ഏഴ് സംസ്ഥാനങ്ങളിലെ 13 നിയമസഭാ മണ്ഡലങ്ങളിലേക്കുള്ള ഉപതിരഞ്ഞെടുപ്പ് ആരംഭിച്ചു

ബിഹാറിലെ രുപൗലി, പശ്ചിമ ബംഗാളിലെ റായ്ഗഞ്ച്, രണഘട്ട് ദക്ഷിണ, ബാഗ്ദ, തമിഴ്‌നാട്ടിലെ വിക്രവണ്ടി, മധ്യപ്രദേശിലെ അമര്‍വാര, ഉത്തരാഖണ്ഡിലെ ബദരീനാഥ്, മംഗ്ലൂര്‍, പഞ്ചാബിലെ ജലന്ധര്‍ വെസ്റ്റ്, ഹിമാചല്‍ പ്രദേശിലെ ഡെഹ്റ, ഹാമിര്‍പൂര്‍, നലഗഡ് എന്നിവിടങ്ങളിലാണ് ഉപതിരഞ്ഞെടുപ്പ് നടക്കുന്നത്. രാവിലെ ഏഴിന് ആരംഭിച്ച പോളിങ് വൈകിട്ട് ആറിന് അവസാനിക്കും. നിലവിലെ MLAമാരുടെ മരണവും നേതാക്കളുടെ രാജിയും കാരണം ഒഴിവു വന്ന സീറ്റുകളിലാണ് ഉപതിരഞ്ഞെടുപ്പ് നടത്തുന്നത്. ജൂലൈ 13നാണ് വോട്ടെണ്ണല്‍.

National285 days ago

UP ഉപതിരഞ്ഞെടുപ്പ്: കോൺഗ്രസും സമാജ്‌വാദി പാർട്ടിയും സീറ്റ് വിഭജന ചർച്ചകൾ ആരംഭിച്ചു

ഉത്തർപ്രദേശിലെ നിയമസഭാ സീറ്റുകളിലേക്കുള്ള ഉപതിരഞ്ഞെടുപ്പിന് മുന്നോടിയായി കോൺഗ്രസും സമാജ്‌വാദി പാർട്ടിയും സീറ്റ് വിഭജന ചർച്ചകൾ ആരംഭിച്ചു. UP യിലെ 10 നിയമസഭാ സീറ്റുകളിലേക്കാണ് ഉപതിരഞ്ഞെടുപ്പ് നടക്കുന്നത്. ലോക്സഭാ തിരഞ്ഞെടുപ്പിൽ ഇരു പാർട്ടികളും ഒറ്റക്കെട്ടായി നിന്ന് ഉത്തർപ്രദേശിൽ മിന്നുന്ന പ്രകടനമാണ് കാഴ്ചവച്ചത്. നിയമസഭാ ഉപതിരഞ്ഞെടുപ്പിലും ഒരുമിച്ച് നിന്ന് ഇത് ആവർത്തിക്കാൻ കഴിയുമെന്നാണ് ഇരു പാർട്ടികളും പ്രതീക്ഷിക്കുന്നത്.

National240 days ago

വയനാട്ടിൽ ലോക്സഭാ ഉപതിരഞ്ഞെടുപ്പ് ഉടനില്ല

രാഹുൽ ഗാന്ധി രാജി വെച്ചതിനെ തുടർന്ന് ഒഴിവ് വന്ന വയനാട് മണ്ഡലത്തിലെ ലോക്സഭാ സീറ്റിലേക്ക് ഉടൻ ഉപതിരഞ്ഞെടുപ്പ് ഉണ്ടാകില്ലന്ന് മുഖ്യ തിതെരഞ്ഞെടുപ്പ് കമ്മീഷണര്‍ രാജീവ് കുമാര്‍ പറഞ്ഞു. 47 ഇടങ്ങളിൽ ഉപതിരഞ്ഞെടുപ്പുകൾ നടത്താനുണ്ടെന്നും പ്രകൃതിദുരന്തം ഉണ്ടായ വയനാട്ടിൽ ഉടൻ തിരഞ്ഞെടുപ്പിനുള്ള സാഹചര്യം അല്ലെന്നും അദ്ദേഹം വ്യക്തമാക്കി. കലാവസ്ഥയടക്കമുള്ള സാഹചര്യങ്ങൾ പരിശോധിച്ച ശേഷം എല്ലാ സ്ഥലങ്ങളിലും ഒന്നിച്ച് ഉപതിരഞ്ഞെടുപ്പുകള്‍ നടത്തുന്നതിനെ കുറിച്ച് ആലോചിക്കുമെന്നും മുഖ്യതിരഞ്ഞെടുപ്പ് കമ്മീഷണര്‍ രാജീവ് കുമാര്‍ അറിയിച്ചു.

