ടി20 ലോകകപ്പ് ഫൈനൽ: ദക്ഷിണാഫ്രിക്കയ്ക്ക് 177 റൺസ് വിജയലക്ഷ്യം

ടി20 ലോകകപ്പ് ഫൈനലിൽ ഇന്ത്യക്കെതിരെ ദക്ഷിണാഫ്രിക്കയ്ക്ക് 177 റൺസ് വിജയലക്ഷ്യം. നിശ്ചിത ഓവറിൽ ഏഴ് വിക്കറ്റ് നഷ്ടത്തിൽ 176 റൺസാണ് ഇന്ത്യ നേടിയത്. തുടക്കത്തിൽ തകർന്ന ബാറ്റിംഗ് നിരയെ വിരാട് കോഹ്ലിയും അക്ഷർ പട്ടേലും ചേർന്നാണ് കരകയറ്റിയത്. കോഹ്ലി അർധ സെഞ്ച്വറി തികച്ചു. 59 പന്തിൽ നിന്ന് 76 റൺസാണ് കോഹ്ലി നേടിയത്. 16 പന്തിൽ നിന്ന് 27 റൺസ് നേടി ശിവം ദുബെയും മികച്ച പ്രകടനം പുറത്തെടുത്തു.

Sports295 days ago

ലോകചാമ്പ്യന്മാർക്ക് മുംബൈയിൽ ഗംഭീര വരവേൽപ്പ്

മുംബൈ മറൈൻഡ്രൈവിനെ നീലക്കടലായി മാറ്റി ടി20 ലോകകപ്പ് നേടിയുള്ള ഇന്ത്യൻ ടീമിൻ്റെ വരവ്. മുംബൈ വിമാനത്താവളത്തിൽ എത്തിയ ഇന്ത്യൻ ടീമിനെ വലിയ ആഹ്ലാദത്തോടെയാണ് ആരാധകർ വരവേറ്റത്. മുംബൈ മറൈൻഡ്രൈവിൽ നിന്നും ഓപ്പൺ ബസിൽ കയറി വാങ്കഡെ സ്റ്റേഡിയം വരെയുള്ള വിക്ടറി പരേഡ് കാണാൻ പതിനായിരക്കണക്കിന് ആരാധകരാണ് ഒത്തുകൂടിയിരിക്കുന്നത്. ആരാധകരെ ആവേശത്തിലാഴ്ത്തി താരങ്ങൾ ട്രോഫി ഉയർത്തിക്കാട്ടുകയും കൈവീശുകയും ചെയ്തു. ടി20 ലോകകപ്പ് കിരീടം നേടിയെത്തുന്ന ടീമിനെ കാണുന്നതിനായി മഴ പോലും വകവെയ്ക്കാതെയാണ് ആരാധകർ എത്തിയത്.

Sports290 days ago

ലോകകപ്പ് കിരീടവുമായി ഇന്ത്യന്‍ ക്രിക്കറ്റ് ടീം ഇന്നെത്തും

ഇന്ന് രാവിലെ 6.20ന് ഡല്‍ഹി വിമാനത്താവളത്തിലെത്തുന്ന ബോയിംഗ് 777 വിമാനത്തിലാണ് ക്യാപ്റ്റന്‍ രോഹിത് ശര്‍മയുടെ നേതൃത്വത്തില്‍ ഇന്ത്യന്‍ ടീം അംഗങ്ങള്‍ എത്തുക. പ്രധാനമന്ത്രിയുമായുള്ള പ്രഭാത ഭക്ഷത്തില്‍ പങ്കെടുത്തശേഷം ഇന്ത്യന്‍ ക്രിക്കറ്റ് ടീം വൈകിട്ട് മുംബൈയില്‍ തുറന്ന ബസില്‍ വിക്ടറി പരേഡ് നടത്തും. മുംബൈ മറൈന്‍ ഡ്രൈവില്‍ നിന്ന് വാംഖഡെ സ്റ്റേഡിയം വരെ തുറന്ന ബസില്‍ കീരീടവുമായി യാത്ര ചെയ്യും.

