സുനിതാ വില്യംസ് വീണ്ടും ബഹിരാകാശത്തേക്ക് പറക്കാനൊരുങ്ങുന്നു

ബോയിങ്ങിന്റെ സ്റ്റാര്‍ലൈനര്‍ ബഹിരാകാശ വാഹനത്തിന്റെ പരിശീലന യാത്രയുടെ ഭാഗമായാണ് ഇന്ത്യന്‍ വംശജയായ ബഹിരാകാശ സഞ്ചാരി സുനിതാ വില്യംസ് വീണ്ടും ബഹിരാകാശത്തേക്ക് പറക്കാനൊരുങ്ങുന്നത്. മനുഷ്യരെ ബഹിരാകാശത്തേക്ക് എത്തിക്കുന്ന സ്റ്റാര്‍ലൈനറിന്റെ ആദ്യ പരീക്ഷണ യാത്രയാണിത്. മെയ് ഏഴിന് ഫ്‌ളോറിഡയിലെ കേപ് കാനവെറല്‍ ബഹിരാകാശ നിലയത്തില്‍ നിന്നാണ് സ്റ്റാര്‍ലൈനര്‍ പറന്നുയരുന്നത്. 2006 ഡിസംബറിലായിരുന്നു സുനിത വില്യംസിന്റെ ആദ്യ ബഹിരാകാശ യാത്ര.

Science231 days ago

സുനിത വില്യംസും വില്‍മോറും ഇല്ലാതെ സ്റ്റാര്‍ലൈനര്‍ തിരിച്ചെത്തി

നാസയുടെ ബഹിരാകാശ യാത്രികരായ സുനിതാ വില്യംസിനെയും ബുച്ച് വില്‍മോറിനെയും വഹിച്ച് അന്താരാഷ്ട്ര ബഹിരാകാശ നിലയത്തിലേക്കുപോയ ബോയിങ് സ്റ്റാര്‍ലൈനര്‍ ഇരുവരുമില്ലാതെ ഭൂമിയില്‍ മടങ്ങിയെത്തി. ഇന്ത്യന്‍ സമയം രാവിലെ 9.30നായിരുന്നു പേടകം ന്യൂ മെക്‌സിക്കോയിലെ വൈറ്റ് സാന്‍ഡ്‌സ് സ്‌പേസ് ഹാര്‍ബറില്‍ ലാന്‍ഡ് ചെയ്തത്. ജൂണ്‍ 5നായിരുന്നു ബോയിങ് സ്റ്റാര്‍ലൈനറില്‍ സുനിതയും വില്‍മോറും യാത്ര തിരിച്ചത്. എന്നാല്‍ ഹീലിയം ചോര്‍ച്ചയുള്‍പ്പെടെ സാങ്കേതിക തകരാറുണ്ടായതിനെ തുടര്‍ന്ന് ഇരുവരും തിരിച്ചു വരാതെ ബഹിരാകാശ നിലയത്തില്‍ തന്നെ തുടരുകയായിരുന്നു. ഇരുവരും അടുത്ത ഫെബ്രുവരി വരെ അവിടെ തന്നെ തുടരുമെന്നാണ് റിപ്പോര്‍ട്ട്.

Science107 days ago

സുരക്ഷിതരായി ഭൂമിയില്‍ തിരിച്ചെത്താനാകുമെന്ന വിശ്വാസമുണ്ട്: സുനിത വില്യംസ്

അന്താരാഷ്ട്ര ബഹിരാകാശ നിലയത്തില്‍ നിന്ന് ബുധനാഴ്ച നടത്തിയ തത്സമയ പ്രസ് കോളിനിടയിലാണ് നാസ ശാസ്ത്രജ്ഞരായ സുനിതാ വില്യംസും ബുച്ച് വില്‍മോറും തിരിച്ചെത്താനാകുമെന്ന ആത്മവിശ്വാസം പ്രകടിപ്പിച്ചത്. ജൂണ്‍ അഞ്ചിനാണ് ഇരുവരും ബോയിങ്ങിന്റെ സ്റ്റാര്‍ലൈനര്‍ പേടകത്തില്‍ ബഹിരാകാശ നിലയത്തില്‍ പോയത്. സ്റ്റാര്‍ലൈനറിലെ ഹീലിയം ചോര്‍ച്ചയും മറ്റു തകരാറുകളും കാരണം ഇരുവരുടെയും തിരിച്ചുവരവ് മുടങ്ങിയിരിക്കുകയാണ്. അതേസമയം നിലവില്‍ പേടകം തിരിച്ചിറക്കാനുള്ള പുതിയ തീയ്യതി നാസ പ്രഖ്യാപിച്ചിട്ടില്ല.

