യൂറോ കപ്പ് ഫൈനൽ 15ന്

യൂറോപ്യൻ ഫുട്‌ബോളിലെ രാജാക്കന്മാരെ അറിയാൻ ഇനി രണ്ട് ദിവസം കൂടി. ബെർലിനിലെ ഒളിംപ്യാസ്റ്റേഡിയനിൽ ഇന്ത്യൻ സമയം അർധരാത്രി 12:30ന് നടക്കുന്ന കലാശപ്പോരിൽ സ്പെയിനും ഇംഗ്ലണ്ടും തമ്മിലാണ് ഏറ്റുമുട്ടുക. ടൂർണമെന്റിലെ എല്ലാ മത്സരങ്ങളും വിജയിച്ചാണ് സ്പെയിൻ ഫൈനലിൽ എത്തിയത്. മികച്ച യുവ താരങ്ങളാണ് സ്പെയിനിന്റെ കരുത്ത്. മൂന്ന് ജയവും മൂന്ന് സമനിലയും വഴങ്ങിയാണ് ഇംഗ്ലണ്ടിന്റെ ഫൈനൽ പ്രവേശനം. ഇംഗ്ലണ്ടന്റെ തുടർച്ചയായ രണ്ടാം യൂറോ കപ്പ് ഫൈനലാണിത്. കഴിഞ്ഞ തവണ ഫൈനലിൽ ഇറ്റലിയോട് പെനാൽറ്റി ഷൂട്ട്ഔട്ടിലാണ് ഇംഗ്ലണ്ട് പരാജയപ്പെട്ടത്. യൂറോയില്‍ ഇത് മൂന്നാം തവണയാണ് ഇരു ടീമും നേര്‍ക്കുനേര്‍ പോരിനിറങ്ങാനൊരുങ്ങുന്നത്.

Sports282 days ago

യൂറോകപ്പ് കിരീടം ചൂടി സ്‌പെയിന്‍

യുവേഫ യൂറോകപ്പ് ഫൈനലില്‍ ഇംഗ്ലണ്ടിനെ ഒന്നിനെതിരെ രണ്ട് ഗോളിന് വീഴ്ത്തിയാണ് സ്‌പെയിന്‍ കിരീടം ചൂടിയത്. നിക്കോ വില്ല്യംസും മികേല്‍ ഒയര്‍സവലും ആണ് സ്പെയിന് വേണ്ടി ഗോളുകള്‍ സ്വന്തമാക്കിയത്. ഇംഗ്ലണ്ടിനായി കോള്‍ പാല്‍മറാണ് ഗോള്‍ നേടിയത്. സ്‌പെയിനിന്റെ നാലാമത്തെ യൂറോ കിരീടമാണിത്. ഒരു ഗോള്‍ പോലുമില്ലാതെ ആദ്യ പകുതി അവസാനിച്ചപ്പോള്‍ രണ്ടാം പകുതിയുടെ തുടക്കത്തില്‍ തന്നെ സ്‌പെയിന്‍ ഗോള്‍ നേടുകയായിരുന്നു.

Sports279 days ago

യൂറോപ്പിലേയും ലാറ്റിൻ അമേരിക്കയിലേയും ഫുട്ബോൾ ചാമ്പ്യന്മാരെ അറിയാൻ കേവലം മണിക്കൂറുകൾ മാത്രം ബാക്കി

ആരാധകരെ ആവേശത്തിലാഴ്ത്തി യൂറോ കപ്പിന്റെയും കോപ്പ അമേരിക്കയുടെയും ഫൈനലുകൾ ഏതാനും മണിക്കൂറുകൾക്കുള്ളിൽ ആരംഭിക്കും. അർധരാത്രി 12:30ന് നടക്കുന്ന യൂറോ കപ്പ് ഫൈനലിൽ സ്പെയിനും ഇംഗ്ലണ്ടും ആണ് ഏറ്റുമുട്ടുക. സ്പെയിൻ തങ്ങളുടെ നാലാം യൂറോ കിരീട നേട്ടം ലക്ഷ്യം വെച്ചിറങ്ങുമ്പോൾ ഇംഗ്ലണ്ട് തങ്ങളുടെ കന്നി യൂറോ കിരീടമാണ് ലക്ഷ്യമിടുന്നത്. പുലർച്ചെ 5:30ന് നടക്കുന്ന കോപ്പ അമേരിക്ക ഫൈനലിൽ അര്ജന്റീനയും കൊളംബിയയുമാണ് ഏറ്റുമുട്ടുക. 15 തവണയാണ് അര്ജന്റീന കോപ്പ അമേരിക്ക ജേതാക്കളായത്. അതേസമയം കൊളംബിയ 2001ൽ മെക്സിക്കോയെ പരാജയപ്പെടുത്തി തങ്ങളുടെ കന്നി കോപ്പ അമേരിക്ക കിരീടം സ്വന്തമാക്കിയിരുന്നു.

