വ്യവസായ മേഖലയില്‍ ചരിത്ര നേട്ടവുമായി കേരളം. രാജ്യത്തെ ഏറ്റവും മികച്ച വ്യവസായ സൗഹൃദ സംസ്ഥാനമായി കേരളത്തെ തിരഞ്ഞെടുത്തു. കേന്ദ്ര മന്ത്രി പീയുഷ് ഗോയലിന്‍ നിന്നും വ്യവസായ മന്ത്രി പി. രാജീവ് പുരസ്‌കാരം ഏറ്റുവാങ്ങി. ഒമ്പത് കാറ്റഗറികളിൽ ഒന്നാമത് എത്തിയാണ് കേരളം ഈ നേട്ടം സ്വന്തമാക്കിയതെന്ന് മന്ത്രി പി. രാജീവ് പറഞ്ഞു. എല്ലാ വകുപ്പുകളുടെയും കൂട്ടായ പ്രയത്നത്തിൻ്റെ ഫലമാണ് ഇതെന്നും സംരഭക സമൂഹവും മികച്ച പിന്തുണ നൽകിയെന്നും മന്ത്രി രാജീവ് പറഞ്ഞു. ലോകത്തിന് മുമ്പിൽ ഈ നേട്ടത്തെ അവതരിപ്പിച്ച് കൂടുതൽ വ്യവസായികളെ കേരളത്തിലേക്ക് ആകർഷിക്കുമെന്നും മന്ത്രി കൂട്ടിച്ചേർത്തു.
Related News
കൊച്ചി മെട്രോ രണ്ടാം ഘട്ടം: പൈലിങ് പ്രവർത്തനം ആരംഭിച്ചു
കൊച്ചി മെട്രോയുടെ രണ്ടാം ഘട്ട നിർമാണ പ്രവർത്തനങ്ങൾ അതിവേഗം പുരോഗമിക്കുന്നുണ്ടെന്ന് മന്ത്രി പി. രാജീവ്. കലൂർ സ്റ്റേഡിയം മുതൽ ഇൻഫോപാർക്ക് വരെയുള്ള ഭാഗത്ത് പൈലിങ് ജോലികൾ ആരംഭിച്ചതോടെ നിർമാണത്തിന്റെ പ്രധാന ഘട്ടത്തിലേക്ക് കടന്നിരിക്കുകയാണെന്ന് മന്ത്രി പറഞ്ഞു. 10 സ്‌റ്റേഷനുകളുടെയും ആകാശപാതയുടെയും നിർമാണം പൂർത്തിയാക്കാനുള്ള കരാർ സ്വന്തമാക്കിയിരിക്കുന്നത് അഫ്‌കോൺസ്‌ ഇൻഫ്രാസ്‌ട്രക്‌ചർ എന്ന കമ്പനിയാണ്. 600 ദിവസമാണ് നിർമാണം പൂർത്തിയാക്കാൻ സമയം നൽകിയിരിക്കുന്നത്.
പെരിയാറില്‍ മത്സ്യങ്ങള്‍ ചത്തു പൊങ്ങിയ സംഭവം; അടിയന്തര അന്വേഷണം നടത്താന്‍ നിര്‍ദേശം
സംഭവത്തില്‍ അടിയന്തര അന്വേഷണം നടത്തി എത്രയും വേഗം റിപ്പോര്‍ട്ട് നല്‍കാന്‍ ജില്ലാ കലക്ടര്‍ക്ക് നിര്‍ദേശം നല്‍കിയിട്ടുണ്ടെന്ന് മന്ത്രി പി. രാജീവ് അറിയിച്ചു. രാസമാലിന്യം കലര്‍ന്നിട്ടുണ്ടോ എന്നതടക്കം പരിശോധിക്കുമെന്നും മന്ത്രി പറഞ്ഞു. ഇത് ആവര്‍ത്തിക്കാതിരിക്കാന്‍ ആവശ്യമായ സമീപനം സ്വീകരിക്കുമെന്നും ഏതെങ്കിലും സ്ഥാപനങ്ങള്‍ തെറ്റായ രൂപത്തില്‍ പ്രവര്‍ത്തിച്ചിട്ടുണ്ടെങ്കില്‍ കര്‍ശനമായ നിലപാട് സ്വീകരിക്കുമെന്നും അദ്ദേഹം വ്യക്തമാക്കി.Read More
ബെംഗളൂരുവിലെ ജലക്ഷാമം; IT കമ്പനികളെ കേരളത്തിലേക്ക് ക്ഷണിച്ച് സംസ്ഥാന സര്‍ക്കാര്‍
ബെംഗളൂരുവിലെ ജലപ്രതിസന്ധിയുടെ പശ്ചാത്തലത്തില്‍ ഐ.ടി കമ്പനികള്‍ക്ക് എല്ലാ സൗകര്യങ്ങളും വെള്ളവും വാഗ്ദാനം ചെയ്ത് കത്തെഴുതിയതായി സംസ്ഥാന വ്യവസായ മന്ത്രി പി. രാജീവ് പറഞ്ഞു. വിഷയത്തില്‍ പല കമ്പനികളുമായി ചര്‍ച്ചയിലാണെന്നും മന്ത്രി വ്യക്തമാക്കി. സംസ്ഥാനത്തെ സിലിക്കണ്‍ വാലി മാതൃകയില്‍ വികസിപ്പിക്കാനാണ് ആഗ്രഹിക്കുന്നതെന്നും മന്ത്രി കൂട്ടിച്ചേര്‍ത്തു.
