ഗുജറാത്തില്‍ ക്ലാസ് റൂമിന്റെ ഭിത്തി തകര്‍ന്നുവീണ് വിദ്യാര്‍ത്ഥിയ്ക്ക് പരിക്ക്

ഗുജറാത്തിലെ വഡോദരയിലെ ശ്രീ നാരായണ്‍ ഗുരുകുല സ്‌കൂളിന്റെ ഭിത്തിയാണ് തകര്‍ന്ന് വീണത്. ഇന്നലെ ഉച്ചയ്ക്ക് 12.30ഓടെ ഉച്ചഭക്ഷണ ഇടവേളയ്ക്കിടെയായിരുന്നു സംഭവം. അപകടത്തില്‍ ഒരു വിദ്യാര്‍ത്ഥിക്ക് പരിക്കേറ്റു. മറ്റ് വിദ്യാര്‍ത്ഥികളെ ഉടന്‍ തന്നെ സുരക്ഷിത സ്ഥാനത്തേക്ക് മാറ്റിയതായി സ്‌കൂള്‍ പ്രിന്‍സിപ്പല്‍ രൂപാല്‍ ഷാ പറഞ്ഞു. വിദ്യാര്‍ത്ഥികളുടെ സൈക്കിള്‍ പാര്‍ക്ക് ചെയ്തിരുന്ന സ്ഥലത്തേക്കാണ് ഭിത്തി ഇടിഞ്ഞ് വീണതെന്നും 12 ഓളം സൈക്കിള്‍ പുറത്തെടുത്തെന്നും ഫയര്‍ഫോഴ്‌സ് ഉദ്യോഗസ്ഥന്‍ വിനോദ് മൊഹിതെ പറഞ്ഞു.

National272 days ago

ഓണം അവധിക്കായി സംസ്ഥാനത്തെ സ്കൂളുകൾ ഇന്ന് അടയ്ക്കും

ഓണാഘോഷത്തോടെ സംസ്ഥാനത്തെ സ്‌കൂളുകൾ ഓണം അവധിക്കായി ഇന്ന് അടയ്ക്കും. കുടിവെള്ള പ്രശ്നം രൂക്ഷമായ സാഹചര്യത്തിൽ തിരുവനന്തപുരം കോർപറേഷൻ പരിധിയിലെ സ്കൂളുകൾക്ക് തിങ്കളാഴ്ച അവധി ആയിരുന്നതിനാൽ അന്ന് മാറ്റിവെച്ച പരീക്ഷ ഇന്ന് നടക്കും. അതേസമയം, വയനാട് ദുരന്തത്തിൻ്റെ പശ്ചാത്തലത്തിൽ സംസ്ഥാന സർക്കാരിൻ്റെ ഓണാഘോഷ പരിപാടികൾ മാറ്റിവെച്ചിരിക്കുകയാണ്.

Kerala217 days ago

മഴക്കെടുതി: ഗുജറാത്തിൽ മരണം 36 കടന്നു

ഗുജറാത്തിൽ മഴക്കെടുതി രൂക്ഷം. ദിവസങ്ങളായി തുടരുന്ന മഴക്കെടുതിയിൽ സംസ്ഥാനത്ത് വിവിധ അപകടങ്ങളില്‍പ്പെട്ട് മരിച്ചവരുടെ എണ്ണം 36 കടന്നു. കനത്ത മഴയില്‍ പ്രധാന നഗരങ്ങളെല്ലാം വെള്ളത്തിനടിയിലായി. ദുരന്ത ബാധിത മേഖലയില്‍ നിന്നുള്ള ആളുകള്‍ ദുരിതാശ്വാസ ക്യാമ്പുകളിൽ തുടരുകയാണ്. അടുത്ത 5 ദിവസം കൂടി ഗുജറാത്തിൽ ശക്തമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽയിരിക്കുന്നത്. മഴ ശക്തമാകുന്ന സഹാചര്യത്തില്‍ ജനങ്ങളോട് ജാഗ്രത പാലിക്കാന്‍ സംസ്ഥാന സര്‍ക്കാര്‍ ആവശ്യപ്പെട്ടു.

