടിക പുറത്തുവിട്ടത്. നിപ ഔദ്യോഗികമായി സ്ഥിരീകരിച്ചാല്‍ തുടര്‍ നടപടികളിലേക്ക് കടക്കും. തിരുവാലി പഞ്ചായത്ത് അംഗങ്ങളും ആരോഗ്യവകുപ്പ് ഉദ്യോഗസ്ഥരും യോഗം ചേര്‍ന്നു.

Kerala101 days ago

ജാഗ്രത; സംസ്ഥാനത്തെ വിവിധ ഭാഗങ്ങളില്‍ ഇന്‍ഫ്‌ളുവന്‍സ പനി പടരുന്നു

കാസര്‍ഗോഡ് ജില്ലയിലെ പടന്നക്കാട് കാര്‍ഷിക കോളേജില്‍ 30തോളം പേര്‍ക്ക് പനി ബാധിച്ചതിനെ തുടര്‍ന്ന് ആരോഗ്യ വകുപ്പ് നടത്തിയ സാമ്പിള്‍ ശേഖരണത്തില്‍ 9 പേര്‍ക്ക് ഇന്‍ഫ്‌ളുവന്‍സാ A വിഭാഗത്തില്‍പ്പെട്ട പനി ബാധിച്ചതായി സ്ഥിരീകരിച്ചു. H1N1, H3N2 എന്നീ വിഭാഗത്തില്‍പ്പെട്ട വൈറസുകളാണ് പനിക്ക് കാരണമായത്. സ്വകാര്യ ലാബില്‍ നടത്തിയ പരിശോധനയില്‍ ഒരു കുട്ടിക്ക് കൂടി H1N1 ഉണ്ടെന്ന് തിരിച്ചറിഞ്ഞു. നാട്ടില്‍ പനി പടരാന്‍ സാധ്യത നിലനില്‍ക്കുന്നതിനാല്‍ ഗര്‍ഭിണികള്‍, കിടപ്പുരോഗികള്‍, മറ്റ് ഗുരുതര രോഗമുള്ളവര്‍ പ്രത്യേകം ശ്രദ്ധിക്കണമെന്ന് ആരോഗ്യ വകുപ്പ് അറിയിച്ചു.

Kerala108 days ago

എറണാകുളം – ഷൊര്‍ണൂര്‍ ലൈനില്‍ ‘കവച്’ സുരക്ഷാസംവിധാനം നടപ്പാക്കും

ഓട്ടോമാറ്റിക് സിഗ്നലിങ്ങിന് ഒപ്പമാണ് 'കവച്' സുരക്ഷാസംവിധാനവും നടപ്പാക്കുന്നത്. രണ്ട് തീവണ്ടികള്‍ ഒരേ പാതയില്‍ നേര്‍ക്കുനേര്‍ വന്ന് കൂട്ടിയിടിയ്ക്കുന്നത് ഒഴിവാക്കുന്നതിനുള്ള സാങ്കേതിക സംവിധാനമാണ് കവച്. 67.99 കോടി രൂപ മതിപ്പ് ചെലവിലാണ് പദ്ധതി നടപ്പാക്കുക. 540 ദിവസമാണ് പദ്ധതി പൂര്‍ത്തീകരണത്തിനുള്ള കാലാവധിയായി കണക്കാക്കിയിരിയ്ക്കുന്നത്. ഇതോടെ കേരളത്തില്‍ ആദ്യമായി കവച് സംവിധാനം നടപ്പിലാക്കുന്ന മേഖലയായി എറണാകുളം - ഷൊര്‍ണൂര്‍ ലൈന്‍ മാറും.

Kerala110 days ago

KTDC ചെയര്‍മാന്‍ സ്ഥാനത്തുനിന്ന് പി.കെ. ശശിയെ നീക്കണമെന്ന് CPI(M) പാലക്കാട് ജില്ലാ സെക്രട്ടറിയേറ്റ്

ഫണ്ട് ക്രമക്കേടുകൾ അടക്കം ഗുരുതര ആരോപണങ്ങളെ തുടർന്ന് പാർട്ടി നടപടി നേരിട്ട പി.കെ. ശശിയെ KTDC ചെയര്‍മാന്‍ സ്ഥാനത്തുനിന്നു മാറ്റണമെന്ന് CPI(M) പാലക്കാട് ജില്ലാ നേതൃത്വം. ശശിയെ CITU ജില്ലാ പ്രസിഡന്റ് പദവിയിൽ നിന്ന് ഒഴിവാക്കണമെന്നും ആവശ്യം ഉയരുന്നുണ്ട്. ഇക്കാര്യം ചൂണ്ടിക്കാട്ടി ജില്ലാ കമ്മറ്റി സംസ്ഥാന നേതൃത്വത്തിന് കത്ത് നൽകി. വിവിധ ആരോപണങ്ങളെ തുടർന്ന് പി.കെ. ശശിയെ ജില്ലാ കമ്മിറ്റിയിൽ നിന്നും ബ്രാഞ്ചിലേക്ക് തരംതാഴ്ത്തിയിരുന്നു.

