സപ്ലൈക്കോയിലെ താൽകാലിക ജീവനക്കാർ പ്രതിസന്ധിയിൽ

സപ്ലൈക്കോയിൽ ആവശ്യ സാധനങ്ങളുടെ ക്ഷാമം രൂക്ഷമായി തുടരുന്നതിനിടെ താൽകാലിക ജീവനക്കാരുടെ ശമ്പളവും പ്രതിസന്ധിൽ. എട്ട് മാസമായി താൽകാലിക പാക്കിംഗ്, സെയിൽസ് തൊഴിലാളികൾ ഉൾപ്പെടെയുള്ളവരുടെ ശമ്പളം മുടങ്ങി കിടക്കുകയാണ്. ഇവർക്ക് ദിവസവേതനമായി 575 രൂപയാണ് ലഭിക്കേണ്ടത്. എന്നാൽ നിലവിൽ ഇവർക്ക് 167 രൂപയാണ് ലഭിക്കുന്നത്. ആവശ്യ സാധനങ്ങളുടെ ലഭ്യതക്കുറവാണ് സപ്ലൈക്കോയുടെ വരുമാനത്തിൽ വലിയ ഇടിവ് ഉണ്ടാക്കിയത്.

Kerala184 days ago

ഓണ വിപണി; സപ്ലൈക്കോയ്ക്ക് 123. 56 കോടിയുടെ വിറ്റുവരവ്

ഓണക്കാല വില്‍പ്പനയില്‍ വന്‍ നേട്ടം കൊയ്ത് സപ്ലൈക്കോ. 123. 56 കോടിയുടെ വിറ്റുവരവാണ് സപ്ലൈക്കോ നേടിയത്. ഇതില്‍ 66.83 കോടി രൂപ സബ്സിഡി സാധനങ്ങളുടെ വിറ്റുവരവിലൂടെയും 56.73 കോടി രൂപ സബ്‌സിഡിയിതര സാധനങ്ങളിലൂടെയുമാണ് ലഭിച്ചത്. 26.24 ലക്ഷം പേര്‍ സാധനങ്ങള്‍ വാങ്ങാന്‍ സപ്ലൈകോ ഔട്ട്ലെറ്റുകളെ ആശ്രയിച്ചു. സെപ്റ്റംബര്‍ ഒന്നു മുതല്‍ ഉത്രാട ദിവസം വരെയുള്ള കണക്കാണിത്.

Kerala98 days ago

സപ്ലൈകോയില്‍ സബ്‌സിഡി സാധനങ്ങള്‍ക്ക് വില കൂട്ടി

സപ്ലൈകോയുടെ ഓണച്ചന്തകള്‍ തുടങ്ങാന്‍ ഇരിക്കേയാണ് 3 സാധനങ്ങള്‍ക്ക് വില വര്‍ധിപ്പിച്ചത്. മട്ട അരി, തുവരപ്പരിപ്പ്, പഞ്ചസാര എന്നിവയ്ക്കാണ് വില കൂട്ടിയത്. അരിക്കും പഞ്ചസാരക്കും മൂന്നു രൂപ വീതവും തുവരപ്പരിപ്പിന് നാല് രൂപയുമാണ് വര്‍ധിപ്പിച്ചത്. സപ്ലൈകോയുടെ ഓണച്ചന്തകള്‍ ഇന്ന് ആരംഭിക്കും. റേഷന്‍ കടകള്‍ വഴിയുള്ള 14 ഇനങ്ങളുള്ള സൗജന്യ ഓണക്കിറ്റ് വിതരണം 9നാണ് തുടങ്ങുക.

Kerala111 days ago

സപ്ലൈകോ ഓണം ഫെയര്‍; സംസ്ഥാനതല ഉദ്ഘാടനം ഇന്ന്

സപ്ലൈകോ ഓണം ഫെയറുകളുടെ സംസ്ഥാനതല ഉദ്ഘാടനം ഇന്ന് വൈകുന്നേരം അഞ്ച് മണിക്ക് മുഖ്യമന്ത്രി പിണറായി വിജയന്‍ നിര്‍വഹിക്കും. തിരുവനന്തപുരം കിഴക്കേകോട്ട ഇ.കെ.നായനാര്‍ പാര്‍ക്കില്‍ നടക്കുന്ന ചടങ്ങില്‍ ഭക്ഷ്യ വകുപ്പുമന്ത്രി ജി.ആര്‍.അനില്‍ അധ്യക്ഷത വഹിക്കും. സെപ്തംബര്‍ അഞ്ച് മുതല്‍ 14 വരെയാണ് ഓണം ഫെയറുകള്‍ സംഘടിപ്പിച്ചിട്ടുള്ളത്. 3 ഇനം സബ്‌സിഡി സാധനങ്ങള്‍ക്കു പുറമെ ശബരി ഉല്‍പന്നങ്ങള്‍, മില്‍മ ഉല്‍പന്നങ്ങള്‍, കൈത്തറി ഉല്‍പന്നങ്ങള്‍, ജൈവപച്ചക്കറികള്‍ എന്നിവ 10 മുതല്‍ 50% വരെ വിലക്കുറവില്‍ മേളയില്‍ വില്‍പന നടത്തും.

