വെള്ളപ്പൊക്കം; അസമില്‍ അഞ്ച് വര്‍ഷത്തിനിടെ മരണപ്പെട്ടത് 880 പേര്‍

സംസ്ഥാനത്ത് വെള്ളപ്പൊക്കത്തില്‍ ജീവന്‍ നഷ്ടമായവരുടെ കണക്കുകള്‍ പുറത്തുവിട്ട് അസം സര്‍ക്കാര്‍. അസമില്‍ 2019 മുതല്‍ 2024 ജൂലൈ 27 വരെ 880 പേര്‍ക്ക് പ്രളയം മൂലം ജീവന്‍ നഷ്ടപ്പെട്ടതായി കേന്ദ്ര ആഭ്യന്തര സഹമന്ത്രി നിത്യാനന്ദ് റായ് രാജ്യസഭയില്‍ പറഞ്ഞു. ഈ വര്‍ഷം ഇതുവരെ 117 പേരാണ് വെള്ളപ്പൊക്കത്തില്‍ മരണപ്പെട്ടത്. 2023-ല്‍ 65, 2022-ല്‍ 278, 2021-ല്‍ 73, 2020-ല്‍ 190, 2019-ല്‍ 157 എന്നിങ്ങനെയാണ് ഓരോ വര്‍ഷവും മരണപ്പെട്ടവരുടെ എണ്ണം.

National145 days ago

ബംഗാളിലെ വെള്ളപ്പൊക്കം; പ്രധാനമന്ത്രിയ്ക്ക് കത്തയച്ച് മമത ബാനര്‍ജി

പശ്ചിമ ബംഗാളില്‍ പ്രളയം മൂലമുണ്ടായ വ്യാപക നാശനഷ്ടങ്ങള്‍ പരിഹരിക്കാന്‍ ഉടന്‍ കേന്ദ്ര ഫണ്ട് അനുവദിക്കണമെന്നാണ് മുഖ്യമന്ത്രി മമത ബാനര്‍ജി പ്രധാനമന്ത്രി മോദിക്ക് അയച്ച കത്തില്‍ ആവശ്യപ്പെട്ടിരിക്കുന്നത്. ലോവര്‍ ദാമോദറിലും സമീപ പ്രദേശങ്ങളിലും 2009 ന് ശേഷമുള്ള ഏറ്റവും വലിയ വെള്ളപ്പൊക്കമാണ് സംസ്ഥാനം ഇപ്പോള്‍ അഭിമുഖീകരിക്കുന്നത്. ഈ വിഷയം ഗൗരവമായി പരിഗണിക്കണം. ദുരന്തബാധിതരെ സഹായിക്കാന്‍ കേന്ദ്ര ഫണ്ട് അനുവദിക്കണമെന്നും മമത കത്തില്‍ സൂചിപ്പിച്ചു. അതേസമയം ദാമോദര്‍ വാലി കോര്‍പറേഷന്‍ 5.5 ലക്ഷം കുസെക്‌സ് വെള്ളം തുറന്നുവിട്ടതാണ് തെക്കന്‍ ബംഗാളില്‍ വെള്ളപ്പൊക്കത്തിന് കാരണമായതെന്നാണ് മമതയുടെ ആരോപണം.

