നിയമസഭ കൗൺസിൽ ഉപതിരഞ്ഞെടുപ്പ് ജൂലൈ 12ന്

നാല് സംസ്ഥാനങ്ങളിലായി അഞ്ച് നിയമസഭ കൗൺസിൽ ഒഴിവുകളിലേക്ക് ജൂലൈ 12 ന് ഉപതിരഞ്ഞെടുപ്പ് നടക്കുമെന്ന് തിരഞ്ഞെടുപ്പ് കമ്മീഷൻ അറിയിച്ചു. കർണാടക, ഉത്തർപ്രദേശ്, ബിഹാർ, ആന്ധ്രപ്രദേശ് എന്നീ സംസ്ഥാനങ്ങളിലാണ് ഉപതിരഞ്ഞെടുപ്പ്. കർണാടകയിൽ മുൻ മുഖ്യമന്ത്രി ജഗദീഷ് ഷെട്ടർ MLC (Member of Legislative Council) സ്ഥാനം രാജിവെച്ചതിനെ തുടർന്നുള്ള ഒഴിവിലേക്കാണ് ഉപതിരഞ്ഞെടുപ്പ്. സ്വാമി പ്രസാദ് മൗര്യ സമാജ്‌വാദി പാർട്ടി വിട്ട് ഫെബ്രുവരിയിൽ സഭയിൽ നിന്ന് രാജിവച്ചതോടെയാണ് ഉത്തർപ്രദേശ് നിയമസഭയിൽ ഒഴിവ് വന്നത്. സിറ്റിംഗ് അംഗങ്ങളുടെ അയോഗ്യതയെ തുടർന്ന് ബിഹാറിലും ആന്ധ്രയിലും ഓരോ സീറ്റ് വീതം ഒഴിവ് വന്നു. കൂടാതെ ആന്ധ്രയിൽ ഷെയ്ഖ് മുഹമ്മദ് ഇഖ്ബാൽ YSR കോൺഗ്രസ് പാർട്ടി അംഗത്വവും MLC സ്ഥാനവും രാജിവച്ചതോടെ മറ്റൊരു സീറ്റ് കൂടെ ഒഴിവ് വന്നു.

National306 days ago

വിജയിയുടെ TVKയ്ക്ക് തിരഞ്ഞെടുപ്പ് കമ്മീഷന്റെ അംഗീകാരം

TVK ഇനി തിരഞ്ഞെടുപ്പ് രാഷ്ട്രീയത്തിലേക്കെന്നും ആദ്യ വാതില്‍ തുറന്നുവെന്നും വിജയ് പറഞ്ഞു. എല്ലാവരും സമന്മാരെന്ന തത്വത്തില്‍ മുന്നോട്ട് പോകുമെന്നും വിജയ് പുറത്തുവിട്ട വാര്‍ത്താക്കുറിപ്പില്‍ വ്യക്തമാക്കി. പാര്‍ട്ടിയുടെ ആദ്യ സമ്മേളനം ഉടന്‍ പ്രഖ്യാപിക്കുമെന്നാണ് റിപ്പോര്‍ട്ട്. പോലീസ് അനുമതി കിട്ടാത്തതിനാലാണ് TVKയുടെ സംസ്ഥാന സമ്മേളനം വൈകുന്നത്.

National224 days ago

ഹരിയാനയിലെ വോട്ടെടുപ്പ് ഒക്ടോബര്‍ അഞ്ചിലേക്ക് മാറ്റി

ഒക്ടോബര്‍ ഒന്നിന് നടത്താന്‍ തീരുമാനിച്ച നിയമസഭ തെരഞ്ഞെടുപ്പിന്റെ വോട്ടെടുപ്പ് മാറ്റിവെയ്ക്കണമെന്ന ആവശ്യമാണ് കേന്ദ്ര തിരഞ്ഞെടുപ്പ് കമ്മീഷന്‍ അംഗീകരിച്ചത്. ജമ്മുകശ്മീരിലെയും ഹരിനായയിലെയും വോട്ടെണ്ണല്‍ ഒക്ടോബര്‍ നാലില്‍ നിന്ന് ഒക്ടോബര്‍ എട്ടിലേക്കും മാറ്റിയിട്ടുണ്ട്. ഗുരു ജംഭേശ്വരന്റെ സ്മരണാര്‍ഥം നടത്തുന്ന അസോജ് അമാവാസി ആഘോഷത്തില്‍ പങ്കെടുക്കുന്ന നൂറ്റാണ്ടുകള്‍ പഴക്കമുള്ള ആചാരം പിന്തുടരുന്ന ബിഷ്ണോയി സമുദായത്തിന്റെ വോട്ടവകാശത്തെയും പാരമ്പര്യത്തെയും മാനിക്കാനാണ് തീരുമാനമെന്ന് കമ്മീഷന്‍ വ്യക്തമാക്കി.

