ക്ഷേമ പെന്‍ഷന്‍ കുടിശ്ശിക സമയ ബന്ധിതമായി കൊടുത്തു തീര്‍ക്കുമെന്ന് ധനമന്ത്രി കെ.എന്‍. ബാലഗോപാല്‍

നിലവില്‍ അഞ്ചു മാസത്തെ കുടിശ്ശിക ഉണ്ടെന്നും ഇതില്‍ ഒരു ഗഡു ഉടന്‍ കൊടുക്കുമെന്നും ധനമന്ത്രി പറഞ്ഞു. പ്രതിപക്ഷം മുതലക്കണ്ണീര്‍ ഒഴുക്കുകയാണെന്നും ഇത് സംബന്ധിച്ച് പ്രതിപക്ഷം നിയമസഭയില്‍ അവതരിപ്പിച്ച അടിയന്തര പ്രമേയത്തിന് അടിയന്തര സ്വഭാവം ഇല്ലെന്നും ധനമന്ത്രി കൂട്ടിച്ചേര്‍ത്തു. ഒരു മാസം പെന്‍ഷന്‍ കൊടുക്കാന്‍ 900 കോടി രൂപ വേണമെന്നും കേന്ദ്രത്തിനെതിരെ സമരം ചെയ്യാന്‍ പ്രതിപക്ഷം തയ്യാറാണോ എന്നും ധനമന്ത്രി ചോദിച്ചു.

Kerala306 days ago

KSRTC ക്ക് 74.20 കോടി അനുവദിച്ചു

KSRTC ക്ക് സംസ്ഥാന സർക്കാർ 74.20 കോടി രൂപകൂടി അനുവദിച്ചതായി ധനമന്ത്രി കെ.എൻ. ബാലഗോപാൽ അറിയിച്ചു. പ്രാഥമിക സഹകരണ സംഘങ്ങളിൽ നിന്ന് പെൻഷൻ വിതരണത്തിനായി എടുത്ത വായ്പകളുടെ തിരിച്ചടവിനായാണ് പണം അനുവദിച്ചത്. KSRTC ക്കായി ഈ സാമ്പത്തിക വർഷം 900 കോടി രൂപയാണ് വകയിരുത്തിയിട്ടുള്ളത്. ഇതിൽ 864.91 കോടി രൂപ ഇതിനോടകം നൽകി.

Kerala224 days ago

മെഡിസെപ്പ്: രണ്ടര വർഷത്തിൽ നൽകിയത്‌ 1485 കോടി രൂപയുടെ സൗജന്യ ചികിത്സ

സര്‍ക്കാര്‍ ജീവനക്കാര്‍ക്കും, പെന്‍ഷന്‍കാര്‍ക്കും അവരുടെ ആശ്രിതര്‍ക്കുമുള്ള സൗജന്യ ചികിത്സാ പദ്ധതിയായ മെഡിസിപ്പിലൂടെ രണ്ടര വർഷത്തിനുള്ളിൽ നൽകിയത് 1485 കോടി രൂപയുടെ സൗജന്യ ചികിത്സാ ആനുകൂല്യങ്ങളാണെന്ന് മന്ത്രി കെ.എൻ. ബാലഗോപാൽ. ഇതിൽ 1341.12 കോടി രൂപ സ്വകാര്യ ആശുപത്രികളിലെ ചികിത്സയ്ക്കായും 87.15 കോടി രൂപ സർക്കാർ ആശുപത്രകളിലെ ചികിത്സയ്ക്കായുമാണ് നൽകിയത്. 56.29 കോടി രൂപ അതീവ ഗുരുതര രോഗങ്ങൾ, അവയവമാറ്റ ശസ്‌ത്രക്രിയകൾ എന്നിവയ്‌ക്കായുള്ള പ്രത്യേക നിധിയിൽനിന്നും അനുവദിച്ചു. 2022 ജൂലൈ ഒന്നിന് ആരംഭിച്ച പദ്ധതിയില്‍ കഴിഞ്ഞ ഓഗസ്റ്റ് 31 വരെ 2,87,489 പേര്‍ക്കാണ് ചികിത്സ ഉറപ്പാക്കിയതെന്നും മന്ത്രി കെ.എൻ. ബാലഗോപാൽ പറഞ്ഞു.