Sports291 days ago

ടി20 ലോകകപ്പ് കിരീടനേട്ടം: ഇന്ത്യൻ ടീമിന് പാരിതോഷികം പ്രഖ്യാപിച്ച് BCCI

ട്വന്‍റി 20 ലോകകപ്പ് കിരീടം നേടിയ ടീം ഇന്ത്യക്ക് BCCI 125 കോടി രൂപ പാരിതോഷികം പ്രഖ്യാപിച്ചു. BCCI സെക്രട്ടറി ജയ് ഷായാണ് സമൂഹമാധ്യമമായ എക്സിലൂടെ ഇക്കാര്യം അറിയിച്ചത്. ലോകകപ്പ് കിരീടനേട്ടത്തിൽ പങ്കാളികളായ കളിക്കാരും പരിശീലകരും മറ്റ് സപ്പോർട്ട് സ്റ്റാഫുകളും ഉൾപ്പെടുന്ന ടീമിനാണ് 125 കോടി ലഭിക്കുക. ലോകകപ്പ് നേട്ടത്തിൽ പങ്കാളികളായ എല്ലാരേയും അഭിനന്ദിച്ച ജയ് ഷാ ടൂർണമെന്റിൽ ഉടനീളം ഇന്ത്യൻ ടീം അസാമാന്യമായ കഴിവും നിശ്ചയദാർഢ്യവും പ്രകടിപ്പിച്ചെന്നും എക്സിൽ പങ്കുവെച്ച കുറിപ്പിൽ പറഞ്ഞു.

Sports294 days ago

ടി20യില്‍ നിന്ന് വിരമിക്കല്‍ പ്രഖ്യാപിച്ച് രോഹിത് ശര്‍മയും കോഹ്‌ലിയും

ട്വന്റി 20 ലോകകപ്പില്‍ ഇന്ത്യയ്ക്കായി രണ്ടാം കിരീടം ഏറ്റുവാങ്ങിയതിന് ശേഷമാണ് ഇരുവരും വിരമിക്കല്‍ പ്രഖ്യാപിച്ചത്. 59 പന്തില്‍ കോഹ്‌ലി നേടിയ 76 റണ്‍സാണ് ഇന്ത്യയുടെ കിരീട വിജയത്തിന് അടിത്തറയിട്ടത്. ക്യാപ്റ്റനായി ലോകകപ്പ് ഉയര്‍ത്തി ശേഷമാണ് രോഹിത്തിന്റെ പടിയിറക്കം. എട്ട് മത്സരങ്ങളില്‍ 257 റണ്‍സുമായി റണ്‍വേട്ടക്കാരില്‍ രണ്ടാം സ്ഥാനത്താണ് രോഹിത്.

Sports295 days ago

ICC ടി20 ലോകകിരീടം ഇന്ത്യയ്ക്ക്

ദക്ഷിണാഫ്രിക്കയെ പരാജയപ്പെടുത്തി ടി20 ലോകകിരീടത്തിൽ മുത്തമിട്ട് ഇന്ത്യ. ഇന്ത്യ ഉയർത്തിയ 177 റൺസ് എന്ന വിജയലക്ഷ്യം പിന്തുടർന്ന ദക്ഷിണാഫ്രിക്കയ്ക്ക് ഏഴ് വിക്കറ്റ് നഷ്ടത്തിൽ 169 റൺസ് എടുക്കാനെ സാധിച്ചുള്ളൂ. ബുംറ എറിഞ്ഞ 16,18 ഓവറുകൾ കളിയിൽ നിർണായകമായി. ഹർദിക് പാണ്ഡ്യയുടെ അവസാന ഓവറിൽ ഡേവിഡ് മില്ലർ പുറത്തായതോടെ കളി ഇന്ത്യയുടെ വരുതിയിലായി. ഇന്ത്യയുടെ രണ്ടാം ടി20 ലോക കിരീടമാണിത്.

Sports295 days ago

റെക്കോർഡ് നേട്ടത്തിന് അരികെ ഇന്ത്യൻ പേസർ അർഷ്ദീപ് സിങ്

ഒരു ടി20 ലോകകപ്പ് എഡിഷനിൽ ഏറ്റവും കൂടുതൽ വിക്കറ്റുകൾ വീഴ്ത്തുന്ന ബൗളർ എന്ന റെക്കോർഡിന് അരികിലാണ് ഇന്ത്യൻ പേസർ അർഷ്ദീപ് സിങ്. ഇന്നത്തെ മത്സരത്തിൽ മൂന്ന് വിക്കറ്റുകൾ വീഴ്ത്തിയാൽ അർഷ്‌ദീപിന് ഈ നേട്ടം സ്വന്തമാക്കാം. ഈ ലോകകപ്പിൽ 17 വിക്കറ്റുകൾ നേടിയ അഫ്ഗാനിസ്ഥാൻ പേസർ ഫസൽഹഖ് ഫാറൂഖി ആണ് നിലവിൽ ഒരു ലോകകപ്പ് എഡിഷനിൽ ഏറ്റവും കൂടുതൽ വിക്കറ്റുകൾ നേടിയ ബൗളർ എന്ന റെക്കോർഡിന് ഉടമ.