National94 days ago

മധ്യയൂറോപ്പ്യന്‍ രാജ്യങ്ങളില്‍ കനത്ത മഴയും വെള്ളപ്പൊക്കവും

കനത്ത മഴയെ തുടര്‍ന്ന് ഓസ്ട്രിയ, ചെക്ക് റിപ്പബ്ലിക്, പോളണ്ട് റൊമാനിയ എന്നീ രാജ്യങ്ങളിലെ വിവിധ പ്രദേശങ്ങള്‍ വെള്ളപ്പൊക്കത്തില്‍ മുങ്ങി. പോളണ്ടില്‍ നാല് മരണവും ചെക്ക് റിപ്പബ്ലിക്കില്‍ മൂന്നും റൊമാനിയയില്‍ ഒരു മരണവും റിപ്പോര്‍ട്ട് ചെയ്തു. ഇവിടങ്ങളില്‍ നിന്ന് ആയിരക്കണക്കിന് ആളുകളെ ദുരിത ബാധിത പ്രദേശങ്ങളില്‍ നിന്ന് ഒഴിപ്പിച്ചു. വെള്ളപ്പൊക്ക ദുരിതാശ്വാസത്തിനായി പോളണ്ട് സര്‍ക്കാര്‍ 260 ദശലക്ഷം ഡോളര്‍ പ്രഖ്യാപിച്ചു. വെള്ളപ്പൊക്ക ബാധിത പ്രദേശങ്ങളില്‍ നിന്ന് ആളുകളെ മാറ്റിപ്പാര്‍പ്പിക്കുകയാണ്.

World97 days ago

തെലങ്കാനയില്‍ കനത്ത മഴയും വെള്ളപ്പൊക്കവും; 29 മരണം

സംസ്ഥാനത്ത് ആഗസ്റ്റ് 31നും സെപ്റ്റംബര്‍ 3നും ഇടയില്‍ രേഖപ്പെടുത്തിയ മഴയുടെ അടിസ്ഥാനത്തില്‍ സംസ്ഥാനത്തെ 33 ജില്ലകളില്‍ 29 എണ്ണം പ്രളയബാധിതമായി പ്രഖ്യാപിച്ചിട്ടുണ്ട്. പ്രളയബാധിത ജില്ലകളില്‍ ദുരിതാശ്വാസ പ്രവര്‍ത്തനങ്ങള്‍ക്കായി മൂന്ന് കോടി രൂപ വീതം അനുവദിക്കുന്നുണ്ടെന്ന് സംസ്ഥാന ചീഫ് സെക്രട്ടറി ശാന്തി കുമാരി അറിയിച്ചു. സംസ്ഥാന സര്‍ക്കാറിന്റെ പ്രാഥമിക കണക്കനുസരിച്ച് മഴയിലും വെള്ളപ്പൊക്കത്തിലും 5,438 കോടി രൂപയുടെ നഷ്ടം ഉണ്ടായിട്ടുണ്ട്.

National106 days ago

വെള്ളപ്പൊക്കം തടയുന്നതില്‍ പരാജയപ്പട്ടു; 30 ഉദ്യോഗസ്ഥര്‍ക്ക് വധശിക്ഷ വിധിച്ച് ഉത്തരകൊറിയ

ഉത്തരകൊറിയയിലുണ്ടായ വെള്ളപ്പൊക്കം തടയുന്നതില്‍ പരാജയപ്പെട്ട 30 ഉദ്യോഗസ്ഥര്‍ക്ക് ഉത്തരകൊറിയന്‍ ഏകാധിപതി കിം ജോങ് ഉന്‍ വധശിക്ഷ വിധിച്ചതായി റിപ്പോര്‍ട്ട്. ഉദ്യോഗസ്ഥര്‍ക്കെതിരെ അഴിമതി, ഡ്യൂട്ടിയില്‍ വീഴ്ചവരുത്തുക തുടങ്ങിയ കുറ്റങ്ങളാണ് ചുമത്തിയിരിക്കുന്നത്. പ്രളയത്തില്‍ ആയിരത്തോളം പേര്‍ മരിച്ചിരുന്നു. കനത്ത മഴയും ഉരുള്‍പ്പൊട്ടലും ചാങ്ഗാങ് പ്രവശ്യയില്‍ കനത്ത നാശം വിതച്ചിരുന്നു. ഇതിന് പിന്നാലെയാണ് കിം ജോങ് ഉന്നിന്റെ കടുത്ത നടപടിയെന്നാണ് പുറത്തു വരുന്ന റിപ്പോര്‍ട്ടുകള്‍.

