കടുത്ത ചൂട്; സംസ്ഥാനത്തെ പാലുല്‍പാദനത്തില്‍ ഇടിവുണ്ടായതായി മില്‍മ

പ്രതിദിനം 20 ശതമാനം ഉല്‍പാദനം കുറഞ്ഞതായി മില്‍മ ചെയര്‍മാന്‍ കെ.എസ്. മണി പറഞ്ഞു. അതായത് പ്രതിദിനം ആറര ലക്ഷം ലിറ്റര്‍ പാലിന്റെ കുറവുണ്ടാകുന്നു. ചൂട് കൂടുന്നതിനാല്‍ പ്രതീക്ഷിച്ച പാല്‍ കറന്ന് കിട്ടാത്ത സ്ഥിതി ക്ഷീര കര്‍ഷകരെയും പ്രതിസന്ധിയിലാക്കിയിരിക്കുകയാണ്. പാല്‍ ലഭ്യത കുറഞ്ഞതോടെ ഇതര സംസ്ഥാനങ്ങളില്‍ നിന്ന് കൂടുതല്‍ പാല്‍ വാങ്ങിയാണ് പ്രതിസന്ധി പരിഹരിക്കുന്നതെന്നും ചെയര്‍മാന്‍ പറഞ്ഞു.

Kerala355 days ago

UAEയില്‍ കനത്ത ചൂട് ; താപനില 50 ഡിഗ്രിയ്ക്ക് മുകളില്‍

UAEയില്‍ താപനില കുതിച്ചുയരുന്നു. അബുദാബിയിലെ അല്‍-ഐന്‍ നഗരത്തിലെ സ്വീഹാനില്‍ ഇന്നലെ 50.8 ഡിഗ്രി സെല്‍ഷ്യസ് താപനില രേഖപ്പെടുത്തി. ഈ വര്‍ഷം രേഖപ്പെടുത്തിയ ഏറ്റവും ഉയര്‍ന്ന താപനിലയാണിത്. അറേബ്യന്‍ ഉപദ്വീപിനെ ബാധിക്കുന്ന ഉഷ്ണതരംഗം UAEയിലേക്ക് നീങ്ങിയിട്ടുണ്ടെന്നും തന്മൂലം മരുഭൂമിയിലും ഉള്‍നാടന്‍ തീരപ്രദേശങ്ങളിലും രണ്ട് മുതല്‍ മൂന്ന് ഡിഗ്രി വരെ താപനില ഉയരാമെന്നും ഇത് 5 ദിവസത്തേക്ക് തുടരാമെന്നും ദേശീയ കാലാവസ്ഥ കേന്ദ്രം അറിയിച്ചു.

World284 days ago

ശമ്പള പരിഷ്‌കരണം; മില്‍മ ജീവനക്കാര്‍ പ്രഖ്യാപിച്ച സമരം പിന്‍വലിച്ചു

അഡീഷണല്‍ ലേബര്‍ കമ്മീഷണറുമായി നടത്തിയ ചര്‍ച്ചയില്‍ അടുത്ത മാസം 15നകം ശമ്പള പരിഷ്‌കരണം നടപ്പാക്കുമെന്ന് ജീവനക്കാര്‍ക്ക് ഉറപ്പ് നല്‍കിയതോടെയാണ് സമരം പിന്‍വലിക്കാന്‍ തീരുമാനമായത്. ഇത് പ്രാവര്‍ത്തികമാക്കിയില്ലെങ്കില്‍ അന്ന് അര്‍ദ്ധരാത്രി മുതല്‍ സമരത്തിലേക്ക് കടക്കുമെന്ന് യൂണിയനുകള്‍ അറിയിച്ചു. സംയുക്ത തൊഴിലാളി യൂണിയന്റെ നേതൃത്വത്തിലായിരുന്നു പണിമുടക്ക് പ്രഖ്യാപിച്ചിരുന്നത്.