Kerala225 days ago

ഓണം: സർക്കാർ ജീവനക്കാർക്കും അധ്യാപകർക്കും 4000 രൂപ ബോണസ്

ഓണം പ്രമാണിച്ച് സർക്കാർ ജീവനക്കാർക്കും അധ്യാപകർക്കും 4000 രൂപ ബോണസ് അനുവദിച്ചു. ബോണസിന് അർഹതയില്ലാത്തവർക്ക് ഉത്സവബത്തയായി 2,750 രൂപയും നൽകുമെന്ന് ധനമന്ത്രി കെ.എൻ. ബാലഗോപാൽ അറിയിച്ചു. പങ്കാളിത്ത പെൻഷൻ പദ്ധതി പ്രകാരം വിരമിച്ച ജീവനക്കാർക്കും പ്രത്യേക ഉത്സവബത്തയായി 1000 രൂപ നൽകും. സംസ്ഥാനത്തെ എല്ലാ സർക്കാർ ജീവനക്കാർക്കും ഓണം അഡ്വാൻസായി 20,000 രൂപയും പാർട്ട്‌ ടൈം, കണ്ടിൻജന്റ് ഉൾപ്പെടെയുള്ള മറ്റു ജീവനക്കാർക്ക് 6000 രൂപയും അഡ്വാൻസായി അനുവദിക്കും.

Kerala228 days ago

ഓണത്തിന് മുന്‍പ് രണ്ട് മാസത്തെ ക്ഷേമ പെന്‍ഷന്‍ നല്‍കും

രണ്ട് മാസത്തെ ക്ഷേമ പെന്‍ഷന്‍ ഓണത്തിന് മുന്‍പ് വിതരണം ചെയ്യാന്‍ സര്‍ക്കാര്‍ തീരുമാനം. അറുപത് ലക്ഷത്തോളം ആളുകള്‍ക്ക് 3,200 രൂപ വീതം ഓണത്തിന് മുന്‍പ് വീട്ടിലെത്തും വിധമാണ് പെന്‍ഷന്‍ വിതരണം ക്രമീകരിച്ചിരിക്കുന്നത്. ഈ മാസം 11 മുതൽ പെൻഷൻ‌ വിതരണം ചെയ്ത് തുടങ്ങും. ഡിസംബര്‍ വരെ കടമെടുക്കാവുന്ന തുകയില്‍ 4,500 കോടി രൂപ കൂടി അനുവദിച്ച് കിട്ടിയതോടെ മുഖ്യമന്ത്രി പ്രഖ്യാപിച്ച മുന്‍ഗണനകള്‍ക്ക് പണം വകയിരുത്താനാണ് ധനവകുപ്പ് തീരുമാനം. ഇത് പ്രകാരം ഒരു മാസത്തെ കുടിശിക കൂടി ചേര്‍ത്താണ് ഓണത്തിന് മുന്‍പ് പെന്‍ഷന്‍ നല്‍കുന്നത്.

Kerala228 days ago

കേന്ദ്ര-സംസ്ഥാന സാമ്പത്തിക ബന്ധം ചർച്ച ചെയ്യാൻ സർക്കാരുകൾ ചർച്ചാ സമ്മേളനം സംഘടിപ്പിക്കും: കെ.എൻ. ബാലഗോപാൽ