World110 days ago

നിയമസഭയില്‍ നമാസിനുളള ഇടവേള ഒഴിവാക്കി അസം സര്‍ക്കാര്‍

അസം മുഖ്യമന്ത്രി ഹിമന്ത ബിശ്വയാണ് നിയമസഭയില്‍ വെള്ളിയാഴ്ച്ചകളിലെ രണ്ട് മണിക്കൂര്‍ നമാസ് ഇടവേള റദ്ദാക്കുന്നതായി അറിയിച്ചത്. നിയമസഭയുടെ ഉല്‍പ്പാദനക്ഷമത വര്‍ധിപ്പിക്കുന്നതിനും കോളോണിയല്‍ രീതികളില്‍ നിന്നുള്ള മോചനത്തിനുമുളള ചുവടുവെപ്പാണിത്. മതപരമായ പരിഗണനകളില്ലാതെയാണ് നിയമസഭ പ്രവര്‍ത്തിക്കേണ്ടതെന്നും മുഖ്യമന്ത്രി പറഞ്ഞു. 1937 ല്‍ മുസ്ലീം ലീഗിന്റെ സയ്യിദ് സാദുല ആരംഭിച്ച പതിവാണ് ഇപ്പോള്‍ നിര്‍ത്തലാക്കിയിരിക്കുന്നത്.

National115 days ago

പശ്ചിമംഗാളിന്റെ ചില ഭാഗങ്ങളില്‍ വെള്ളപ്പൊക്ക മുന്നറിയിപ്പ്

പശ്ചിമബംഗാളില്‍ കനത്ത മഴ തുടരുന്നതിനെ തുടര്‍ന്നാണ് വെള്ളപ്പൊക്ക മുന്നറിയിപ്പ് പുറപ്പെടുവിച്ചത്. ഹൂഗ്ലി ജില്ലയിലെ ആരാംബാഗില്‍ പലയിടത്തും വീടുകളും റോഡുകളും വെള്ളത്തിനടിയിലായി. ഝാര്‍ഖണ്ഡിലെ രണ്ട് അണക്കെട്ടുകളില്‍ നിന്ന് വെള്ളം തുറന്നുവിട്ടതിനാല്‍ പശ്ചിമബംഗാളിന്റെ തെക്കന്‍ ഭാഗങ്ങളില്‍ വെള്ളപ്പൊക്ക മുന്നറിയിപ്പ് നല്‍കിയിട്ടുണ്ട്. കൂടാതെ വടക്കന്‍ ബംഗാളിലെ കൂച്ച്ബെഹാര്‍, അലിപുര്‍ദുവാര്‍ ജില്ലകളിലും വെള്ളപ്പൊക്ക മുന്നറിയിപ്പ് നല്‍കിയിട്ടുണ്ട്.

National141 days ago

യുനെസ്‌കോയുടെ ലോക പൈതൃക പട്ടികയില്‍ ഇടംനേടി അസാമിലെ മൊയ്ദാംസ്

അസമിലെ അഹോം രാജവംശത്തിന്റെ ശവകുടീരങ്ങളായ മൊയ്ദാംസ് യുനെസ്‌കോയുടെ ലോക പൈതൃക പട്ടികയില്‍ ഉള്‍പ്പെടുത്തി. ന്യൂഡല്‍ഹിയില്‍ നടന്ന യുനെസ്‌കോയുടെ ലോക പൈതൃക സമിതിയുടെ 46ാമത് യോഗത്തിലാണ് ഈ പ്രഖ്യാപനം. ഇതോടെ ഇന്ത്യയിലെ 43ാമത്തെയും അസാമിലെ മൂന്നാമത്തേയും ലോക പൈതൃക കേന്ദ്രമായി മൊയ്ദാംസ് മാറി. അസമിലെ അഹോം രാജാക്കന്മാര്‍ക്കും രാജ്ഞിമാര്‍ക്കും പ്രഭുക്കന്മാര്‍ക്കും വേണ്ടി നിര്‍മ്മിച്ച പരമ്പരാഗത ശ്മശാനങ്ങളാണ് മൊയ്ദാംസ്.