National229 days ago

ഗുജറാത്തില്‍ കനത്ത മഴ; മരണസംഖ്യ 28 ആയി

ഗുജറാത്തില്‍ കനത്തമഴ തുടരുന്നു. മഴക്കെടുതിയില്‍ കഴിഞ്ഞ മൂന്ന് ദിവസത്തിനിടെ സംസ്ഥാനത്ത് 28 പേര്‍ മരണപ്പെട്ടു. വെള്ളപ്പൊക്ക ബാധിത പ്രദേശങ്ങളില്‍ നിന്ന് 18,000ത്തോളം ആളുകളെ മാറ്റിപ്പാര്‍പ്പിച്ചു. ശക്തമായ മഴ സാധ്യത കണക്കിലെടുത്ത് കാലാവസ്ഥാ വകുപ്പ് ഗുജറാത്തിലെ 11 ജില്ലകളില്‍ റെഡ് അലര്‍ട്ടും 22 ജില്ലകളില്‍ യെല്ലോ അലര്‍ട്ടും പുറപ്പെടുവിച്ചിട്ടുണ്ട്. പ്രധാനമന്ത്രി നരേന്ദ്ര മോദി ഗുജറാത്ത് മുഖ്യമന്ത്രി ഭൂപേന്ദ്ര പട്ടേലിനെ വിളിച്ച് സ്ഥിതിഗതികള്‍ വിലയിരുത്തുകയും കേന്ദ്രത്തിന്റെ പിന്തുണ ഉറപ്പ് നല്‍കുകയും ചെയ്തു.

National232 days ago

കനത്തമഴ, വെള്ളപ്പൊക്കം; ഗുജറാത്തില്‍ 15 മരണം

ഗുജറാത്തില്‍ കനത്തമഴയെ തുടര്‍ന്നുണ്ടായ വെള്ളപ്പൊക്കത്തില്‍ 15 പേര്‍ മരണപ്പെടുകയും 23,000ത്തിലധികം ആളുകളെ മാറ്റിപ്പാര്‍പ്പിക്കുകയും ചെയ്തു. ദുരന്തനിവാരണ പ്രവര്‍ത്തനങ്ങള്‍ക്കായി 14 NDRF സംഘങ്ങളും 22 SDRF സംഘങ്ങളും സംസ്ഥാനത്ത് വിന്യസിച്ചിട്ടുണ്ട്. കരകവിഞ്ഞൊഴുകുന്ന നദികളിലും കായലുകളിലും ആരും ഇറങ്ങരുതെന്നും മത്സ്യത്തൊഴിലാളികള്‍ കടലില്‍ പോകരുതെന്നും മുന്നറിയിപ്പ് നല്‍കിയിട്ടുണ്ട്. ഗുജറാത്തിലെ മഴക്കെടുതി സംബന്ധിച്ച് പ്രധാനമന്ത്രി നരേന്ദ്ര മോദി മുഖ്യമന്ത്രി ഭൂപേന്ദ്ര പട്ടേലുമായി സംസാരിക്കുകയും രക്ഷാപ്രവര്‍ത്തനങ്ങളുടെ വിശദാംശങ്ങള്‍ തേടുകയും ചെയ്തിട്ടുണ്ട്.