Kerala113 days ago

3,806 കോടി മുതല്‍ മുടക്ക്; പാലക്കാട് വ്യവസായ സ്മാര്‍ട്ട് സിറ്റി സ്ഥാപിക്കാന്‍ കേന്ദ്രം

പാലക്കാട് വ്യവസായ സ്മാര്‍ട്ട് സിറ്റി സ്ഥാപിക്കാന്‍ കേന്ദ്ര സര്‍ക്കാര്‍ തീരുമാനം. നാഷണല്‍ ഇന്‍ഡസ്ട്രിയല്‍ കോറിഡോര്‍ ഡെവലപ്‌മെന്റ് പ്രോഗ്രാമില്‍ പ്രഖ്യാപിച്ച 12 ഇന്‍ഡസ്ട്രിയല്‍ സ്മാര്‍ട്ട് സിറ്റികളിലൊന്നായാണ് പാലക്കാട് പുതുശ്ശേരി വരുക. 3,806 കോടി മുതല്‍ മുടക്കില്‍ കൊച്ചി- സേലം പാതയിലാണ് വ്യവസായ നഗരം സ്ഥാപിക്കുക. 1710 ഏക്കറില്‍ ഒരുങ്ങുന്ന പദ്ധതിയിലൂടെ 51,000 ഓളം തൊഴിലവസരങ്ങളാണ് സൃഷ്ടിക്കുക. പ്രധാനമന്ത്രിയുടെ അധ്യക്ഷതയില്‍ ചേര്‍ന്ന കേന്ദ്ര മന്ത്രിസഭായോഗത്തില്‍ കേന്ദ്രമന്ത്രി അശ്വിനി വൈഷ്ണവാണ് പദ്ധതിക്ക് അനുമതി നല്‍കിയത്.

Kerala119 days ago

കാൻസർ മരുന്നുകൾ വിലക്കുറവിൽ ലഭ്യമാക്കാനൊരുങ്ങി ആരോഗ്യവകുപ്പ്

സംസ്ഥാന സര്‍ക്കാരിന്റെ 100 ദിന കര്‍മ്മപരിപാടികളുടെ ഭാഗമായി വിലകൂടിയ കാന്‍സര്‍ മരുന്നുകള്‍ സംസ്ഥാനത്തുടനീളം പ്രവര്‍ത്തിക്കുന്ന തിരഞ്ഞെടുത്ത കാരുണ്യ ഫാര്‍മസികളിലൂടെ ‘സീറോ പ്രോഫിറ്റായി’ കമ്പനി വിലയ്ക്ക് ലഭ്യമാക്കാനൊരുങ്ങി ആരോഗ്യവകുപ്പ്. കേരള മെഡിക്കല്‍ സര്‍വീസസ് കോര്‍പ്പറേഷന്റെ കാരുണ്യ ഫാര്‍മസികളിലെ 'കാരുണ്യ സ്പര്‍ശം - സീറോ പ്രോഫിറ്റ് ആന്റി കാന്‍സര്‍ ഡ്രഗ്‌സ്' പ്രത്യേക കൗണ്ടര്‍ വഴിയാണ് മരുന്നുകള്‍ വിതരണം ചെയ്യുന്നത്. മുഖ്യമന്ത്രി പിണറായി വിജയന്‍ ഓഗസ്റ്റ് 29ന് പദ്ധതിയുടെ ഉദ്ഘാടനം ഓണ്‍ലൈനായി നിര്‍വഹിക്കും. ആദ്യഘട്ടത്തില്‍ സംസ്ഥാനത്തെ എല്ലാ ജില്ലകളിലേയും തിരഞ്ഞെടുത്ത 14 കാരുണ്യ ഫാര്‍മസികളിലെ കാരുണ്യ സ്പര്‍ശം കൗണ്ടറുകള്‍ വഴിയാകും മരുന്നുകളുടെ വിതരണം.