ഫോര്‍ട്ട് കൊച്ചി ടെര്‍മിനലില്‍ നിന്നും വൈകാതെ വാട്ടര്‍ മെട്രോ സര്‍വ്വീസുകള്‍ ആരംഭിക്കുമെന്ന് മന്ത്രി പി രാജീവ്
സര്‍വീസ് തുടങ്ങി പത്ത് മാസം പിന്നിട്ടപ്പോള്‍ പതിനേഴര ലക്ഷത്തിലധികം ആളുകളാണ് വാട്ടര്‍ മെട്രോയില്‍ യാത്ര ചെയ്തിരിക്കുന്നതെന്ന് മന്ത്രി പി രാജീവ് വ്യക്തമാക്കി. കളമശേരി മണ്ഡലത്തിലേക്കും വാട്ടര്‍മെട്രോ എത്തുകയാണെന്നും മന്ത്രി പറഞ്ഞു. ഏലൂര്‍, മുളവുകാട് നോര്‍ത്ത്, സൌത്ത് ചിറ്റൂര്‍, ചേരാനെല്ലൂര്‍ എന്നീ വാട്ടര്‍ മെട്രോ ടെര്‍മിനലുകള്‍ ഇന്ന് മുഖ്യമന്ത്രി നാടിന് സമര്‍പ്പിക്കും. ഇതോടെ 9 ടെര്‍മിനലുകളിലായി 5 റൂട്ടിലേക്ക് കൊച്ചി വാട്ടര്‍ മെട്രോ വളരുകയാണെന്നും മന്ത്രി ഫേസ്ബുക്കില്‍ കുറിച്ചു.
സംരംഭ മേഖലയിലെ മികവിനുള്ള സംസ്ഥാന സർക്കാർ പുരസ്‌കാരങ്ങൾ പ്രഖ്യാപിച്ചു
വ്യവസായ വകുപ്പ് മന്ത്രി പി രാജീവാണ് പുരസ്‌കാരങ്ങൾ പ്രഖ്യാപിച്ചത്. എറണാകുളം ജില്ലയെയാണ് മികച്ച വ്യവസായ കേന്ദ്രമായി തിരഞ്ഞെടുത്തത്. മികച്ച പഞ്ചായത്തായി കൊല്ലം ചവറയും, മികച്ച കോർപ്പറേഷനായി തൃശൂർ ജില്ലാ കോർപ്പറേഷനും തിരഞ്ഞെടുക്കപ്പെട്ടു. 12 ചെറുകിട സംരംഭങ്ങൾക്കും, 10 ഇടത്തരം സംരംഭങ്ങൾക്കും അവാർഡ് ലഭിച്ചു. 13 വനിതാ സംരംഭകരും അവാർഡിന് അർഹരായി.
നിയമസഭയില്‍ മൂന്നിലൊന്ന് പ്രാതിനിധ്യം ഉണ്ടായിട്ടും മൂന്നാം സീറ്റിനായി ലീഗ് യാചിക്കുകയാണ്: മന്ത്രി പി രാജീവ്
അപമാനം സഹിച്ച് UDFല്‍ നില്‍ക്കണോ സ്വതന്ത്രമായി നില്‍ക്കണോ എന്ന് മുസ്ലിം ലീഗിന് തീരുമാനിക്കാമെന്നും പി രാജീവ് പറഞ്ഞു. ഇത്തവണ ലോക്‌സഭ തെരഞ്ഞെടുപ്പില്‍ വലിയ മുന്നേറ്റം LDFന് ഉണ്ടാകുമെന്നും അദ്ദേഹം കൂട്ടിച്ചേര്‍ത്തു. നിലവിലെ സാഹചര്യം ഇടതുപക്ഷത്തിന് അനുകൂലമാണെന്നും ഉപതെരഞ്ഞെടുപ്പില്‍ UDF ദുര്‍ബലമായെന്നും പി രാജീവ് പറഞ്ഞു.
കളമശ്ശേരിയിലെ ആദ്യ ഓപ്പണ്‍ ജിം ഉദ്ഘാടനം ചെയ്തു
'പൊതുഇടങ്ങള്‍ക്ക് ഒപ്പം' എന്ന പദ്ധതിയുടെ ഭാഗമായി മന്ത്രി പി. രാജീവാണ് ഓപ്പണ്‍ ജിം ഉദ്ഘാടനം ചെയ്തത്. പൊതു ഇടങ്ങള്‍ നവീകരിച്ച് പൊതുജനങ്ങള്‍ക്ക് ഉപകാരപ്പെടും വിധത്തില്‍ ആകര്‍ഷകമാക്കുന്നതിനും അവര്‍ക്ക് ഒത്തുചേരുന്നതിനും വ്യായാമം ഉള്‍പ്പെടെ ചെയ്യുന്നതിനുമായി നടപ്പിലാക്കുന്ന പദ്ധതിയാണിത്. കളമശ്ശേരി ഗ്ലാസ് കോളനിയിലാണ് ഓപ്പണ്‍ ജിം നിര്‍മ്മിച്ചിരിക്കുന്നത്.