National233 days ago

ഗുജറാത്തില്‍ കനത്ത മഴ; ആളുകളെ മാറ്റിപാര്‍പ്പിക്കുന്നു

ദക്ഷിണ ഗുജറാത്തിലെ വല്‍സാദ്, താപി, നവസാരി, സൂറത്ത്, നര്‍മദ, പഞ്ച്മഹല്‍ ജില്ലകളില്‍ മഴക്കെടുതി അതിരൂക്ഷമാണ്. സംസ്ഥാനത്ത് റെഡ് അലര്‍ട്ട് പ്രഖ്യാപിച്ചിരിക്കുകയാണ്. ഈ സാഹചര്യത്തില്‍ താഴ്ന്ന പ്രദേശങ്ങളില്‍ താമസിക്കുന്ന ആളുകളെ സുരക്ഷിത സ്ഥലങ്ങളിലേക്ക് മാറ്റിപാര്‍പ്പിക്കുകയാണെന്ന് മുഖ്യമന്ത്രി ഭൂപേന്ദ്ര പട്ടേല്‍ വ്യക്തമാക്കി. ഇന്ന് മാത്രമായി രാവിലെ 6 മുതല്‍ 8 വരെ നര്‍മ്മദ ജില്ലയിലെ സാഗബറ താലൂക്കില്‍ 64 മില്ലിമീറ്റര്‍ മഴയാണ് ലഭിച്ചത്.

National236 days ago

മധ്യപ്രദേശില്‍ ക്ഷേത്രമതില്‍ ഇടിഞ്ഞുവീണ് എട്ട് കുട്ടികള്‍ മരിച്ചു

മധ്യപ്രദേശിലെ സാഗര്‍ ജില്ലയിലെ ഷാഹ്പൂരിലാണ് കനത്ത മഴയെ തുടര്‍ന്ന് ക്ഷേത്രമതില്‍ ഇടിഞ്ഞുവീണ് എട്ട് കുട്ടികള്‍ മരണപ്പെട്ടത്. അപകടത്തില്‍ നിരവധി പേര്‍ക്ക് പരിക്കേല്‍ക്കുകയും ചെയ്തു. 50 വര്‍ഷത്തോളം പഴക്കമുളള മതിലാണ് ഇടിഞ്ഞുവീണത്. ശ്രാവണമാസ ആഘോഷങ്ങളുടെ ഭാഗമായ ചടങ്ങുകള്‍ നടക്കുന്നതിനിടെയാണ് മതില്‍ ഇടിഞ്ഞുവീണത്. പ്രദേശത്ത്് രക്ഷാപ്രവര്‍ത്തനം പുരോഗമിക്കുകയാണ്.

National257 days ago

സ്കൂളുകളിൽ ശനിയാഴ്ചകൾ പ്രവൃത്തി ദിവസം; സർക്കാർ ഉത്തരവ് ഹൈക്കോടതി റദ്ദാക്കി

സ്കൂളുകളിൽ ശനിയാഴ്ച പ്രവൃത്തി ദിവസമാക്കുന്നതെന്ന് സംബന്ധിച്ച സർക്കാർ ഉത്തരവ് ഹൈക്കോടതി റദ്ദാക്കി. വിദ്യാഭ്യാസ കലണ്ടർ 220 ആക്കി വർധിപ്പിച്ച പുതിയ വിദ്യാഭ്യാസ കലണ്ടർ സർക്കാർ കൂടിയാലോചിച്ച് തീരുമാനമെടുക്കണമെന്നും ഉത്തരവിൽ പറയുന്നു. സർക്കാർ ഉത്തരവിനെതിരെ വിവിധ അധ്യാപക സംഘടനകൾ നൽകിയ ഹർജിയിലാണ് ജസ്റ്റിസ് എ.എ. സിയാദ് റഹ്മാൻ വിധി പറഞ്ഞത്. മുൻ വർഷങ്ങളിൽ 200 പ്രവൃത്തി ദിനങ്ങളാണ് ഉണ്ടായിരിക്കുന്നത്. പ്രവൃത്തി ദിനങ്ങൾ 220 ആക്കി ഉയർത്തി ജൂൺ 3 നാണ് സർക്കാർ ഉത്തരവിട്ടത്. ഇതോടെയാണ് അധ്യാപക സംഘടനകൾ പ്രതിഷേധവുമായി രംഗത്തെത്തിയത്.

