പ്ലസ് ടു സേ പരീക്ഷയ്ക്ക് ഈ മാസം 13 വരെ അപേക്ഷിക്കാം

ജൂണ്‍ 12 മുതല്‍ 20 വരെയാണ് സേ പരീക്ഷ നടത്തുക. ഇതിന്റെ നോട്ടിഫിക്കേഷന്‍ ഇന്നുതന്നെ ഇറങ്ങുമെന്നും പുനര്‍മൂല്യനിര്‍ണയം, സൂക്ഷ്മ പരിശോധന, ഫോട്ടോ കോപ്പി എന്നിവയ്ക്ക് ഈ മാസം 14 വരെ അപേക്ഷിക്കാമെന്നും വിദ്യാഭ്യാസമന്ത്രി വി. ശിവന്‍കുട്ടി അറിയിച്ചു. അതേസമയം SSLC സേ പരീക്ഷ ഈ മാസം 28 മുതല്‍ ജൂണ്‍ ആറു വരെ നടത്തും. ജൂണ്‍ രണ്ടാംവാരമാകും ഇതിന്റെ ഫലം പ്രഖ്യാപിക്കുക.

Education346 days ago

നീറ്റ് യുജി പരീക്ഷയുടെ സെന്റര്‍ തിരിച്ചുളള മാര്‍ക്ക് ലിസ്റ്റ് പ്രസിദ്ധീകരിച്ചു

നീറ്റ് യുജി പരീക്ഷയുടെ സെന്റര്‍ തിരിച്ചുളള മാര്‍ക്ക് ലിസ്റ്റ് നാഷണല്‍ ടെസ്റ്റിങ് ഏജന്‍സി (NTA) പ്രസിദ്ധീകരിച്ചു. ഉദ്യോഗാര്‍ത്ഥികള്‍ക്ക് NTA നീറ്റിന്റെ ഔദ്യോഗിക വെബ്സൈറ്റായ exams.nta.ac.in/NEET/, neet.ntaonline.in എന്നിവയില്‍ ഫലം പരിശോധിക്കാം. ചീഫ് ജസ്റ്റിസ് ഡി.വൈ. ചന്ദ്രചൂഡ്, ജസ്റ്റിസുമാരായ ജെ.ബി. പര്‍ദിവാല, മനോജ് മിശ്ര എന്നിവരടങ്ങിയ ബെഞ്ചാണ് ഇന്ന് ഉച്ചയോടെ സിറ്റിയും സെന്ററും തിരിച്ച് പരീക്ഷാഫലം പ്രസിദ്ധീകരിക്കാന്‍ NTAയോട് ഉത്തരവിട്ടത്.

National274 days ago

കീം എഞ്ചിനീയറിംഗ് പ്രവേശന പരീക്ഷയുടെ റാങ്ക് പട്ടിക പ്രഖ്യാപിച്ചു

എഞ്ചിനീയറിംഗില്‍ ആലപ്പുഴ ജില്ലയിലെ പി. ദേവാനന്ദിന് ആണ് ഒന്നാം റാങ്ക്. ഹഫീസ് റഹ്‌മാന്‍ ( മലപ്പുറം), അലന്‍ ജോണി അനില്‍ ( പാലാ) എന്നിവരാണ് രണ്ടും മൂന്നും റാങ്കുകള്‍ നേടിയത്. ആദ്യ 100 റാങ്കില്‍ 13 പെണ്‍കുട്ടികളും 87 ആണ്‍കുട്ടികളുമാണുള്ളത്. 79,044 വിദ്യാര്‍ത്ഥികളാണ് ജൂണ്‍ അഞ്ച് മുതല്‍ 10 വരെ ആറു ദിവസങ്ങളിലായി നടന്ന ആദ്യ കീം ഓണ്‍ലൈന്‍ പ്രവേശന പരീക്ഷയെഴുതിയത്. യോഗ്യത നേടിയവരുടെ എണ്ണത്തില്‍ കഴിഞ്ഞ വര്‍ഷത്തേക്കാള്‍ വര്‍ധനവുണ്ട്. ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആര്‍ ബിന്ദുവാണ് പട്ടിക പ്രഖ്യാപിച്ചത്.

