പ്ലസ് വണ്‍ സീറ്റ് ക്ഷാമം; അധിക ബാച്ച് അനുവദിക്കുമെന്ന് വിദ്യാഭ്യാസ മന്ത്രി

പ്ലസ് വണ്ണിന് അധിക ബാച്ച് അനുവദിക്കുന്നത് സംബന്ധിച്ച് തീരുമാനമെടുക്കാന്‍ രണ്ടംഗ സമിതിയെ ചുമതലപ്പെടുത്തുമെന്ന് വിദ്യാഭ്യാസ മന്ത്രി വി. ശിവന്‍കുട്ടി. എവിടെയെല്ലാം അധിക ബാച്ച് അനുവദിക്കണമെന്ന് സമിതി പരിശോധിക്കും. ജൂലൈ അഞ്ചിനകം സമിതി റിപ്പോര്‍ട്ട് നല്‍കണം. റിപ്പോര്‍ട്ടിന്റെ അടിസ്ഥാനത്തില്‍ അടുത്ത പ്രവേശന നടപടികള്‍ ആരംഭിക്കും. മലപ്പുറം, പാലക്കാട്, കാസര്‍കോട് ജില്ലകളിലാണ് സീറ്റ് പ്രതിസന്ധികളുള്ളതെന്ന് മന്ത്രി പറഞ്ഞു.

Kerala181 days ago

മുണ്ടക്കൈ, വെള്ളാർമല സ്കൂളുകളുടെ പ്രവേശനോത്സവം സംഘടിപ്പിച്ചു

ഉരുൾപൊട്ടലിൽ തകർന്ന വെള്ളാർമല സ്കൂളിലെ വിദ്യാർത്ഥികളെ മേപ്പടി GVHSS ലേക്കും മുണ്ടക്കൈ സ്കൂളിലെ വിദ്യാർത്ഥികളെ APJ അബ്ദുൽകലാം കമ്മ്യൂണിറ്റി ഹാളിലേക്കും മാറ്റിയാണ് പഠന സൗകര്യം ഒരുക്കിയിരിക്കുന്നത്. ഇരു സ്കൂളിലെയും കുട്ടികൾക്കായി മേപ്പാടി GVHSS ൽ നടന്ന പ്രവേശനോത്സവം വിദ്യാഭ്യാസ മന്ത്രി വി. ശിവൻകുട്ടി ഉദ്ഘാടനം ചെയ്തു. വയനാടിനൊപ്പമാണ് ഈ നാട് മുഴുവനെന്നും കുട്ടികളുടെ പഠനത്തിൽ ഒരു കുറവും വരുത്തില്ലെന്നും മന്ത്രി ഉറപ്പുനൽകി. വിദ്യാർത്ഥികൾക്ക് 40 ദിവസത്തെ പഠനം നഷ്ടമായിട്ടുണ്ട് അതുകൊണ്ടുതന്നെ അധികം ക്ലാസെടുത്തു പരിഹാരം ഉണ്ടാക്കുമെന്നും അതിനായി അധ്യാപകർക്ക് പരിശീലനം നൽകുമെന്നും മന്ത്രി പറഞ്ഞു.

Kerala112 days ago

ഹേമ കമ്മിറ്റി റിപ്പോര്‍ട്ട്; കുറ്റക്കാര്‍ ആരും രക്ഷപ്പെടില്ലെന്ന് മന്ത്രി വി. ശിവന്‍കുട്ടി

ഉപ്പു തിന്നവര്‍ വെള്ളം കുടിക്കുമെന്നും അതാരായാലും അങ്ങനെ തന്നെ ആയിരിക്കുമെന്നാണ് ഹേമ കമ്മിറ്റി റിപ്പോര്‍ട്ടിന്മേലുള്ള മന്ത്രി വി. ശിവന്‍കുട്ടിയുടെ പ്രതികരണം. കുറ്റക്കാര്‍ ആരും രക്ഷപ്പെടില്ലെന്ന് മുഖ്യമന്ത്രി തന്നെ പറഞ്ഞിട്ടുണ്ടെന്നും അതിനെ അവിശ്വസിക്കേണ്ട കാര്യമില്ലെന്നും മന്ത്രി പറഞ്ഞു. അതേസമയം ഹേമ കമ്മിറ്റി റിപ്പോര്‍ട്ടില്‍ വിവരാവകാശ കമ്മീഷന്‍ നിര്‍ദേശിച്ചതിനേക്കാള്‍ കൂടുതല്‍ ഭാഗങ്ങള്‍ സര്‍ക്കാര്‍ വെട്ടിമാറ്റിയെന്ന് ചൂണ്ടിക്കാട്ടി വിവാദമുണ്ടായിരിക്കുകയാണ്. റിപ്പോര്‍ട്ടിലെ 49 മുതല്‍ 53 വരെയുള്ള പേജുകള്‍ സര്‍ക്കാര്‍ ഒഴിവാക്കെന്നാണ് ആരോപണം.