Environment150 days ago

ബിഹാറില്‍ പ്രളയക്കെടുതി; മുസഫര്‍പുരില്‍ 100 ഓളം വീടുകള്‍ വെള്ളത്തിനടിയില്‍

ബാഗ്മതി നദി കരകവിഞ്ഞൊഴുകിയതോടെ മുസഫര്‍പുരിലെ 18 പഞ്ചായത്തുകളാണ് ഒറ്റ ദിവസം കൊണ്ട് വെള്ളത്തിനടിയിലായത്. സംസ്ഥാനത്തെ റാപ്തി, ഗണ്ഡക് തുടങ്ങിയ നദികളും കരകവിഞ്ഞൊഴുകുകയാണ്. പാലങ്ങളും മറ്റും തുടര്‍ച്ചയായി പൊളിഞ്ഞു വീഴുന്നതിനെ തുടര്‍ന്ന് പാലങ്ങളുടെയും കലുങ്കുകളുടെയും നിരീക്ഷണം ശക്തമാക്കിയിട്ടുണ്ട്.

National162 days ago

അസം പ്രളയം: മരണസംഖ്യ 90 ആയി

അസമില്‍ വെള്ളപ്പൊക്കത്തില്‍ ഏഴ് പേര്‍ കൂടി മരിച്ചു. ഇതോടെ പ്രളയത്തില്‍ മരിച്ചവരുടെ എണ്ണം 90 ആയി ഉയര്‍ന്നതായി അസം സ്റ്റേറ്റ് ഡിസാസ്റ്റര്‍ മാനേജ്‌മെന്റ് അതോറിറ്റി അറിയിച്ചു. സംസ്ഥാനത്തെ 24 ജില്ലകളിലായി 12.33 ലക്ഷത്തിലധികം ആളുകളെ പ്രളയം ബാധിച്ചു. 75 റവന്യൂ വില്ലേജുകള്‍ക്ക് കീഴിലുള്ള 2406 വില്ലേജുകളും 32924.32 ഹെക്ടര്‍ കൃഷിയിടങ്ങളും ഇപ്പോഴും വെള്ളത്തിനടിയിലാണ്. കാസിരംഗ നാഷണല്‍ പാര്‍ക്കില്‍ 10 കാണ്ടാമൃഗങ്ങള്‍ ഉള്‍പ്പെടെ 180 വന്യമൃഗങ്ങള്‍ വെള്ളപ്പൊക്കത്തില്‍ ചത്തു.

National163 days ago

പ്രളയക്കെടുതിയില്‍ അസം; മരണസംഖ്യ 66 ആയി

അസമിലെ പ്രളയത്തില്‍ ഇന്നലെ മൂന്ന് കുട്ടികളടക്കം എട്ട് പേര്‍ക്ക് കൂടി ജീവന്‍ നഷ്ടമായി. ഇതോടെ പ്രളയത്തില്‍ മരിച്ചവരുടെ എണ്ണം 66 ആയി. പ്രളയത്തെ തുടര്‍ന്ന് അസമിലെ 98 ഓളം ഗ്രാമങ്ങള്‍ ഇപ്പോഴും വെള്ളത്തിനടയിലാണെന്നാണ് റിപ്പോര്‍ട്ടുകള്‍. 68000ത്തോളം ഹെക്ടര്‍ കൃഷി നശിച്ചതയി സംസ്ഥാന ദുരന്ത നിവാരണ സേന അറിയിച്ചു. കാംരൂപ് ജില്ലയിലെ ദുരിതാശ്വാസ ക്യാമ്പ് സന്ദര്‍ശിച്ച മുഖ്യമന്ത്രി ഹിമന്ത് ബിശ്വ ശര്‍മ പ്രളയത്തില്‍ വീട് നഷ്ടമായവര്‍ക്ക് പ്രധാനമന്ത്രി ആവാസ് യോജനയിലുള്‍പ്പെടുത്തി പുതിയ വീടുകള്‍ നല്‍കുമെന്ന് പ്രഖ്യാപിച്ചു.

National168 days ago