Sports295 days ago

കിരീടം ആര്‍ക്ക്; ട്വിന്റി 20 ലോകകപ്പ് ഫൈനല്‍ ഇന്ന്

ടി20 ലോകകപ്പില്‍ ഇന്ന് ഇന്ത്യ - ദക്ഷിണാഫ്രിക്ക ഫൈനല്‍ പോരാട്ടം. ഇന്ത്യന്‍ സമയം രാത്രി എട്ടിന് വെസ്റ്റിന്‍ഡീസിലെ ബാര്‍ബഡോസിലെ കെന്‍സിങ്ടണ്‍ ഓവലിലാണ് കിരീടപ്പോരാട്ടം നടക്കുക. നിലവിലെ ജേതാക്കളായ ഇംഗ്ലണ്ടിനെ തോല്‍പ്പിച്ച് ഇന്ത്യ ഫൈനലില്‍ എത്തിയപ്പോള്‍ അഫ്ഗാനിസ്ഥാനെ പരാജയപ്പെടുത്തിയാണ് ദക്ഷിണാഫ്രിക്ക ആദ്യമായി ഫൈനലില്‍ എത്തിയിരിക്കുന്നത്. അതേസമയം ഫൈനലില്‍ സഞ്ജു സാംസണ് അവസരം ലഭിക്കുമോ എന്നാണ് മലയാളി ആരാധകര്‍ ഉറ്റുനോക്കുന്നത്.

Sports296 days ago

ടി20 ലോകകപ്പ്: ഇംഗ്ലണ്ടിനെ വീഴ്ത്തി ഇന്ത്യ ഫൈനലില്‍

നിലവിലെ ചാമ്പ്യന്മാരായ ഇംഗ്ലണ്ടിനെ 68 റണ്‍സിന് തകര്‍ത്താണ് ഇന്ത്യ ടി20 ലോകകപ്പ് ഫൈനലില്‍ എത്തിയിരിക്കുന്നത്. ആദ്യം ബാറ്റ് ചെയ്ത ഇന്ത്യ ഏഴ് വിക്കറ്റ് നഷ്ടത്തില്‍ 171 റണ്‍സ് അടിച്ചു. മറുപടി ബാറ്റിങ്ങിനിറങ്ങിയ ഇംഗ്ലണ്ടിനെ 16.4 ഓവറില്‍ 103 റണ്‍സിന് എറിഞ്ഞിട്ടാണ് ഇന്ത്യ ഫൈനലിലേക്ക് കുതിച്ചത്. നാളെ നടക്കുന്ന ഫൈനലില്‍ ദക്ഷിണാഫ്രിക്കയാണ് ഇന്ത്യയുടെ എതിരാളികള്‍.

Sports297 days ago

മഴ മാറി; ഇന്ത്യ-ഇംഗ്ലണ്ട് സെമി ഫൈനല്‍ മത്സരത്തിന്റെ ടോസ് വൈകുന്നു

T20 ലോകകപ്പിലെ ഇന്ത്യ-ഇംഗ്ലണ്ട് സെമി ഫൈനല്‍ മത്സരം നടക്കേണ്ട ഗയാന, പ്രൊവിഡന്‍സ് സ്റ്റേഡിയത്തില്‍ മത്സരത്തിന് തൊട്ടു മുമ്പ് പെയ്ത കനത്ത മഴയില്‍ ഔട്ട് ഫീല്‍ഡ് നനഞ്ഞു കിടക്കുകയാണ്. അതിനാലാണ് ടോസ് വൈകുന്നത്. പിച്ചും ഔട്ട് ഫീല്‍ഡും അമ്പയര്‍മാര്‍ പരിശോധിച്ചശേഷമെ ടോസ് സാധ്യമാവൂ. ഇന്ത്യന്‍ സമയം രാത്രി എട്ട് മണിക്ക് തുടങ്ങേണ്ട മത്സരത്തിന്ത്തിന് 7.30നായിരുന്നു ടോസിടേണ്ടിയിരുന്നത്.

Sports297 days ago

ടി20 ലോകകപ്പ്: ഇന്ത്യ-ഓസ്‌ട്രേലിയ സൂപ്പര്‍ പോരാട്ടം ഇന്ന്

ടി20 ലോകകപ്പ് സൂപ്പര്‍ എട്ടില്‍ സെമി ലക്ഷ്യമിട്ടാണ് ഇന്ത്യയും ഓസ്‌ട്രേലിയയും ഇന്ന് പോരാട്ടത്തിനിറങ്ങുന്നത്. ജയിച്ചാല്‍ ഗ്രൂപ്പ് ചാംപ്യന്‍മാരായി ഇന്ത്യയ്ക്ക് സെമിയിലെത്താം. അതേസമയം അഫ്ഗാനിസ്ഥാനെതിരായ അപ്രതീക്ഷിത തോല്‍വിയുടെ ആഘാതത്തിലാണ് ഓസ്‌ട്രേലിയ കളിക്കാനിറങ്ങുന്നത്. ഇന്ത്യന്‍ സമയം രാത്രി എട്ടിന് സെന്റ് ലൂസിയയിലെ ഡാരന്‍ സമി നാഷണല്‍ ക്രിക്കറ്റ് സ്റ്റേഡിയത്തിലാണ് മത്സരം.

Sports300 days ago