Kerala122 days ago

മുണ്ടക്കൈ, ചൂരൽമല മേഖലയിലെ കുട്ടികൾക്ക് കൗൺസിലിംഗ് നൽകും: മന്ത്രി വി. ശിവൻകുട്ടി

ഉരുൾപൊട്ടലുണ്ടായ മുണ്ടക്കൈ, ചൂരൽമല മേഖലയിലെ കുട്ടികൾക്ക് ക്ലാസ് തുടങ്ങിയാലും ആദ്യം പഠിപ്പിക്കുക അക്കാദമിക് കാര്യങ്ങൾ അല്ലെന്നും കുട്ടികളുടെ മനോനില സാധാരണ നിലയിലാകുന്നത് വരെ കൗൺസിലിംഗ് നൽകുമെന്നും കളികളിലും മറ്റും ശ്രദ്ധ കേന്ദ്രീകരിക്കുമെന്നും വിദ്യാഭ്യാസ മന്ത്രി വി. ശിവൻകുട്ടി. അധ്യാപകർക്കും കൗൺസിലിങ്ങിന്റെ ആവശ്യമുണ്ടെന്നും അദ്ദേഹം പറഞ്ഞു. ഉരുൾപൊട്ടലിൽ രണ്ട് സ്കൂളുകൾക്കാണ് കാര്യമായ നാശനഷ്ടമുണ്ടായത്. ഇതിൽ അടിയന്തര പരിഹാരം കാണുമെന്ന് മന്ത്രി അറിയിച്ചു. പാഠപുസ്തകങ്ങൾ നഷ്‌ടമായ കുട്ടികൾക്ക് പാഠപുസ്തകങ്ങൾ നൽകുമെന്നും മന്ത്രി വ്യക്തമാക്കി.

Kerala127 days ago

1204 ഭിന്നശേഷിക്കാരെ സ്കൂളുകളിൽ നിയമിച്ചു: മന്ത്രി വി. ശിവൻകുട്ടി

ഭിന്നശേഷി വിഭാഗത്തിലെ 1204 പേർക്ക് ഇടതുസർക്കാർ അധികാരത്തിലേറിയശേഷം സ്കൂളുകളിൽ നിയമനം നൽകിയതായി പൊതുവിദ്യാഭ്യാസ മന്ത്രി വി. ശിവൻകുട്ടി. വിദ്യാഭ്യാസ വകുപ്പിൽ വർഷങ്ങളായി കെട്ടിക്കിടക്കുന്ന ഫയലുകൾക്ക് അടിയന്തിര തീരുമാനം ഉണ്ടാക്കുന്നതിന്റെ ഭാഗമായി കോഴിക്കോട്, മലപ്പുറം, വയനാട്, കണ്ണൂർ, കാസർകോട് ജില്ലകളിലെ വിദ്യാഭ്യാസ ഓഫീസുകളിൽ സംഘടിപ്പിച്ച ഫയൽ അദാലത്ത് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. ദുരന്തത്തിന്റെ പശ്ചാത്തലത്തിൽ വയനാടിനായി പ്രത്യേക അദാലത്ത് നടത്തുമെന്നും മന്ത്രി അറിയിച്ചു.