കേന്ദ്ര-സംസ്ഥാന സാമ്പത്തിക ബന്ധങ്ങളെ വിശകലനം ചെയ്യുന്നതിനും ഭാവി പരിപാടികൾക്ക് രൂപം നൽകുന്നതിനുമായി കേരളം ചർച്ചാ സമ്മേളനം സംഘടിപ്പിക്കുമെന്ന് ധനമന്ത്രി കെ.എൻ. ബാലഗോപാൽ അറിയിച്ചു. സംസ്ഥാന ധന വകുപ്പിന്റെ നേതൃത്വത്തിൽ സെപ്റ്റംബർ 12ന്‌ തിരുവനന്തപുരത്ത് നടക്കുന്ന ഏകദിന സമ്മേളനത്തിൽ തമിഴ്‌നാട്‌, കർണാടക, തെലങ്കാന, പഞ്ചാബ്‌ എന്നീ സംസ്ഥാനങ്ങൾ പങ്കെടുക്കും. കേന്ദ്ര-സംസ്ഥാന ധനകാര്യ ബന്ധങ്ങളിലുണ്ടായ അസമത്വം കാരണം ചില സംസ്ഥാനങ്ങൾ ഗുരുതരമായ പ്രതിസന്ധി നേരിട്ടിരുന്നു. ഈ സാഹചര്യത്തിലാണ് സമ്മേളനം സംഘടിപ്പിക്കുന്നത്.

Kerala229 days ago

മുകേഷിനെതിരെ കൃത്യമായ അന്വേഷണം നടക്കുമെന്ന് ധനമന്ത്രി കെ. എന്‍. ബാലഗോപാല്‍

നടനും MLAയുമായ മുകേഷിനെതിരായ ലൈംഗികാരോപണ പരാതിയില്‍ കൃത്യമായ അന്വേഷണം നടക്കുമെന്നും ഈ വിഷയത്തില്‍ പാര്‍ട്ടിയോ സര്‍ക്കാരോ പ്രതിരോധത്തിലല്ലെന്നും മന്ത്രി കെ. എന്‍. ബാലഗോപാല്‍ പറഞ്ഞു. വെളിപ്പെടുത്തിലിന്റെ ഭാഗമായി വന്ന കാര്യങ്ങളില്‍ സമഗ്രമായി അന്വേഷണം നടക്കുന്നുണ്ട്. മുകേഷിനെതിരെ ഇപ്പോള്‍ നടക്കുന്ന പ്രതിഷേധം രാഷ്ട്രിയ പ്രേരിതമാണെന്നും പുകമറ സൃഷ്ടിക്കാന്‍ പാടില്ലെന്നും അദ്ദേഹം പറഞ്ഞു.

Kerala237 days ago

KSRTCക്ക് 72.23 കോടി രൂപകൂടി അനുവദിച്ചതായി ധനമന്ത്രി

പെന്‍ഷന്‍ വിതരണത്തിന് കോര്‍പ്പറേഷന്‍ എടുത്ത വായ്പയുടെ തിരിച്ചടവിനായാണ് തുക നല്‍കുന്നതെന്ന് ധനമന്ത്രി കെ. എന്‍ ബാലഗോപാല്‍ അറിയിച്ചു. കഴിഞ്ഞ ആഴ്ചയില്‍ ഇതേ ആവശ്യത്തിന് 71.53 കോടി രൂപ അനുവദിച്ചിരുന്നു. ശമ്പളവും പെന്‍ഷനുമടക്കം മുടക്കം കൂടാതെ വിതരണം ഉറപ്പാക്കാന്‍ പ്രതിമാസം 50 കോടി രൂപയും സര്‍ക്കാര്‍ സഹായമായി നല്‍കുന്നുണ്ട്.

Kerala237 days ago

ഓണത്തിന് രണ്ട് മാസത്തെ ക്ഷേമപെന്‍ഷന്‍

അഞ്ച് മാസത്തെ കുടിശികയില്‍ ഒരു ഗഡുവും നടപ്പുമാസത്തെ പെന്‍ഷനും നല്‍കാനാണ് സര്‍ക്കാര്‍ തീരുമാനിച്ചിരിക്കുന്നത്. ഈ മാസം അവസാനത്തോടെ പെന്‍ഷന്‍ വിതരണം ചെയ്യും. ഇതോടെ 60 ലക്ഷം പെന്‍ഷന്‍കാര്‍ക്ക് 3200 രൂപ വീതം ലഭിച്ചു തുടങ്ങും. 1800 കോടി രൂപയാണ് ഇതിനായി വകയിരുത്തുന്നത്. അഞ്ച് മാസത്തെ കുടിശികയില്‍ രണ്ട് മാസത്തെ പെന്‍ഷന്‍ ഈ സാമ്പത്തിക വര്‍ഷവും ബാക്കി മാസത്തേത് അടുത്ത സാമ്പത്തിക വര്‍ഷവും കൊടുക്കുമെന്നാണ് മുഖ്യമന്ത്രി പ്രഖ്യാപിച്ച മുന്‍ഗണനാ ക്രമത്തില്‍ പറഞ്ഞിരുന്നത്.