Kerala260 days ago

ചാന്ദിപുര വൈറസ് ബാധ: ചികിത്സ തേടി എത്തുന്നവരുടെ എണ്ണം വർധിക്കുന്നു

ഗുജറാത്തിൽ ചാന്ദിപുര വൈറസ് രോഗ ലക്ഷണങ്ങളുമായി ആശുപത്രിയിൽ ചികിത്സ തേടി എത്തുന്നവരുടെ എണ്ണം വർധിക്കുന്നു. ഇന്ന് ഉച്ചവരെയുള്ള കണക്ക് പ്രകാരം 117 പേരാണ് നിലവിൽ രോഗം ബാധിച്ച് ചികിത്സയിലുള്ളത്. ചികിത്സയിലുള്ളവരില്‍ കൂടുതലും 8നും 16നും ഇടയില്‍ പ്രായമുള്ള കുട്ടികളാണ്. ഇതുവരെ 38 പേരാണ് രോഗം ബാധിച്ച് മരിച്ചത്.

National268 days ago

ചാന്ദിപുര വൈറസ്: രോഗം ബാധിച്ച് മരിക്കുന്നവരുടെ എണ്ണം ഉയരുന്നു

ഗുജറാത്തില്‍ രോഗം ബാധിച്ച് മരിച്ചവരുടെ എണ്ണം 16 ആയി ഉയര്‍ന്നു. 50 ഓളം ചാന്ദിപുര വൈറസ് കേസുകള്‍ റിപ്പോര്‍ട്ട് ചെയ്തിട്ടുണ്ടെന്നും ഗുജറാത്ത് ആരോഗ്യമന്ത്രി ഋഷികേശ് പട്ടേല്‍ പറഞ്ഞു. 12 ജില്ലകളില്‍ നിലവില്‍ രോഗബാധയുണ്ടെന്ന് സര്‍ക്കാര്‍ അറിയിച്ചു. ഏഴ് കേസുകള്‍ ലാബ് പരിശോധനയ്ക്കായി പൂനൈയിലേക്ക് അയച്ചിട്ടുണ്ട്. പൂനൈയിലെ നാഷണല്‍ വൈറോളജി ഇന്‍സ്റ്റിറ്റ്യൂട്ട് വൈറസ് ബാധിച്ച ഒരു കുട്ടിയുടെ മരണം സ്ഥിരീകരിച്ചതിന് പിന്നാലെയാണ് കൂടുതല്‍ പേര്‍ സമാന രോഗലക്ഷണങ്ങളോടെ മരിച്ചുവെന്ന് റിപ്പോര്‍ട്ടുകള്‍ പുറത്ത് വരുന്നത്.

National271 days ago

സ്‌കൂളുകളില്‍ വര്‍ഷത്തില്‍ മൂന്ന് PTA പൊതുയോഗം നിര്‍ബന്ധമായും ചേരണം

സംസ്ഥാനത്തെ എല്ലാ സ്‌കൂളുകളിലും ഒരു വര്‍ഷത്തില്‍ മൂന്നുതവണ PTA പൊതുയോഗം ചേരണമെന്ന നിബന്ധന കര്‍ശനമാക്കണമെന്ന് പൊതുവിദ്യാഭ്യാസ ഡയറക്ടര്‍ നിര്‍ദേശം നല്‍കി. അതത് സ്‌കൂളില്‍ പഠിക്കുന്ന വിദ്യാര്‍ത്ഥിയുടെ അമ്മയ്‌ക്കോ അച്ഛനോ മാത്രമേ PTA കമ്മിറ്റിയില്‍ അംഗമാകാന്‍ അര്‍ഹതയുള്ളൂവെന്നും PTA പ്രസിഡന്റിന്റെ തുടര്‍ച്ചയായ കാലാവധി മൂന്നുവര്‍ഷമായി പരിമിതപ്പെടുത്തിയത് നിര്‍ബന്ധമായും പാലിക്കണമെന്നും ഡയറക്ടര്‍ നിര്‍ദേശിച്ചു. മിക്ക സ്‌കൂളുകളിലും പുതിയ PTA കമ്മിറ്റി അംഗങ്ങളെ തിരഞ്ഞെടുക്കാന്‍ മാത്രമാണ് പൊതുയോഗം ചേരുന്നതെന്ന പരാതി ലഭിച്ചതിനെത്തുടര്‍ന്നാണ് ഡയക്ടറുടെ നിര്‍ദേശം.

Education273 days ago