Kerala283 days ago

നീറ്റ് പുനഃപരീക്ഷാ ഫലം പ്രസിദ്ധീകരിച്ചു

ആറ് സെന്ററുകളിലെ ഗ്രേസ് മാര്‍ക്ക് ലഭിച്ച 1563 വിദ്യാര്‍ത്ഥികള്‍ക്കായി നടത്തിയ റീ ടെസ്റ്റ് ഫലമാണ് പ്രസിദ്ധീകരിച്ചത്. ഇവരില്‍ 813 പേര്‍ മാത്രമാണ് വീണ്ടും പരീക്ഷയെഴുതിയത്. ഇതില്‍ ആര്‍ക്കും തന്നെ 720/720 മാര്‍ക്ക് നേടാന്‍ കഴിഞ്ഞിട്ടില്ല. ഇതോടെ ടോപ്പര്‍മാരുടെ എണ്ണം 67ല്‍ നിന്ന് 61 ആയി കുറഞ്ഞു. വിദ്യാര്‍ത്ഥികള്‍ക്ക് exams.nta.ac.in/NEET എന്ന വെബ്‌സൈറ്റില്‍ നിന്ന് ഫലമറിയാവുന്നതാണ്.

National293 days ago

പ്ലസ് വണ്‍ പരീക്ഷാ ഫലം പ്രസിദ്ധീകരിച്ചു

മാർച്ച് ഒന്നു മുതൽ 26 വരെ നടന്ന സംസ്ഥാത്തെ ഒന്നാം വർഷ ഹയർ സെക്കൻഡറി പരീക്ഷകളുടെ ഫലം പ്രഖ്യാപിച്ചു. 4,14,159 വിദ്യാർത്ഥികളാണ് ഇക്കൊല്ലം പരീക്ഷ എഴുതിയത്. https://keralaresults.nic.in എന്ന വെബ്സൈറ്റിലൂടെ പരീക്ഷാ ഫലം അറിയാം.

Education327 days ago

പ്ലസ് ടു പരീക്ഷയിൽ കോപ്പിയടി; 112 വിദ്യാർത്ഥികളുടെ ഫലം റദ്ദാക്കി

സംസ്ഥാനത്ത് ഹയർസെക്കൻഡറി പരീക്ഷയിൽ കോപ്പിയടിച്ചതിനെ തുടർന്ന് 112 പേരുടെ പരീക്ഷ ഫലം റദ്ദാക്കി. വിദ്യാർത്ഥികളുടെ ക്ഷമാപണം കണക്കിലെടുത്ത് ഇവർക്ക് സേ പരീക്ഷയിൽ അവസരം നൽകും. സംഭവത്തിൽ ഡ്യൂട്ടിയിലുണ്ടായിരുന്ന അധ്യാപകർക്കെതിരെയും അച്ചടക്ക നടപടി സ്വീകരിക്കും. മാർച്ചിൽ നടന്ന പ്ലസ് ടു പരീക്ഷയിലാണ് ക്രമക്കേട് കണ്ടെത്തിയത്. പരീക്ഷകൾ നിയന്ത്രിക്കുന്നതിനായി ചുമതലപ്പെടുത്തിയിട്ടുള്ള സ്‌ക്വാഡ് സംസ്ഥാനത്തെ വിവിധ സ്‌കൂളുകളിൽ നടത്തിയ പരിശോധനയിലാണ് 112 വിദ്യാർത്ഥികൾ കോപ്പിയടിച്ചതായി കണ്ടെത്തിയത്.

Education341 days ago

CBSE പത്താം ക്ലാസ് ഫലം പ്രഖ്യാപിച്ചു; 93.60 വിജയ ശതമാനം

2238827 വിദ്യാര്‍ത്ഥികള്‍ പരീക്ഷയെഴുതിയില്‍ 2095467 പേര്‍ വിജയിച്ചു. പരീക്ഷ ഏഴുതിയ 47,000 പേര്‍ക്ക് 95 ശതമാനം മാര്‍ക്ക് ലഭിച്ചു. മുന്‍ വര്‍ഷത്തെ അപേക്ഷിച്ച് വിജയ ശതമാനത്തില്‍ ഇത്തവണ 0.48 ശതമാനം വര്‍ധനവാണ് ഉണ്ടായിരിക്കുന്നത്. വിദ്യാര്‍ത്ഥികള്‍ക്ക് cbse.nic.in, cbseresults.nic.in, results.cbse.nic.in. എന്നീ വെബ്‌സൈറ്റുകള്‍ വഴി ഫലമറിയാവുന്നതാണ്. വിജയ ശതമാനത്തില്‍ തിരുവനന്തപുരം മേഖലയാണ് ഒന്നാം സ്ഥാനത്ത്. 99.75 ശതമാനം വിജയമാണ് നേടിയത്.