Kerala238 days ago

റേഷൻ വാതിൽപ്പടി വിതരണം: 50 കോടി അനുവദിച്ചു

റേഷന്‍ ഭക്ഷ്യധാന്യത്തിന്റെ വാതില്‍പ്പടി വിതരണ ചെലവിനായി സംസ്ഥാന സിവില്‍ സപ്ലൈസ് കോര്‍പറേഷന് 50 കോടി രൂപ അനുവദിച്ചതായി ധനമന്ത്രി കെ.എൻ. ബാലഗോപാൽ അറിയിച്ചു. അധിക സംസ്ഥാന വിഹിതമായാണ്‌ തുക ലഭ്യമാക്കുന്നതെന്ന്‌ മന്ത്രി വ്യക്തമാക്കി. ദേശീയ ഭക്ഷ്യ നിയമ പ്രകാരം റേഷന്‍ ഭക്ഷ്യധാന്യ വിതരണത്തിന്റെ നിരക്ക് ക്വിന്റലൊന്നിന് 65 രൂപയാണ്. ഇത് കേന്ദ്ര, സംസ്ഥാന സര്‍ക്കാരുകള്‍ തുല്യമായി പങ്കിടണമെന്നാണ് വ്യവസ്ഥ. എന്നാല്‍ കേരളത്തില്‍ ഒരു ക്വിന്റലിന് 190 മുതല്‍ 200 രൂപവരെ ചെലവ് വരുന്നു. ഇതില്‍ 32.50 രൂപ ഒഴികെയുള്ള തുക സംസ്ഥാന സർക്കാരാണ് നൽകുന്നത്.

Kerala245 days ago

കാരുണ്യ ബെനവലന്റ്‌ സ്‌കീമിന്‌ 57 കോടി അനുവദിച്ചു

കാരുണ്യ ബെനവലന്റ് ഫണ്ട് സ്‌കീമിന്‌ 57 കോടി രൂപ അനുവദിച്ചതായി ധനമന്ത്രി കെ.എൻ. ബാലഗോപാൽ അറിയിച്ചു. പദ്ധതി ഗുണഭോക്താക്കൾക്ക്‌ നൽകിയ സൗജന്യ ചികിത്സയ്‌ക്ക്‌ സര്‍ക്കാര്‍, എംപാനല്‍ ചെയ്തിട്ടുള്ള സ്വകാര്യ ആശുപത്രികൾ എന്നിവയ്‌ക്ക്‌ ചികിത്സാ ചെലവ്‌ മടക്കിനൽകാൻ തുക വിനിയോഗിക്കും. സർക്കാർ ആശുപത്രികൾക്കായി 44.81 കോടി രൂപയും സ്വകാര്യ ആശുപത്രികൾക്കായി 11.78 കോടി രൂപയും വകയിരുത്തി. കാരുണ്യ ആരോഗ്യ സുരക്ഷാ പദ്ധതിയില്‍ ഉള്‍പ്പെടാത്തതും, വാര്‍ഷിക വരുമാനം മുന്നുലക്ഷത്തില്‍ താഴെയുള്ളതുമായ കുടുംബങ്ങളാണ്‌ കാരുണ്യ ബെനവലന്റ്‌ സ്‌കീമിന്റെ ഗുണഭോക്താക്കള്‍. ഒരു കുടുംബത്തിന് രണ്ടു ലക്ഷം രൂപവരെ ചികിത്സാ ധനസഹായം ലഭിക്കും.

Kerala248 days ago