ഗര്‍ഭച്ഛിദ്രം ഭരണഘടനാപരമായ അവകാശമാക്കുന്ന ലോകത്തെ ആദ്യ രാജ്യമായി ഫ്രാന്‍സ്

പാര്‍ലമെന്റിന്റെ ഇരുസഭകളും ചേര്‍ന്ന് നടത്തിയ വോട്ടെടുപ്പില്‍ 72നെതിരെ 780 വോട്ടുകള്‍ക്കാണ് ബില്‍ പാസായത്. ഇതിന് പിന്നാലെ എന്റെ ശരീരം എന്റെ തീരുമാനം എന്ന മുദ്രാവാക്യമുയര്‍ത്തി നിരവധിപേര്‍ ഈഫല്‍ ടവറിലെത്തി ആഹ്ലാദം പ്രകടിപ്പിച്ചു. 1974മുതല്‍ ഫ്രാന്‍സില്‍ ഗര്‍ഭച്ഛിദ്രം നിയമവിധേയമാണ്. 80% ഫ്രഞ്ച് ജനതയും ഗര്‍ഭച്ഛിദ്രം നിയമാനുസൃതമാണെന്ന വസ്തുതയെ പിന്തുണയ്ക്കുന്നതായാണ് സര്‍വേകള്‍ കാണിക്കുന്നത്.

World412 days ago

സ്ത്രീകളുടെ കുറഞ്ഞ വിവാഹപ്രായം 21 വയസ്സായി ഉയര്‍ത്തുന്ന ബില്‍ പാസാക്കി ഹിമാചല്‍ പ്രദേശ്

സ്ത്രീകളുടെ കുറഞ്ഞ വിവാഹപ്രായം 18 ല്‍ നിന്ന് 21 വയസ്സായി ഉയര്‍ത്തുന്ന ബില്‍ ആണ് നിയമസഭ പാസാക്കിയത്. ലിംഗസമത്വത്തെയും ഉന്നത വിദ്യാഭ്യാസത്തെയും പിന്തുണയ്ക്കുന്നതിന്റെ ഭാഗമായാണ് നടപടി. പെണ്‍കുട്ടികളുടെ വിവാഹപ്രായം 21 ആക്കി വര്‍ധിപ്പിക്കുന്നതിനുള്ള നിയമനിര്‍മ്മാണം നടത്തുന്ന രാജ്യത്തെ ആദ്യത്തെ സംസ്ഥാനമാണ് ഹിമാചല്‍ പ്രദേശെന്നും സ്ത്രീകളുടെ ഉന്നമനത്തിനായി പ്രവര്‍ത്തിക്കാന്‍ കോണ്‍ഗ്രസ് എന്നും മുന്‍പന്തിയിലാണെന്നും മുഖ്യമന്ത്രി സുഖ്വീന്ദര്‍ സിങ് പറഞ്ഞു.

National236 days ago

ഫ്രാന്‍സിലെ ഹൈ സ്പീഡ് റെയില്‍ ശൃംഖലക്ക് നേരെ ആക്രമണം

ഒളിമ്പിക്‌സ് ഉദ്ഘാടനത്തിന് മണിക്കൂറുകള്‍ മാത്രം ബാക്കി നില്‍ക്കെ ഫ്രാന്‍സിലെ അതിവേഗ റെയില്‍ ശൃംഖലക്ക് നേരെ ആക്രമണം. തീവെപ്പടക്കമുള്ള അക്രമസംഭവങ്ങള്‍ നടന്നതായും ഗതാഗത സംവിധാനത്തെ തടസപ്പെടുത്തിയതായും ട്രെയിന്‍ ഓപ്പറേറ്റര്‍ SNCF അറിയിച്ചു. ട്രെയിന്‍ ഗതാഗതത്തെ അട്ടിമറിക്കാനുളള ശ്രമമാണിതെന്നും അക്രമണത്തിന് പിന്നാലെ നിരവധി റൂട്ടുകള്‍ റദ്ദാക്കേണ്ടിവരുമെന്നും SNCF പറഞ്ഞു. 7500 ഓളം മത്സരാര്‍ത്ഥികളും മൂന്ന് ലക്ഷത്തോളം കാണികളും വിഐപികളും പങ്കെടുക്കുന്ന പാരീസ് ഒളിമ്പിക്‌സിന്റെ ഉദ്ഘാടന ചടങ്ങ് ആരംഭിക്കാനിരിക്കെയുണ്ടായ ആക്രമണത്തെ ഏറെ ഗൗരവത്തോടെയാണ് ഫ്രഞ്ച് സര്‍ക്കാര്‍ വീക്ഷിക്കുന്നത്.