National232 days ago

UP ഉപതിരഞ്ഞെടുപ്പ്: കോൺഗ്രസും സമാജ്‌വാദി പാർട്ടിയും സീറ്റ് വിഭജന ചർച്ചകൾ ആരംഭിച്ചു

ഉത്തർപ്രദേശിലെ നിയമസഭാ സീറ്റുകളിലേക്കുള്ള ഉപതിരഞ്ഞെടുപ്പിന് മുന്നോടിയായി കോൺഗ്രസും സമാജ്‌വാദി പാർട്ടിയും സീറ്റ് വിഭജന ചർച്ചകൾ ആരംഭിച്ചു. UP യിലെ 10 നിയമസഭാ സീറ്റുകളിലേക്കാണ് ഉപതിരഞ്ഞെടുപ്പ് നടക്കുന്നത്. ലോക്സഭാ തിരഞ്ഞെടുപ്പിൽ ഇരു പാർട്ടികളും ഒറ്റക്കെട്ടായി നിന്ന് ഉത്തർപ്രദേശിൽ മിന്നുന്ന പ്രകടനമാണ് കാഴ്ചവച്ചത്. നിയമസഭാ ഉപതിരഞ്ഞെടുപ്പിലും ഒരുമിച്ച് നിന്ന് ഇത് ആവർത്തിക്കാൻ കഴിയുമെന്നാണ് ഇരു പാർട്ടികളും പ്രതീക്ഷിക്കുന്നത്.

National239 days ago

ജമ്മുകശ്മീരിലെ നിയമസഭാ തിരഞ്ഞെടുപ്പ്; ആദ്യഘട്ട വോട്ടെടുപ്പിനുള്ള വിജ്ഞാപനം ഇന്ന്

ജമ്മുകശ്മീരിലെ 24 നിയമസഭാ മണ്ഡലങ്ങളിലേക്കുള്ള ആദ്യഘട്ട വോട്ടെടുപ്പിനുള്ള വിജ്ഞാപനമാണ് കേന്ദ്ര തിരഞ്ഞെടുപ്പ് കമ്മീഷന്‍ ഇന്ന് പുറപ്പെടുവിക്കുന്നത്. സെപ്റ്റംബര്‍ 18, സെപ്റ്റംബര്‍ 25, ഒക്ടോബര്‍ 1 തീയതികളിലായി മൂന്ന് ഘട്ടങ്ങളിലായാണ് തിരഞ്ഞെടുപ്പ് നടക്കുന്നത്. ഒക്ടോബര്‍ നാലിന് ഫലം പ്രഖ്യാപിക്കുമെന്നാണ് റിപ്പോര്‍ട്ട്. 2014ലാണ് ജമ്മുകശ്മീരില്‍ അവസാനമായി തിരഞ്ഞെടുപ്പ് നടന്നത്. അടുത്ത ദിവസങ്ങളിലായി രാഷ്ട്രീയ പാര്‍ട്ടികള്‍ തങ്ങളുടെ സ്ഥാനാര്‍ത്ഥികളുടെ ആദ്യ പട്ടിക പുറത്തിറക്കുമെന്നാണ് പ്രതീക്ഷ.