Kerala248 days ago

തദ്ദേശ ഉപതിരഞ്ഞെടുപ്പ് ഇന്ന്

സംസ്ഥാനത്തെ 49 തദ്ദേശവാര്‍ഡുകളിലേക്കുള്ള ഉപതിരഞ്ഞെടുപ്പ് ഇന്ന്. രാവിലെ ഏഴ് മണി മുതല്‍ വൈകുന്നേരം ആറ് മണി വരെയാണ് വോട്ടെടുപ്പ്. 2024 ഏപ്രിലില്‍ നടന്ന ലോക്‌സഭാ തിരഞ്ഞെടുപ്പില്‍ വോട്ട് ചെയ്തിട്ടുള്ള വോട്ടര്‍മാരുടെ ചൂണ്ടുവിരലില്‍ പുരട്ടിയ മഷിയടയാളം പൂര്‍ണമായും മാഞ്ഞ് പോയിട്ടില്ലാത്തതിനാൽ ഇപ്രാവശ്യം വോട്ടു ചെയ്യുന്നവരുടെ ഇടതു കൈയ്യിലെ ചൂണ്ടുവിരലിന് പകരം നടുവിരലിലാണ് മായാത്ത മഷി പുരട്ടുക. വയനാട് ഒഴികെയുള്ള 13 ജില്ലകളിലും നടക്കുന്ന ഉപതിരഞ്ഞെടുപ്പിൽ ഒരു ജില്ലാ പഞ്ചായത്ത്, നാല് ബ്ലോക്ക് പഞ്ചായത്ത്, ആറ് മുനിസിപ്പാലിറ്റി, 38 ഗ്രാമപഞ്ചായത്ത് വാര്‍ഡുകളിലായി 169 സ്ഥാനാര്‍ത്ഥികളാണ് ജനവിധി തേടുന്നത്.

Kerala265 days ago

തദ്ദേശ ഉപതിരഞ്ഞെടുപ്പ്: ഒരുക്കങ്ങൾ പൂർത്തിയായി

സംസ്ഥാനത്തെ 49 തദ്ദേശ വാര്‍ഡുകളിലേക്കുള്ള ഉപതിരഞ്ഞെടുപ്പിനുള്ള മുന്നൊരുക്കങ്ങള്‍ പൂര്‍ത്തിയായതായി സംസ്ഥാന തിരഞ്ഞെടുപ്പ് കമ്മീഷണര്‍ എ. ഷാജഹാന്‍ അറിയിച്ചു. നാളെയാണ് ഉപതിരഞ്ഞെടുപ്പ്. രാവിലെ ഏഴ് മുതല്‍ വൈകിട്ട് ആറ് വരെയാണ് വോട്ടെടുപ്പ്. കേന്ദ്ര തിരഞ്ഞെടുപ്പ് കമ്മീഷന്‍ നല്‍കിയിട്ടുള്ള തിരിച്ചറിയല്‍ കാര്‍ഡ്, സംസ്ഥാന തിരഞ്ഞെടുപ്പ് കമ്മീഷന്‍ നല്‍കിയിട്ടുള്ള തിരിച്ചറിയല്‍ രേഖ, പാസ്‌പോര്‍ട്ട്, ഡ്രൈവിംഗ് ലൈസന്‍സ്, പാന്‍കാര്‍ഡ്, ആധാര്‍കാര്‍ഡ്, ഫോട്ടോ പതിച്ചുള്ള SSLC ബുക്ക്, ബാങ്ക് പാസ്‌ബുക്ക് തുടങ്ങിയവ തിരിച്ചറിയൽ രേഖകളായി ഉപയോഗിക്കാം. വോട്ടർമാരുടെ ഇടതു കൈയ്യിലെ ചൂണ്ടുവിരലിന് പകരം നടുവിരലിലാകും മഷി പുരട്ടുക.Read More