World269 days ago

വിവാഹമോചിതയായ മുസ്ലീം സ്ത്രീക്ക് ജീവനാംശം തേടാം: സുപ്രീംകോടതി

വിവാഹമോചിതയായ മുസ്ലീം സ്ത്രീക്ക് ക്രിമിനല്‍ നടപടിച്ചട്ടത്തിലെ 125-ാം വകുപ്പ് പ്രകാരം ഭര്‍ത്താവില്‍ നിന്ന് ജീവനാംശം തേടാമെന്ന് സുപ്രീംകോടതി. ഭാര്യക്ക് ജീവനാംശം നല്‍കാനുള്ള നിര്‍ദേശത്തെ ചോദ്യം ചെയ്ത് മുസ്ലീം യുവാവ് നല്‍കിയ ഹര്‍ജിയില്‍ ജസ്റ്റിസ് ബി.വി. നാഗരത്ന, ജസ്റ്റിസ് അഗസ്റ്റിന്‍ ജോര്‍ജ് മസിഹ് എന്നിവരടങ്ങിയ ബെഞ്ചാണ് വിധി പറഞ്ഞത്. ജീവനാംശം തേടുന്നതിനുള്ള നിയമം മതം പരിഗണിക്കാതെ വിവാഹിതരായ എല്ലാ സ്ത്രീകള്‍ക്കും ബാധകമാണെന്നും ബെഞ്ച് വ്യക്തമാക്കി.

National285 days ago

യൂറോ കപ്പ് സെമി ഇന്ന്; സ്പെയിനും ഫ്രാന്‍സും നേര്‍ക്കുനേര്‍

യൂറോകപ്പ് ഫുട്ബോള്‍ ഫൈനല്‍ ലക്ഷ്യവുമായി സ്‌പെയിനും ഫ്രാന്‍സും ഇന്ന് നേര്‍ക്കുനേര്‍ ഏറ്റുമുട്ടും. ഇന്ത്യന്‍സമയം രാത്രി പന്ത്രണ്ടരയ്ക്കാണ് മത്സരം. ക്വാര്‍ട്ടറില്‍ ജര്‍മനിയെ വീഴ്ത്തി സ്‌പെയിന്‍ സെമിയിലെത്തിയപ്പോള്‍ പെനാല്‍ട്ടി ഷൂട്ടൗട്ടില്‍ പോര്‍ച്ചുഗലിനെ മറികടന്നാണ് ഫ്രാന്‍സ് സെമിയിലെത്തിയത്. സ്‌പെയിന്‍ നാലാം കിരീടവും ഫ്രാന്‍സ് മൂന്നാം കീരീടവും ലക്ഷ്യമിട്ടാണ് ഇന്ന് കളത്തിലിറങ്ങുന്നത്.