National243 days ago

വയനാട്ടിൽ ലോക്സഭാ ഉപതിരഞ്ഞെടുപ്പ് ഉടനില്ല

രാഹുൽ ഗാന്ധി രാജി വെച്ചതിനെ തുടർന്ന് ഒഴിവ് വന്ന വയനാട് മണ്ഡലത്തിലെ ലോക്സഭാ സീറ്റിലേക്ക് ഉടൻ ഉപതിരഞ്ഞെടുപ്പ് ഉണ്ടാകില്ലന്ന് മുഖ്യ തിതെരഞ്ഞെടുപ്പ് കമ്മീഷണര്‍ രാജീവ് കുമാര്‍ പറഞ്ഞു. 47 ഇടങ്ങളിൽ ഉപതിരഞ്ഞെടുപ്പുകൾ നടത്താനുണ്ടെന്നും പ്രകൃതിദുരന്തം ഉണ്ടായ വയനാട്ടിൽ ഉടൻ തിരഞ്ഞെടുപ്പിനുള്ള സാഹചര്യം അല്ലെന്നും അദ്ദേഹം വ്യക്തമാക്കി. കലാവസ്ഥയടക്കമുള്ള സാഹചര്യങ്ങൾ പരിശോധിച്ച ശേഷം എല്ലാ സ്ഥലങ്ങളിലും ഒന്നിച്ച് ഉപതിരഞ്ഞെടുപ്പുകള്‍ നടത്തുന്നതിനെ കുറിച്ച് ആലോചിക്കുമെന്നും മുഖ്യതിരഞ്ഞെടുപ്പ് കമ്മീഷണര്‍ രാജീവ് കുമാര്‍ അറിയിച്ചു.

Kerala247 days ago

നാല് സംസ്ഥാനങ്ങളിലെ നിയമസഭ തിരഞ്ഞെടുപ്പ് തീയതികള്‍ ഇന്ന് പ്രഖ്യാപിക്കും

ജമ്മുകശ്മീര്‍ മഹാരാഷ്ട്ര, ഹരിയാന, ഝാര്‍ഖണ്ഡ് എന്നീ സംസ്ഥാനങ്ങളിലെ നിയമസഭ തിരഞ്ഞെടുപ്പ് തീയതികളാണ് ഇന്ന് കേന്ദ്ര തിരഞ്ഞെടുപ്പ് കമ്മീഷന്‍ ഇന്ന് പ്രഖ്യാപിക്കുന്നത്. വൈകീട്ട് മൂന്നുമണിക്ക് സംഘടിപ്പിച്ചിരിക്കുന്ന വാര്‍ത്താ സമ്മേളനത്തിലാണ് പ്രഖ്യാപനം. ഹരിയാന നിയമസഭയുടെ കാലാവധി നവംബര്‍ മൂന്നിനും മഹാരാഷ്ട്ര നിയമസഭയുടെ കാലാവധി നവംബര്‍ 26 നും അവസാനിക്കും. ഝാര്‍ഖണ്ഡ് നിയമസഭയുടെ കാലാവധിയും ഈ വര്‍ഷം ഡിസംബറോടെ അവസാനിക്കും.

National247 days ago

തദ്ദേശ ഉപതിരഞ്ഞെടുപ്പ് ഇന്ന്

സംസ്ഥാനത്തെ 49 തദ്ദേശവാര്‍ഡുകളിലേക്കുള്ള ഉപതിരഞ്ഞെടുപ്പ് ഇന്ന്. രാവിലെ ഏഴ് മണി മുതല്‍ വൈകുന്നേരം ആറ് മണി വരെയാണ് വോട്ടെടുപ്പ്. 2024 ഏപ്രിലില്‍ നടന്ന ലോക്‌സഭാ തിരഞ്ഞെടുപ്പില്‍ വോട്ട് ചെയ്തിട്ടുള്ള വോട്ടര്‍മാരുടെ ചൂണ്ടുവിരലില്‍ പുരട്ടിയ മഷിയടയാളം പൂര്‍ണമായും മാഞ്ഞ് പോയിട്ടില്ലാത്തതിനാൽ ഇപ്രാവശ്യം വോട്ടു ചെയ്യുന്നവരുടെ ഇടതു കൈയ്യിലെ ചൂണ്ടുവിരലിന് പകരം നടുവിരലിലാണ് മായാത്ത മഷി പുരട്ടുക. വയനാട് ഒഴികെയുള്ള 13 ജില്ലകളിലും നടക്കുന്ന ഉപതിരഞ്ഞെടുപ്പിൽ ഒരു ജില്ലാ പഞ്ചായത്ത്, നാല് ബ്ലോക്ക് പഞ്ചായത്ത്, ആറ് മുനിസിപ്പാലിറ്റി, 38 ഗ്രാമപഞ്ചായത്ത് വാര്‍ഡുകളിലായി 169 സ്ഥാനാര്‍ത്ഥികളാണ് ജനവിധി തേടുന്നത്.