Sports280 days ago

യൂറോ കപ്പ് സെമി ഇന്ന്; സ്പെയിനും ഫ്രാന്‍സും നേര്‍ക്കുനേര്‍

യൂറോകപ്പ് ഫുട്ബോള്‍ ഫൈനല്‍ ലക്ഷ്യവുമായി സ്‌പെയിനും ഫ്രാന്‍സും ഇന്ന് നേര്‍ക്കുനേര്‍ ഏറ്റുമുട്ടും. ഇന്ത്യന്‍സമയം രാത്രി പന്ത്രണ്ടരയ്ക്കാണ് മത്സരം. ക്വാര്‍ട്ടറില്‍ ജര്‍മനിയെ വീഴ്ത്തി സ്‌പെയിന്‍ സെമിയിലെത്തിയപ്പോള്‍ പെനാല്‍ട്ടി ഷൂട്ടൗട്ടില്‍ പോര്‍ച്ചുഗലിനെ മറികടന്നാണ് ഫ്രാന്‍സ് സെമിയിലെത്തിയത്. സ്‌പെയിന്‍ നാലാം കിരീടവും ഫ്രാന്‍സ് മൂന്നാം കീരീടവും ലക്ഷ്യമിട്ടാണ് ഇന്ന് കളത്തിലിറങ്ങുന്നത്.

Sports285 days ago

യൂറോ കപ്പ്; തുര്‍ക്കിയെ പരാജയപ്പെടുത്തി നെതര്‍ലന്‍ഡ്സ് സെമിയില്‍

ഒന്നിനെതിരേ രണ്ടുഗോളുകള്‍ക്കാണ് നെതര്‍ലന്‍ഡ്സിന്റെ വിജയം. അവസാനമിനിറ്റുകളിലായിരുന്നു നെതര്‍ലന്‍ഡ്സിന്റെ ഇരട്ട ഗോള്‍. 35-ാം മിനിറ്റില്‍ സാമത്ത് അകയ്ഡിനാണ് തുര്‍ക്കിയ്ക്കായി ഗോളടിച്ചത്. 70-ാം മിനിറ്റില്‍ സ്റ്റീഫന്‍ ഡി വ്രിജിന്റെ ഗോളും 76-ാം മിനിറ്റില്‍ തുര്‍ക്കി താരം മെര്‍ട് മുള്‍ഡറുടെ സെല്‍ഫ് ഗോളുമാണ് നെതര്‍ലന്‍ഡ്സിനെ മുന്നിലെത്തിച്ചത്. സെമിയില്‍ ഇംഗ്ലണ്ടാണ് നെതര്‍ഡലന്‍ഡ്സിന്റെ എതിരാളികള്‍.

Sports287 days ago

യൂറോ കപ്പ്; പോര്‍ച്ചുഗല്‍ പുറത്ത്, ഫ്രാന്‍സ് സെമി ഫൈനലില്‍

പെനാല്‍റ്റി ഷൂട്ടൗട്ടില്‍ പോര്‍ച്ചുഗലിനെ പരാജയപ്പെടുത്തിയാണ് ഫ്രാന്‍സ് യൂറോ കപ്പ് സെമിയില്‍ എത്തിയത്. നിശ്ചിത സമയവും അധിക സമയും കഴിഞ്ഞപ്പോഴും മത്സരം ഗോള്‍രഹിത സമനിലയിലായിരുന്നു. ഇതോടെയാണ് മത്സരം പെനാല്‍റ്റി ഷൂട്ടൗട്ടിലേക്ക് നീണ്ടത്. ഫ്രാന്‍സിനുവേണ്ടി കിക്കെടുത്ത ഉസ്മാന്‍ ഡംബേല, യൂസഫ് ഫൊഫാന, ജൂള്‍സ് കൂണ്ടെ എന്നിവര്‍ ലക്ഷ്യം കണ്ടു. പോര്‍ച്ചുഗലിന് വേണ്ടി കിക്കെടുത്ത ക്രിസ്റ്റിയാനോ, ബെര്‍ണാണ്ടോ സില്‍വ എന്നിവരും സ്‌കോര്‍ ചെയ്‌തെങ്കിലും ജാവോ ഫെലിക്സിന് പിഴച്ചു. സെമി ഫൈനലില്‍ ഫ്രാന്‍സ്, സ്പെയ്നിനെ നേരിടും.

Sports288 days ago

യൂറോ കപ്പ്: ബെല്‍ജിയത്തെ തകര്‍ത്ത് ഫ്രാന്‍സ് ക്വാര്‍ട്ടറില്‍

ബെല്‍ജിയത്തെ ഒറ്റ ഗോളിന് വീഴ്ത്തിയാണ് ഫ്രാന്‍സ് ക്വാര്‍ട്ടറില്‍ പ്രവേശിച്ചത്. അന്റോയിന്‍ ഗ്രിസ്മാന്‍, എംബാപ്പെ, മാര്‍ക്കസ് തുറാം എന്നിവര്‍ ഗോളിനായി നിരന്തരം മുന്നേറ്റം നടത്തിയപ്പോള്‍ ബെല്‍ജിയം പ്രതിരോധം തീര്‍ത്തു. ജാന്‍ വെര്‍ട്ടോഗന്റെ സെല്‍ഫ് ഗോളാണ് ബെല്‍ജിയത്തിന്റെ പ്രതീക്ഷകള്‍ തകര്‍ത്തത്. 85ാം മിനിറ്റിലാണ് ഫ്രാന്‍സിന്റെ ഗോള്‍ വരുന്നത്. കോളോ മുവാനിയായിരുന്നു ആ വിജയ ഗോളിന് പിന്നില്‍.