Kerala266 days ago

തദ്ദേശ ഉപതിരഞ്ഞെടുപ്പ്: മഷി പുരട്ടുക വോട്ടർമാരുടെ നടുവിരലിൽ

ഈ മാസം 30ന് നടക്കുന്ന തദ്ദേശസ്ഥാപന ഉപതിരഞ്ഞെടുപ്പിൽ വോട്ട് ചെയ്യുന്നവരുടെ ഇടത് കൈയിലെ നടുവിരലിലാണ് മഷി പുരട്ടുക എന്ന് സംസ്ഥാന തിരഞ്ഞെടുപ്പ് കമ്മീഷൻ അറിയിച്ചു. 2024 ഏപ്രിലിൽ നടന്ന ലോക്സഭാ തിരഞ്ഞെടുപ്പിൽ വോട്ട് ചെയ്തവരുടെ ഇടത് കൈയിലെ ചൂണ്ടുവിരലിൽ പുരട്ടിയ മഷി അടയാളം പൂർണ്ണമായും മാഞ്ഞു പോയിട്ടില്ലാത്തതിനാലാണ് ചൂണ്ടുവിരലിന് പകരം നടുവിരലിൽ മഷി പുരട്ടാൻ തീരുമാനിച്ചത്.

Kerala275 days ago

ഉപതിരഞ്ഞെടുപ്പില്‍ ഇന്ത്യാ സഖ്യത്തിന് നേട്ടം; 10 സീറ്റുകളില്‍ വിജയിച്ചു

ഏഴ് സംസ്ഥാനങ്ങളിലെ 13 നിയമസഭാ മണ്ഡലങ്ങളിലേക്ക് നടന്ന ഉപതിരഞ്ഞെടുപ്പില്‍ പ്രതിപക്ഷസഖ്യം ഇന്ത്യയ്ക്ക് മിന്നും വിജയം. 10 സീറ്റില്‍ ഇന്ത്യാ സഖ്യം വിജയിച്ചപ്പോള്‍ BJPക്ക് രണ്ട് സീറ്റുകള്‍ മാത്രമാണ് നേടാനായത്. ഒരു സീറ്റില്‍ സ്വതന്ത്ര സ്ഥാനാര്‍ത്ഥിയും വിജയിച്ചു. ലോക്സഭാ തിരഞ്ഞെടുപ്പില്‍ ഇന്ത്യാ സഖ്യം നടത്തിയ മുന്നേറ്റമാണ് ഉപതിരഞ്ഞെടുപ്പ് ഫലവും സൂചിപ്പിക്കുന്നത്.

National282 days ago

നിയമസഭാ ഉപതിരഞ്ഞെടുപ്പ്: ബംഗാളില്‍ നാലില്‍ മൂന്ന് സീറ്റിലും വിജയിച്ച് TMC

പശ്ചിമബംഗാളിലെ റായ്ഗഞ്ച്, ബാഗ്ദ, രണഘട്ട് ദക്ഷിണ സീറ്റുകളിലാണ് മുഖ്യമന്ത്രി മമത ബാനര്‍ജിയുടെ നേതൃത്വത്തിലുളള തൃണമൂല്‍ കോണ്‍ഗ്രസ് വിജയിച്ചത്. നാലാം സീറ്റായ മണിക്തല മണ്ഡലത്തിലും TMC സ്ഥാനാര്‍ത്ഥി ആണ് ലീഡ് ചെയ്യുന്നത്. കൃഷ്ണ കല്യാണി, മധുപര്‍ണ ഠാക്കൂര്‍, മുകുത് മണി അധികാരി എന്നിവരാണ് യഥാക്രമം റായ്ഗഞ്ച്, ബാഗ്ദ, രണഘട്ട് ദക്ഷിണ എന്നിവിടങ്ങളില്‍ വിജയിച്ചത്. സുപ്തി പാണ്ഡെയാണ് മണിക്തലയില്‍ ലീഡ് ചെയ്യുന്നത്. ഏഴ് സംസ്ഥാനങ്ങളിലായി 13 നിയമസഭാ മണ്ഡലങ്ങളിലായിരുന്നു ഉപതിരഞ്ഞെടുപ്പ് നടന്നത്.