Kerala111 days ago

പൂട്ടികിടക്കുന്ന തോട്ടങ്ങളിലെ തൊഴിലാളികള്‍ക്ക് ഓണക്കിറ്റ് വിതരണം ചെയ്യും

സംസ്ഥാനത്ത് പൂട്ടികിടക്കുന്ന തോട്ടങ്ങളിലെ 1833 തൊഴിലാളികള്‍ക്ക് ഓണക്കിറ്റ് വിതരണം ചെയ്യുമെന്ന് ധനമന്ത്രി കെ. എന്‍ ബാലഗോപാല്‍ അറിയിച്ചു. 1050 രൂപ വിലമതിക്കുന്ന സാധനങ്ങള്‍ അടങ്ങുന്ന കിറ്റാണ് നല്‍കുന്നത്. 20 കിലോഗ്രാം അരി, ഒരു കിലോ പഞ്ചസാര, ഒരു കിലോ വെളിച്ചെണ്ണ മുതലായവ അടങ്ങുന്ന കിറ്റ് സപ്ലൈകോ മുഖാന്തരമായിരിക്കും ലഭ്യമാക്കുക.

Kerala112 days ago

സപ്ലൈകോയുടെ ഓണം ഫെയര്‍ സെപ്റ്റംബര്‍ 5 മുതല്‍ 14 വരെ

സപ്ലൈകോ സംസ്ഥാന വ്യാപകമായി സെപ്റ്റംബര്‍ 5 മുതല്‍ 14 വരെ ഓണം ഫെയറുകള്‍ സംഘടിപ്പിക്കുമെന്ന് ഭക്ഷ്യമന്ത്രി ജി. ആര്‍. അനില്‍ അറിയിച്ചു. ഓണം ഫെയറിന്റെ സംസ്ഥാനതല ഉദ്ഘാടനം സെപ്റ്റംബര്‍ 5ന് മുഖ്യമന്ത്രി നിര്‍വഹിക്കും. സെപ്റ്റംബര്‍ 6 മുതല്‍ 14 വരെ ജില്ലാതല ഫെയറുകളും സെപ്റ്റംബര്‍ 10 മുതല്‍ 14 വരെ താലൂക്ക് അഥവാ നിയോജകമണ്ഡലം അടിസ്ഥാനത്തിലുള്ള ഫെയറുകളും നടക്കും. 13 ഇനം സബ്‌സിഡി സാധനങ്ങള്‍ക്ക് പുറമെ ശബരി ഉല്‍പ്പന്നങ്ങള്‍, FMCG ഉല്‍പ്പന്നങ്ങള്‍ എന്നിവ 10 മുതല്‍ 50 ശതമാനം വരെ വിലക്കുറവിലും ഓണം ഫെയറുകളിലൂടെ ലഭിക്കും.

Kerala113 days ago

ആറു ലക്ഷം ഗുണഭോക്താക്കള്‍ക്ക് ഓണകിറ്റ് വിതരണം ചെയ്യുമെന്ന് മുഖ്യമന്ത്രി

സംസ്ഥാനത്തെ AAY റേഷന്‍കാര്‍ഡ് ഉടമകള്‍ക്ക് ഈ വര്‍ഷവും പതിമൂന്ന് ഇനം ഭക്ഷ്യ ഉല്‍പ്പന്നങ്ങള്‍ അടങ്ങിയ ഓണകിറ്റ് സംസ്ഥാന സര്‍ക്കാര്‍ സപ്ലൈകോയുടെ ആഭിമുഖ്യത്തില്‍ വിതരണം ചെയ്യുമെന്ന് മുഖ്യമന്ത്രി പിണറായി വിജയന്‍ അറിയിച്ചു. ആറു ലക്ഷം ഗുണഭോക്താക്കള്‍ക്ക് ഓണകിറ്റ് ലഭ്യമാകും. സെപ്റ്റംബര്‍ 6 മുതല്‍ എല്ലാ ജില്ലാ ആസ്ഥാനങ്ങളിലും സെപ്റ്റംബര്‍ 10 മുതല്‍ 14 വരെ താലൂക്ക് ആസ്ഥാനങ്ങളിലും സപ്ലൈക്കോ ഓണം ഫെയറുകള്‍ സംഘടിപ്പിക്കും.