Kerala128 days ago

പ്ലസ് വണ്‍ പ്രവേശനം, നാളെ വൈകിട്ട് വരെ അപേക്ഷിക്കാം

ഇതുവരെ പ്ലസ് വണ്‍ പ്രവേശനത്തിനുളള അലോട്ട്മെന്റ് ലഭിക്കാതിരുന്നവര്‍ക്കും ഇതുവരെയും അപേക്ഷ സമര്‍പ്പിക്കാന്‍ കഴിയാതിരുന്നവര്‍ക്കും നിലവിലുള്ള ഒഴിവുകളില്‍ പ്രവേശനം നേടുന്നതിന് ഇന്ന് ഉച്ചയ്ക്ക് 1 മണി മുതല്‍ വ്യാഴാഴ്ച വൈകിട്ട് 4 മണി വരെ അപേക്ഷ സമര്‍പ്പിക്കാം. www.hscap.kerala.gov.in എന്ന സൈറ്റില്‍ കാന്‍ഡിഡേറ്റ് ലോഗിനിലെ അപ്ലൈ ഫോര്‍ വേക്കന്റ് സീറ്റ്സ് എന്ന ലിങ്കിലൂടെയാണ് അപേക്ഷ സമര്‍പ്പിക്കേണ്ടത്. അതേസമയം നിലവില്‍ ഏതെങ്കിലും ക്വാട്ടയില്‍ പ്രവേശനം നേടിക്കഴിഞ്ഞ വിദ്യാര്‍ത്ഥികള്‍ക്ക് ഇത് അപേക്ഷിക്കുവാന്‍ സാധിക്കുകയില്ല.

Education138 days ago

വയനാട് ദുരന്തം: 20 ദിവസത്തിനകം ക്ലാസുകള്‍ തുടങ്ങാനാകുമെന്ന് പ്രതീക്ഷിക്കുന്നതായി വിദ്യാഭ്യാസ മന്ത്രി

മുണ്ടക്കൈ ഉരുള്‍പൊട്ടലില്‍ ദുരിതബാധിതരായ കുട്ടികളെ ക്ലാസിലെത്തിക്കാനുള്ള നടപടികള്‍ ഉടന്‍ സ്വീകരിക്കുമെന്ന് വിദ്യാഭ്യാസ മന്ത്രി വി. ശിവന്‍കുട്ടി. ദുരിതാശ്വാസ ക്യാമ്പ് മാറുന്ന മുറയ്ക്ക് മേപ്പാടി സ്‌കൂളില്‍ പഠനം പുനരാരംഭിക്കുമെന്നും വെള്ളാര്‍മല, മുണ്ടക്കൈ ഈ രണ്ട്് സ്‌കൂളുകളിലെയും കുട്ടികളെ ഇവിടെ ചേര്‍ക്കാനാണ് തീരുമാനമെന്നും മന്ത്രി പറഞ്ഞു. സര്‍ട്ടിഫിക്കറ്റ് നഷ്ടപ്പെട്ട കുട്ടികള്‍ക്ക് തിരുവനന്തപുരം ഹെഡ് ക്വാര്‍ട്ടേഴ്സില്‍ നിന്നും ഉദ്യോഗസ്ഥര്‍ വയനാട്ടിലെത്തി ക്യാമ്പ് നടത്തി സര്‍ട്ടിഫിക്കറ്റുകള്‍ നല്‍കുമെന്നും മന്ത്രി വ്യക്തമാക്കി.Read More

Kerala139 days ago

വയനാട് ദുരന്തം: കുട്ടികളുടെ സ്കൂൾ വിദ്യാഭ്യാസം പുനഃരാരംഭിക്കാൻ സർക്കാർ പ്രത്യേക യോഗം ചേരും

വയനാട്ടിലെ ദുരന്തബാധിത മേഖലയിലെ കുട്ടികളുടെ വിദ്യാഭ്യാസം ഉടൻ പുനഃരാരംഭിക്കുവാനൊരുങ്ങി സർക്കാർ. ഇതുമായി ബന്ധപ്പെട്ട് വിദ്യാഭ്യാസ മന്ത്രി വി. ശിവൻകുട്ടി ഓഗസ്റ്റ് ആറിന് മുഖ്യമന്ത്രിയുടെ നിർദേശ പ്രകാരം വയനാട് സന്ദർശിച്ച് യോഗം ചേരും. വിദ്യാഭ്യാസ വകുപ്പിലെ ഉന്നത ഉദ്യോഗസ്ഥരും, തദ്ദേശസ്വയംഭരണ സ്ഥാപന മേധാവികളും, സ്കൂൾ അധികൃതരും, PTA പ്രതിനിധികളും യോഗത്തിൽ പങ്കെടുക്കും. വിദ്യാർത്ഥികൾക്കായി ക്ലാസുകൾ ആരംഭിക്കുന്നതിനുള്ള കർമ്മ പദ്ധതിയാണ് യോഗത്തിൽ ചർച്ച ചെയ്യുക. പഠന സാമഗ്രികളുടെ വിതരണം, ഓൺലൈൻ പഠന സാധ്യതകൾ, ആരോഗ്യവും സുരക്ഷയും ഉറപ്പുവരുത്താനുള്ള കർമ്മപരിപാടി തുടങ്ങിയ കാര്യങ്ങൾ യോഗത്തിൽ പരിഗണിക്കും.