Kerala300 days ago

ജൂൺ 24 മുതൽ മിൽമയിൽ ട്രേഡ് യൂണിയനുകൾ സമരത്തിലേക്ക്

ശമ്പള പരിഷ്‌കരണം നടപ്പാക്കണമെന്ന് ആവശ്യപ്പെട്ട് മിൽമയിലെ ട്രേഡ് യൂണിയനുകൾ തിങ്കളാഴ്ച മുതൽ സംയുക്ത സമരത്തിലേക്ക്. ജൂൺ 24ന് രാത്രി 12 മണി മുതലാണ് സമരം. ശമ്പള പരിഷ്ക്കരണം ആവശ്യപ്പെട്ട് മിൽമ മാനേജ്മെന്റിന് നോട്ടീസ് നൽകി രണ്ടാഴ്ച കഴിഞ്ഞിട്ടും ഡയറക്ടർ ബോർഡ് ചർച്ചയ്ക്ക് വിളിച്ചില്ലെന്ന് ട്രേഡ് യൂണിയൻ നേതാക്കൾ പറഞ്ഞു.

Kerala302 days ago

മിൽമ ജീവനക്കാരുടെ സമരം; മൂന്ന് ജില്ലകളിൽ പാൽ വിതരണം തടസപ്പെട്ടേക്കും

തൊഴിലാളികളുടെ സ്ഥാനക്കയറ്റവുമായി ബന്ധപ്പെട്ട വിഷയത്തിലാണ് മിൽമ തിരുവനന്തപുരം മേഖലാ യൂണിയൻ ജീവനക്കാരുടെ സമരം. തിരുവനന്തപുരം, കൊല്ലം, പത്തനംതിട്ട ജില്ലകളിലെ പാൽ വിതരണം സമരത്തെ തുടർന്ന് തടസപ്പെട്ടേക്കും. INTUC, CITU സംഘടനകളിലെ ജീവനക്കാരാണ് സമരം ചെയ്യുന്നത്. അതേസമയം ജീവനക്കാർക്കെതിരെ പോലീസ് കള്ളക്കേസ് എടുത്തതായും ആരോപണമുണ്ട്.

Kerala341 days ago

പാലക്കാട് ജില്ലയിൽ താപനില ഉയരും

പാലക്കാട് ജില്ലയിൽ താപനില 4°C ഓളം ഉയർന്ന് 39°C വരെ എത്തുമെന്നാണ് മുന്നറിയിപ്പ് ഉള്ളത്. നിലവിൽ ജില്ലയിൽ യെല്ലോ അലർട്ട് പ്രഖ്യാപിച്ചിട്ടുണ്ട്. മെയ് 8 വരെ ഉയർന്ന താപനില മുന്നറിയിപ്പ് ഉള്ളതിനാൽ നിലവിലെ നിയന്ത്രണങ്ങൾ തുടരുമെന്ന് ജില്ലാ ദുരന്തനിവാരണ അതോറിറ്റി അറിയിച്ചു. പ്രൊഫഷണൽ കോളേജ് ഉൾപ്പടെയുള്ള വിദ്യാഭ്യാസ സ്ഥാപനങ്ങൾ അടച്ചിടണമെന്നും മെയ് 8 വരെ ക്ലാസുകള്‍ ഓൺലൈനായി മാത്രമേ നടത്താൻ പാടുള്ളൂയെന്നും ജില്ലാ ദുരന്ത നിവാരണ അതോറിറ്റിയുടെ നിർദേശത്തിൽ പറയുന്നു.

Weather349 days ago

സംസ്ഥാനത്ത് ഉയര്‍ന്ന താപനില തുടരുന്നു; 12 ജില്ലകളില്‍ യെല്ലോ അലര്‍ട്ട്

സംസ്ഥാനത്ത് തിങ്കളാഴ്ച വരെ ഉയര്‍ന്ന താപനില തുടരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. പാലക്കാട് ജില്ലയില്‍ ഉയര്‍ന്ന താപനില 39 ഡിഗ്രി സെല്‍ഷ്യസ് വരെ ഉയരാം. കൊല്ലം, തൃശൂര്‍, കോഴിക്കോട് ജില്ലകളില്‍ 38 ഡിഗ്രി വരെയും ആലപ്പുഴ, കോട്ടയം, പത്തനംതിട്ട, കണ്ണൂര്‍ ജില്ലകളില്‍ 37 ഡിഗ്രി വരെയും തിരുവനന്തപുരം, എറണാകുളം, മലപ്പുറം, കാസര്‍ഗോഡ് ജില്ലകളില്‍ 36 ഡിഗ്രി വരെയും താപനില ഉയരാന്‍ സാധ്യതയുണ്ട്.