Sports286 days ago

ഫ്രാന്‍സ് തിരഞ്ഞെടുപ്പ്: ഇടതുസഖ്യത്തിന് അപ്രതീക്ഷിത മുന്നേറ്റം

ഫ്രാന്‍സിലെ പാര്‍ലമെന്റ് തിരഞ്ഞെടുപ്പില്‍ ഇടതു സഖ്യമായ ന്യൂ പോപ്പുലര്‍ ഫ്രണ്ടാണ്(NPF) ആണ് മുന്നിട്ട് നില്‍ക്കുന്നത്. പ്രസിഡന്റ് ഇമ്മാനുവല്‍ മാക്രോണിന്റെ മിതവാദി സഖ്യം രണ്ടാം സ്ഥാനത്താണുള്ളത്. തിരഞ്ഞെടുപ്പിന്റെ ആദ്യഘട്ടത്തില്‍ മുന്നിട്ട് നിന്ന തീവ്രവലതുപക്ഷമായ നാഷണല്‍ റാലി മൂന്നാം സ്ഥാനത്തേക്ക് പോവുകയും ചെയ്തു. ആര്‍ക്കും കേവല ഭൂരിപക്ഷം കിട്ടാന്‍ സാധ്യതയില്ലാത്തതിനാല്‍ ഇടതു സഖ്യം മിതവാദി സഖ്യവുമായി പചേര്‍ന്ന് സഖ്യ സര്‍ക്കാര്‍ രൂപീകരിക്കാനാണ് സാധ്യത.

World287 days ago

യൂറോ കപ്പ്; പോര്‍ച്ചുഗല്‍ പുറത്ത്, ഫ്രാന്‍സ് സെമി ഫൈനലില്‍

പെനാല്‍റ്റി ഷൂട്ടൗട്ടില്‍ പോര്‍ച്ചുഗലിനെ പരാജയപ്പെടുത്തിയാണ് ഫ്രാന്‍സ് യൂറോ കപ്പ് സെമിയില്‍ എത്തിയത്. നിശ്ചിത സമയവും അധിക സമയും കഴിഞ്ഞപ്പോഴും മത്സരം ഗോള്‍രഹിത സമനിലയിലായിരുന്നു. ഇതോടെയാണ് മത്സരം പെനാല്‍റ്റി ഷൂട്ടൗട്ടിലേക്ക് നീണ്ടത്. ഫ്രാന്‍സിനുവേണ്ടി കിക്കെടുത്ത ഉസ്മാന്‍ ഡംബേല, യൂസഫ് ഫൊഫാന, ജൂള്‍സ് കൂണ്ടെ എന്നിവര്‍ ലക്ഷ്യം കണ്ടു. പോര്‍ച്ചുഗലിന് വേണ്ടി കിക്കെടുത്ത ക്രിസ്റ്റിയാനോ, ബെര്‍ണാണ്ടോ സില്‍വ എന്നിവരും സ്‌കോര്‍ ചെയ്‌തെങ്കിലും ജാവോ ഫെലിക്സിന് പിഴച്ചു. സെമി ഫൈനലില്‍ ഫ്രാന്‍സ്, സ്പെയ്നിനെ നേരിടും.

Sports289 days ago

യൂറോ കപ്പ്: ബെല്‍ജിയത്തെ തകര്‍ത്ത് ഫ്രാന്‍സ് ക്വാര്‍ട്ടറില്‍

ബെല്‍ജിയത്തെ ഒറ്റ ഗോളിന് വീഴ്ത്തിയാണ് ഫ്രാന്‍സ് ക്വാര്‍ട്ടറില്‍ പ്രവേശിച്ചത്. അന്റോയിന്‍ ഗ്രിസ്മാന്‍, എംബാപ്പെ, മാര്‍ക്കസ് തുറാം എന്നിവര്‍ ഗോളിനായി നിരന്തരം മുന്നേറ്റം നടത്തിയപ്പോള്‍ ബെല്‍ജിയം പ്രതിരോധം തീര്‍ത്തു. ജാന്‍ വെര്‍ട്ടോഗന്റെ സെല്‍ഫ് ഗോളാണ് ബെല്‍ജിയത്തിന്റെ പ്രതീക്ഷകള്‍ തകര്‍ത്തത്. 85ാം മിനിറ്റിലാണ് ഫ്രാന്‍സിന്റെ ഗോള്‍ വരുന്നത്. കോളോ മുവാനിയായിരുന്നു ആ വിജയ ഗോളിന് പിന്നില്‍.