Science165 days ago

ബഹിരാകാശത്ത് കുടുങ്ങി സുനിതാ വില്യംസും ബച്ച് വില്‍മോറും

ബഹിരാകാശ നിലയത്തിലേക്ക് പോയ ബോയിങ് സ്റ്റാര്‍ലൈനര്‍ പേടകത്തിന്റെ സാങ്കേതിക പ്രശ്‌നങ്ങളെ തുടര്‍ന്ന് സുനിത വില്യംസിന്റെയും സഹയാത്രികന്‍ ബച്ച് വില്‍മോറിന്റെയും തിരിച്ചിറക്കം വൈകുകയാണ്. ജൂണ്‍ 14ന് മടങ്ങേണ്ട പേടകം നാലാം തവണയാണ് യാത്ര മാറ്റിവെയ്ക്കുന്നത്.ജൂണ്‍ അഞ്ചിനാണ് പേടകം വിക്ഷേപിച്ചത്. ഒമ്പത് ദിവസം മാത്രമാണ് ദൗത്യത്തിന്റെ ദൈര്‍ഘ്യം. ജൂണ്‍ 13ന് ഇരുവരും ഭൂമിയില്‍ തിരിച്ചെത്തേണ്ടതായിരുന്നു. അന്താരാഷ്ട്ര ബഹിരാകാശ നിലയത്തിന് അരികിലെത്തിയപ്പോള്‍ പേടകത്തില്‍ നിന്ന് ഹീലിയം വാതകച്ചോര്‍ച്ചയുണ്ടാവുകയും ചെയ്തു.Read More

Science179 days ago

സ്റ്റാര്‍ലൈനര്‍ വിക്ഷേപിച്ചു; സുനിതാ വില്യംസ് വീണ്ടും ബഹിരാകാശത്തേക്കു പറന്നു

സ്റ്റാര്‍ലൈനര്‍ മനുഷ്യനെയും വഹിച്ച് നടത്തുന്ന ആദ്യ പരീക്ഷണയാത്രയാണിത്. ദൗത്യം സാങ്കേതികത്തകരാറിനെത്തുടര്‍ന്ന് മൂന്നുതവണ മുടങ്ങിയിരുന്നു. ഇതിനു ശേഷമാണ് ഫ്‌ലോറിഡയിലെ കേപ്പ് കാനവെറല്‍ ബഹിരാകാശനിലയത്തില്‍ നിന്ന് ദൗത്യം വിജയകരമായി വിക്ഷേപിച്ചത്. നാസയിലെ ഗവേഷകന്‍ ബുച്ച് വില്‍മോസും സുനിതാ വില്യംസുമാണ് സ്റ്റാര്‍ലൈനറിലെ യാത്രികര്‍. പരീക്ഷണങ്ങള്‍ക്കായി ഒരാഴ്ചയിലേറെ ബഹിരാകാശത്ത് ചെലവിട്ട ശേഷം ഇതേ പേടകത്തില്‍ ജൂണ്‍ 14-ന് USലെ മരുഭൂമിയില്‍ ഇവര്‍ തിരിച്ചിറങ്ങും.

Science200 days ago

ബോയിങ് സ്റ്റാര്‍ലൈനര്‍ പേടകത്തിന്റെ വിക്ഷേപണം മേയ് 10ന്

ഇന്ന് നടത്താനിരുന്ന വിക്ഷേപണം സാങ്കേതിക തകരാറുമൂലം മാറ്റിവെക്കുകയായിരുന്നു. ആദ്യം 24 മണിക്കൂര്‍ നേരത്തേക്കാണ് വിക്ഷേപണം മാറ്റിവച്ചത്. പിന്നീടാണ് വിക്ഷേപണം മേയ് പത്തിലേക്ക് മാറ്റിയതായി ബോയിങ് അറിയിച്ചത്. നാസയുടെ ബഹിരാകാശ സഞ്ചാരികളായ മുന്‍ US നേവി കാപ്റ്റന്‍ ബാരി ബച്ച് വില്‍മോര്‍, മുന്‍ നേവി ഏവിയേറ്ററും ടെസ്റ്റ് പൈലറ്റുമായ സുനിത വില്യംസ് എന്നിവരാണ് സ്റ്റാര്‍ലൈനര്‍ പേടകത്തിലെ ആദ്യ യാത്രികര്‍.

Science230 days ago

ബോയിങ് സ്റ്റാര്‍ലൈനര്‍ വിക്ഷേപണം മാറ്റിവച്ചു

വിക്ഷേപണത്തിന് രണ്ട് മണിക്കൂര്‍ മുന്‍പ് റോക്കറ്റിലെ ഓക്‌സിജന്‍ വാല്‍വില്‍ തകരാര്‍ കണ്ടെത്തിയതിനെ തുടര്‍ന്നാണ് വിക്ഷേപണം മാറ്റി വച്ചത്. വിക്ഷേപണത്തിനായി യാത്രികരായ സുനിത വില്യംസും ബുച്ച് വില്‍മോറും പേടകത്തില്‍ പ്രവേശിച്ച ശേഷമാണ് തകരാര്‍ കണ്ടെത്തുന്നത്. വിക്ഷേപണം മാറ്റിവെച്ചതോടെ ഇവരെ തിരിച്ചിറക്കി. USലെ കെന്നഡി ബഹിരാകാശ കേന്ദ്രത്തില്‍ നിന്നായിരുന്നു ബോയിങ് സ്റ്റാര്‍ലൈനര്‍ വിക്ഷേപണത്തിന് ഒരുങ്ങിയത്.

Science230 days ago