Health120 days ago

കേരളത്തില്‍ 69.35 കോടിയുടെ ആശുപത്രി വികസനത്തിന് കേന്ദ്ര അംഗീകാരം

ദേശീയ ആരോഗ്യ ദൗത്യം മുഖേന കേരളം നടപ്പാക്കുന്ന 69.35 ലക്ഷം രൂപയുടെ 2024-25ലെ വാര്‍ഷിക പദ്ധതികള്‍ക്ക് അനുമതി ലഭ്യമായതായി ആരോഗ്യ വകുപ്പ് മന്ത്രി വീണാ ജോര്‍ജ് പറഞ്ഞു. 60 ശതമാനം കേന്ദ്ര ഫണ്ടും 40 ശതമാനം സംസ്ഥാന ഫണ്ടും ഉപയോഗിച്ചാണ് പദ്ധതികള്‍ നടപ്പിലാക്കുക. ആശുപത്രികളില്‍ നടന്നു വരുന്ന വികസന പ്രവര്‍ത്തനങ്ങള്‍ക്ക് പുറമേയാണ് ഈ നിര്‍മാണ പ്രവര്‍ത്തികള്‍ക്കും അനുമതി ലഭിച്ചതെന്നും മന്ത്രി വ്യക്തമാക്കി.

Kerala122 days ago

എംപോക്‌സ് വ്യാപനം; സംസ്ഥാനം ജാഗ്രത പാലിക്കണമെന്ന് ആരോഗ്യമന്ത്രി

ചില രാജ്യങ്ങളില്‍ എംപോക്സ് (മങ്കിപോക്‌സ്) റിപ്പോര്‍ട്ട് ചെയ്ത സാഹചര്യത്തില്‍ സംസ്ഥാനം ജാഗ്രത പാലിക്കണമെന്ന് ആരോഗ്യമന്ത്രി വീണ ജോര്‍ജ്ജ് പറഞ്ഞു. രോഗം റിപ്പോര്‍ട്ട് ചെയ്ത രാജ്യങ്ങളില്‍ നിന്നും വരുന്നവര്‍ക്ക് എന്തെങ്കിലും രോഗലക്ഷണങ്ങള്‍ ഉണ്ടായാല്‍ എയര്‍പോര്‍ട്ടില്‍ റിപ്പോര്‍ട്ട് ചെയ്യേണ്ടതാണെന്നും മന്ത്രി പറഞ്ഞു. കേന്ദ്ര മാര്‍ഗനിര്‍ദേശങ്ങളനുസരിച്ച് സംസ്ഥാനത്തെ എല്ലാ എയര്‍പോര്‍ട്ടുകളിലും സര്‍വൈലന്‍സ് ടീമുണ്ട്.

Kerala125 days ago

വയനാട്, കോഴിക്കോട് ജില്ലകൾക്ക് പുറമെ പാലക്കാടും പ്രകമ്പനം

വയനാട്, കോഴിക്കോട് ജില്ലകളിലെ വിവിധയിടങ്ങളിൽ നിന്ന് പ്രകമ്പനം ഉണ്ടായതിന് പിന്നാലെ പാലക്കാടും വിവിധ പ്രദേശങ്ങളിൽ ഭൂമിക്കടിയിൽ നിന്ന് മുഴക്കമുണ്ടായി. ഒറ്റപ്പാലം താലൂക്ക് പരിധിയിലെ ചളവറ, പുലാക്കുന്ന്, ലക്കിടി, അകലൂർ, പനമണ്ണ, കോതകുർശ്ശി, വാണിയംകുളം, പനയൂർ, വരോട്, വീട്ടാമ്പാറ പ്രദേശങ്ങളിലാണ് അസാധാരണ ശബ്ദമുണ്ടായതായി നാട്ടുകാർ പറഞ്ഞത്. രാവിലെ ശബ്ദം കേട്ട ശേഷം പ്രദേശത്ത് മറ്റ് പ്രകമ്പനങ്ങളോ അസാധാരണ ശബ്ദങ്ങളോ ഉണ്ടായിട്ടില്ലെന്നും നാട്ടുകാർ പറഞ്ഞു. സംസ്ഥാനത്തുണ്ടായത് ഭൂചലനമല്ലെന്നാണ് നാഷണൽ സീസ്മോളജി സെന്റർ സ്ഥിരീകരിച്ചിട്ടുള്ളത്.

Kerala138 days ago