Kerala142 days ago

സ്‌കൂള്‍ സമയമാറ്റം നിലവില്‍ അജണ്ടയില്‍ ഇല്ല: വി. ശിവന്‍കുട്ടി

ഖാദര്‍ കമ്മിറ്റി ശുപാര്‍ശയുടെ ഒരു ഭാഗത്തിനാണ് ക്യാബിനറ്റ് അംഗീകാരം നല്‍കിയത്. എല്ലാ ശുപാര്‍ശയും നടപ്പാക്കില്ല. സ്‌കൂള്‍ സമയമാറ്റം നിലവില്‍ അജണ്ടയില്‍ ഇല്ലെന്നും വിദ്യാഭ്യാസ മന്ത്രി വി. ശിവന്‍കുട്ടി വ്യക്തമാക്കി. സ്‌കൂള്‍ സമയം രാവിലെ എട്ട് മുതല്‍ ഉച്ചയ്ക്ക് ഒരു മണി വരെയായി ക്രമീകരിക്കണമെന്നാണ് ഖാദര്‍ കമ്മിറ്റി ശുപാര്‍ശ. എന്നാല്‍ ഇതിനെതിരെ അധ്യാപക സംഘടനകളില്‍ നിന്നടക്കം എതിര്‍പ്പുകള്‍ ഉയര്‍ന്നിരുന്നു. ഇതിന് പിന്നാലെയാണ് മന്ത്രിയുടെ വിശദീകരണം.

Education143 days ago

വയനാട് ദുരന്തം; 49 കുട്ടികള്‍ മരിക്കുകയോ കാണാതാവുകയോ ചെയ്തിട്ടുണ്ടെന്ന് വിദ്യാഭ്യാസ മന്ത്രി

വയനാട് മുണ്ടക്കൈ ഉരുള്‍പൊട്ടലില്‍ 49 കുട്ടികളെ കാണാതാവുകയോ മരിക്കുകയോ ചെയ്തിട്ടുണ്ടെന്ന് വിദ്യാഭ്യാസ മന്ത്രി വി. ശിവന്‍കുട്ടി. പ്രദേശത്തെ രണ്ട് സ്‌കൂളുകള്‍ തകര്‍ന്നു. ഇവ പുനര്‍നിര്‍മിക്കണം. ഇക്കാര്യങ്ങളെക്കുറിച്ച് മുഖ്യമന്ത്രിയുമായി ഇന്ന് ചര്‍ച്ച നടത്തും. പാഠ പുസ്തകങ്ങള്‍, സര്‍ട്ടിഫിക്കറ്റ് എന്നിവ നഷ്ടമായവര്‍ക്ക് വീണ്ടും നല്‍കുമെന്നും കുട്ടികളുടെ പഠനത്തിനുള്ള ബദല്‍ ക്രമീകരണങ്ങള്‍ മന്ത്രിതല സമിതിയുമായി ചര്‍ച്ച ചെയ്ത ശേഷം തീരുമാനിക്കുമെന്നും മന്ത്രി അറിയിച്ചു.

Kerala143 days ago

ഉരുൾപൊട്ടലിൽ തകർന്ന വെള്ളാർമല സ്കൂൾ പുനർനിർമിക്കും: വിദ്യാഭ്യാസവകുപ്പ് മന്ത്രി

വയനാട് മുണ്ടക്കൈ ഉരുൾപൊട്ടലിൽ തകർന്ന വെള്ളാർമല സ്കൂൾ പുനർനിർമിക്കുമെന്ന് വിദ്യാഭ്യാസമന്ത്രി വി. ശിവൻകുട്ടി. ബജറ്റിൽ ഒരു ജില്ലയിൽ മാതൃക സ്കൂൾ പദ്ധതി പ്രഖ്യാപിച്ചിട്ടുണ്ട് എന്നും വെള്ളാർമല സ്കൂളിനെ മാതൃക സ്കൂൾ പദ്ധതിയിൽ ഉൾപ്പെടുത്തിയാകും പുനർനിർമിക്കുക എന്നും മന്ത്രി പറഞ്ഞു. സ്കൂൾ പുനർനിർമിക്കുക അത്യാധുനിക സാങ്കേതികവിദ്യ ഉപയോഗിച്ച് ഭൂകമ്പം ഉൾപ്പെടെ പ്രതിരോധിക്കാൻ കഴിയുന്ന തരത്തിലാകും പുതിയ കെട്ടിടത്തിന്റെ നിർമാണം എന്നും മന്ത്രി അറിയിച്ചു.

Kerala144 days ago