Sports292 days ago

യൂറോകപ്പ്: ജോര്‍ജിയയെ തകര്‍ത്ത് സ്‌പെയിന്‍ ക്വാര്‍ട്ടറില്‍

ജോര്‍ജിയയെ ഒന്നിനെതിരെ നാല് ഗോളുകള്‍ക്ക് പരാജയപ്പെടുത്തിയാണ് സ്‌പെയിന്‍ യൂറോ കപ്പിന്റെ ക്വാര്‍ട്ടറില്‍ പ്രവേശിച്ചിരിക്കുന്നത്. റോഡ്രി, ഫാബിയന്‍ റൂയിസ്, നിക്കോ വില്യംസ്, ഡാനി ഓല്‍മോ എന്നിവരാണ് സ്‌പെയിനായി വല കുലുക്കിയത്. വെള്ളിയാഴ്ച്ച നടക്കാനിരിക്കുന്ന ക്വാര്‍ട്ടറില്‍ ജര്‍മ്മനിയാണ് സ്‌പെയിനിന്റെ എതിരാളികള്‍.

Sports293 days ago

യൂറോ കപ്പ്: ഇറ്റലിയെ തോല്‍പ്പിച്ച് സ്വിറ്റ്‌സര്‍ലന്റ് ക്വാര്‍ട്ടറില്‍

പ്രീ ക്വാര്‍ട്ടര്‍ മത്സരത്തില്‍ നിലവിലെ ചാമ്പ്യന്മാരായ ഇറ്റലിയെ എതിരില്ലാത്ത രണ്ട് ഗോളിന് പുറത്താക്കിയാണ് സ്വിറ്റ്‌സര്‍ലന്റ് ക്വാര്‍ട്ടറിലെത്തിയത്. ആദ്യ പകുതിയില്‍ റെമോ ഫ്രൂലറും രണ്ടാം പകുതിയില്‍ റുബന്‍ വര്‍ഗാസുമാണ് സ്വിറ്റ്‌സര്‍ലന്റിനായി ഗോള്‍ നേടിയത്. 37ാം മിനിറ്റിലാണ് ആദ്യ ഗോള്‍ പിറന്നത്.

Sports294 days ago

യൂറോ കപ്പ്: പോര്‍ച്ചുഗലിനെ അട്ടിമറിച്ച് ജോര്‍ജിയ പ്രീ ക്വാര്‍ട്ടറില്‍

യൂറോ കപ്പില്‍ ഗ്രൂപ്പ് Fല്‍ നടന്ന മത്സരത്തില്‍ എതിരില്ലാത്ത രണ്ട് ഗോളിനാണ് ജോര്‍ജിയ വിജയം സ്വന്തമാക്കിയത്. ക്വാരത്സ്‌ഖെലി, മിക്കോട്ടഡ്‌സെ എന്നിവരാണ് ജോര്‍ജിയക്കായി ഗോള്‍ നേടി കൊടുത്തത്. ആദ്യ യൂറോ കപ്പില്‍ തന്നെ നാല് പോയിന്റുമായാണ് ജോര്‍ജിയ പ്രീ ക്വാര്‍ട്ടറിലെത്തിയത്. അതേസമയം മത്സരത്തില്‍ തോറ്റെങ്കിലും ആറ് പോയിന്റുമായി F ഗ്രൂപ്പ് ചാമ്പ്യന്മാരായ പോര്‍ച്ചുഗലും പ്രീ ക്വാര്‍ട്ടറിലുണ്ട്.Read More

Sports297 days ago

യൂറോ കപ്പ്: ഫ്രാന്‍സിനെ സമനിലയില്‍ തളച്ച് പോളണ്ട്

യൂറോ കപ്പ് ഗ്രൂപ്പ് ഡിയിലെ അവസാന മത്സരത്തില്‍ ഫ്രാന്‍സിനെ സമനിലയില്‍ തളച്ച് (1-1) പോളണ്ട് മടങ്ങി. ഫ്രഞ്ച് ക്യാപ്റ്റന്‍ കിലിയന്‍ എംബാപ്പെയും പോളണ്ട് ക്യാപ്റ്റന്‍ റോബര്‍ട്ട് ലെവന്‍ഡോവ്സ്‌കിയും പെനാല്‍റ്റിയിലുടെയാണ് ഗോള്‍ നേടിയത്. സമനിലയോടെ ഫ്രാന്‍സ് പ്രീക്വാര്‍ട്ടറില്‍ കടന്നു. മറ്റൊരു മത്സരത്തില്‍ ഓസ്ട്രിയ നെതര്‍ലന്‍ഡ്‌സിനെ 3-2 എന്ന സ്‌കോറില്‍ തകര്‍ത്തു പ്രീക്വാര്‍ട്ടറില്‍ കടന്നു.

Sports298 days ago