Kerala265 days ago

തദ്ദേശ ഉപതിരഞ്ഞെടുപ്പ്: ഒരുക്കങ്ങൾ പൂർത്തിയായി

സംസ്ഥാനത്തെ 49 തദ്ദേശ വാര്‍ഡുകളിലേക്കുള്ള ഉപതിരഞ്ഞെടുപ്പിനുള്ള മുന്നൊരുക്കങ്ങള്‍ പൂര്‍ത്തിയായതായി സംസ്ഥാന തിരഞ്ഞെടുപ്പ് കമ്മീഷണര്‍ എ. ഷാജഹാന്‍ അറിയിച്ചു. നാളെയാണ് ഉപതിരഞ്ഞെടുപ്പ്. രാവിലെ ഏഴ് മുതല്‍ വൈകിട്ട് ആറ് വരെയാണ് വോട്ടെടുപ്പ്. കേന്ദ്ര തിരഞ്ഞെടുപ്പ് കമ്മീഷന്‍ നല്‍കിയിട്ടുള്ള തിരിച്ചറിയല്‍ കാര്‍ഡ്, സംസ്ഥാന തിരഞ്ഞെടുപ്പ് കമ്മീഷന്‍ നല്‍കിയിട്ടുള്ള തിരിച്ചറിയല്‍ രേഖ, പാസ്‌പോര്‍ട്ട്, ഡ്രൈവിംഗ് ലൈസന്‍സ്, പാന്‍കാര്‍ഡ്, ആധാര്‍കാര്‍ഡ്, ഫോട്ടോ പതിച്ചുള്ള SSLC ബുക്ക്, ബാങ്ക് പാസ്‌ബുക്ക് തുടങ്ങിയവ തിരിച്ചറിയൽ രേഖകളായി ഉപയോഗിക്കാം. വോട്ടർമാരുടെ ഇടതു കൈയ്യിലെ ചൂണ്ടുവിരലിന് പകരം നടുവിരലിലാകും മഷി പുരട്ടുക.Read More

Kerala266 days ago

തദ്ദേശ ഉപതിരഞ്ഞെടുപ്പ്: മഷി പുരട്ടുക വോട്ടർമാരുടെ നടുവിരലിൽ

ഈ മാസം 30ന് നടക്കുന്ന തദ്ദേശസ്ഥാപന ഉപതിരഞ്ഞെടുപ്പിൽ വോട്ട് ചെയ്യുന്നവരുടെ ഇടത് കൈയിലെ നടുവിരലിലാണ് മഷി പുരട്ടുക എന്ന് സംസ്ഥാന തിരഞ്ഞെടുപ്പ് കമ്മീഷൻ അറിയിച്ചു. 2024 ഏപ്രിലിൽ നടന്ന ലോക്സഭാ തിരഞ്ഞെടുപ്പിൽ വോട്ട് ചെയ്തവരുടെ ഇടത് കൈയിലെ ചൂണ്ടുവിരലിൽ പുരട്ടിയ മഷി അടയാളം പൂർണ്ണമായും മാഞ്ഞു പോയിട്ടില്ലാത്തതിനാലാണ് ചൂണ്ടുവിരലിന് പകരം നടുവിരലിൽ മഷി പുരട്ടാൻ തീരുമാനിച്ചത്.

Kerala275 days ago

ഉപതിരഞ്ഞെടുപ്പില്‍ ഇന്ത്യാ സഖ്യത്തിന് നേട്ടം; 10 സീറ്റുകളില്‍ വിജയിച്ചു

ഏഴ് സംസ്ഥാനങ്ങളിലെ 13 നിയമസഭാ മണ്ഡലങ്ങളിലേക്ക് നടന്ന ഉപതിരഞ്ഞെടുപ്പില്‍ പ്രതിപക്ഷസഖ്യം ഇന്ത്യയ്ക്ക് മിന്നും വിജയം. 10 സീറ്റില്‍ ഇന്ത്യാ സഖ്യം വിജയിച്ചപ്പോള്‍ BJPക്ക് രണ്ട് സീറ്റുകള്‍ മാത്രമാണ് നേടാനായത്. ഒരു സീറ്റില്‍ സ്വതന്ത്ര സ്ഥാനാര്‍ത്ഥിയും വിജയിച്ചു. ലോക്സഭാ തിരഞ്ഞെടുപ്പില്‍ ഇന്ത്യാ സഖ്യം നടത്തിയ മുന്നേറ്റമാണ് ഉപതിരഞ്ഞെടുപ്പ് ഫലവും സൂചിപ്പിക്കുന്നത്.

National281 days ago