Kerala126 days ago

ഓണം വിപണി; സപ്ലൈക്കോയ്ക്ക് 225 കോടി രൂപ അനുവദിച്ച് ധനവകുപ്പ്

ഓണക്കാലത്ത് അവശ്യ നിത്യോപയോഗ സാധനങ്ങളുടെ വിലക്കയറ്റം ഒഴിവാക്കാനുള്ള വിവിധ പ്രവര്‍ത്തനങ്ങള്‍ക്കായാണ് ധനംവകുപ്പ് തുക അനുവദിച്ചിരിക്കുന്നത്. ബജറ്റ് വിഹിതത്തിന് പുറമെ 120 കോടി രൂപയാണ് സപ്ലൈകോയ്ക്ക് അധികമായി ലഭ്യമാക്കിയതെന്ന് ധനവകുപ്പ് മന്ത്രി കെ. എന്‍. ബാലഗോപാല്‍ പറഞ്ഞു. വിപണി ഇടപടലിന് ഈ സാമ്പത്തിക വര്‍ഷത്തെ ബജറ്റ് വകയിരുത്തല്‍ 205 കോടി രൂപയാണ്. കഴിഞ്ഞ മാസം 100 കോടി രൂപ അനുവദിച്ചിരുന്നു. ബാക്കി 105 കോടി രൂപയാണ് ബജറ്റ് വകയിരുത്തല്‍ ഉണ്ടായിരുന്നത്. എന്നാല്‍ 120 കോടി രൂപ അധികമായി നല്‍കാന്‍ ധനവകുപ്പ് തീരുമാനിക്കുകയായിരുന്നുവെന്ന് മന്ത്രി അറിയിച്ചു.

Kerala131 days ago

സപ്ലൈകോയ്ക്ക് ആവശ്യത്തിന് തുക അനുവദിച്ചില്ല: ഭക്ഷ്യ മന്ത്രി

സപ്ലൈകോയിലെ പ്രതിസന്ധി പരിഹരിക്കാൻ നിലവിലെ സാഹചര്യത്തിൽ 500 കോടി രൂപയെങ്കിലും ആവശ്യമാണെന്ന് ഭക്ഷ്യ മന്ത്രി ജി.ആർ. അനിൽ പറഞ്ഞു. ഇപ്പോൾ അനുവദിച്ച 100 കോടി രൂപ തികയില്ലെന്നും ധനമന്ത്രിയെ കണ്ട് കൂടുതൽ തുക അനുവദിക്കണമെന്ന് ആവശ്യപ്പെടുമെന്നും മന്ത്രി പറഞ്ഞു. കേരളത്തിലെ പൊതുവിതരണ മേഖലയെ സംബന്ധിച്ച പ്രശ്നങ്ങൾ കേന്ദ്രത്തിനു മുമ്പിൽ അവതരിപ്പിച്ചിട്ടുണ്ടെന്നും അനുകൂല സമീപനമാണ് കേന്ദ്രത്തിൽ നിന്ന് ഉണ്ടായതെന്നും മന്ത്രി അറിയിച്ചു. ഓണ വിപണിയിൽ സപ്ലൈകോ ഫലപ്രദമായി ഇടപെടുമെന്നും മന്ത്രി വ്യക്തമാക്കി.

Kerala162 days ago

സപ്ലൈകോയ്‌ക്ക്‌ സംസ്ഥാന സർക്കാർ 100 കോടി രൂപ അനുവദിച്ചു

ധനമന്ത്രാലയം സംസ്ഥാന സിവിൽ സപ്ലൈസ് കോർപറേഷന് വിപണി ഇടപെടലുകൾക്കായി 100 കോടി രൂപ അനുവദിച്ചെന്ന് ധനമന്ത്രി കെ.എൻ. ബാലഗോപാൽ അറിയിച്ചു. സപ്ലൈകോ സ്റ്റോറുകൾ വഴി നിത്യോപയോഗ സാധനങ്ങൾ 35% വരെ കിഴിവിൽ വിതരണം ചെയ്യുന്നതിനാണ് സഹായം. ഓണത്തിന് മുമ്പ് സപ്ലൈകോയിൽ സാധനങ്ങൾ എത്തിക്കുന്ന വിതരണക്കാർക്കും പണം നൽകുന്നതിനായി ഈ തുക വിനിയോഗിക്കാമെന്നും ധനകാര്യവകുപ്പ് അറിയിച്ചു. ഈ സാമ്പത്തിക വർഷം വിപണി ഇടപെടലിനായി 205 കോടി രൂപയാണ്‌ ബജറ്റ് വിഹിതം അനുവദിച്ചതെന്നും ധനമന്ത്രാലയം വ്യക്തമാക്കി.

Kerala163 days ago

അമ്പതാം വാർഷികം: പ്രത്യേക ഓഫറുമായി സപ്ലൈകോ

അമ്പതാം വാർഷികത്തിൽ സപ്ലൈകോ 50 ഉൽപന്നങ്ങൾക്ക് പ്രത്യേക ഓഫർ നൽകാൻ തീരുമാനിച്ചു. 'ഫിഫ്റ്റി ഫിഫ്റ്റി ഓഫർ' എന്നാണ് അമ്പതാം വാർഷികത്തോട് അനുബന്ധിച്ചുള്ള ഈ പ്രത്യേക ഓഫറിന് സർക്കാർ പേര് നൽകിയിരിക്കുന്നത്. മുഖ്യമന്ത്രി പിണറായി വിജയനാണ് ഇത് സംബന്ധിച്ച പ്രഖ്യാപനം നടത്തിയത്.

Kerala183 days ago