Weather350 days ago

ഉഷ്‌ണതരംഗം: ജോലി സമയത്തിലെ നിയന്ത്രണം മെയ് 15 വരെ നീട്ടി

സംസ്ഥാനത്ത് ഉഷ്‌ണതരംഗ സാധ്യത നിലനിൽക്കുന്ന സാഹചര്യത്തിൽ വെയിലത്ത് ജോലി ചെയ്യുന്ന തൊഴിലാളികൾക്ക് തൊഴിലിടങ്ങളിൽ ഏർപ്പെടുത്തിയിരുന്ന സമയ ക്രമീകരണം മെയ് 15 വരെ നീട്ടി. ഉച്ചയ്ക്ക് 12 മുതൽ വൈകിട്ട് മൂന്ന് വരെ വെയിലത്ത് ജോലി ചെയ്യുന്ന തൊഴിലാളികളെ കണ്ടെത്തിയാൽ തൊഴിലുടമയ്ക്കെതിരെ കർശന നടപടി സ്വീകരിക്കും. സംസ്ഥാനത്തെ എല്ലാ തൊഴിലിടങ്ങളിലും കർശന പരിശോധന നടത്താൻ ലേബർ കമ്മിഷണർക്ക് നിർദേശമുണ്ട്.

Kerala355 days ago

സംസ്ഥാനത്ത് കൂടുതല്‍ ജില്ലകളില്‍ ഉഷ്ണതരംഗ മുന്നറിയിപ്പ്; പാലക്കാട് ഓറഞ്ച് അലര്‍ട്ട്

പാലക്കാട്, തൃശൂര്‍ ജില്ലകള്‍ക്ക് പുറമെ ആലപ്പുഴയിലും കോഴിക്കോടും ഉഷ്ണതരംഗ സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. പാലക്കാട് ജില്ലയില്‍ ഓറഞ്ച് അലര്‍ട്ട് തുടരുകയാണ്. ആലപ്പുഴ, തൃശൂര്‍, കോഴിക്കോട് ജില്ലകളില്‍ യെല്ലോ അലര്‍ട്ടും പ്രഖ്യാപിച്ചിട്ടുണ്ട്. ആലപ്പുഴ ജില്ലയിലെ ചില പ്രദേശങ്ങളില്‍ രാത്രി താപനില ഉയരുമെന്നും കാലാവസ്ഥാ വിഭാഗം മുന്നറിയിപ്പ് നല്‍കി.

Weather355 days ago

ചുട്ടുപൊള്ളി ബെംഗളൂരു നഗരം

ബെംഗളൂരു നഗരത്തിൽ ഇന്നലെ രേഖപ്പെടുത്തിയത് 50 വർഷത്തിനിടയിലെ രണ്ടാമത്തെ ഉയർന്ന താപനിലയാണ്. 38.5 ഡിഗ്രി സെൽഷ്യസാണ് ഇന്നലെ രേഖപ്പെടുത്തിയത്. 2016 ഏപ്രിൽ 25ന് രേഖപ്പെടുത്തിയ 39.2 ഡിഗ്രി സെൽഷ്യസാണ് നഗരത്തിൽ രേഖപ്പെടുത്തിയ ഏറ്റവും ഉയർന്ന താപനില. കനത്ത ചൂടിനെ തുടർന്ന് പല സ്ഥലങ്ങളിലും ജല ക്ഷാമം രൂക്ഷമാണ്.

National356 days ago

ഉഷ്ണ തരംഗം; പാലക്കാട് ഓറഞ്ച് അലേര്‍ട്ട്

കൊല്ലം, തൃശൂര്‍ ജില്ലകളില്‍ യെല്ലോ അലേര്‍ട്ടാണ് കേന്ദ്ര കാലാവസ്ഥ വകുപ്പ് നല്‍കിയിരിക്കുന്നത്. കേരളത്തിലെ ഉഷ്ണ തരംഗത്തില്‍ ഉടനൊന്നും മാറ്റമുണ്ടാകില്ലെന്നാണ് കുസാറ്റ് കാലാവസ്ഥാ വിഭാഗം വ്യക്തമാക്കുന്നത്. കൊടും ചൂട് മേയ് രണ്ടാം വാരം വരെ തുടരുമെന്നും താപനില 42 ഡിഗ്രി വരെ തുടരുമെന്നുമാണ് ഇവര്‍ പറയുന്നത്. രാത്രിയിലും ചൂട് കുറയുന്നില്ല എന്നതാണ് ആശങ്കപ്പെടുത്തുന്നത്.

Weather356 days ago