National282 days ago

13 നിയമസഭാ സീറ്റുകളിലേക്കുളള ഉപതിരഞ്ഞെടുപ്പ്; ആദ്യ വിജയം AAP ക്ക്

ഏഴ് സംസ്ഥാനങ്ങളിലെ 13 നിയമസഭാ സീറ്റുകളിലേക്ക് നടന്ന ഉപതിരഞ്ഞെടുപ്പിപ്പില്‍ ആദ്യ വിജയം AAPക്ക്. പഞ്ചാബിലെ ജലന്ധര്‍ വെസ്റ്റ് അസംബ്ലി സീറ്റിലെ AAP സ്ഥാനാര്‍ത്ഥി മൊഹീന്ദര്‍ ഭഗത് ആണ് വിജയിച്ചത്. 37,000 വോട്ടുകളുടെ ഭൂരിപക്ഷത്തിലാണ് ഭഗതിന്റെ വിജയം. ബിഹാര്‍, പശ്ചിമ ബംഗാള്‍, തമിഴ്‌നാട്, മധ്യപ്രദേശ്, ഉത്തരാഖണ്ഡ്, പഞ്ചാബ്, ഹിമാചല്‍പ്രദേശ് എന്നീ സംസ്ഥാനങ്ങളിലെ വിവിധ മണ്ഡലങ്ങളിലാണ് ഉപതിരഞ്ഞെടുപ്പ് നടന്നത്.

National282 days ago

ഉപതിരഞ്ഞെടുപ്പ്: 13 നിയമസഭാ സീറ്റുകളില്‍ വോട്ടെണ്ണല്‍ തുടങ്ങി

ഏഴ് സംസ്ഥാനങ്ങളിലെ 13 നിയമസഭാ സീറ്റുകളിലെ ഉപതിരഞ്ഞെടുപ്പിന്റെ വോട്ടെണ്ണല്‍ തുടങ്ങി. ബിഹാര്‍, പശ്ചിമ ബംഗാള്‍, തമിഴ്‌നാട്, മധ്യപ്രദേശ്, ഉത്തരാഖണ്ഡ്, പഞ്ചാബ്, ഹിമാചല്‍പ്രദേശ് എന്നീ സംസ്ഥാനങ്ങളിലെ വിവിധ മണ്ഡലങ്ങളിലാണ് ഉപതിരഞ്ഞെടുപ്പ് നടന്നത്. നിലവിലെ MLAമാരുടെ മരണവും നേതാക്കളുടെ രാജിയും കാരണം ഒഴിവു വന്ന സീറ്റുകളിലാണ് ഉപതിരഞ്ഞെടുപ്പ് നടത്തിയത്.

National282 days ago

നിയമസഭ കൗൺസിൽ ഉപതിരഞ്ഞെടുപ്പ് ജൂലൈ 12ന്

നാല് സംസ്ഥാനങ്ങളിലായി അഞ്ച് നിയമസഭ കൗൺസിൽ ഒഴിവുകളിലേക്ക് ജൂലൈ 12 ന് ഉപതിരഞ്ഞെടുപ്പ് നടക്കുമെന്ന് തിരഞ്ഞെടുപ്പ് കമ്മീഷൻ അറിയിച്ചു. കർണാടക, ഉത്തർപ്രദേശ്, ബിഹാർ, ആന്ധ്രപ്രദേശ് എന്നീ സംസ്ഥാനങ്ങളിലാണ് ഉപതിരഞ്ഞെടുപ്പ്. കർണാടകയിൽ മുൻ മുഖ്യമന്ത്രി ജഗദീഷ് ഷെട്ടർ MLC (Member of Legislative Council) സ്ഥാനം രാജിവെച്ചതിനെ തുടർന്നുള്ള ഒഴിവിലേക്കാണ് ഉപതിരഞ്ഞെടുപ്പ്. സ്വാമി പ്രസാദ് മൗര്യ സമാജ്‌വാദി പാർട്ടി വിട്ട് ഫെബ്രുവരിയിൽ സഭയിൽ നിന്ന് രാജിവച്ചതോടെയാണ് ഉത്തർപ്രദേശ് നിയമസഭയിൽ ഒഴിവ് വന്നത്. Read More

National307 days ago