Sports293 days ago

യൂറോ കപ്പ്: ഫ്രാന്‍സ്‌-നെതര്‍ലന്റ്‌സ് പോരാട്ടം ഗോള്‍രഹിത സമനിലയില്‍

ഇത്തവണത്തെ യൂറോ കപ്പിലെ ആദ്യ ഗോള്‍രഹിത മത്സരമാണിത്. കളി തുടങ്ങി കുറച്ച് സമയത്തിനുള്ളില്‍ തന്നെ നെതര്‍ലന്റസ് ഗോളനടുത്തെത്തിയെങ്കിലും നിരാശയായിരുന്നു ഫലം. ഡച്ച് ടീമിന്റെ സാവി സിമോണ്‍സ് നല്‍കിയ ത്രൂബോള്‍ സ്വീകരിച്ച ജെറെമി ഫ്രിംപോങ്ങിന്റെ ഷോട്ട് ഫ്രഞ്ച് ഗോളി മൈഗ്‌നന്‍ രക്ഷപ്പെടുത്തുകയായിരുന്നു. സമനിലയോടെ രണ്ട് കളികളില്‍ നിന്ന് നാല് പോയിന്റുമായി ഫ്രാന്‍സാണ് ഒന്നാം സ്ഥാനത്ത്. നാല് പോയിന്റുമായി നെതര്‍ലന്റ്‌സ് രണ്ടാം സ്ഥാനത്തുണ്ട്.

Sports303 days ago

യൂറോ കപ്പ്; ഫ്രാന്‍സ് രക്ഷപ്പെട്ടത് ഓസ്ട്രിയയുടെ സെല്‍ഫ് ഗോളില്‍

മുപ്പത്തിയെട്ടാം മിനിറ്റില്‍ ഓസ്ട്രിയന്‍ താരം മാക്‌സ്മിലിയാന്‍ വെബെര്‍ അടിച്ച ഓണ്‍ഗോളിലൂടെയാണ് ഫ്രാന്‍സ് വിജയിച്ചത്. പെനാല്‍റ്റി ബോക്‌സില്‍ എംബാപ്പെയ്ക്ക് നേരെ എത്തിയ ക്രോസ് ഹെഡ് ചെയ്ത് അകറ്റാനുള്ള ശ്രമത്തിനിടെയാണ് മാക്‌സ്മിലിയാന്‍ ഹെഡ് ചെയ്ത പന്ത് സ്വന്തം വലയിലെത്തിയത്. അവസാന മിനിറ്റുകളില്‍ സമനില ഗോളിനായുള്ള ഓസ്ട്രിയയുടെ ശ്രമങ്ങള്‍ ഫലം കണ്ടില്ല. ഓസ്ട്രിയന്‍ താരം കെവിന്‍ ഡാന്‍സോയുമായി കൂട്ടിയിടിച്ച് എംബാപ്പേയ്ക്ക് പരിക്കേറ്റത് ഫ്രാന്‍സിന് തിരിച്ചടിയായി. അടുത്ത മത്സരത്തില്‍ എംബാപ്പെക്ക് കളിക്കാനാകുമോ എന്ന് ഉറപ്പില്ല.

Sports307 days ago

കൊച്ചിയില്‍ വനിതാ ഓട്ടോ ഡ്രൈവര്‍ക്ക് യുവാക്കളുടെ ക്രൂരമര്‍ദനം

വൈപ്പിന്‍ പള്ളത്താംകുളങ്ങരയിലെ വനിതാ ഓട്ടോ ഡ്രൈവര്‍ ജയയ്ക്കാണ് ഇന്നലെ രാത്രി മര്‍ദനമേറ്റത്. കളമശ്ശേരി മെഡിക്കല്‍ കോളേജിലേക്ക് ഓട്ടം വിളിച്ച മൂന്ന് യുവാക്കള്‍ അവിടെ എത്തിയ ശേഷം തിരിച്ച് കുഴുപ്പിള്ളി ബീച്ചിലേക്ക് കൊണ്ടുപോകുകയും അവിടെവെച്ച് മര്‍ദിക്കുകയുമായിരുന്നു. ജയയുടെ നിലവിളി കേട്ടെത്തിയ നാട്ടുകാരാണ് അവരെ ആശുപത്രിയിലെത്തിച്ചത്. മര്‍ദനത്തില്‍ വാരിയെല്ലുകള്‍ ഒടിഞ്ഞതുള്‍പ്പടെ ജയയ്ക്ക് ഗുരുതര പരിക്കേറ്റിട്ടുണ്ട്.

Kerala314 days ago