Education342 days ago

നൂറുമേനി വിജയം നേടിയ സര്‍ക്കാര്‍ സ്‌കൂളുകളുടെ എണ്ണത്തില്‍ കുറവ്; അന്വേഷണം പ്രഖ്യാപിച്ച് വിദ്യാഭ്യാസ മന്ത്രി

സംസ്ഥാനത്തെ ഹയര്‍ സെക്കണ്ടറി പരീക്ഷാ ഫലം പുറത്തുവന്നപ്പോള്‍ 100 ശതമാനം വിജയം നേടിയത് ഏഴ് സര്‍ക്കാര്‍ സ്‌കൂളുകള്‍ മാത്രമാണ്. ഇക്കാര്യത്തില്‍ അന്വേഷണം നടത്തി രണ്ടാഴ്ചക്കകം റിപ്പോര്‍ട്ട് നല്‍കണമെന്നാണ് വിദ്യാഭ്യാസ മന്ത്രി ആവശ്യപ്പെട്ടിരിക്കുന്നത്. സംസ്ഥാനത്ത് പൊതുവിദ്യാഭ്യാസ രീതി മെച്ചപ്പെടുത്താന്‍ തീരുമാനിച്ചിട്ടുണ്ടെന്നും വിദ്യാഭ്യാസ മന്ത്രി വി. ശിവന്‍കുട്ടി കൂട്ടിച്ചേര്‍ത്തു.

Kerala346 days ago

പ്ലസ് ടു പരീക്ഷാഫലം പ്രഖ്യാപിച്ചു; വിജയശതമാനം 78.69

വിദ്യാഭ്യാസ മന്ത്രി വി. ശിവന്‍കുട്ടിയാണ് ഹയര്‍ സെക്കന്‍ഡറി, VHSE ഫലം പ്രഖ്യാപിച്ചത്. 78.69 ആണ് വിജയശതമാനം. 82.5 ആയിരുന്നു കഴിഞ്ഞ തവണത്തെ വിജയശതമാനം. 39,242 കുട്ടികള്‍ എല്ലാ വിഷയങ്ങള്‍ക്കും എ പ്ലസ് നേടി. 4,41,220 വിദ്യാര്‍ത്ഥികളായിരുന്നു ഇത്തവണ പരീക്ഷ എഴുതിയത്. Read More

Education346 days ago

പ്ലസ് ടു, വിഎച്ച്എസ്ഇ പരീക്ഷാ ഫലപ്രഖ്യാപനം ഇന്ന്

ഇന്ന് ഉച്ചയ്ക്ക് ശേഷം മൂന്ന് മണിക്ക് വിദ്യാഭ്യാസ വകുപ്പ് മന്ത്രി വി. ശിവന്‍കുട്ടി ഫലപ്രഖ്യാപനം നടത്തും. ഹയര്‍ സെക്കന്‍ഡറി പരീക്ഷാ ഫലം www.prd.kerala.gov.in, www.keralaresults.nic.in, www.result.kerala.gov.in, www.examresults.kerala.gov.in, www.results.kite.kerala.gov.in എന്നീ വെബ്സൈറ്റുകളിലും PRD Live മൊബൈല്‍ ആപ്പിലും ലഭ്യമാകും.Read More

Education346 days ago

ICSE 10, പ്ലസ് ടു പരീക്ഷകളുടെ ഫലപ്രഖ്യാപനം ഇന്ന്

ISCE 10, പ്ലസ് ടു ബോർഡ് പരീക്ഷയുടെ ഫലങ്ങൾ ഇന്ന് രാവിലെ 11 മണിക്ക് പ്രഖ്യാപിക്കും. ഫലം പ്രഖ്യാപിച്ചാലുടൻ വിദ്യാർത്ഥികൾക്ക് ഔദ്യോഗിക വെബ്സൈറ്റായ cisce.org അല്ലെങ്കിൽ results.cisce.org ൽ നിന്ന് ഫലം അറിയാൻ സാധിക്കും. ICSE പത്താം ക്ലാസ് പരീക്ഷകൾ 2024 മാർച്ച് 28 നും പ്ലസ് ടു പരീക്ഷകൾ ഏപ്രിൽ 3 നുമാണ് അവസാനിച്ചത്.

Education349 days ago